الموضوع الرسمي لكروت الدش و الشيرنج

[Doctor Medo]

بسم الله الرحمن الرحيم

تم انشاء هذا الموضوع بناء علي نصيحة مشرفنا العزيز محمد رمزي

و سوف يتناول كل ما يخص كروت الدش من انواع و اسعار و سيرفرات الشيرنج و اشتراكاته الخ

سوف تكون المشاركه للسوال في هذا الموضوع فقط و هذا هو القانون الوحيد فارجو الالتزام به لو سمحتم و شكرا لكم

[EHWILLIAM]

أوك وآدى أول سؤال
ما هو أفضل كارت دش موجود فى السوق حاليا ويكون سعره معقول
موجود فين وبكام

[తో Mezoo తో]

انا معايا azures sp 2000 يشريحة twinhan 1027 وجايبه من شهرين تقريبا مش فاكر كويس ب 150 من سوق العصر والكارت ممتاز وشغال تمام والقنوات اللي كانت بتقطع مع الرسيفر شغالها تمام جدا علي الكارت

[Bulldozer FX]

أوك وآدى أول سؤال
ما هو أفضل كارت دش موجود فى السوق حاليا ويكون سعره معقول
موجود فين وبكام

افضل كروت الدش Sky Star 2 و pinnacle بس دول غاليين حبتين (الصراحة اوى اوى :D:D) بس حاجة ممتازة جدا ويبقى حظك حلو لو وقعت على واحد منهم

وفى كمان TwinHann و Tevii ودول المنتشرين بكثرة جدا فى السوق المصرى وهتلاقيهم موجودين بكثرة حاليا فى كل مولات الكمبيوتر وحاليا كارت Tevii هو المنتشر بكثرة والمسيطر على السوق ويعتبر الان الافضل فى السوق المصرى ودى اسعار كروت ال Tevii من حوالى شهر خمسة اللى فات

tevii s 420 =180
tevii s2 464 =420
tevii s 630 =220
tevii s2 660 =480

وطبعا الكروت دى بتدعم HD كلها

يارب اكون افدتك وبالتوفيق :)

[Mezoxin]

أعتقد يا جماعه الكروت الدش العالية اللي بتدعم ال DVB-S 2 مش اختيار موفق دلوقتي , لانك ممكن قوي تزود 200 جنيه و تجيب ال Qmax ال HD المعروف بالجوكر , و معاه اشتراك مجاني لمدة سنة كاملة , يعني ارخص من قيمة كارت الدش زائد قيمة الاشتراك في السيرفر

['aMido]

أعتقد يا جماعه الكروت الدش العالية اللي بتدعم ال DVB-S 2 مش اختيار موفق دلوقتي , لانك ممكن قوي تزود 200 جنيه و تجيب ال Qmax ال HD المعروف بالجوكر , و معاه اشتراك مجاني لمدة سنة كاملة , يعني ارخص من قيمة كارت الدش زائد قيمة الاشتراك في السيرفر

و ما هو الجوكر و كم ثمنه و من اين احضره :D:D

[Bulldozer FX]

أعتقد يا جماعه الكروت الدش العالية اللي بتدعم ال DVB-S 2 مش اختيار موفق دلوقتي , لانك ممكن قوي تزود 200 جنيه و تجيب ال Qmax ال HD المعروف بالجوكر , و معاه اشتراك مجاني لمدة سنة كاملة , يعني ارخص من قيمة كارت الدش زائد قيمة الاشتراك في السيرفر

كروت الدش العالية اللي بتدعم ال DVB-S 2 فعلا اختيار مش موفق دلوقتى يا ميزو لان النايل السات مبيدعمش تقنية الارسال دى دلوقتى

الكيوماكس فعلا افضل اختيار لانه ارخص الرسيفرات التى تدعم HD وتقريبا سعره من 650 - 700 جنيه وفى ناس جابته ب 600 بس

وكلامك صح فعلا فى موضوع انه ارخص لكن :cool: الصراحة افضل كارت السات لان شغل الشيرينج عليه اسهل بغض النظر عن السيرفر المجانى مع العلم ان سيرفر الكيوماكس تحفة جدا وناس بتشكر فى بس للاسف مكنش معايا فلوس وقتها اجيبه

وبالتوفيق اخى ميزو :)

[Bulldozer FX]

