مساعدة اختيار رامة-ضرورى الشراء اليوم

[mhi00002000]

السلام عليكم ورحمة الله

اريد مساعدة فى اختيار رامات لجهازى بس اهم حاجة تساعدنى فى كسر السرعة

lمكونات الجهاز:

mb/ msi 770-c45 DDr3 AM3
cpu/ amd athlon II 240 2.8G
vga/ sapphire 4670 512

وبكدة يبقى فاضلى رامة بس انا ناوى على كسر سرعة المعالج الى 3.7------3.8 مع مشتت احترافى(درجات الحرارة هقدر عليها)

انا باختار بين اختيارين وعايز توضيح:
1- 2x 1G ram a-data ddr3 1333 cl9 السعر تقريبا 300-310 (لتفعيل dual
2- 1xG kingstone hyper bus 1600 hgsuv jrvdfh 330 --- single channel

اختار اية عشان كسر السرعة وهل ساستفيد من الهايبر ولا مش هتفيدنى واجيب عادية ارجو الرد سريعا وشكرا

[ziadalshrbini]

الرامه التانيه واحد جيجا و لا لو 4 يبقى احسن اكيد دا من راي علشان الباص بتاعها اعلى و مش شرط تفعل الديوال دلوقتي اصبر شويه و ابقى جيبلك واحده تانيه زيها و يبقى فعلتها ب 4جيجا و بباص 1600

[mhi00002000]

الرامه التانيه واحد جيجا و لا لو 4 يبقى احسن اكيد دا من راي علشان الباص بتاعها اعلى و مش شرط تفعل الديوال دلوقتي اصبر شويه و ابقى جيبلك واحده تانيه زيها و يبقى فعلتها ب 4جيجا و بباص 1600

يعنى رايك اجيب ال hyper خلاص سيتم شراء الهايبر ان شاء الله سعرها 330 جنية عند ماكسيمم هاردوير

[ziadalshrbini]

اكيد طبعا الهايبر انا شايفها احسن بكتير و مش حتتعبك في التطوير بعد كدا

[Extreme2]

عليكم السلام
أنا رايي A-data ddr3 1333 cl9 , فالتردد 1333 ممتاز مع كسر السرعة وتستفيد من الديوال شانيل .
الحجم 1 جيجا قليل جدا وستعاني من بطئ بالألعاب والبرامج وسعرها مرتفع . ( kingstone hyper bus 1600 )

[mhi00002000]

عليكم السلام
أنا رايي A-data ddr3 1333 cl9 , فالتردد 1333 ممتاز مع كسر السرعة وتستفيد من الديوال شانيل .
الحجم 1 جيجا قليل جدا وستعاني من بطئ بالألعاب والبرامج وسعرها مرتفع . ( kingstone hyper bus 1600 )


اسف كنت اقصد kingstone 2G hyper bus 1600

مقارنة ب 2x1g adata 1333

لانى اسمع ان الهايبر جامد فى الكسر

[Extreme2]

طالما 2 جيجا خليك على الهايبر 1600 .

[mhi00002000]

طالما 2 جيجا خليك على الهايبر 1600 .

تمام وهعرضلك ان شاء الله نتائج كسر السرعة ويارب اجيب نتائج كويسة
وشكرا على متابعتك واهتمامك

[zooma2006]

ADATA فيها 1600 ايضا
و بشهادة الجميع ال ADATA أفضل و أحسن في كسر السرعة
لأن طرق التريد بتاعتها متطورة أكثر
و كمان ال PCB بتاعها 2oz نحاس

[zooma2006]

انا نسيت أقوللك إن أهم حاجة انك تتأكد إن الرامة لازم تكون سرعتها متوافقة مع البروسيسور كمان علشان تستفيد منها للحد الأقصى ... علشان احيانا الملتيبلاير بتاع البروسسور بيكون بطيء و يخليك ما تستفيدش من سرعة الرامة

[eng.ahmedhelal]

ال 240 هتوصل بيه ان شاء الله للرفع ده او علي الاقل 3.6 بمروحته الاصليه باذن الله

الرمات اعتقد ان الهيبر هاتكون كويسه خاصه انك ناوي ترفع هي اصلا ( 200*8) فهتنزل بيها ل 1333 (200*6.66) و بعد كده تعلي بالهرتز كله لغايه مثلا 257 هيديك تقريبا 1700 للرمات و المعالج 3.6

