المساعد الشخصي الرقمي

مشاهدة النسخة كاملة : (مصر) للبدل XFX GTX260 BLACK EDITION 216 CORE



الصفحات : [1] 2

mustafa811
06-07-2010, 18:29
https://www.firingsquad.com/hardware/xfx_geforce_gtx_260_black_review/images/07.jpg





https://img43.imageshack.us/img43/5509/04072010002.jpg (https://img43.imageshack.us/i/04072010002.jpg/)

ده المحتويات بالاضافة الى وصلتين كونفرتر .. واحده hdmi : dvi
و واحده dvi : vga .. ده غير وصلة صوت داخلية علشان صوت ال hdmi

الكارت تاريخ شراؤه 27\1\2009 من اكورب مول و ضمانه سنتين
حالة الكارت جيدة جدا .. الكارتونة مش جديدة بس حالتها كويسة

و انا اخذته من عضو زميل على المنتدى من شهرين و بدلته ب 4870
مع دفع الفارق .. بس اخذته من دون اللعبة الهدية و من دون وصلة ال sli

و الكارت بيعمل بكفاءة و هو اسرع من ال 5770 و يمتاز بال 3d vision
و ال cuda و الفيزكس ( و لو ان مش مستظرف قصة الفيزكس ده)
لكن لا يدعم دايركت اكس 11 و احتياجه للباور اعلى

للبدل ب 5850 او 5830 مع دفع فارق
او للبدل مع 5770 دون فارق

E.cherif
06-07-2010, 18:38
هل يمكن البدل بـ 4770 مع دفع الفرق ..

mustafa811
06-07-2010, 18:53
هل يمكن البدل بـ 4770 مع دفع الفرق ..

لأ ...........

mustafa811
06-07-2010, 18:59
ماكنتش اعرف ان الناس بتحب نيفيديا للدرجة ده هههههههه
جالي بتاع 3 رسايل في اول خمس دقايق من عمل الموضوع :D

mohamed tarek c
06-07-2010, 21:26
مش موضوع بتحب بنفديا بس الكارت كويس و انا بصراحه كنت بس عاوز اجرب الفرق بينه و بين ال 4870 ال 1 ججا
بعتلك رساله عل الخاص

mustafa811
06-07-2010, 21:48
مش موضوع بتحب بنفديا بس الكارت كويس و انا بصراحه كنت بس عاوز اجرب الفرق بينه و بين ال 4870 ال 1 ججا
بعتلك رساله عل الخاص

انا على فكره رديت على الخاص
و لو الكارت مافيش نصيب انه يتبدل بكرت من الفئة الخامسة .. ممكن ابدل معاك اسبوع
تجربه فيه .. بس من غير overclocking ههههههههه :D

mohamed tarek c
06-07-2010, 21:54
ههههههههههههههههههههه يخليك ليا يا رب انا مبعملش اوفر كلوك للكروت متخفش
دكه او كده انت عارف اني مش هتمنالك غير المصلحه و الخير و موفق انشاء الله

HuLkY
06-07-2010, 21:56
بالتوفيق دييشة :) , الكارت كويس ويكفى انه منك شخصيا :)

mustafa811
06-07-2010, 22:13
بالتوفيق دييشة :) , الكارت كويس ويكفى انه منك شخصيا :)

ثانك يو .. بس ايه الصورة الغريبة ده .. ده متسلق ثلوج !!

kioooo4
06-07-2010, 22:58
تابع الخاص

mustafa811
06-07-2010, 23:19
تابع الخاص

تم الرد

HuLkY
06-07-2010, 23:22
ده متسلق ثلوج !!

هى ابيض واسود لأنها من ال Manga داريكت!!!

ده الاخ المصون Starrk , الايسبادا الاول!

boksha
06-07-2010, 23:38
تبدل ب oc] 9800gx2]:D

mustafa811
07-07-2010, 00:10
هى ابيض واسود لأنها من ال Manga داريكت!!!