و ما هو الجوكر و كم ثمنه و من اين احضره :D:D
ده رسيفر Qmax mst-999 HD ويلقب بالجوكر
فى باب اللوق هتلاقيه :) وسعره تقريبا من 600 - 700 جنيه انت وشاطرتك وطبعا باب اللوق مش صغيرة فهتتعب شوية لحد ماتلاقيه بس ان شاء الله ربنا يوفقك وعلى ده ارخص انواع الرسيفرات التى تدعم HD وبعد كده هتفتح معاك لحد 3750 (Dream Box 500HD ) :D:D:D:D ويمكن اكتر بكتير كمان

وبالتوفيق :)

[Mezoxin]

aMido

سعره زاي مقال phantomas من 600 - 750 أنت و شطارتك , و بيتباع في منتدي ال DVD أو محلات باب اللوق و العتبه عليَّ حسب ماسمعت لكن منزلتش هناك قبل كده

Phantomas

إزيك يا راجل تصدق مكنتش واخد بالي انه أنت , بقالك كتير جداا مدخلتش , اتمني إنك تكون بخير يا رب , أنا فاكر أنت كنت أول واحد يجيب ال HD3870 في مصر :D

أنا كنت ناوي عليَّ احدي كروت tevii الجديده لكن قولت بلاش لإن معنديش خبرة مع برامج الشرينج وغيره , فقولت اريح نفسي وأجيب reciever

أنا عندي ال QMAX HD و السيرفر كويس جدا و نفس الكلام عند صاحبي , وبيشكر فيه عن السيرفر المدفوع علي الرسيفر القديم اللي عنده , بس فيه ناس شفتها علي منتدي ال DVD عندها مشاكل في تشغيل بعض القنوات , بس الحمدلله شغال معايا كويس

[wild cat]

و ما هو الجوكر و كم ثمنه و من اين احضره :D:D

كلام ميزوكسين مظبوط جدا

كرت الستلايت اقصى سعر يدفع فيه 400 اكتر من كده تزود شويه وتجيب رسيفر بمنفذ لان وبيسجل

والجوكر ده الاخ الاكبر للكيوماكس جولد اكيد سمعت عنه :D

وده يعمل بنظام لينكس ويدعم نظام ال DVB-S2 + ال HD وفيه منفذ USB للتسجيل وتحميل السوفت ومعاه سيرفر مجاني وفيه متصفح لليوتيوب وميزات اخرى

ويباع في باب اللوق بداية من 750

[Bulldozer FX]

aMido

سعره زاي مقال phantomas من 600 - 750 أنت و شطارتك , و بيتباع في منتدي ال DVD أو محلات باب اللوق و العتبه عليَّ حسب ماسمعت لكن منزلتش هناك قبل كده

Phantomas

إزيك يا راجل تصدق مكنتش واخد بالي انه أنت , بقالك كتير جداا مدخلتش , اتمني إنك تكون بخير يا رب , أنا فاكر أنت كنت أول واحد يجيب ال HD3870 في مصر :D

أنا كنت ناوي عليَّ احدي كروت tevii الجديده لكن قولت بلاش لإن معنديش خبرة مع برامج الشرينج وغيره , فقولت اريح نفسي وأجيب reciever

أنا عندي ال QMAX HD و السيرفر كويس جدا و نفس الكلام عند صاحبي , وبيشكر فيه عن السيرفر المدفوع علي الرسيفر القديم اللي عنده , بس فيه ناس شفتها علي منتدي ال DVD عندها مشاكل في تشغيل بعض القنوات , بس الحمدلله شغال معايا كويس

:D:D:D
ازيك يا ميزو عامل ايه يارب تكون انت بخير :)
الصراحة الكارت حلو جدا وبالنسبة للشيرنج مش مشكلة كنت هتظبط الاداء بعد كام غلطة كده وتتعلم ازاى تتعامل معاه
مبروك على الرسيفر :)
بفكر الصراحة انى اجيب واحد علشان عندى فى البيت محتلين الاوضة :D:D:D

وشكرا لك ميزو وبالتوفيق :)

[maboussoud1]

عندى كارت ساتلايت بقاله 4 سنين معايا
نوعه
twunhan 1025
تونهان 1025
وبشغل كل القنوات
3d
and hd
والكارت ده كنت جايبه بى 200 جينه تقربيا
صور من قنوات 3d
https://i49.tinypic.com/ifvfo3.jpg
وصور من قنوات hd
https://i46.tinypic.com/ip2kr9.jpg
الكارت ده بقاله معايا 3 سنين ولا كان فيه اتش دى ولا حاجه
والحمد الله طلع بيشغل الاتش دى

