المساعد الشخصي الرقمي

مشاهدة النسخة كاملة : ccna وحاسس انى تاية


ahmedangel
08-06-2010, 06:49
السلام عليكم يا شباب انا إن شاء الله على وشك دخول امتحان ال ccna
بس فالتفرة الاخيرة جالى احباط من الكلام الى بسمعة من الناس الى اخدت الشهادةوعشان كدة قولت مفيش حل الا عرب هارد وير وقولت اسالكم لما إن شاء الله اخلص الامتحان وإن شاء الله انجح ويبقى معايا الشهادة اعمل اية واروح فين بمعنى اية هيا الوظائف الى ينفع اشتغل فيها بالشهادة دية فاذا كان ممكن اسم كل وظيفة وماذا افعل فى كل وظيفة يعنى مثلا تى اية داتا طلبة كذا ككذا وكاذ يا ريت شرح لكل حاجة عشان ابقى فاهم وجزاكم الله خيرا:ah27:
ahmedangel
09-06-2010, 10:22
45 مشاهدة ومفيش ولا رد؟ مش معقول كل الى دخلوا موش عارفين الاجابة معلش يا جماعة محدش يبخل والكل هيستفيد إن شاء الله
warior10
09-06-2010, 11:41
اول ما تاخد الشهاة تروح على البيت مبسوط او تقعد فى كافتيريا تحتفل انت واصحابك
vantom85
09-06-2010, 11:45
اعتمد على بركة الله وادخل الامتحان ومتفكرش فى كلام اى حد لأن الرزق بأيد الله عز وجل خد بالاسباب وذاكر كويس وانجح بعد كدة سيب موضوع الشغل شوية لأنك تقريبا صعب تلاقى شغل ب CCNA فقط لأن للأسف الشديد اجهزة سيسكو جمادة لدرجة انها مبيحصلش فيها حاجة :(
انا رحت مقابلة قبل كدة قولتله انا راجل سيسكاوى قاللى مش محتاجين سيسكو لأن الكونفج بتاع الاجهزة بقاله 4 سنين محصلش فيه حاجة ولا حد بيضيف حاجة:mad:
فطبعا واضح ان حضرتك واخد طريق الشبكات زى حالتنا فالسيناريو كالتالى :
خلص CCNA ولخصها كويس جدا
ادخل على MCSE اللى موجودة عندنا فى المنتدى ونزل الفيديوهات وذاكرها كويس جدا جدا بعد كدة ابدأ بص على الشروحات بتاعت 2008 اللى هوة MCITP وامتحن MCITP امتحن الserver administrator زى الفل 3 امتحانات وتبقى تمام (يا اما تاخد كورس يا اما تذاكرها بنفسك ) وفيه طرق مختصر انك تخلص الامتحانات وبعد كدة ابقى زاكرها والامتحانات موجودة على النت (طبعا مش حتكتب فى CV انك معاك MCITP );)
بعد كدة عدل فى السى فى بتاعك واكتب انك واخد الاتنين واعمل سى فى محترم

وادرب كويس فى VMWARE بالنسبة لمايكروسوفت و packet tracer بالنسبة لسيسكو

ثم هات الوسيط وادخل على موقع وظائف الشرق الاوسط وابعت السى فى بتاعك
ومتقلقش حتلاقى شغل ان شاء الله وسيبك من كلام الناس لأن الرزق بيد الله " وفى السماء رزقكم وما توعدون"
واستنى رد بعض الاخوة هنا واسمع نصايحهم كويس
ومعلش هما مشغولين شوية وربنا يعلم انهم مبيتأخروش ابدا عن مساعدة اى حد
ومتقدمش فى اى شغل الا اذا كنت مزاكر كويس لأن حتتسأل فى الحاجة اللى كاتبها فى السى فى ونصيحة بلاش فزلكة لأن فيه بعض الناس بتكتب CV بتاع بيل جيتس!!:D
ومش عايز اقولك انا عملت مقابلات مع ناس قبل كدة وشفت العجب
والله المستعان وربنا معاك وتوكل على الله عز وجل
ozaro19
09-06-2010, 21:41
الله المستعان ... كتبتها تعبيراً عن حالي


ملحوظه: هاتتعب شوية لو مش خريج هندسه ، لكن توكل علي الله.

في رأيي ان مجال الشبكات مجال مفتوح لأي حد وفيه مكان لكل واحد زي ما قال جيرمي بتاع cbt nuggets
وربنا يرحمنا من اصحاب الفكر العنصري.
ozaro19
09-06-2010, 21:42
ال
CCNA
بدايه جيده ، ممكن ان تبني عليها الكثير لتحقق ما تريد.
sherif-magdy
09-06-2010, 22:21
الله المستعان ... كتبتها تعبيراً عن حالي


ملحوظه: هاتتعب شوية لو مش خريج هندسه ، لكن توكل علي الله.

.


