إستفسار بخصوص هارد ديسك خارجى

[elsayedsamier]

السلام عليكم ورحمة الله وبركاته

أنا محتاج هارد ديسك خارجى هيكون عليه داتا مهمه ومش عارف أجيب إيه فكنت عاوز أعرف من أصحاب الخبره فى هذا المجال إيه أفضل هارد بحيث تكون مساحته 1TB والسعر هيكون فى حدود كام وجزاكم الله خيراً

[Coolman4now]

- يوجد بكارفور هارد زيسترن خارجى واحد تيرا وسعره هو 515 جنيها ، وهو أقل سعر حتى الأن.

[elsayedsamier]

جزاك الله خيراً أخى الكريم
طيب حضرتك هل الأفضل WD ولا ADATA أنا سمعت إن ADATA أخر سعه فيها 640 فياريت حضرتك تقولى الفروق هو مش مهم السعر مقابل إنه تكون حاجه مضمونه أوى

[mhali2006]

هاردات وسترن كويسة بس لو عايز تكون فى المضمون خليك فى adata فى مودل اسمه sh93 ضد الميه و ضد الصدمات
و فيه nh92 و ch94 دول اكسترنل عاديين بس adata كويس افضلها عن الوسترن دلوقتى لانه مش مضمون
تقريبا هتلاقى الاسعار ما بين 485ح و 510ج و المساحة 500GB
بس نصيحة ابعد عن الوسترن اليومين دول

[elsayedsamier]

جزاك الله خيراً أخى الكريم
وكلامك أنا مقطنع به بس هيا مشكلة ADATA إن أكبر مساحه عندها 640 وإحنا عاوزين حاجه متقلش عن 1 تير فإيه رأيك فى أنسب هارد

[hady arafa]

أخي الكريم ، بالنسبة للهاردات ال External فإنه طبقا لعدة تقسيمات يمكن ترشيح الأفضل ، ويمكنك اختيار ما يناسبك من هذه التقسيمات:
1. Western Digital

https://globaltech-ow.com/Products/Storage%20devices/images/TTB.jpg


وهو يفضل استعماله في حالة ما اذا كانت الداتا التي يتم نقلها كثيرة جدا ومتكررة ، وذلك لأن هذا ال Brand يتميز بالسرعة العالية والاداء الثابت ، بالاضافة الى ان الضمان قوي جدا وتجده متاحا في اي وقت..

2. A-Data :

https://i444.photobucket.com/albums/qq169/ITechDiary/adata_sh93.jpg


يتم ترشيح هذا الهارد في حالة الاستخدام القاسي او الرياضي ، وايضا في حالة التنقلات الكثيرة ، بالنسبة للضمان جيد لكن لن تحتاج اليه لان الهارد مؤمّن بشكل كبير..

3. Seagate :

https://aco.uwaterloo.ca/newsletters/w08/Images/seagate_freeagent_02.jpg https://technologyinfo.files.wordpress.com/2008/09/seagate_freeagent_go.jpg


وهو يعتبر اقوى الخيارات المتاحة ، وذلك لانه يجمع بين السرعة الجيدة والتحمل الجيد والشكل الانيق .. بالاضافة الى ان ضمانه جيدجدا واسعاره منافسة ..

وتحت أمرك في اي استفسار ..

[elsayedsamier]

جزاك الله خيراً أخى الكريم على المعلومات القيمة ومعلهش هتقل عليك شويه
بالنسبة للنوع Seagate أنا دخلت على اللينك دا
https://www.seagate.com/www/en-us/products/external/freeagent/
ومش قادر أحدد إيه الأفضل بالنسبه ليا وإحتياجى للهارد هيكون لتخزين داتا مهمه نريد الحفاظ عليها فى شكل آمن وعامل الحركه مش كتير أوى فياريت تساعدنى فى الأفضل
أنا كان نفسى حقيقى فى A DATA بس مساحته أقل من إحتياجنا فياريت حضرتك ترشح ليا أفضل نوع وياريت لو أمكن السعر هيكون فى حدود أد إيه هنا فى مصر وجزاك الله خيراً وأسف جداً على تكرار السؤال ولكن أعزرنى لضعف خبرتى

[hady arafa]

جزاك الله خيراً أخى الكريم على المعلومات القيمة ومعلهش هتقل عليك شويه
بالنسبة للنوع Seagate أنا دخلت على اللينك دا
https://www.seagate.com/www/en-us/products/external/freeagent/
ومش قادر أحدد إيه الأفضل بالنسبه ليا وإحتياجى للهارد هيكون لتخزين داتا مهمه نريد الحفاظ عليها فى شكل آمن وعامل الحركه مش كتير أوى فياريت تساعدنى فى الأفضل
أنا كان نفسى حقيقى فى A DATA بس مساحته أقل من إحتياجنا فياريت حضرتك ترشح ليا أفضل نوع وياريت لو أمكن السعر هيكون فى حدود أد إيه هنا فى مصر وجزاك الله خيراً وأسف جداً على تكرار السؤال ولكن أعزرنى لضعف خبرتى



ولا يهمك اخي العزيز ، بالنسبة للهارد الأفضل فيهم هو ال Free Agent GO لان ضمانه خمسة سنين ، بالاضافة الى توفره في السوق بشكل جيد جدا ، لكن لو ما كان الحجم مؤثر جدا معاك ، ممكن تختار Free Agent Desktop التحمل فيه حيكون أعلى ، بالنسبة للاسعار تتراوح في ال 1T ما بين 500 - 600 جنيه ..

وتحت أمرك في أي استفسار:cdcd:

[zooma2006]

على فكرة ADATA نزلت هارد جديد USB 3 و السعات بتاعتة 1 & 1.5 & 2 تيرا
هو لسه ما نزلش مصر بس حينزل قريب قوي يعني في خلال شهر 7

ممكن تكلم التوكيل بتاعهم

https://www.xtrack.com.eg/1tera.jpg

[elsayedsamier]

جزاكم الله خيراً يااخوانى على هذه المعلومات القيمة وربنا يجعلها فى ميزان حسناتكم أجمعين
وأحب أعرف الفرق بين USB 2.0 و USB 3.0 وبالنسبة للأجهزة القديمه هتقدر تتعرف على USB 3.0 ولا دا بيكون موجود فى الأجهزة الحديثة فقط وجزاكم الله خيراً

[zooma2006]

أستاذ سيد

ال USB 3 بيشتغل على ال USB 2 و حتى ال USB 1.1 بس السرعة بتقل كل ما ال USB بيقل
يعني مش حتقدر تستفيد بالسرعة القصوى للهارد إلا لو عندك USB 3