[isl_amd]

١٠٢٥ كرت ممتاز هو و الديناصور ١٠٢٠ بس يا خسارة الكارت بتاعي مات من سنة و كمان ما كانش شغال على ويندوز ٧ خالص المهم أنا شغال حالين ب رسيفر شيرينج و ممتاز الصراحة بقالي ٧ شهور ب السرفر لي معاه;)

[DoCToR.TaHeR]

السلام عليكم ورحمه الله وبركاته

معلش يا Phantomas اسمحلي اني اسالك شويه اسئله بما انك من الواضح ان ليك اختلاط واحتكاك بموضوع الدش وكروته وكده وبما اني بجد محتاج مساعدتك ومش عارف اعمل اي حاجه في الموضوع ده

دلوقتي انا كنت عايز اعرف ازاي اشغل القنوات المشفره طبعا بجانب المفوحه علي التليفزبون عندي او علي شاشه الكمبيوتر؟
انا عندي ريسيفر اسمه هيوماكس بس مش موديل جديد ومش عارف بيدعم ايه بالظبط !!
احترت كتير وفي ناس تقولك هات كرت ستالايت وناس تقولي هات ريسفر تاني وناس تقولي حكايات معقده اوي كده وتوصل وتفتح وبرامج وارسال وحاسس انها حاجات صعبه اوي؟

ارجو من حضرتك تقولي ايه الادوات اللي هحتاجها والخطوات بالترتيب عشان اركبه علي تليفزيون او كمبيوتر ؟ وهل في مواصفات معينه لازم تكون موجوده في التليفزيون او الكمبيوتر؟

اه صح نسيت في ناس قالتلي في ريسيفر اسمه ترومان بيقولو بيفتح كل حاجه بس انا مش عارف لو جبته هشغله ازاي عندي؟
وبعدين هل لو انا هشغل القصه دي التليفزيون هحتاج ايه؟ ونفس الكلام لو كمبيوتر هحتاج ايه؟

اسف علي الطلب الطويل والكلام الكتير بس اعذرني انا بجد عاوز اطبق القصه دي عندي ومحتاج المساعده :)

[Bulldozer FX]

السلام عليكم ورحمه الله وبركاته

معلش يا Phantomas اسمحلي اني اسالك شويه اسئله بما انك من الواضح ان ليك اختلاط واحتكاك بموضوع الدش وكروته وكده وبما اني بجد محتاج مساعدتك ومش عارف اعمل اي حاجه في الموضوع ده

دلوقتي انا كنت عايز اعرف ازاي اشغل القنوات المشفره طبعا بجانب المفوحه علي التليفزبون عندي او علي شاشه الكمبيوتر؟
انا عندي ريسيفر اسمه هيوماكس بس مش موديل جديد ومش عارف بيدعم ايه بالظبط !!
احترت كتير وفي ناس تقولك هات كرت ستالايت وناس تقولي هات ريسفر تاني وناس تقولي حكايات معقده اوي كده وتوصل وتفتح وبرامج وارسال وحاسس انها حاجات صعبه اوي؟

ارجو من حضرتك تقولي ايه الادوات اللي هحتاجها والخطوات بالترتيب عشان اركبه علي تليفزيون او كمبيوتر ؟ وهل في مواصفات معينه لازم تكون موجوده في التليفزيون او الكمبيوتر؟

اه صح نسيت في ناس قالتلي في ريسيفر اسمه ترومان بيقولو بيفتح كل حاجه بس انا مش عارف لو جبته هشغله ازاي عندي؟
وبعدين هل لو انا هشغل القصه دي التليفزيون هحتاج ايه؟ ونفس الكلام لو كمبيوتر هحتاج ايه؟

اسف علي الطلب الطويل والكلام الكتير بس اعذرني انا بجد عاوز اطبق القصه دي عندي ومحتاج المساعده :)

