معي CCNA ولي استشاره في الشغل

[ozaro19]

السلام عليكم

كيف حالكم يا شباب؟

بالمختصر حصلت علي شهادة CCNA وكما تعرفون كثير من اصحاب العمل يشترطون ان تكون خريج هندسه
مما أدي لقبولي لوظيفة صغيرة المرتب قليلة الخبره، وحيث اعمل يكاد يكون مستحيل ان انتقل الي قسم اخر لأعمل بال CCNA
انا حالياً اتجهت لشهادات ميكروسوفت من اجل تسهيل الحصول علي وظيفه افضل
فما رأيكم هل اكمل في عملي الحالي لحين مذاكرة شهادات اخري (مع ان ذلك سيؤخرني بعض الشيء في المذاكره)، ام اترك العمل واتفرغ للمذاكره.

أفيدوني

اخواني كاد ان يصل بي الامر الي الحقد علي خريجين الهندسه فأنصحوني بما افعل
أشعر اني امتهن نفسي وقدراتي بقبولي لعمل صغير، وحاسس اني بضييع عمري.

[dohaboy79]

ليش تحقد على غيرك فهذا لا يجوز

يعني غيرك تعب ودرس وخلص الجامعه المفروض يكون لك قدوة مش تحقد عليه

على العموم اخي الكريم اذا الوظيفة اللي انت فيها صغيره ... مع الخبرة ودراسة شهادات أخرى ومع شوية توفيق من مقسم الأرزاق ان شاء الله وضعك يتحسن

كل صغير يكبر ومافي شيء سهل الحصول عليه هذة الأيام

[zekobird]

السلام عليكم ورحمه الله وبركاته

فين الحقد يا خي وليس هذا اسلوب في الرد علي اخيك وإن اخطأ فعليك بمساندته والوصول معه إلي الطريق الصحيح

مع العلم ان خريجي هندسه مش شرط انهم يكنوا اكفاء زي ما انت فاهم ممكن يكون هو مبدع في مجاله ويتخطي حاصل علي هندسه اتصالات او حاسابات.
انا لا اقلل منهم ولكن اوضحلك شئ

اخي العزيز توكل علي الله وحاول بشهادات اكثر ولا تستعجل علي الرزق فالرزق مقسوم لكل شخص ولا تتعجل خذ خبره في مكانك اولا ستنفعك كثيرا.

والكل يسأل في الانترفيوا سواء هندسه او غير هندسه وزي ما بيقولوا الشاطر يجاوب ويون واثق من نفسه ومعلوماته

شكرا علي تفهمك مسبقا

السلام عليكم

[warior10]

اولا : ما حك جلدك مثل ظفرك
انت ادرى بظروفك اما موضوع الشغل والمذاكرة فممكن تنسق بينهم الشغل 8 ساعات فى اليوم يتبقالك 16 ساعة اعمل فيهم الى انت عايزه
ثانيا : زي ما قال الاخ Dohaboy فبتاع الهندسة ملعبش 23 سنة من عمره وجه اخد ccna وقال خلاص انا هاكون دكتور فى الجامعة
بتاع الهندسة جابها بتعب 3 سنين ثانوية وخمسة كلية وفي الاخر بقى مهندس مذاكرش شهر واحد ccna بس
3- متبصش لغيرك كل واحد ليه رزقه قبل ما يتولد

[snmp]

لي صديق وأخ عزيز لم يتيسر له القبول في كليات علمية ولظروفه المادية السيئة رضي بقسم محاسبة
الجميع كان متأثر ومتعاطف معه لأنه إنسان ذكي وخلوق جدا وكنا نقول راح يتوظف محاسب بكم يعني؟!!
الحمد لله اليوم يأخذ راتب لا ياخذه كثير من المهندسين الحاصلين على CCNP أو CCVP

يا إخوان في مصانع تعطي للفنيين رواتب ما يأخذها مهندسين في مكان آخر. طبعا هذي مصانع أجنبية فيها احترام لكل الموظفين تبدأ فيها صغير وفي زيادة سنوية ومستحيل يمشوك إلا لو عملت عملة كبيرة جدا.

إسأل الرزاق أن يرزقك من عنده. فما عنده لا يفنى واعمل وأحسن عملك وتأكد أنك ستصل

[Ahmed $oft]

اخى الحبيب ....
اولا مجال التكنولوجيا للجميع ولا يكون حكر على خريجين كليات معينه فقط
بدليل انك لو لاحظت اصحاب هذا المجال سوف تلاحظ ان اصحاب التميز والابداع اغلبيتهم ليسوا خريجين هندسه
ولكن بتعب وجد واجتهاد

وصدقنى بخبرتك وتعبك ممكن تبقى اعلى من اى حد واخد هندسه بس مش عنده اى خبره ودا فى الغالب اللى بيحصل

لكن خريجين الهندسه اكيد بيكون عليهم العين فى البدايه لان المتوقع من كل واحد فيهم انه يكون متميز فى شهادته
لكن الكل عارف المهنه شىء والكليه شىء

وربنا يوفق الجميع والمهم الاجتهاد صدقنى والحمد لله
انا مش خريج هندسه انا تجاره خارجيه
بس فى الكمبيوتر والتكنولوجيا من وانا فى 2 اعدادى والحمد لله بقيت ناجح جدا ودا كله بتوفيق من ربنا
ومهما مرت عليك اوقات صعبه ربنا بيساعد الواحد والله وكلنا مرينا بظروف صعبه.

وارجو ان الجميع ياخد كلامى بصدر رحب وشكرا ,,,

[مهندس_شبكات]

سلام عليكم ورحمة الله وبركاته:

الأخوة ال هداهم الله ال نازلين لوم فى الاخ صاحب الموضوع الراجل بيقول انا كاد بى الامر انى احقد عليهم يعنى هو مبيحقدش عليهم بالفعل ياخوانى لاتكونوا عونا للشيطان على اخيكم بلاش طريقة اللوم المتسرع دى ولو قال انه بالفعل بيحقد عليهم ينبغى ان يكون الرد عليه بألطف من كده ونفهمه براحة مش نتهمه علطول ان انت حقود وغلط كده و هو مقلش على نفسه كده
الله المستعان حبيت ابين بس للناس يخدوا بالهم فى طريقة خطابهم عملا بقول الله تعالى " وقل لعبادى يقولوا التى هى احسن ان الشيطان ينزغ بينهم ان الشيطان كان للانسان عدوا مبينا "
وشكرا
اسال الله ان يشرح صدوركم لقبول النصح

وقبل منهى مشاركتى اقول للاخ صاحب الموضوع كلمة واحدة فقط لكل مجتهد نصيب ومازال باب الاجتهاد لحد الان مفتوح اه انت متخرجتش من هندسة وهما اتخرجوا من هندسة بس الدنيا مقوفتش عند كده مازال باب الاجتهاد والابداع مفتوح امامك استعن بالله واطرقه وربنا يعينك اذا اخلصت النيه له سبحانه وفقنى الله واياك لما فيه رضاه