ده الاخ المصون Starrk , الايسبادا الاول!


انا اخري Death Note .. و غريبة ان باحب ال anime بس عمري ماشفت حلقة لbleach




تبدل ب oc] 9800gx2]:D


اقرى اخر سطرين في الموضوع :D

mustafa811
07-07-2010, 02:05
توضيح بس للاعضاء .. انا باتعامل بس مع زملائي الاعضاء المستخدمين الطبيعيين ال زيي زيهم
و هم دوول ال يشرفني التعامل معهم

اما بالنسبة للتجار و السماسرة و الوسطاء للاسف مابتعاملش معاهم و لا احب اتعامل معاهم
و لو كنت اتعاملت معاهم مرة قبل كده فيبقى ده للاسف نتيجة اساليبهم الملتوية

مش عارف اقول ايه بس .. حسبي الله و نعم الوكيل .. و انا حبيت اقول الكلمتين
دوول علشان المبتدئين و الاعضاء الطبيعيين ال مش واخدين خيانة يبتدوا ياخدوا بالهم
و يشوفوا مين بيشتري حاجاتهم و يبخس تمنها و يروح يبيعها على منتديات تانية بالغلا و العكس
و كل وظيفته و رزقه من ورا القصة ده .. احنا مش ناقصين مص دماء بقى
ده انتم مافيا فعلا

HuLkY
07-07-2010, 03:59
دييشة , بلغ الادارة باى عضو "حبوب او لذوذ " :D , عايزين نفلتر المكان :)

eng.ahmedhelal
07-07-2010, 04:10
دي فعلا حقيقه و انتشرت مؤخرا كتير للاسف

بالتوفيق في البيع كارت ممتاز

sweety.boy
07-07-2010, 05:16
فى شوية مخلوقات كده بتجيب للواحد احباط :D:D

E.cherif
07-07-2010, 13:41
توضيح بس للاعضاء .. انا باتعامل بس مع زملائي الاعضاء المستخدمين الطبيعيين ال زيي زيهم
و هم دوول ال يشرفني التعامل معهم

اما بالنسبة للتجار و السماسرة و الوسطاء للاسف مابتعاملش معاهم و لا احب اتعامل معاهم
و لو كنت اتعاملت معاهم مرة قبل كده فيبقى ده للاسف نتيجة اساليبهم الملتوية

مش عارف اقول ايه بس .. حسبي الله و نعم الوكيل .. و انا حبيت اقول الكلمتين
دوول علشان المبتدئين و الاعضاء الطبيعيين ال مش واخدين خيانة يبتدوا ياخدوا بالهم
و يشوفوا مين بيشتري حاجاتهم و يبخس تمنها و يروح يبيعها على منتديات تانية بالغلا و العكس
و كل وظيفته و رزقه من ورا القصة ده .. احنا مش ناقصين مص دماء بقى
ده انتم مافيا فعلا


نقطة هامة جدا يا دكتور ..فعلا في ناس للاسف كلام السماسرة بيزغلل عينيها ..أنا أعرف واحد بدل كارته ودلوقتي بيندب حظه ..لو كان لقى واحد زي حضرتك يوعيه ماكانش ده حصل ..الحمدلله إن السماسرة في المنتدى عددهم محدود :ah7: ..ربنا يوفقك في البيع أو البدل ..وبرضه 4770 موجود لو غيرت رأيك ..

crypt76
07-07-2010, 14:11
إيه رأيك يا مصطفى تبدله بكارت 4670 متربي على العز من صغره كنت شاريه من صديق زي العسل وبعتز جداً بالكارت ده لأنه عرفني براجل محترم جداً (وواحشني جداً :) )؟ أظن صفقة مافيهاش كلام خالص :D

ربنا يوفقك إن شاء الله، ولو عايز أنا هجيب كارت 5850 مخصوص علشان أديهولك تجربه براحتك