وعليكم السلام ورحمة الله وبركاته

شوف يا استاذ طاهر دلوقتى بتقول ان عندك هيوماكس موديل قديم
دلوقتى لو الموديل ده كان 5400 زد او 5400 بس يبقى انت كده تمام الرسيفر ده بيسموه الاسد العجوز لانه لحد دلوقتى واحد من عمالقة الشيرنج برغم قدم موديله بس بيحتاج وصلة سيريال من الكمبيوتر لل رسيفر فبالتالى حضرتك لازم تنقل الكمبيوتر جنب الرسيفر وحتنزل برنامج اسمه sharmax او سبيدر شير على الكمبيوتر ولازم تكون محدث الرسيفر طبعا لاخر باتش :)
الموضوع ممكن انت تشوفه صعب وطبيعى انك تغلط فى الاول بس بعد كده هتتعود عليه وهتلاقى الموضوع سهل جدا :)
على فكرة عندى موديل الهيوماكس ده وفرحت جداااااا انه بيدعم الشيرنج فقولت قشطة روحت نزل اشتريت الوصلة وظبطت كل حاجة وللاسف اجى اكتشف ان الكمبيوتر عندى مفيهوش وصلة سيريال :eek::D فاستسلمت ورحت اشتريت كارت سات

شوف بقى لو انت مثلا عايز تشغل اشيرينج عندك مثلا فى الاوضة ليك لوحدك يبقى انصحك بكارت سات وتظبيط الشيرنج عليه ان شاء الله سهل جدا
اما لو انت عايز مثلا تحطه فى غرفة المعيشة علشان حضرتك والعائلة تتفرجوا عليه يبقى احسن انك تجيب رسيفر بوصلة LAN ودول موجودين كتير تقريبا من 500 جنيه وانت طالع
فختيار كارت السات او انك تجيب رسيفر جديد ده على حسب احتياجك عايز تشغل الشيرنج فين

بص ياسيدى تشغيل القنوات المشفرة جنب المفتوحة عادى خالص مفيهوش مشكلة سواء على التليفزيون او شاشة الكمبيوتر التنين هيشتغلوا مع بعض عادى جدا جدا

اما موضوع الادوات ده فده طبعا على حسب اختيار حضرتك سواء حضرتك اردت رسيفر ام كارت سات يعنى

كارت سات : ان شاء الله هتحتاج

1-وصلة من الدش ولو عندك LNB بتاعة الدش بمخرج واحد ممكن تجيب ذات المخرجين علشان وصلة مثلا من الدش للرسيفر ووصلة لكارت السات
2-برنامج لعرض القنوات على الكمبيوتر ودول كتييييييييير:D لما تنوى ان شاء الله قوللى وابقى اقولك على برنامج رائع استخدمه وممكن ترجع للمشاركات السابقة على شان الموضوع ده
3- اشتراك شيرنج لفتح القنوات المشفرة وده برضه سهل ومليين المنتديات بس طبعا فى المحترم وفى السئ

4-Sharing plugins ودى سهلة اوى ولو انت اشتركت فى سيرفر شيرنج محترم ممكن صاحب السيرفر يديلك الملفات الازمة وتحطها فى برنامج العرض وتشتغل علطول ان شاء الله القنوات المشفرة

عرفت تظبط الحاجات دى خلاص كده مبروك عليك :ah4::):D

اما فى حالة الرسيفر عندك نوعين
النوع الاول : رسيفر بوصلة النت LAN
ودل اصبحوا منتشرين برغم من ان المصنفات الفنية منعت تدوال الانواع دى بس على مين :D:D:D:D
الرسيفرات المناسبة جدا ممكن تحطها فى اى حتة طالما عندك وصلة نت وطبعا وصلة من الدش :D
ودول انواعهم كتير احسنهم الرسيفرات الكيوماكس Q-MAx بالانواع دى

Qmax mst-999 gold
Qmax mst-999 HD وده لو حبيت تجيبه علشان تشغل القنوات High Definition لازم يبقى عندك LCD LED Plasma TV's وطبعا بيدعموا ال HD :)
وكمان صحيح الرسيفرات دى معاها سيرفر شيرنج مجانا لمدة عام من تاريخ تشغيل الرسيفر :D

وفى كمان البريفيكس 9400 وده برضه بدء فى اثبات نفسه بس معنديش معلومات عن سيرفر الشيرنج المجانى بتاعه

وفى كمان رسيفر truman 1000 برضه حلو بس اوشك على الانقراض :)
وعلشان تشغل الشيرنج عليهم مش هتحتاج ان شاء الله غير وصلة من النت ووصلة الدش ووصلة للتلفيزيون :D:D وطبعا اشتراك شيرنج :D

اما النوع تانى من الرسيفرات فده منغير وصلة لان يعنى بوصلة سيريال وتشغل الشيرنج ومش كل الرسيفرات اللى من النوعية دى بتدعم تشغيل الشيرنج لفتح القنوات المشفرة:)

