المساعد الشخصي الرقمي

مشاهدة النسخة كاملة : كيفية تحويل جهازك الى HTPC باستخدام XBMC Live


mustafa811
07-07-2010, 12:06
https://upload.wikimedia.org/wikipedia/en/thumb/6/66/XBMC_logo.svg/250px-XBMC_logo.svg.png

هنستعرض النهارده حاجة ظريفة جدا و هي كيفية تحويل جهاز الكمبيوتر الى الى جهاز هوم ثيتر كامل يدعم
عرض ملفات الصور و الموسيقى و الفيديو بكامل انواعها .. بل و يتفوق على الويندوز في الشكل الانيق
و سرعة تشغيله .. و انصحكم بتجربته و عملية تشغيله قمة في السهولة على فكره .

ال XBMC Live ما هو الا اصدار من اصدارات ال Linux و مدمج به XBMC ميديا بلاير و هو يحاكي ال مايكروسوفت
مالتيميديا سنتر ايديشن ( multimedia center edition ) .. لكنه افضل منه بكثير من وجهة نظري حيث :

اولا يمكن تحميله على فلاش ديسك او اسطوامة مدمجة
ثانيا يدعم اغلب الصيغ الموجودة لمعظم ملفات المالتيميديا
ثالثا خفة النظام و تحميله في اقل من 10 ثواني من بداية الجهاز
رابعا يشتغل على معظم الهاردوير ال صدر خلال ال5 سنين الاخيره

https://upload.wikimedia.org/wikipedia/commons/thumb/3/3c/Xbmc_911.png/800px-Xbmc_911.png

خطوات التشغيل :

اولا قم بتحميل نسخة الXBMC Live من الصفحة ده https://xbmc.org/download/ و هي في حدود 500 ميجابايت

ثانيا الملف السابق في صيغة iso و مضغوطة .. لو اردت عمل اسطوانة استخرج ملف ال iso و قم بكتابته على
اسطوانة .. اما اذا كنت تفضل استخدام الفلاش ديسك فنزل البرنامج التالي unetbootin من الموقع
ده https://unetbootin.sourceforge.net/ .. ثم قم بفتح البرنامج و اختار ال disk image و اعمل browse لملف
ال iso و تأكد من ان الفلاشة لا يوجد عليها معلومات و تأكد ايضا من اختيار ال drive الصحيح و اضغط ok

https://img94.imageshack.us/img94/8989/07072010003.jpg (https://img94.imageshack.us/i/07072010003.jpg/)

ثالثا قم بعمل restart لجهاز الكمبيوتر و تظبيطه للتحميل من ال cdrom او ال usb و اعد تشغيل الجهاز و قم
بالتحميل من المكان المناسب

https://img714.imageshack.us/img714/4970/07072010004.jpg (https://img714.imageshack.us/i/07072010004.jpg/)

رابعا ستظهر شاشة لاختيار نوع كارت الشاشة سواء ati او nvidia او intel

https://img690.imageshack.us/img690/5681/07072010006.jpg (https://img690.imageshack.us/i/07072010006.jpg/)

خامسا مبروك عليك جرب و العب فيه زي مانتا عاوز .. بس شوية ملحوظات كده : لو استخدمت الاسطوانة
ماتنساش تسجل ال settings علشان الاسطوانة read only مش زي الفلاشة .. ثانيا لو حبيت تعمل install
على الهارد تخلي بالك ان البارتيشن ده هيطير .. ماتحطش اكتر من فلاشة في وقت واحد علشان ماتتلخبطش
فيهم

ملحوظة مهمة شوية : مطور الميديا بلاير ده اكتشف ان بعض مستخدمي البرنامج ال بيستعملوا mirroring
و raid في الهاردات فقدوا المعلومات ال على الهاردات بتاعتهم و علشان كده لغى مايسمى بال automount
و علشان كده ال بيستخدم الميديا بلاير ده مش هيلاقي هارداته .. بس ممكن يستعيض عنها بتوصيل
هارد اكسترنال .. و على فكره كتير من الاعضاء بيقولوا ان مافيش مشاكل حصلت معاهم على الهاردات بتاعتهم
بس انا حبيت انوه فقط .. على العموم ال عاوز يشغل هارداته يقم بتعديل ملف syslinux.cfg في root الفلاشة
و ملف menu.lst جوه فولدر boot/grub و يشيل منهم كلمة nodiskmount