Ĵ Ŏ ƙ Э Ř
07-07-2010, 14:22
توضيح بس للاعضاء .. انا باتعامل بس مع زملائي الاعضاء المستخدمين الطبيعيين ال زيي زيهم
و هم دوول ال يشرفني التعامل معهم

اما بالنسبة للتجار و السماسرة و الوسطاء للاسف مابتعاملش معاهم و لا احب اتعامل معاهم
و لو كنت اتعاملت معاهم مرة قبل كده فيبقى ده للاسف نتيجة اساليبهم الملتوية

مش عارف اقول ايه بس .. حسبي الله و نعم الوكيل .. و انا حبيت اقول الكلمتين
دوول علشان المبتدئين و الاعضاء الطبيعيين ال مش واخدين خيانة يبتدوا ياخدوا بالهم
و يشوفوا مين بيشتري حاجاتهم و يبخس تمنها و يروح يبيعها على منتديات تانية بالغلا و العكس
و كل وظيفته و رزقه من ورا القصة ده .. احنا مش ناقصين مص دماء بقى
ده انتم مافيا فعلا

مصطفى باشا

كنت هارد عليك ع الخاص و لكن فضلت هنا

التجارة شئ مشروع و حلال لاقصى درجة لا خلاف هنا





البيع جائز بالكتاب والسنة والإجماع.




أما الكتاب،


فقول الله تعالي: (أَحَلَّ اللّهُ الْبَيْعَ) { البقرة: 275 } وقوله تعالي: { وَأَشْهِدُوْاْ إِذَا تَبَايَعْتُمْ } ( البقرة " 282 ) وقوله تعالى: { لاَّ أَن تَكُونَ تِجَارَةً عَن تَرَاضٍ مِّنكُمْ } ( النساء:29 ) وقوله تعالى {َليْسَ عَلَيْكُمْ جُنَاحٌ أَن تَبْتَغُواْ فَضْلاً مِّن رَّبِّكُمْ } وروى البخاري( 10).، عن ابن عباس، قال: كانت عكاظ، ومجنة، وذو المجاز ن أسواقاً في الجاهلية، فلما كان الإسلام تأئموا فيه ن فأنزلت: { لَيْسَ عَلَيْكُمْ جُنَاحٌ أَن تَبْتَغُواْ فَضْلاً مِّن رَّبِّكُمْ} ( البقرة: 198) يعني في مواسم الحج( 11). وعن الزبير نحوه.






أما السنة


فقول النبي صلى الله عليه وسلم: " البيعان بالخيار ما لم يتفرًقا". متفق علي( 12). وروى رفاعة، أنه خرج مع النبي صلي الله عليه سلم إلى المصلى، فرأى الناس يتبايعون، فقال:"يا معشر التجار "، فاستجابوا لرسول الله صلي الله عليه وسلم ورفعوا أعناقهم وأبصارهم. فقال: " إن التجار يبعثون يوم القيامة فجارآ، إلا من بر وصدق " قال الترمذي: هذا حديث حسن صحيح ( 13). ورى أبو سعيد، عن النبي صلى الله عليه وسلم، أنه قال: " التاجر الصدوق الأمين مع النبيين والصديقين والشهداء ". قال الترمذي: هذا حديث حسن (14). في أحاديث كثيرة سوي هذه. وأجمع المسلمون على جواز البيع في الجملة، والحكمة تقتضيه؛ لأن حاجة الإنسان تتعلق بما في يد صاحبه، وصاحبه لا يبذله بغير عوض، ففي شرع البيع وتجويزه شرع طريق إلى وصول كل واحد منهما إلى غرضه، ودفع حاجته.