اما بقى بالنسبة لموضوع رسيفر الترومان ده اللى ناس بتقولك عليه فده على الغالب هيكون من النوع التانى وموديله اذا لم تخنى الذاكرة TM-150 :confused:

يارب بكده اكون افدتك وقمت باجابة ماكنت تسأل عنه استاذ طاهر ويارريت لو كنت نسيت حاجة ذكرنى فجل من لا يسهو وبالتوفيق اخى :)

ونسيت اقولك لو انت مثلا بقى واخد مثلا وصلة نت من واحد او من سايبر يبقى طبعا فى الحالة دى الانسب ليك كارت سارت السات وبالتوفيق اخى طارق :)

[DoCToR.TaHeR]

الف الف الف شكر علي رد حضرتك يا Phantomas
دلوقتي انا طلعت بشويه حاجات من كلامك اللي افادني كتير بصراحه ووضحلي كزا نقطه

انا فهمت من كلامك ان فيه 3 طرق لتشغيل القنوات المشفره بجانب النايل سات علي التليفزيون او الكمبيوتر
1- عن طريق كروت الستالايت وبرامج الشير وكده بس تقريبا الطريقه دي كمبيوتر بس صح؟
2- الطريقه التانيه رسيفر بيعمل كل حاجه في اي حاجه وده شبه منقرض اوتو توافره قليل صح؟
3- عن طريق ريسيفر من نوع معين بيفتح القنوات دي وفيه منه انواع زي الهاي ديفنيشن وكده صح؟

السؤال بقه لو كلامي اللي فوق ده صح ! ايه الطرق اللي منهم تنفع كمبيوتر وانهو تليفزيون ؟؟

انا بصيت عندي علي الرسيفر مش لاقيت رقم الموديل اللي قولت عليه بس علي العموم هو لونه سيلفر وكنت جايبه من شركه ART
بس مش مشكله لو هشتري رسيفر تاني
دلوقتي ان شاء الله اللي انا هعمله اني هشتري تليفزيون LCD وداعم للهاي ديفنيشن اكيد باذن الله

فا عاوز اعرف بقه ازاي هشغله عليه وانهو طريقه من اللي فاتو دول احسن؟ انا حااسس ان عن طريق رسيفر اسهلي حتي لو هدفع في الرسيفر 1000 جنيه مش مشكله بس اخلص :D

وبعدين انا مش فاهم حته اشتراك شيرنج دي؟ بشترك فين وعند مين وازاي ؟؟
النت عندي خط 512 لوحدي من شركه لينك دوت نيت

معلش يا باشا استحملني اصلي لسه جديد في الموضوع ده :)

تعديل : نسيت اقول لحضرتك انا هستخدمه مع التليفزيون في اوضه المعيشه وياربت حضرتك توضحلي ايه نوعيه الوصلات اللي بتقول عليها (نت - دش - تليفزيون )
انا الدش اللي عندي مش وصله من الشارع
وياريت حضرتك تقولي نوعيه الرسيفرات الكيو ماكس الداعمه لل HD ولا هو النوع اللي حضرتك قولته ده احسن واحد وسعره كام؟
وسمعن ان ممكن الرسيفر يكون في منفذ USB عشان تشغل افلام HD من خلاله هل مظبوط الكلام ده ؟ ولو مظبوط ياريت الرسيفر يكون فيه المخرج ده طبعا :D

[H.E.R.O]

طيب ايه احسن اشتراك شيرنج نايل سات فقط و يكون رخيص

عشان انا مشترك فى سيرفر acamd و حاسس انه سىء جدا و مش عارف العيب من السيرفر ولا من عندى لانى اما اشغل قناة مشفرة مثلا من الجزيرة الرياضية بيقعد حوالى 3 دقايق على ما تفتح القناة !!!!!!!!!
يا ترى ده عادى ولا من الكودك ولا من السيرفر ولا ايه ؟؟

[Bulldozer FX]

الف الف الف شكر علي رد حضرتك يا Phantomas
دلوقتي انا طلعت بشويه حاجات من كلامك اللي افادني كتير بصراحه ووضحلي كزا نقطه