[mhali2006]

ADATA فيها 1600 ايضا
و بشهادة الجميع ال ADATA أفضل و أحسن في كسر السرعة
لأن طرق التريد بتاعتها متطورة أكثر
و كمان ال PCB بتاعها 2oz نحاس

https://www.arabhardware.net/forum/images/visioncollison/buttons/quote.gif (https://www.arabhardware.net/forum/newreply.php?do=newreply&p=1415330)

انا رأيي من رأيك لان adata اسرع من kingstone و افضل منها فى كسر السرعة لان تبريدها اكبر بكتير سواء HEAT SINK او FAN دا غير انها طبقتين نحاس و دا طبيعى بيأثر فى السرعة و بشهادة الجميع

ثانيا فى كسر السرعة من نفسك كدا شيل kingstone من المقارنة لانها من الاساس مفيش منها اصدار واحد علشان كسر السرعة بشكل حقيقي كل ما فى الامر انها فيها مبدد حرارى على جسم الرامة انما التبريد بشكل حقيقيى تلاقيه فى ADATA .

انا رأيي adata و اتوكل على الله و ضمانها مش هيزعلك .

[eng.ahmedhelal]

ADATA فيها 1600 ايضا
و بشهادة الجميع ال ADATA أفضل و أحسن في كسر السرعة
لأن طرق التريد بتاعتها متطورة أكثر
و كمان ال PCB بتاعها 2oz نحاس

https://www.arabhardware.net/forum/images/visioncollison/buttons/quote.gif (https://www.arabhardware.net/forum/newreply.php?do=newreply&p=1415330)

انا رأيي من رأيك لان adata اسرع من kingstone و افضل منها فى كسر السرعة لان تبريدها اكبر بكتير سواء هيت ثنك او مراوح دا غير انها طبقتين نحاس و دا طبيعى بيأثر فى السرعة و بشهادة الجميع

ثانيا فى الوفركلوكنج او كسر السرعة من نفسك كدا شيل kingstone من المقارنة لانها من الاساس مش متصنعة علشان كسر السرعة ممنكن تقارن بالocz او غير ذالك بس kingstone لا . انا رأيي adata و اتوكل على الله و ضمانها مش هيزعلك .

مين ده جبت معلوماتك منين ؟!
انا كان معايا كينج ستون الفاليو العاديه و وصلتها من 1333 ل 1600 بدون اي مشاكل و لا فولتات زياده
و اللي اكيد ان الهيبر افضل من العاديه .

[mhali2006]

مين ده جبت معلوماتك منين ؟!
انا كان معايا كينج ستون الفاليو العاديه و وصلتها من 1333 ل 1600 بدون اي مشاكل و لا فولتات زياده
و اللي اكيد ان الهيبر افضل من العاديه .



اولا حضرتك كسرت السرعة اذاي من غير تزويد فولتات ؟!...
lممكن تقولى زمن الوصول العشوائي شكله عامل ازاي ؟!...

ثانيا انا بتكلم عن تبريد جدى و فعلى مع تكنولوجيا فى الرام بتدعم كسر السرعة بشكل حقيقى و قوى .....


kingstone
كل ما فى الامر ان هي ضايفة مبدد حراري على جسم الفان ( heat sink ) فقط لاغير مع تكنولوجيا XMP من INTEL !!!!

الجديد ان هما ضافو ليها فان (FAN ) فى اثنين فقط من منتجاتها مالجديدة !!!!



ADATA


التبريد عن طريق بدد حراري على جسم الفان ( heat sink ) لكن الفرق حضرتك ان ADATA بتيتخدم تكنولوجيا TCT او (Thermal Conductive Technology) و بكل بساطة مع تلك التقنية انت بتدعم تبريد كل جزئ فى الرام من ضمنها المناطق الحيوية فى الرام و الشيبات بشكل اساسي

اما تبريد الفان (ADATA (FAN من اول الشركات الى مستخدمة التقنية دي و تم توظيفا بشكل جيد جدا في رمات ADATA

اما الفرق الحقيقي الى انا اقصده

2OZ

ان كنت تعلم ما هى هذه التقنية فأظن ان انت تبعد تفكيرك عن KINGSTONE اما ان لم تكن تعرفها .....