سيدنا محمد صلى الله علية و سلم كان يعمل بالتجارة قبل ان يأتية وحى النبؤة

و مسموح فى الشريعة الاسلامية بالربح حتى 25 % من ثمن السلعة

العملية كلها تتم بلاتفاق بين الطرفين

ساضرب مثلا اكون انا فية التاجر

انت مثلا عارض سلعة ما و انا اتفقت معاك اخدها منك بسعر 1000 جنية

و بعد كدة روحت بعتها انا بسعر 1250 جنية و انت عرفت

لا يحق لك هنا ان تعاتبنى فى اى شئ فقد اتفقنا و انت ارتضيت بالمبلغ المتفق علية

و انا لم اخالف الشرع و لم اكسب اكثر من 25 %

كان يمكنك من البداية ان ترفض البيع لى ب 1000 جنية و تطلب اكثر من ذلك و لكنك ارتضيت بالمبلغ

هنا انا لم استغلك او انصب عليك او ما شبة

كل شخص يعرض سلعتة للبيع يكون ملم بالسعر الذى اشترى بة و السعر الحالى و البدائل المتاحة و مقدار الخسارة الذى سيحققها

و بيدة ان يقبل او ان يرفض اى عرض يأتى الية


فانا كتاجر اريد ان اربح و هذا حقى المشروع لا جدال هنا

ارى احدى السلع المعروضة فأسئل عن اقل سعر يمكن لصاحبها ان يبيعها بة لها اذا كان مناسب لى لكى ابيع

السلعة بعد ذلك محققا ربح تمام اشترى منة

اذا كان مرتفع او مش هاحقق من وراءة اى ربح باطلب منة يخفض السعر وافق و كان السعر مناسب اشترى

رفض ينزل السعر فخلاص ربنا يوفقة


محدش بيغصب حد انة يبيع بخسارة

البائع حر و هو من بيدة القرار دائما و ابداا

و لست معك ابداا فى توجية اللوم للتجار

HuLkY
07-07-2010, 14:52
فانا كتاجر اريد ان اربح و هذا حقى المشروع لا جدال هنا

جوكر , انا معاك , لكن 99% منهم نصابين , أفاقين , مضللين :)

بيبخس سعر كارتك الارض ويبيعه فى حتة تانية اعلى , انت على كلامك كده مفيش أمان والقانون لا يحمى المغفلين! انا دلوقت ممكن شاب امتلك كارت محترم ومش عارف سعر السوق , يتضحك عليا واسترق؟ أكيد لأ

انت لو حتنزل تشترى عربية , بتاخد معاك سمسار , لو كومبيوتر , بتاخد واحد فاهم , الحوار ده بيتم فى مصر على كل الاتجاهات عشان فى نسبة كبيرة فى الاتجاه ده نصابين! هنا فى عرب هاردوير كلنا سويا بنقف ضد الموجة دى , مفيش اى مبرر لها ومش معقولة شغلانة حد انه ياخد من حد ببخس ويدى لطرف اخر بسعر عالى! ده نصب من هنا ومن هنا!

انا اختلف معاك , انت كل ادلتك فوق قوية , لكن للتجارة اعذرنى المبنية على الامانة , والحتة دى فى السوق! مفيهاش امانة! خالص!

mustafa811
07-07-2010, 15:08
دييشة , بلغ الادارة باى عضو "حبوب او لذوذ " :D , عايزين نفلتر المكان :)

للاسف هم ما غلطوش في حاجة تتمسك عليهم و القصة متعلقة بالاخلاق
انا حبيت الفت نظر الناس بس لسيناريوهات كتير بتحصل و تمر علينا مر الكرام
من غير ما ناخد بالنا


دي فعلا حقيقه و انتشرت مؤخرا كتير للاسف

بالتوفيق في البيع كارت ممتاز

للاسف و شكرا على ذوقك



فى شوية مخلوقات كده بتجيب للواحد احباط :D:D

ربنا يقينى شرهم



وبرضه 4770 موجود لو غيرت رأيك ..