انا فهمت من كلامك ان فيه 3 طرق لتشغيل القنوات المشفره بجانب النايل سات علي التليفزيون او الكمبيوتر
1- عن طريق كروت الستالايت وبرامج الشير وكده بس تقريبا الطريقه دي كمبيوتر بس صح؟
2- الطريقه التانيه رسيفر بيعمل كل حاجه في اي حاجه وده شبه منقرض اوتو توافره قليل صح؟
3- عن طريق ريسيفر من نوع معين بيفتح القنوات دي وفيه منه انواع زي الهاي ديفنيشن وكده صح؟

السؤال بقه لو كلامي اللي فوق ده صح ! ايه الطرق اللي منهم تنفع كمبيوتر وانهو تليفزيون ؟؟

انا بصيت عندي علي الرسيفر مش لاقيت رقم الموديل اللي قولت عليه بس علي العموم هو لونه سيلفر وكنت جايبه من شركه ART
بس مش مشكله لو هشتري رسيفر تاني
دلوقتي ان شاء الله اللي انا هعمله اني هشتري تليفزيون LCD وداعم للهاي ديفنيشن اكيد باذن الله

فا عاوز اعرف بقه ازاي هشغله عليه وانهو طريقه من اللي فاتو دول احسن؟ انا حااسس ان عن طريق رسيفر اسهلي حتي لو هدفع في الرسيفر 1000 جنيه مش مشكله بس اخلص :D

وبعدين انا مش فاهم حته اشتراك شيرنج دي؟ بشترك فين وعند مين وازاي ؟؟
النت عندي خط 512 لوحدي من شركه لينك دوت نيت

معلش يا باشا استحملني اصلي لسه جديد في الموضوع ده :)

يا باشا ولا يهمك :)
اول نقطة انت فهمتها صح والحمد لله
لكن تانى نقطتين مش اوى
بص قصدى على الرسيفر الشبه منقرض ده انه توافره قليل فى السوق مش حاجة سبيشيال يعنى :) فعلى العموم الرسيفرات كلها اللى بوصلة LAN حاجة واحدة بس بتفرق فى جودة التصنيع واصبحت دلوقتى منتشرة جدا اكتر من زمان

فالترومان ده حلو اوى بس دلوقتى مبقاش منتشر زى زمان وعلشان كده قولت عليه منقرض :) ومش قصدى على الرسيفرات كلها

معاك حق الرسيفر اسهل بكتير وخصوصا انه بيجيى معاه اشتراك سنة مجانا :D وكمان ممكن الراجل يظبطهولك عنده فى المحل لو عنده نت
ورشحلك الرسيفر Q-Max mst 999 HD وده معروف فى السوق باسم الجوكر وهو فى حدود 600-750 جنيه انت وشطارتك

استاذ طارق مفيش طريقة احسن من التانية كلهم واحد بس بترجع للعامل النفسى واستعداد الواحد انه ازاى عايز شيرنج وهيعمله فين

اما الشيرنج ده فده يبقى عبارة عن يوزر وباس بتدخل بيهم على سيرفر شيرنج يفتحلك القنوات المشفرة وده هتلاقيه على منتديات كتير على النت
بس متقلقش نفسك من الموضوع ده دلوقتى لانك لو جبت الرسيفر الكيوماكس الجوكر ده هيتاخد معاه سيرفر شيرنج لمدة سنة مجانا :) من تاريخ تشغيل الرسيفر لاول مرة

وطبعا لو جيبت شاشة LCD هيبقى الموضوع سهل انك تركبه على الريفر عادى من غير مشاكل ودى هتكون عن طريق وصلة اسمها HDMI ودى ان شاء الله هتجيلك مع الرسيفر ان شاء الله
بس خلى بالك من حاجة لو اشتريت الرسيفر ده وصلة الان بتاعته مش متركبة فيه جاهزة بتيقة عبارة عن converter بيتركب فى وصلة السيريال بتاعة الرسيفر ممكن التاجار يبعهالك منفصلة وده غلط لانها بتيجى مع ارسيفر من الشركة
ويمكن الاخ ميزوكسين يفيدك فيه اكتر لانه عنده واحد منه

ويارب اكون وضحتلك ماتريده وبالتوفيق اخى طارق :)
تعديل : هاجوب لحضرتك على كلامك اللى بالاحمر بعد صلاة المغرب :)

[Bulldozer FX]

طيب ايه احسن اشتراك شيرنج نايل سات فقط و يكون رخيص

عشان انا مشترك فى سيرفر acamd و حاسس انه سىء جدا و مش عارف العيب من السيرفر ولا من عندى لانى اما اشغل قناة مشفرة مثلا من الجزيرة الرياضية بيقعد حوالى 3 دقايق على ما تفتح القناة !!!!!!!!!
يا ترى ده عادى ولا من الكودك ولا من السيرفر ولا ايه ؟؟