هذه التكنولوجيا بكل بساطة :. هى وضع طبقتين من النحاس فى الشيب اول شركة استخدمتها هى GIGABYTE و تلتها ADATA طبقتين النحاس فى جسم شريحة الرام فائدتها
اولا النحاس يساعد على توصيل الكهرباء بشكل جيد و بالتالى طبقتين منع يجعل الرام تعمل بكفائة جيدة جدا جدا ..
ثانيا تلك التقنية تساعد على جعل جسم الرام لا تزيد حرارته مع زيادة الكهرباء بشكل كبير يعنى تبريد تلقائى بدون مساعدات مثل HEATSINK فما بالك ان تلك الاصدرات بها HEATSINK
ثالثا تمكنك من الوصول الى اقصى كسر سرعة بدون مشاكل لا على سبيل التجربة بل على سبيل الاستمتاع بالسرعة الى وصلت لها فى كسر السرعة لاطول وقت ممكن ........
رابعا حماية اكبر بكثير جدا من ESD شحنات الكهرباء الاستاتيكية .....

بكل بساطة كفائة اعلى حرارة اقل حماية من الشحنات الاستاتيكية +.........

ممكن حضرتك تقراء عن 2OZ و تفهم الفرق بشكل اوضح

او تشوف الفيديوهات دي

تابع هذا الفيديو شرح بسيط (https://www.youtube.com/watch?v=IyDqljH3xys)
تابع هذا الفيديو تجربة عملية (https://www.youtube.com/watch?v=AIDRHsDaCyE)


نيجى لزمن الوصول العشوائي الى هوا اهم شئ فى الرام ال (CL )


مثال
لاحظ ان ADATA 2200
KINGSTONE 2133

KINGSTONE 2133
XMP-HEATSINK
KHX2133C8D3T1K2/4GX 4GB 2133MHz DDR3 Non-ECC CL8 (Kit of 2) Intel XMP Tall HS 8-8-8 1.65V
KHX2133C9D3T1K2/4GX 4GB 2133MHz DDR3 Non-ECC CL9 (Kit of 2) Intel XMP Tall HS 9-9-9 1.65V

ADATA
TCT-HEATSINK+2OZ
DDR3-2200+ PC3-17600 2GB*3 CL8-8-8-24 1.55V-1.75V
DDR3-2200+ PC3-17600 2GB*2 CL8-8-8-24 1.55V-1.75V

حضرتك لاحظ الفرق فى الفولتات و الCL

دا غير ان الفولتات فى KINGSTONE بتوصل 2.00V) ,(1.7V ^ 1.9V) ,(1.7)
(1.55^1.75) ADATA

[eng.ahmedhelal]

https://img193.imageshack.us/img193/6899/27416127.jpg

تعليق بسيط
انت معتمد علي الكلام النظري بشكل بحت و هو يختلف عن الكلام العملي جدا
الفولت اللي هترضتك اتكلمت عنه دا لو دخل البروسسور عندي هينهيه و احب اطمنك اني لا مبتدئ و لا عبيط عشان اسمح الكلام ده يحصل
الهيبر حضرتك ممكن تتدور علي ادائها و اسعارها و اراء الناس عنها و كميات البيع خاصه علي newegg

ال adata انا النهارده كنت في السوق و غير متوفره ممكن بكره او بعده علي حسب الوكيل و ده يخليبني اسائلك انت جبت الموديلات دي بناء عن ايه ؟
و موديلات الهيبر برضو ؟

اي استفسار انا تحت امرك

اسيبك مع الصوره

[eng.ahmedhelal]

بالنسبه ل 2OZ دي بقالها زمن مع جيجابيت مش حاجه جديده
ولو لو انت فاكر ان جيجابيت هي الوحيده اللي عملاها تبقي غلطان كل الشركات عندها نفس الكلام ده تحت مسميات مختلفه و بعضهم لا يفصح عنها صريحه باعلانات مثل asus و بالمثل الرمات كله ليه طرقه
+
الوضع بالنسبه للبرد يختلف عن الرمات لوجود فرق شاسع للدوائر الكهربيه و قوتها

[eng.ahmedhelal]

علي فكره مش لوحدي اللي وصل للارقام دي في الرفع مع كيج (لو معايا مشتت ابن ناس للمعالج هاعلي عن كده كمان )
كثير جدا وصلوا منهم واحد اعرفه كان معاه i7 860 و باعه لو عرفت اوصل موضوعه هاحطهولك هنا زياده تاكيد ليك

تعديل
https://www.arabhardware.net/forum/showthread.php?t=162547
https://img192.imageshack.us/img192/7091/cachemem1690hz.png

[mhali2006]

ال adata انا النهارده كنت في السوق و غير متوفره ممكن بكره او بعده علي حسب الوكيل ال adata متوفرة فى السوق و كمان الوكيل بتاعها محترم جدا و المدير بتاع التوكيل هنا فى مصر موجود معانا فى المنتدى و رد كذا مرة على استفسرات الناس و دا الى عاجبنى في الوكيل انه بيهتم بالمستخدم مش بيبيع و خلاص زي الkingstone !!!!!