هههههههه شكرا يا دكتور ايهاب بس برضه لأ


إيه رأيك يا مصطفى تبدله بكارت 4670 متربي على العز من صغره كنت شاريه من صديق زي العسل وبعتز جداً بالكارت ده لأنه عرفني براجل محترم جداً (وواحشني جداً :) )؟ أظن صفقة مافيهاش كلام خالص :D

ربنا يوفقك إن شاء الله، ولو عايز أنا هجيب كارت 5850 مخصوص علشان أديهولك تجربه براحتك

حبيب قلبي و الله واحشني و الكارت كمان واحشني ههههههههه .. ده كان حمار شغل و ماتسمعلوش صوت هههههه
---------------------------------------------

جوكر القصة مش خاصة بالموضوع ال حكيتهالوك بالضبط .. لاني مش ابيض اوي كده بل عندي فكرة مش
بطالة عن مجال الهاردوير و اسعاره .. و مانكرش لم انت قلتلي الحقيقة اتضايقت شوية بس مش ده موضوعنا
الاساسي

انا الموضوع ال باتكلم عنه هاديك مثال عليه .. اولا احنا كلنا شباب و للاسف لسه في مقتبل حياتنا و المرتب يا
دوبك .. طب عوزت ابيع حاجة فولانية و عرضتها للبيع على المنتدى و افاجأ باعضاء اول مره اشوفها ال عامل
مشاركة و ال عامل اتنين بس !! و يدخلوا يبوزوا الموضوع و تلاقي واحد داخل يهدي و يعرض عليك سعر قليل
و يقولك ده مايساويش اكتر من كده .. و ترضى انت و تبيع .. و تفاجأ تاني يوم انه عارضه للبيع بسعر اغلى
و يجي عضو غلبان زي حالاتنا يدفع الغلا و الكوا .. و يطلع من القصة ده كلها الكسبان الوحيد هو السمسار
بينما ال اشترى خسر و ال باع خسر (ده يرضيك !! )

انا مش اعتراضي على السمسرة نفسها .. عندك مثلا سمسار الشقق بيتعب و يدورلك على شقق و بياخد
فلوس نظير ال الجهد المبذول .. انما هنا على المنتدى البائع موجود و المشتري موجود !! ايه ال دخل سمسرة
في النص بقى !!!!!!!

للاسف الجزء ده من التجارة مش حلال في وجهة نظري بل باعتبره نصب .. و اظن ان المنتديات بتفتح ابواب
العرض علشان منفعة الاعضاء .. انما مش علشان يتربح منها السماسرة !!

و انا باقول مافيا .. لان القصة ده مقتصرة على كام واحد معروفين بالاسم و مفيش موضوع بيع بيخلو من اسمهم

و للاسف في منتديات زميلة صعد فيها السماسرة دوول و اصبحوا مشرفين و اصبح كل همهم لم الفلوس
و عدم سحب السجادة من تحت رجلهم

mustafa811
07-07-2010, 15:14
جوكر , انا معاك , لكن 99% منهم نصابين , أفاقين , مضللين :)

بيبخس سعر كارتك الارض ويبيعه فى حتة تانية اعلى , انت على كلامك كده مفيش أمان والقانون لا يحمى المغفلين! انا دلوقت ممكن شاب امتلك كارت محترم ومش عارف سعر السوق , يتضحك عليا واسترق؟ أكيد لأ

انت لو حتنزل تشترى عربية , بتاخد معاك سمسار , لو كومبيوتر , بتاخد واحد فاهم , الحوار ده بيتم فى مصر على كل الاتجاهات عشان فى نسبة كبيرة فى الاتجاه ده نصابين! هنا فى عرب هاردوير كلنا سويا بنقف ضد الموجة دى , مفيش اى مبرر لها ومش معقولة شغلانة حد انه ياخد من حد ببخس ويدى لطرف اخر بسعر عالى! ده نصب من هنا ومن هنا!

انا اختلف معاك , انت كل ادلتك فوق قوية , لكن للتجارة اعذرنى المبنية على الامانة , والحتة دى فى السوق! مفيهاش امانة! خالص!