الشيرنج واسعاره مختلفة جدا من منتدى لمنتدى و نوعية جودة السيرفر بتعتمد على اذا ماكان يعتمد على سبيدرات او كروت شرعية او يقوم بالخلط بين الاثنين وايضا مكان السيرف وسرعة النت التى يعمل عليها

مشكلة تاخير فتح القناة ده ممكن يبقى عادى نظرا للضغط الكبير اللى بيعانيه السيرفر اللى حضرتك مشترك فيه و الموضوع ده ملوش علاقة خالص بالكوديكس بس 3 دقايق دى حاسس انها كتير شوية والله اعلم بس طالما ان القناة شغالة معاك حلو ومبتقطعش طوال فترة المشاهدة يبقى ممكن تاخير فتح القناة اما من ضغط الذى يعانيه السيرفر او فى مشاكل فى النت وبالتوفيق :)

[Bulldozer FX]

تعديل : نسيت اقول لحضرتك انا هستخدمه مع التليفزيون في اوضه المعيشه وياربت حضرتك توضحلي ايه نوعيه الوصلات اللي بتقول عليها (نت - دش - تليفزيون )
انا الدش اللي عندي مش وصله من الشارع
وياريت حضرتك تقولي نوعيه الرسيفرات الكيو ماكس الداعمه لل HD ولا هو النوع اللي حضرتك قولته ده احسن واحد وسعره كام؟
وسمعن ان ممكن الرسيفر يكون في منفذ USB عشان تشغل افلام HD من خلاله هل مظبوط الكلام ده ؟ ولو مظبوط ياريت الرسيفر يكون فيه المخرج ده طبعا :D

همم الصراحة معرفش عن موضوع ال USB ده ولكن اعرف ان فى منفذ USB فى الرسيفرات دلوقت بس مش متاكد منوضوع افلا HD دى :confused: بس متقلقش لو الرسيفر الكيوماكس ده هتلاقى وصلة USB :) ومعظم الرسيفرات كده دلوقتى

قصدى ان التلات وصلات يعنى يبقو جاهزين بس مش اكتر :)

كان قصدى على النت مش الدش يا استاذ طارق :) وحيث ان حضرتك قولت ان النت عندك جايبه لوحدك فده حلو اوىىىىىىىىىىىىىى :D

بالنسبة للرسيفر ده والله اعلم الوحيد اللى نزل من الكيومكاس بيدعم ال HD وسعره متراوح مابين 600-750 جنيه فى باب اللوق

وبالتوفيق استاذ طارق :)

[xmen4]

السلام عليكم . انا محتاج مساعدة من الاخ Phantomas بما انه يعلم الكثير فى مجال الدش انا عندى لاب توب وعاوز اركب ليه كارت دش ولكن انا معلوماتى قليله جدا عن كروت الدش فما هو افضل نوع من حيث (عدم التقطيع فى القنوات .وفتح القنوات المشفرة ) وارجو لوسمحت وضع الاسعار اذا امكن ..اسف على الاطاله ولك جزيل الشكر.

[عاشق الزمالك]

طيب يازعيم سعر كروت الستالايت الجديدة التي تشغل ابو ظبي كام وهل بيجي معها سيرفر مجاني

[عاشق الزمالك]

[QUOTE=عاشق الزمالك;1505311]طيب يازعيم سعر كروت الستالايت الجديدة التي تشغل ابو ظبي كام وهل بيجي معها سيرفر مجاني و ايه هي مواصفات الجهاز المناسبة [ و شكر ا/QUOTE]

[EN.AhMeD]

موضوع رائع ..ومعلومات مفيدة جدا من الاخوة الكرام :)

يرجي التثبيت

[Fast Taker]

السلام عليكم

اخواني انا عندي كرت realview

مش قادر اشغله على win 7

مثلا على prog dvb

[Hassan.Ali]

برجاء المساعده فى تشغيل ريموت ال tveii s420 على البروج

ازاى اقدر اشغل ريموت كارت Tevii s420 على البروج اصدار 6.45 او اى اصدار

انا اول ما وصلت الريموت اشتغل تمام وبس بعد كده ولا كانه موجود

اول ما اشتريت الكارت عمل كده برده شيلت الريموت سنه قلت اجرب يمكن الاصدار الحديث

يكون فيه الخير

حصلت القصه تانى ...... ياريت يكون فى حل ...شكراااا

[ŤǾЯŊΛĐф]