ممكن تقولى انت كنت فى سوق ايه !!!!!!!!!!!


انت جبت الموديلات دي بناء عن ايه ؟
و موديلات الهيبر برضو ؟اما الموديلات دى انا جايب لك أعلى موديلات فى الشركتين و قارن انت
او ادخل على موقع الشركتين و شوف الموديلات بتاعتهم بنفسك !!!!

و لو حضرتك تلاحظ انى قلت ان ده مجرد مثال على منتجات الشركتين !!!!


انت معتمد علي الكلام النظري بشكل بحت و هو يختلف عن الكلام العملي جداالكلام نظري انت عايز ايه اعمله لك عملى مهو النظري ده انت برده بتتكلم عنه دا غير انك انت مختار الهيبر على اساس انك جربت الفاليو و عجبتك يعنى مفيش عملى و لا حاجة انت اضافته كلامك مجرد استنتاج ؟!...

غير كدا هات رأي واحد فى المنتدي بيقول ان kingstone ممكن تتقارن بال adata او ocz او corsair

انا بتكلم عن التكنولوجيا المستخدمة فى التصنيع فى الشركتين !!!



الفولت اللي هترضتك اتكلمت عنه دا لو دخل البروسسور عندي هينهيه و احب اطمنك اني لا مبتدئ و لا عبيط عشان اسمح الكلام ده يحصل دا فولت الرام على فكرة مش البروسيسور و انا مش بقول انك انت مبتدئ ولا حاجة دا مجرد نقاش عادي جدا !!!!!


الهيبر حضرتك ممكن تتدور علي ادائها و اسعارها و اراء الناس عنها و كميات البيع خاصه علي neweggاما الاسعار و اختيار الناس اسأل انت الناس او فى المحلات على حجم الرمات kingstone الى بتبوز من اليوزر و ال adata و قلى النتيجة و شوف مستوي مبيعات ال adata للناس الى بتعمل كسر سرعات عامل ازي ؟!.........


انت معتمد علي الكلام النظري بشكل بحت و هو يختلف عن الكلام العملي جداالحمد لله انا بقول كلامى عن تجربة مش كلام فى الفاضى الجودة و الاداء و الضمان لصالح adata و ممكن تسأل الى بيستخدم adata او ممكن تعمل بحث فى google او فى المنتدى هنا و شوف رأي الناس ........


بالنسبه ل 2OZ دي بقالها زمن مع جيجابيت مش حاجه جديده انا بقول اول شركة استخدمته
و بعدين انا متأكد ان adata تانى شركة تستخدمه من الموقع بتاعهم
اما بالنسبة للشركات التانية انا مش بتكلم عن البورد انا بتكلم عن الرام هل kingstone بتستخدم ال2oz ?!!!


لوضع بالنسبه للبرد يختلف عن الرمات لوجود فرق شاسع للدوائر الكهربيه و قوتها ماشي انا معاك بس هل تبريد kingstone زي adata ؟!....


لي فكره مش لوحدي اللي وصل للارقام دي في الرفع مع كيج (لو معايا مشتت ابن ناس للمعالج هاعلي عن كده كمان )
كثير جدا وصلوا منهم واحد اعرفه كان معاه i7 860 و باعه لو عرفت اوصل موضوعه هاحطهولك هنا زياده تاكيد ليكانا مقلتش انك مش هتوصل بس انا بتكلم عن الاداء و زمن الوصول العشوائي (CL) هل هو واحد ؟!....
الارقام مش كفاية المهم الCL
شوف فولتات الرام اخر الصورة بتتغير و الا لا ؟!.........

https://img130.imageshack.us/img130/3986/temph.png

[eng.ahmedhelal]