+11111111111

انت عارف من دون السماسرة دوول .. الفائز هيكون البائع الاول و المشتري الاخير .. لان بالشكل ده كله هيكسب
من الاطراف الاساسية

E.cherif
07-07-2010, 15:50
مصطفى باشا

كنت هارد عليك ع الخاص و لكن فضلت هنا

التجارة شئ مشروع و حلال لاقصى درجة لا خلاف هنا






سيدنا محمد صلى الله علية و سلم كان يعمل بالتجارة قبل ان يأتية وحى النبؤة

و مسموح فى الشريعة الاسلامية بالربح حتى 25 % من ثمن السلعة

العملية كلها تتم بلاتفاق بين الطرفين

ساضرب مثلا اكون انا فية التاجر

انت مثلا عارض سلعة ما و انا اتفقت معاك اخدها منك بسعر 1000 جنية

و بعد كدة روحت بعتها انا بسعر 1250 جنية و انت عرفت

لا يحق لك هنا ان تعاتبنى فى اى شئ فقد اتفقنا و انت ارتضيت بالمبلغ المتفق علية

و انا لم اخالف الشرع و لم اكسب اكثر من 25 %

كان يمكنك من البداية ان ترفض البيع لى ب 1000 جنية و تطلب اكثر من ذلك و لكنك ارتضيت بالمبلغ

هنا انا لم استغلك او انصب عليك او ما شبة

كل شخص يعرض سلعتة للبيع يكون ملم بالسعر الذى اشترى بة و السعر الحالى و البدائل المتاحة و مقدار الخسارة الذى سيحققها

و بيدة ان يقبل او ان يرفض اى عرض يأتى الية


فانا كتاجر اريد ان اربح و هذا حقى المشروع لا جدال هنا

ارى احدى السلع المعروضة فأسئل عن اقل سعر يمكن لصاحبها ان يبيعها بة لها اذا كان مناسب لى لكى ابيع

السلعة بعد ذلك محققا ربح تمام اشترى منة

اذا كان مرتفع او مش هاحقق من وراءة اى ربح باطلب منة يخفض السعر وافق و كان السعر مناسب اشترى

رفض ينزل السعر فخلاص ربنا يوفقة


محدش بيغصب حد انة يبيع بخسارة

البائع حر و هو من بيدة القرار دائما و ابداا

و لست معك ابداا فى توجية اللوم للتجار







الحكاية مش حلال أو حرام ..هو بيقول مبحبش التعامل مع التجار والسماسرة ..وده لإنهم دايما لما يبقوا هيشتروا حاجة لازم يبخسوا تمنها علشان يزود مكسبه من اللي هايبعهالوا بعدين ..أنا مرة فضلت واقف مع واحد من السماسرة دول نصف ساعة وهو مفيش على لسانه غير كلمة واحدة ..ماهو أنا لازم افاصل معلش ده طبعي بحب الفصال ولو مافصلتش اتعب بس أنا شاري الحاجة بس برضه هفاصل ..>> وده رغم إني كنت متفق معاه على السعر قبل مااقابله ..

mustafa811
07-07-2010, 15:54
الحكاية مش حلال أو حرام ..هو بيقول مبحبش التعامل مع التجار والسماسرة ..وده لإنهم دايما لما يبقوا هيشتروا حاجة لازم يبخسوا تمنها علشان يزود مكسبه من اللي هايبعهالوا بعدين ..أنا مرة فضلت واقف مع واحد من السماسرة دول نصف ساعة وهو مفيش على لسانه غير كلمة واحدة ..ماهو أنا لازم افاصل معلش ده طبعي بحب الفصال ولو مافصلتش اتعب بس أنا شاري الحاجة بس برضه هفاصل ..>> وده رغم إني كنت متفق معاه على السعر قبل مااقابله .
.

هههههه .. الله يجازيك خيرا يا دكتور ايهاب .. ضحكتني

mustafa811
07-07-2010, 20:27
نقطة هامة جدا يا دكتور ..فعلا في ناس للاسف كلام السماسرة بيزغلل عينيها ..أنا أعرف واحد بدل كارته ودلوقتي بيندب حظه ..لو كان لقى واحد زي حضرتك يوعيه ماكانش ده حصل ..الحمدلله إن السماسرة في المنتدى عددهم محدود :ah7: ..ربنا يوفقك في البيع أو البدل ..وبرضه 4770 موجود لو غيرت رأيك ..