موضوع رائع أول مرة ألاحظه ، دلوقتى Wild Cat كان قايل إن Tevii s470 نازل قريب ، نزل ولا أيه ، ولو مش نازل أيه أحسن حاجة DVB/S2 ويفضل تكون PCI-E

[isl_amd]

موضوع رائع أول مرة ألاحظه ، دلوقتى Wild Cat كان قايل إن Tevii s470 نازل قريب ، نزل ولا أيه ، ولو مش نازل أيه أحسن حاجة DVB/S2 ويفضل تكون PCI-E
tevii s464

[dr_bary]

السلام عليكم ورحمة الله وبركاته

استفسار بسيط لأساتذه كروت الستالايت وانا بقول اساتذه كروت الستالايت علشان ما فيش حد غيرهم يرد على الموضوع ويقول أى كلام والسلام
المهم أنا عندى كارت ستالايت توينهان 1027 داخلى وبقاله معايا تقريبا سنة و كان معاياقبله كارت لايف فيو خارجى بس الايف فيو ده بصراحه تعبنى كل التعب علشان كان بيقطع وفيه ترددات طتييييير جدا ما كانش بيستقبلها على سبيل المثال لا الحصر ترددات موجه كوميدى والجزيرة الرياضيه ومودرن سبورت والكارت ده والحمد لله باظ من زمان.....نييجى بقى للمهم طبعا انا خطرت على بالى فكرة التجديد للجيل الثانى من كروت الستالايت يعنى تقنيه المستقبل القريب وخاصه ان فيه قنوات كتير على باقة الشوتايم بدأت تستخدم التقنيه دى طبعا على كارت توينهان انا كنت بشغل قنوات الجزيرة HD ودريم HD وكمان روتانا التجريبيه واكتر من كده بستخدم الشيرنج ومشترك فى سيرفر شيرنج
اعتقد انى طولت شويه فى الكلام
نويت خلاص انى اشترى روحت دورت على كارت DVB-S2 والحمد لله لقيت فعلا كارت TeVii اللى منه موديلين واحد خارجى TeVii s660 والثانى داخلى TeVii S464 طبعا انا ما كنتش مصدق عينى لأنى دورت كتير جدا على الكارت ده بسبب تشكير بعض الاعضاء فى منتديات أخرى ....لكن اصابتنى الحيرة وقلت اشترى الكارت الداخلى ولا الخارجى طبعا انا اتلسعت قبل كده من الكارت الخارج أما الكارت الداخلى التوينهان بصراحه اكثر من رائع من هنا كنت محتار جدا فى انى افاضل بين الموديلين لأن اللى بيتلسع من الشوربه بينفخ فى الزبادى وده السبب اللى خلانى فى اول الموضوع انى اقول يا ريت اللى عارف وخبرة فى هذا المجال هو اللى يرد على الموضوع ده وأسف اذا كنت بكلامى ده جرحت مشاعر اى حد من الاعضاء الكرام
أظن بقى السؤال دلوقتى واضح وهو هل اشترى الكارت الخارجى ولا الداخلى؟ ....الخارجى هيفيدنى أنى معايا لاب توب وبتنقل كتير ومتوفر فى كل الاماكن اللى بروحها طبق هاخد منه وصله للكارت بس طبعا خوفى الاكبر من التقطيع و خلافه
اما عن كارت الداخلى فهو جميل لكن مقيد باستخدامه عندى فى البيت لأنى مش كل شويه هفك وهربط وشغلانه ....وخصوصا ان الفرق بين الكارتين فى السعر مش كتير ومعقول جدا
يا ريت الافاده من اهل الخبرة وأسف على التطويل وشكرا لكل من سيرد هلى استفسارى

[SIGMA-ZERO]

يا رجالة اللي عايز اشتراكات في سيرفر cccam لفتح تقريبا كل القنوات علي معظم الاقمار يا ريت يراسلني
و في سيرفر كمان newcamd بس للنايل و العرب سات بس
...اعرف اتصرف في اشتراكات بأسعار خاصة جدا عشان خاطر المنتدي...ملحوظة..مشترك فية اكتر من 4 او 5 سنين و شغال زي الفل...بس اقل حاجة اشتراك 6 شهور

الموضوع انا مقدمة كمساعدة للاعضاء و ليس اعلان...