المساعد الشخصي الرقمي

مشاهدة النسخة كاملة : اشتريت galaxy s من موقع handtec.co.uk وانا من مصر اريد استفسار



msfayad
23-06-2010, 18:37
يا جماعه انا اشتريت موبيل samsung galaxy S من handtec و للعلم وصل الهاتف الى مطار القاهره الحمد لله بسرعه فائقه تم الشحن يوم 21 وصل 23 ولكن طلب منى من شركة الشحن 290 جنيه لاحصل على البوليصه الجمركيه ثم انا امام امرين اما ان يقوموا هم بتخليصه مقابل 208 جنيه + 10% ضريبة مبيعات او اقوم انا بالذهاب الى المطار الى قريه البضائع وتخليصه بنفسى ثم يجب ايضا ان احصل على موافقه من مرفق الاتصالات بمدينه نصر

فارجو من لديه الخبر ان يقول لى ماذا افعل بصراحه انا غير مقتنع ب ال 290 جنيه رسوم وثيقه الجمرك
وايضا هل الحصول على الموافقه صعب ام سريع وهل له رسوم ارجو الافاده السريعه
بارك الله لكم

Dr Mohammad
23-06-2010, 19:01
الضريبة 10 فى المائة معروفة
أما طلب شركة الشحن فلا اعلم شيئا عنه
أنصحك تراسل شركة الشحن نفسها على الانترنت و تنتظر ردها , و يستحسن لو تروح بنفسك للمطار

optimus prime
23-06-2010, 19:10
مبروك عليك الموبايل
بس ياريت تقولي اشتريته بكام وايه الاجراءات والكلام دا
ونصيحة مني
ان ال290 جنيه دول لو هتضمنلك ان الموبايل يبقى واصل لحد باب بيتك
خالص من القرية الجمركية
وكمان خالص من هيئة الاتصالات
يبقى اتوكل على الله
لان كدا هتريح دماغك
انما لو هي من القرية الجمركية
يبقى شوف لو انت عندك استعداد انك تروح الجمارك
وتستحمل اي استظرافات من ظباط الجمارك هناك
يبقى روح بنفسك
ولو اني شايف انك تخلي الشركة تخلص الجمارك افضل

cypher
01-07-2010, 13:15
حاول تروح و تخلصه بنفسك و توفر مبلغ ملوش لازمة تجيبله بيه اكسسوارات تنفعة

و يا ريت متنساش تعمل مراجعة صغيرة عن ملاحظاتك عنه

و الف مبروك

moriatte
05-07-2010, 04:48
ياريتنى كنت شفت رسالتك من بدرى :(:ah8:
طبعا زمانك ركبت دماغك وقلت أخلصه أنا بنفسى
ياريتك كنت سمعت كلامهم
أنا برضه ركبت دماغى فى مرة ورفضت أدفع
عارف كانت ايه النتيجة؟
البضاعة كانت عبارة عن شوية أجهزة سمارت هوم......كانت هتتعرض واردات وأمن عام....وطبعا العرض كان هياخد فى وشه حوالى أربع شهور وكان ممكن فى الآخر الحاجة تتصادر
واضطريت أعيد تصدير البضاعة لدبى وأرجعها تانى عشان أفتح شهادة جمركية جديدة
ودخلت البضاعة بعد شهرين
كل دا عشان ركبت دماغى ورفضت ادفع الاتاوة للحرامية بتوع أرامكس ....أسوأ وأقذر شركة شحن سريع فى مصر بلا منازع.
والله أنا واحد قالهالى حكمة......بتوع الجمرك دول مايقدرش عليهم الا ربنا
ياريتك كنت دفعت :ah8: