ما خاب من استشار........... [الأرشيف] - منتديات عرب هاردوير

مشاهدة النسخة كاملة : ما خاب من استشار...........

dr_bary

29-05-2010, 19:21

:cdcd:السلام عليكم ورحمة الله وبركاته.....
انا عندى شاشه Samsung 2494 HS بصراحة الشاشه رائعة بس وانا فى كارفور العبور من يومين شوفت شاشه تليفزيون LCD نوعها LG 26 بوصه لكن انا ماعرفش الموديل ايه بالظبط وبصراحه لما جيت ابص على المداخل بتاعة الشاشه لقيت فيها كل المداخل اللى ممكن احلم بيها واعتقد تمنها مش غالى تقريبا كان 1600 جنيه قلت فى بالى طيب انا ممكن اشترى الشاشه دى للكمبيوتر بدل الشاشه اللى معايا وخاصة انى بحس ان شاشات LCD TV اضائتها بتكون احلى من الـ LCD Monitor وكمان فيه طبقه كريستال على الشاشه اللى بتدى الشاشه لمعه وبتخلى الصورة انقى نوعا ما وكمان بتدى حمايه اكتر للشاشه وعلى فكرة انا عندى كارت ستالايت وده مشجعنى برضو انى اشترى الشاشه دى علشان زى ما قلت الاضاءة بتكون احلى مع الشاشات دى......مش عارف رأيكم ايه فى الموضوع ده انا بصراحه قلت آخد رأيكم قبل ما اشترى لأن رأيكم يهمنى وخاصة اهل الخبرة
وشكرا للجميع

Coolman4now

29-05-2010, 20:30

- يجب عليك التأكد من الموديل ، فهناك موديلات كثيره من تلك الشاشات وبعضها يقل فى الأمكانيات حتى عن شاشتك الحالية!

- لاتستغرب فالسعر القليل يوحى بأن الريزولوشن الخاص بالشاشة قليل.

dr_bary

30-05-2010, 19:43

والله انا فاكر ان التباين بتاع الشاشه كان 1:60000 وانها Full HD اما عن الموديل فان شاء الله لو روحت كارفور تانى انا هعرفه وابقى اقولكم عليه

TEch Zone

30-05-2010, 23:38

لو اتاكدت فعلا انها FullHD يبقى هاتها مع ان اعتقد انها مش FullHD لانها لو كدة كانت هتبقى اغلى من كدة :)

DreAmO

31-05-2010, 09:33

لو اتاكدت فعلا انها FullHD يبقى هاتها مع ان اعتقد انها مش FullHD لانها لو كدة كانت هتبقى اغلى من كدة :)

انت بتعاقبنا بالفونت دة :ah46:

بالنسبة لصاحب الموضوع

شاشات التلفزيون بتكون موجهة أكتر للعمل مع الرسيفر والأجهزة المشابهة .. على الرغم من انها فيها مدخل للكمبيوتر

لكن المدخل دة من باب التزيين والكماليات اذا لزم الأمر .. عشان لو حبيت تعلن عليها عرض في مكتب ولا حاجة

لكن ماينفعش تعتمد عليها كشاشة كمبيوتر .. خاصة انك هتقعد قصادها مباشرة .. ودة غلط على عينك

كمان عرضها للنصوص وصفحات النت مش هيكون بكفائة شاشة الكمبيوتر

والعكس صحيح .. شاشة الكمبيوتر موجهة للكمبيوتر أكثر ما هي تلفزيون .. لكنها مرضية جداً في جميع الحالات

ما أنصحكش تعمل اللي في دماغك

أعقل :mad:

SeeNoEvil

05-06-2010, 16:27

مش شرط ان كلامك ده صحيح شاشات كبيره كتير دلوقتي صورتها ممتازه مع الكمبيوتر والنصوص كمان

ramy

05-06-2010, 20:12

انت بتعاقبنا بالفونت دة

بالنسبة لصاحب الموضوع

شاشات التلفزيون بتكون موجهة أكتر للعمل مع الرسيفر والأجهزة المشابهة .. على الرغم من انها فيها مدخل للكمبيوتر

لكن المدخل دة من باب التزيين والكماليات اذا لزم الأمر .. عشان لو حبيت تعلن عليها عرض في مكتب ولا حاجة

لكن ماينفعش تعتمد عليها كشاشة كمبيوتر .. خاصة انك هتقعد قصادها مباشرة .. ودة غلط على عينك

كمان عرضها للنصوص وصفحات النت مش هيكون بكفائة شاشة الكمبيوتر

والعكس صحيح .. شاشة الكمبيوتر موجهة للكمبيوتر أكثر ما هي تلفزيون .. لكنها مرضية جداً في جميع الحالات

ما أنصحكش تعمل اللي في دماغك

الفرق يكمن في شيء واحد فقط: الـ Resolution، فمثلاً شاشات الكمبيوتر ذات قياس 30 بوصة تأتي بدقّة 2560*1920، بينما يستحيل أن تجد شاشة تلفاز تأتي بدقّة أعلى من 1366*768 حتّى لو كان قياسها 37 بوصة..
ذلك لأنّ شاشة الكمبيوتر يتمّ الجّلوس أمامها مباشرةً، لذلك ييجب أن تكون البكسلات صغيرة جدّاً لكي تكون الرّؤية في أوضح ما يمكن..:)