اشتريت الصب T7900 وعندي شوية أسئلة !

[KRONUS]

جماعة انا اشتريت الصب T7900 بس مش عارف اي حاجة في التوصيلات ! المفروض الكتاللوج مرقم كل سماعة لكن السمعات مش مترقمة ومش عارف اوصلها ، الوحيدة اللي عرفت اوصلها اللي هي السنتر عشان مكانها معروف ، المهم وصلتهم اي حاجة عشان اجرب ولقيت الصوت (زبالة :() دة حتى السمعات ام 25 جنية أعلى منه :eek:

المهم انا قاعد محتاس ومش عارف اعمل حاجة و اخواتي اكلوا وشي عشان كنت عمال اكلمهم عن الصب و الصوت الجبار وفي الاخر طلع ...:mad:


ياريت تقولولي المفروض اوصل ازاي ولو في اي برامج او اي حاجة المفروض اعملها ، بالمناسبة انا شغال على كرت صوت مدمج Realtek ALC888

و عندي التوصيلة بتاعة راديوا شاك اللي بتخلي الثلاث توصيلات تبقي وصلة واحد ، هل لو شغلتها هتأثر على جودة الصوت ؟

وشكراااااا

[KRONUS]

نسيت اقولكم ان السمعات اللي انا مشتريها صاحبها كان عاملها تطويلات لسلك السمعات ، فهل التطويلات دي ممكن تكون السبب ؟

ياريت متتأخروش علي في الرد لاني فارش السمعات في الارض وقاعد جمبهم :(

[fahd_628]

كارت الصوت عندك اية ؟

و هل يدعم سماعات 7.1 ؟

و هل انت مظبط الأعدادات على 7.1 ؟

و جربت تشغل اية على السماعات علشان تجربها يستحسن تشغل فيلم بلو راى 7.1 او اى حاجة تجرب بيها ال 7.1 !

و بالنسبة للسماعات فا السنتر هية معروفة و الباقيين حتلاقى اكيد فية اختلاف فى اطوال الأسلاك الطويلة اوى بتاعت الخلفى و الأقصر بتاعت النص و الأقصر بتاعت الأمامية

و بعدين لو ركبت دية مكان دية مش حتفرق فى حاجة

قولى كدة و ان شاء الله نقدر نساعدك

[KRONUS]

كارت الصوت عندك اية ؟

و هل يدعم سماعات 7.1 ؟

و هل انت مظبط الأعدادات على 7.1 ؟

و جربت تشغل اية على السماعات علشان تجربها يستحسن تشغل فيلم بلو راى 7.1 او اى حاجة تجرب بيها ال 7.1 !

قولى كدة و ان شاء الله نقدر نساعدك
كارت الصوت بلتي ان يدعم 7.1

الاعدادات انا معرفش حاجة فيها ، بس انا دخلت على برنامج "ريال تك اتش دي" وعملت تيست على السمعات بس مفيش غير اتنين اللي اشتغله و الباقي مشتغلش مع العلم ان جميعهم شغالين عندي

انا جربت اغاني و افلام بلو راي 7.1 بس الصوت ضعيف اوي (او ربما انا كنت موهوم في صوتهم) ، بس انا اساسا لسة موزعتهمش

يعني الاخ العزيز كول مان كنت راسالته من فترة عشان استفسر منه قبل ما اشتري السمعات وقالي :


عموما عمرك ماهتقدر توصل للعلو دة و الأ هتنطرد من بيتكم. :D


المشكلة اني معليهم على الاخر ولسة مفيش حد اشتكى :ah34: دة حتى اخويا بيقولي علي الصوت شوية قلتله هو دة اخرهم :eek: قالي دة السمعات اللي عندي (في محله) 2.1 اعلى منهم :mad: و بدل ما كنت عمال اتروشن عليهم بالسمعات عمولوني اضحوكة بنهم :o



و بالنسبة للسماعات فا السنتر هية معروفة و الباقيين حتلاقى اكيد فية اختلاف فى اطوال الأسلاك الطويلة اوى بتاعت الخلفى و الأقصر بتاعت النص و الأقصر بتاعت الأمامية

و بعدين لو ركبت دية مكان دية مش حتفرق فى حاجة

المشكلة اني اللي اشتريها منه كان عامل تطويلة للسمعات !
وفي ناس بتقول ان الصوت مش هيبقى كويس لو ركبم غلط !