و الله كلامك حكم يا دكتور :D و تستحق تقييم على مشاركتك ده و يا ريت الناس تقرا كلامك بتمعن و تاخد بالها

E.cherif
08-07-2010, 02:26
و الله كلامك حكم يا دكتور :D و تستحق تقييم على مشاركتك ده و يا ريت الناس تقرا كلامك بتمعن و تاخد بالها





اخيرا فهمت يا وديييييييع

mustafa811
18-07-2010, 09:33
الحمد لله تم بيع الكارت لعضو زميل محترم و تم شراء 5770 سافير

-------------

ملحوظة : بدون ذكر اسماء .. حبيت احكي لكم كذا موقف في قصة بيع الكارت

قصة واحد : عضو بعتله لتغيير الكارت ال260 ب5770 و وافق ثم انقطع مرة واحدة عن الرد عن رسايلي و بعديها ب3 ايام
بعتلي رسالة بيعتذر فيها عن ال بدل لانه غير رأيه و عاوز يبدل ب5850 او 5870 .. قلت مش مشكلة (هو صحيح سابني 3 ايام
دون رد بس مش مشكلة) .. بعديها بحوالي اسبوع بعتلي رسالة بيقولي انه رجع في كلامه و عاوز يبدل معايا بس اروحله
الاسماعيلية و ده شرطه الوحيد !! .. فكرت و قلت مفيش مشكلة القصة مش هتاخد اكتر من 4 ساعات .. و كلمته على التليفون
و وافق و قالي هيببعتلي العنوان على الخاص .. و استنيت انه يبعت حاجة مابعتش .. كلمته على التليفون ماردش
و الكلام ده كان من يوم الاربعاء ال فات و حتى الأن لم يبعث لي برسالة اعتذار او اي شئ .. يعني لو كنت رحت الاسماعيلية
معتمدا على التليفون كان زماني خدت خاذووق محترم .. ربنا يسامحك

قصة اتنين : واحد بعتلي رسالة على الخاص للبدل ب5770 و كلمته في التليفون و وافق و قالي هاكلمك كمان ساعتين لما اخلص
شغل علشان تجيلي الشيخ زايد لاحسن الزمالك بعيدة عليا .. استنيت ساعتين .. 3 .. 4 .. اتصلت ماحدش بيرد !!!!! ..عدا
يومين و فوجئت بنفس العضو بيبعتلي رسالة للبدل ب5750 دون اي اعتذار عن القصة ال قاتت .. و كل يومين يبعتلي نفس
الرسالة .. تجاهلته و لم ارد عليه .. بعتلي امبارح رسالة ده محتواها "تخد كارت sapphire hd 4890 1 giga حالته ممتازه مع دفع
فرق 250 جنيه والله ما كنت بدلته لولا احتياجى لمبلغ وشكرا" .. ها ارد هنا و اقوله شكرا على عروضك الخطيرة ده و انا مش
عارف اقولك ايه بصراحة بس ربنا يجعلك ذخرا للوطن

قصة 3 : شخص محترم جدا اسمه محمد كلمني على التليفون قعدنا ندردش شوية و قالي هيكلمني خلال يومين .. و فعلا
كلمني و اتفق معايا و قالي هيقابلني في التحرير خلال ساعة .. و فعلا جه في ميعاده بالضبط و تم البدل .. متشكر يا محمد جدا
زي مانتا شايف انت رجل و الرجال قليلون .. احترمت كلمتك و انا متشكر جدا ليك .. و يسعدني التعامل معاك قدام

crypt76
18-07-2010, 10:02
سيبك أنت، مبروك البيع وألف مبروك على الكارت الجديد

جربه كده وعيش معاه شوية وابعتلي قولي أخباره إيه علشان بفكر فيه.