ال adata متوفرة فى السوق و كمان الوكيل بتاعها محترم جدا و المدير بتاع التوكيل هنا فى مصر موجود معانا فى المنتدى و رد كذا مرة على استفسرات الناس و دا الى عاجبنى في الوكيل انه بيهتم بالمستخدم مش بيبيع و خلاص زي الkingstone !!!!!
انا ما ذكرتش اي حاجه عن ان الوكيل و حش او حلو !! مش ده اللي يخصني
ممكن تقولى انت كنت فى سوق ايه !!!!!!!!!!!
سوق العصر الخليفه ك ن

اما الموديلات دى انا جايب لك أعلى موديلات فى الشركتين و قارن انت
او ادخل على موقع الشركتين و شوف الموديلات بتاعتهم بنفسك !!!!

و لو حضرتك تلاحظ انى قلت ان ده مجرد مثال على منتجات الشركتين !!!!

يا راجل يا طيب الراجل هينزل يشتري من اللي في السوق مش بيسائل مين اقوي و لا مين احسن و سايبها مطلقه

الكلام نظري انت عايز ايه اعمله لك عملى مهو النظري ده انت برده بتتكلم عنه دا غير انك انت مختار الهيبر على اساس انك جربت الفاليو و عجبتك يعنى مفيش عملى و لا حاجة انت اضافته كلامك مجرد استنتاج ؟!...
فين ده اللي استنتاج تجربتين حتطهملك و معايا حاليا انا اصلا هيبر !!

غير كدا هات رأي واحد فى المنتدي بيقول ان kingstone ممكن تتقارن بال adata او ocz او corsair
خلاص يا سيدي ما تتقارينش

انا بتكلم عن التكنولوجيا المستخدمة فى التصنيع فى الشركتين !!!
يا عزيزي انا هاعمل ايه بالتقنيه و لا بيحطوا ايه في الحاجه (مع العلم هيبر من افضل الرمات )
انا ليا اللي دافعه و اللي واخده و الاداء

دا فولت الرام على فكرة مش البروسيسور و انا مش بقول انك انت مبتدئ ولا حاجة دا مجرد نقاش عادي جدا !!!!!

الا هو انت ما تعرفش ان الكنترول لل i5 داخل المعالج و لو عدي عن 1.64 دا خطر عليه و ممكن يتسبب في احتراقه
راجع المعلومه الاول

اما الاسعار و اختيار الناس اسأل انت الناس او فى المحلات على حجم الرمات kingstone الى بتبوز من اليوزر و ال adata و قلى النتيجة و شوف مستوي مبيعات ال adata للناس الى بتعمل كسر سرعات عامل ازي ؟!.........

نسبه و تناسب عزيزي ما ينفعش تبيع من منتج مثلا 100 و اخر 10 و يطلع من ال 100 عدد زي ابو 10

الحمد لله انا بقول كلامى عن تجربة مش كلام فى الفاضى الجودة و الاداء و الضمان لصالح adata و ممكن تسأل الى بيستخدم adata او ممكن تعمل بحث فى google او فى المنتدى هنا و شوف رأي الناس ........

اللي ما تعرفوش اني مستخدم adata +series 4gb*2 قبل هيبراكس
هل مازلت بردو معتقد اني باستنتج وخلاص ؟!

حتي الان انا بدافع عن فكره ان كينج سيئه و مش بتترفع و فولتاتها عاليه و بتسخن ( حتة بتسخن دي مش هاقد اثبتها لان ما فيش اداه اقيس بيها بس مع وضع اليد عليها لا توجد حراره اطلاقا ) و الكلام اللي انت قولته و انا اثبت عكسه تماما بتجارب عمليه مش كلام و السلام

السؤال بقي ليه كميه الشعر دي منك في adata و الهجوم المسلح علي كينج ؟ مع اني حتي الان لم اتكلم عن adata بالسلب او بالايجاب :rolleyes:

و عموما يا سيدي و لا تزعل نفسك adata افضل اقوي اسرع ءامن في الضمان :)

[eng.ahmedhelal]

ماشي انا معاك بس هل تبريد kingstone زي adata ؟!....