وعموما دة الكتالوج بتاعهم :
https://img529.imageshack.us/f/43809589.jpg/

[KRONUS]

جماعة قبل ما قطع التطويلات اللي هو عاملها للسمعات ، هل التطويلات دي بتأثر على الصوت في حاجه ؟

[KRONUS]

يا جماعة انا جربت الصب ووفر لوحدة لقيتة مش بيطلع صوت خالص ، مش بيطلع غير bass بس ، هل دة عادي ؟

[shrief_007]

اولا مبروك عليك الصب

يا جماعة انا جربت الصب ووفر لوحدة لقيتة مش بيطلع صوت خالص ، مش بيطلع غير bass بس ، هل دة عادي ؟

ده عادى جده هيجيب صوت من غير سماعات ازاى
ودى صوره لكيفيه التوصيل

https://jp.creative.com/images/inline/japan/products/inspire_t7900/inst7900_connect.jpg
شكل السماعات هيبقا كد المروض فى الغرف اقصد التوزيع يعنى
https://ask.creative.com/wwimages/speakers/ins_6600_differences_6.jpg
وده شكل واضح لكيفيه التوصيل
https://ask.creative.com/wwimages/speakers/connecting_to_soundblater71.jpg

[KRONUS]

شكرا يا اتاذ شريف على الرد ، انا عندي الكتالوج دة بس للاسف هو مش موضح حاجة بس اللي عايز افهمه مين فيهم السمعات الـ rear و مين فيهم الـ side ؟

[shrief_007]

معلش النور قطع
دى صوره انا عاملهالك يارب توضحلك الاماكن بتاع السماعت
https://img682.imageshack.us/img682/3425/rearx.jpg

https://img576.imageshack.us/img576/9995/speakersr.jpg
وصوره كمان ليكون قاصدك على السماعات

[KRONUS]

شكرا على النوضيح اخي العزيز ، انا كدة فهمت ، انا كنت فاكر ان كل سماعة لازم تتركب في مكان معين

[KRONUS]

الصب شغال وصوته تمام ومجسم ونقي، بس مطلعش زي ما الناس بتحكي عنه ، يعني انا مشغله الان على اعلى حاجة ومش حاسس انه قوي بهذا الشكل اللي بيتحكي عنه :cool:

[KRONUS]

بخصوص زرار الاب ميكس ايه الفرق بين الاول والاخر ؟

[shrief_007]

حضرتك مشغله على ريتالك ولا xfi بتاع الاستاذ طارق
بالنسبه لزرار الميكس اول وضع لتوزيع الصوت المجسم على خمس سماعت والاخير للتوزيع على سبعه والنصف ماكدبش عليك ماعرفش
وبالنسبه للصب ده جامد فشخ انا سمعته بنفسى البيز جامد وصوته عالى ونقى بس كنت سمعته على الكارت بتاعىعند واحد زميلى

[shrief_007]

الايميل بتاعى اخKRONUS (https://www.arabhardware.net/forum/member.php?u=11139004)
shrief-007@yahoo.com
لو حضرتك عاوز تستفسر عن اى حاجه انا فاتح حاليا

[KRONUS]

تسلم يا اخ شريف ، وعلى رأي اخوتنا الخليجين ما قصرت:D

بجد شكرا

إن شاء الله خلال يومين اكون اشتريت لي كارت لان فعلا البلت ان صوتة زبالة :mad:


دقيقتين و اسجلك عندي

[shrief_007]

علش الايميل فيف غلطه shrief_007 الاندر اسكرول - تحت_

[wella1000]

أستاذ شريف حضرتك تستاهل تقييم جامد كمان :)

[KRONUS]

أستاذ شريف حضرتك تستاهل تقييم جامد كمان :)
لو كان ينفع اقيمه أكثر من مره كنت عملت بس عم سمعة يوافق :p



=====

المشكلة كانت في التوزيع ، بعد توزيع السمعات بطريقة سليمة الصوت اتظبط و بقى تمام، بس برضه مش حاسس ان دة الصب اللي يدفع فيه المبلغ دة :( عموما ان كلمت الاستاذ طارق وخلال يومين هشتري منه كارت بدل البلتي ان اللي انا شغال عليه .