لست معك فى ذلك فانا لم اصل بعد الى المرحلة الجامعية بعد وخلصت مذاكرة ccna وهامتحن بعد اسبوع

فمع الشروحات الموجودة ل ccna من اساتذه المنتدى اصبح امر ccna سهل جداااا

ولكن لى نصيحة لاتعتمد على الباس4شور و تترك المذاكرة من الكتاب لانك اذا فعلت ذلك
انصحك ان تبحث عن مجال اخر غير الشبكات
ozaro19
09-06-2010, 22:36
لم اقصد الصعوبه في المذاكره ولكن صعوبة ايجاد وظيفه
ahmedangel
10-06-2010, 05:16
vantom85 (https://www.arabhardware.net/forum/member.php?u=11121764)
جزاك الله خيرا بس حضرتك بتقولى متسمعش كلام حد وتوكل على الله وبعد كدة سودتها فى وشى وتوقلى ال ccna
ملهاش لازمة انا ليا اصحابى خلصوا الكورس معايا وامنتححنوا ودخلوا انترفيو كتير ومعظمهم شغالين دلوقتى انا مسالتش هلاقى شغال ولا لا انا بسال اية هوا الشغال الى حاملى الشهادة دية شغالين بية واكيد موش هقف عند الشهادة دية بس انا بسال دلوقتى اية هيا المجالات واية هوا نوعية الشغل فى كل مجال يعنى هشتغل اية فالمجال دة
ahmedangel
10-06-2010, 05:18
warior10 (https://www.arabhardware.net/forum/member.php?u=28499)
انت ............. وربنا اعلم بالى فى نيتى
ahmedangel
10-06-2010, 05:19
ozaro19 (https://www.arabhardware.net/forum/member.php?u=11123563)
شكرا يا باشا بس برضو عايز شرح وجزاك الله خيرا
ahmedangel
10-06-2010, 05:53
يا جماعة الله يكرمكوا الى يكتب حاجة يجاوب على السوال مش يخلينى احبط زيادة مش ناقصة والواحد فى ايام امتاحنات
shams84eg
10-06-2010, 08:42
انت قريت كلام المهندس vantom كويس؟
ahmedangel
10-06-2010, 09:10
shams84eg (https://www.arabhardware.net/forum/member.php?u=11170570)
يا باشا انت موش فهمنى انا معايا ccna
وعايز اشتغل بيها عشان الشغل وعشان اخد بعد كدا ccna securty
او mcse
او ccnp
لاكن المشكلة انى بسال اية هيا المجالات الى ينفع اشتغل بيها بالشهادة دية ونفسى حد يشرحلى المجالات دية معناها اية وياريت امثلة للشركات ال بتقبل الشهادة دية ؟
لان دية اكتشفت انها مشكلة ناس كتيييييييييير من الى معاهم الشهادة والى معاة اعلى منها انهم موش عارفين هيشتغلو اية وفين؟ اتمنى ان يكون حد فهمنى السؤال موش صعب اوى كدة
ozaro19
10-06-2010, 13:43
من حصل علي CCNA
يعمل كـ Network Engineer

او ممكن مبدئياً يعمل كـ Technical Support مع اختلاف طبيعة هذه الوظيفه من شركه لأخري >>> بمعني اخر اذا قدمت في شركه كـ Technical Support عليك ان تسأل عن مهمات هذه الوظيفه عندهم.
ozaro19
10-06-2010, 13:45
اما من حصل علي MCSE او MCITP

فيعمل Systems Engineer

او في البدايه يعمل Technical Support
ahmedangel
10-06-2010, 15:05
ozaro19 (https://www.arabhardware.net/forum/member.php?u=11123563)
شكرا يا باشا هيا دية الاجابة الة مستنيها ولو فية معلموات تانية يبقى تمام اوى وجازك الله خيرا
warior10
12-06-2010, 14:14
warior10 (https://www.arabhardware.net/forum/member.php?u=28499)
انت ............. وربنا اعلم بالى فى نيتى

يا ترى نيتك خير ولا شر
قول متخافش
ahmedangel
12-06-2010, 15:05
خير إن شاء الله مكدبش عليك فالاول كانت شر عشان كان عندى احباط فظيع من الكلام المحبط بس بعد كدة قولت بلاش ازعل حد منى وجزاك الله خير
warior10
12-06-2010, 21:59
الارزاق بيد الله
انت تعمل الى عليك والباقي على ربنا
اما ccna فدية مالهاش لازمة فى الشغل العملي علشان تعرف تتصرف مع الشبكة لازم تاخد كورسات ccnp القديمة
وبقول القديمة علشان فيها واير ليس وفويس
اما الجديدة فمالهاش لازمة
palpola3
21-06-2010, 10:22
الله يطمنكم
يعني كل الشغل دا والتعب دا وفي الاخر ملهاش لازمة
experience_home
28-06-2010, 17:39
السلام عليكم .. اخى فى الله .. اعتقد ان كلام Ozaro واضح وكمان الكلام الجميل بتاع الاخ vantom .. اولا لا حيلة فى الرزق ولا شفاعة فى الموت .. وعن تجربه خاصة ممكن تشتغل فى اماكن وانت لسه بتذاكر CCNA وناس معاها CCNA &CCNP ومش عارف تشتغل زيك ... اتقن الشهادة بتاعتك كويس .. وزى ما قال الاخ Ozaro ممكن تلاقى اكتر من واحد شغال Technical لكن شغلهم مختلف حسب نظام الشركة اللى بيشتغلوا فيها .. وكلهم بنفس المسمى الوظيفى لاكن المهام مختلفه ..
ahmedangel
04-07-2010, 23:13
شكرا يا رجالة على الردود ب انشاء الله هلاقى شغل بال ccna
حتة لو موش شغل كويس بس اخد خبر وناوى انى اخد mcse
هوة الموضوع فالاول محبط وجالى احباط فظيع بسبب بعض الناس الى فهموا ناس كتير ان الشهادة دية شهادة الاحلام وحسسونا ان الشغل فى كل مكان لاكن الكلام سهل والواقع شىء تانى بس اعمل الى عليا وربنا مقدر الارزاق ونصيحة لاى حد هيدرس الشهادة دية لو انت هتسيب مساحة مثلا 5 ساعات فاليوم للمذاكرة فدا غلط لانك لازم هدى 10 ساعات فاليوم للمذاكرة وبعد كدة لازم يكون فية شهادة مدعمة للاولى وانشاء الله خير