ايه اللي هيخلف معلش مش واخد بالي هل هو اكبر او شيئ من هذا القبيل ؟ حتي الان انا مش عارف الموديل اللي هينزل عشان احكم عليه لو انت عارفه قولي
مش يمكن يعجبني و اروح ابيع الهيبر اللي لسه جايبها النهارده و اجيبه

انا مقلتش انك مش هتوصل بس انا بتكلم عن الاداء و زمن الوصول العشوائي (CL) هل هو واحد ؟!....
الارقام مش كفاية المهم الCL

و الله انت شايف ايه في الصور اللي محطوطه ؟
انا شايفهم 9 و 9 و 9 و 24

شوف فولتات الرام اخر الصورة بتتغير و الا لا ؟!.........

ده لانه حاطتها علي اوتو مش محدد الفولت بالضبط زي فكره المعالج لو سيبته اوتو هيفتح منك .

[mhali2006]

السؤال بقي ليه كميه الشعر دي منك في adata و الهجوم المسلح علي كينج ؟ مع اني حتي الان لم اتكلم عن adata بالسلب او بالايجاب زي ما انا قلت فى الاول ان ده مجرد نقاش !!!
انا معملتش حرب و لا حاجة زي ما قلت لك مجرد نقاش !!
كل ما فى الامر انى بوضح وجهة نظرى مش بقول شعر و لا حاجة و بعدين انت بدأت تسألنى و انا اجاوب !!

بدافع عن adata له لنفس السبب الى انت بتدافع بيه عن kingstone

و بعدين انت ليه غيرت ل هيبراكس ؟
ليه بتدافع عن kingstone ?
احول ليك السؤال ؟


و عموما يا سيدي و لا تزعل نفسك adata افضل اقوي اسرع ءامن في الضماناحنا بنتناقش و انا مش زعلان كل ما فى الامر انى سهران و الحوار معاك شدنى ........:D

[mhali2006]

مش شرط انى اقتع بكلامك او تقتنع بكلامى

المهم ان كل واحد يوضح وجهة نظره ؟!!!!

[eng.ahmedhelal]

زي ما انا قلت فى الاول ان ده مجرد نقاش !!!
انا معملتش حرب و لا حاجة زي ما قلت لك مجرد نقاش !!
كل ما فى الامر انى بوضح وجهة نظرى مش بقول شعر و لا حاجة و بعدين انت بدأت تسألنى و انا اجاوب !!

بدافع عن adata له لنفس السبب الى انت بتدافع بيه عن kingstone
و انت بتدافع عن ايه اصلا هو انا قولت انها و حشه او سيئه ؟
و بعدين انت ليه غيرت ل هيبراكس ؟
لان انا ناوي علي رفع بربري قريبا باذن الله الفاليو العاديه مش هاتسد قوي زي الهيبر
ليه بتدافع عن kingstone ?
عشان انت قولت كلام مش صحيح فانا حبيت اوضح
احول ليك السؤال ؟
انا جاوبت من قبل ما تحول
احنا بنتناقش و انا مش زعلان كل ما فى الامر انى سهران و الحوار معاك شدنى ........:D
خلاص هاقوم انا انام :D
تصبح علي خير :)

[eng.ahmedhelal]

مش شرط انى اقتع بكلامك او تقتنع بكلامى

المهم ان كل واحد يوضح وجهة نظره ؟!!!!

اتقتناع بكلام ايه ؟
انت بتقول اني باستنتج
انا بقولك لا ده عن تجارب
فين الاقتناع في كده

[mhali2006]

ايه اللي هيخلف معلش مش واخد بالي هل هو اكبر او شيئ من هذا القبيل ؟

اظن ان حضرتك فاهم كويس اوي درجة الحرار بتعمل ايه لو بتفهم يعنى زي ما بتقول و اقرا كويس انا مش بتكلم عن الحجم انا بتكلم على الرامة كلها خد فى الاعتبار التصنيع مش الشكل هل الكنجستون 2oz ?!!!


حتي الان انا مش عارف الموديل اللي هينزل عشان احكم عليه لو انت عارفه قولي
مش يمكن يعجبني و اروح ابيع الهيبر اللي لسه جايبها النهارده و اجيبه
مش فاهم ممكن توضح !!!!


و الله انت شايف ايه في الصور اللي محطوطه ؟
انا شايفهم 9 و 9 و 9 و 24اوك ال adata الى حضرتك بتقولاستخدمتها دى كانت CL8


ده لانه حاطتها علي اوتو مش محدد الفولت بالضبط زي فكره المعالج لو سيبته اوتو هيفتح منك!!!!!!!