وبرضه مازل عندي مشكلة أن كل ما اعمل تيست من برنامج realtek hd manager ميشتغلش غير سمعين فقط ! مع ان السمعات كلها شغالة عندي

[fahd_628]

استنى كارت الأستاذ طارق و قولنا الأخبار

[alayoubi]

وبرضه مازل عندي مشكلة أن كل ما اعمل تيست من برنامج realtek hd manager ميشتغلش غير سمعين فقط ! مع ان السمعات كلها شغالة عندي

يا عم لازم تفهم البرنامج ان انت عندك سماعات نظام 7.1 بانك تظبط الاعدادات بتاعته على كده أكيد لوحده مش هيعرف .

الكمبيوتر آلة تتلقى المعلومات وتحللها وليس العكس .

ومبرووك عليك السماعات .

[تامر المصرى]

يا عم لازم تفهم البرنامج ان انت عندك سماعات نظام 7.1 بانك تظبط الاعدادات بتاعته على كده أكيد لوحده مش هيعرف .
الكمبيوتر آلة تتلقى المعلومات وتحللها وليس العكس .
.



والله الراجل ده بيتكلم كلام مظبوط :D

https://img692.imageshack.us/img692/1880/67145312.jpg

[KRONUS]

يا عم لازم تفهم البرنامج ان انت عندك سماعات نظام 7.1 بانك تظبط الاعدادات بتاعته على كده أكيد لوحده مش هيعرف .

الكمبيوتر آلة تتلقى المعلومات وتحللها وليس العكس .

ومبرووك عليك السماعات .

دي صورة من البرنامج
https://img175.imageshack.us/img175/8544/33333xw.jpg

[shrief_007]

كروت ريال تك من اسوء ما جربت من كروت بالنسبه للصوت م ناحيه ومشاكلها من ناحيه
المفروض ان الكارت بيتعرف على المداخل الى واصله فيه لوحده
انا كنت مشغل موصل الصب والسماعه الهاند فرى على كارت ساوند بلاستر قديم والكارت كان فيه حاجه فى البرنامج اسمها speaker detected
زى التيست فى الريتالك اول ما ادوس عليها كان بيجبلى ان فى جاكين متوصلين بالكارت والصوت كان بيطلع من الاثنين عادى يعنى 4.1
وكذلك فى كارت الاستاذ طارق فى حاجه اسمها auto detected اول ما ادوس عليه بيبين الجاكات الواصله بالكارت والصوت بيطلع منهم كلهم مش بيطلع من اثنين بس وانتا الى مفروض تفهمه انك موصله كزا جاك المفروض هو ا يعمل كدا من نفسه

[fahd_628]

دي صورة من البرنامج
https://img175.imageshack.us/img175/8544/33333xw.jpg


يا باشا انا شايف انك موصل كبل واحد فقط الى هوة الأخضر

انت متأكد انك حاطت كل كبل فى مكانة فى كارت الصوت ؟

[KRONUS]

يا باشا انا شايف انك موصل كبل واحد فقط الى هوة الأخضر

انت متأكد انك حاطت كل كبل فى مكانة فى كارت الصوت ؟
اصلي موصلها بالتوصيلة بتاعة راديوا شاك اللي بتخلي الثلاث توصيلات تبقي وصلة واحد

[fahd_628]

أةةةةةةةةة علشان كدة !!!!!!

لأ لأ لأ لأ

مينفعش تعمل كدة لو عاوز تسمع صوت كوبيس

شيل الوصلة دية و حط كل كبل فى مكانة !