المساعد الشخصي الرقمي

مشاهدة النسخة كاملة : هل شهادة سيسكو معتمدة حكوميا بمصر !!


Cisco-sYs
21-06-2010, 23:03
السلام عليكم

بالنسبة لشهادات سيسكو بمصر هل انها معتمدة حكوميا يعنى نقدر نغير المهنه فى البطاقة استنادا لشهادة سيسكو؟ بصرف النظر عن المؤهل التعليمى ؟
ahmed4Negm
21-06-2010, 23:40
هي معترف بها دوليا
وأكيد معترف بها في مصر

بس حطة البطاقة دي مش معترف بها
يعني علشان تعمل بطاقة وتكتب فيها إنك مهندس مثلا شبكات لأنك حاصل على شهادة كذا وكذا مش هينفع
لأنك علشان تعمل كده لازم تكون مسجل في نقابة المهندسين وعلشان تتسجل في نقابة المهندسين لازم تكون حاصل على بكالوريوس هندسة

ولو عاوز تعمل بطاقة تكتب فيها حاجة تبع الشبكات
ممكن والله أعلم لما تشتغل مثلا في شركة شبكات
تكتب التخصص اللي أنت بتشتغله في الشركة دي

لأنك لما تيجي تعمل بطاقة لازم تختمها من جهة العمل
فيإما تختمها من نقابة المهندسين لو أنت مسجل في النقابة
يا إما تختماها من جهة العمل اللي أنت بتعمل فيها
Cisco-sYs
21-06-2010, 23:49
تسلم اخى على ردك
طيب واذا كانت فيزة عمل ومكتوب فيها فنى شبكات ولازم تغير البطاقة علشان تغير الباسبورت ؟
ahmed4Negm
22-06-2010, 00:46
تسلم اخى على ردك
طيب واذا كانت فيزة عمل ومكتوب فيها فنى شبكات ولازم تغير البطاقة علشان تغير الباسبورت ؟


سبحان الله
والله كأنك محمد إبراهيم زميلي

بردوا جتله فيزا للسعودية
وبردوا كان مكتوب فيها فني شبكات
فوالده خلى واحد زميله يطلعله شهادة خبرة مضروبه من مكتب إستيراد وتصدير أنه كان شغال فني شبكات في المكتب ده
وبعدها عمل البطاقة وختمها من المكتب ده
وبعد ما البطاقة طلعت عمل الباسبورت
واالحمد لله سافر دلوقتي بقاله شهر في السعودية
عقبالي يارب
Cisco-sYs
22-06-2010, 00:53
شكل الحكاية هتبقى صعبه ,,
تسلم يا غالى على ردك واهتمامك بالموضوع وربنا يوفقك ان شاء الله فى حياتك العملية

منتظرين رودو باقى الزملاء لو حد عنده خلفيه عن الموضوع او طريقة اخرى ..
AHO
22-06-2010, 11:13
موضوع شيق خاص انى مصرى.................
لا موضوع البطاقة اكيد ما ينفعش...............
لان الاجراء الروتينى فى بلدنا ابن لذينا............
وزى ماقالك اخونا...............لما تشتغل فى مكان يكتب فى البطاقة كده.............

بس "مهندس" لازم النقابة المهندسين تعتمد ذالك وتقوم جهة عملك بتوصيفك لديها ك"مهندس شبكات"....او اى وصف هندسى مطلوب
Cisco-sYs
22-06-2010, 22:28
الف شكر اخى العزيز على ردك