[mhali2006]

اتقتناع بكلام ايه ؟
انت بتقول اني باستنتج
انا بقولك لا ده عن تجارب
فين الاقتناع في كده

و لا يهمك انت جربت و كلامك بناء عن تجربة :)



صبح علي خير :)

و انت من اهل الخير

[mhali2006]

عشان انت قولت كلام مش صحيح فانا حبيت اوضح

دى وجهة نظرى فقط لا غير و كل واحد له الحق انه يعبر عن وجهة نظره !!!!!!!!!!!!!!!


و انت بتدافع عن ايه اصلا هو انا قولت انها و حشه او سيئه ؟

مجرد وجهة نظر مش دفاااااااااااااااااااااع

[eng.ahmedhelal]

اظن ان حضرتك فاهم كويس اوي درجة الحرار بتعمل ايه لو بتفهم يعنى زي ما بتقول و اقرا كويس انا مش بتكلم عن الحجم انا بتكلم على الرامة كلها خد فى الاعتبار التصنيع مش الشكل هل الكنجستون 2oz ?!!!

اهو بحاول افهم علي ايدك فهمني !!
هل الهيبر بتسخن انت جربت ؟
دا غير اني سائلتك ايه الفرق في التبريد ما رديتش يعني انهي احسن وليه مش فاهم يا سيدي فهمني

مش فاهم ممكن توضح !!!!

اوضح ايه مش ممكن يكون فعلا الموديل اللي هينزل فعلا فيه امكانيات جيده جدا مثلا فولت منخفض مثلا 1.64

اوك ال adata الى حضرتك بتقول بعتها و جبت هيبر CL8

هيبر ايه اللي cl8

!!!!!!!
علمات التعجب علي ايه
هي دي كمان مش عارفها
مش عارف الفرق بين auto و manual في الفولت
للمره الاخيره تصبح علي خير :)

[mhali2006]

علمات التعجب علي ايه
هي دي كمان مش عارفها
مش عارف الفرق بين auto و manual في الفولت
للمره الاخيره تصبح علي خير :)

معلش اصلى مبدئ فى كسر السرعة


اهو بحاول افهم علي ايدك فهمني !!
هل الهيبر بتسخن انت جربت ؟
دا غير اني سائلتك ايه الفرق في التبريد ما رديتش يعني انهي احسن وليه مش فاهم يا سيدي فهمني

لا مجربتش معلش مش انت قلت ان انا بتكلم كلام نظري ؟
افهم انت براحتك بقى


اوضح ايه مش ممكن يكون فعلا الموديل اللي هينزل فعلا فيه امكانيات جيده جدا مثلا فولت منخفض مثلا 1.64

موديل من مين بالظبط ؟


هيبر ايه اللي cl8

انا بقول الadata مش الهيبر ؟

تصبح على خير

[mhali2006]

اما الموديلات دى انا جايب لك أعلى موديلات فى الشركتين و قارن انت
او ادخل على موقع الشركتين و شوف الموديلات بتاعتهم بنفسك !!!!

و لو حضرتك تلاحظ انى قلت ان ده مجرد مثال على منتجات الشركتين !!!!

يا راجل يا طيب الراجل هينزل يشتري من اللي في السوق مش بيسائل مين اقوي و لا مين احسن و سايبها مطلقه

أفراء كويس انا بكلمك انت مش صاحب الموضوع مثال بقوله لك مش بقوله انزل اشتريها دلوقتى



انا بتكلم عن التكنولوجيا المستخدمة فى التصنيع فى الشركتين !!!
يا عزيزي انا هاعمل ايه بالتقنيه و لا بيحطوا ايه في الحاجه (مع العلم هيبر من افضل الرمات )
انا ليا اللي دافعه و اللي واخده و الاداء و هوا انت بتدفع من غير متعرف انت شاري ايه و الا ايه
معلش اصل انا بحب اعرف الاول انا بشتري ايه




دا فولت الرام على فكرة مش البروسيسور

الا هو انت ما تعرفش ان الكنترول لل i5 داخل المعالج و لو عدي عن 1.64 دا خطر عليه و ممكن يتسبب في احتراقه
راجع المعلومه الاول

اتأكد انت الاول من معلوماتك


الهيبراكس كلها بتبداء ب 1.65 ممكن تشوف هنا (https://www.kingston.com/hyperx/products/khx_ddr3.asp#1375)

و ال adata كلها 1.55 ممكن تشوف هنا (https://www.adata.com.tw/?action=product&cid=5)