بكده يبقى خلص الموضوع و الصور هيتم وضعها خلال 10 دقائق
و بالنسبة لمكان الموضوع ماعرفتش اضعه فين الا هنا !!
على فكره امكانيات النظام ده تتفوق بكتير على ال قلته و ال هيجربه هيكتشف روعته
NVoverclocker
07-07-2010, 15:27
- ايه الروعة دى , سيتم التجربة و عرض النتائج , لك تقييم. :)
mustafa811
07-07-2010, 15:58
- ايه الروعة دى , سيتم التجربة و عرض النتائج , لك تقييم. :)


شكرا على ذوقك و الموضوع جميل فعلا و احسن من الويندوز في رأيي
EN.AhMeD
07-07-2010, 16:31
ممتاز !
ساقوم بتجربتة قريبا ..
تم التقييم :)
mustafa811
07-07-2010, 19:02
ممتاز !
ساقوم بتجربتة قريبا ..
تم التقييم :)

هيعجبك يا احمد ان شاء الله بس ماتنساش تبلغنا اخبار ال amd ايه
و متشكر لذوقك
E.cherif
07-07-2010, 22:04
أنا نزلته بس نزل file exe حجمه 50 ميجا ..بيتساتب من داخل windows من غير بوت ..هو ده اللي إنت قصدك عليه ولا حاجة تانية
دي صور من جهازي
https://img21.imageshack.us/img21/2203/11470748.png

https://img208.imageshack.us/img208/2998/40329657.png
mustafa811
07-07-2010, 22:17
لأ انا اقصد النسخة ال live مش الويندوز .. و ده اخر واحدة في صفحة ال downloads و عليها صورة اسطوانة و فلاشة

و المميزات ال انا اقصده بتنبع من تشغيله على نظام لينوكس .. انا سامع انه عامل شغل ممتاز على ال atom
يفوق امكانيات الويندوز
mustafa811
07-07-2010, 23:04
The Acer AspireRevo only using the single core Atom 230 processor (1.6GHz), 1GB RAM, 160GB HDD, ION LE graphics, Gigabit LAN and Windows XP Home
للاسف لا يستطيع تشغيل الافلام ال hd بسلاسة و خاصة ال 1080p .. لكن على هذا النظام اصبح من المتاح تشغيل الافلام ال 1080p بسلاسة ..

تحية واجبة لانظمة لينوكس المحترمة
Coolman4now
07-07-2010, 23:18
- هل يستطيع تشغل ملفات الترجمة مع الأفلام مع ضبط الأنكودينج للعربية صحيحا ؟

- أشكرك يادكتور مصطفى ، وسأحاول تجربته يوم الأحد القادم.
mustafa811
07-07-2010, 23:25
- هل يستطيع تشغل ملفات الترجمة مع الأفلام مع ضبط الأنكودينج للعربية صحيحا ؟

- أشكرك يادكتور مصطفى ، وسأحاول تجربته يوم الأحد القادم.


مش فاكر اصلي جربت برامج كتير ههههه .. بص هوه انت ممكن تعمل فيه اي حاجة و ده ميزة ال لينوكس
لكن ازاي الله اعلم .. انا هارجع من شغلي السبت ان شاء الله و اشوفلكم القصة ده ان شاء الله

و نورتني يا كوولمان

----------------------------------

بيدعم و بكفاءة يا كوول مان
moottoo
08-07-2010, 12:31
شكرا ليك على النظام الجامد ده و تمت التجربه و تعمل
و لكن عندى استفسار لماذا لا يقرا الهارد الاساسى او الثانى
مش بيقرا الا الفلاشه اللى عليها النظام هل من حل ؟
EN.AhMeD
09-07-2010, 16:50
مشكور مرة اخري اخي مصطفي ..
تم تحميل النظام ..والبرنامج المرفق ..لكن هنالك مشكلة ..؟
ان اللوحة الام لا تري الفلاشة على انها قرص اقلاعي .! وانما تراها هارد دسك عن طريق USB ..
عندما اقوم بالتحويل الى قراءتها عن طريق البيوس الاقلاعي لا يعمل مطلقا ..

هل هناك طريقة اخرى؟
SeeNoEvil
18-07-2010, 14:29
برنامج كويس بس فيه مشاكل في العربي شوية
فيه الافضل منه كمان ده
https://www.team-mediaportal.com/
alayoubi
11-10-2010, 20:28
السلام عليكم

الحقيقة أول مرة أشوف الموضوع شكرا لك أخي مصطفى ..

هل الموضوع يستحق التجربة ؟؟
alayoubi
11-10-2010, 20:28
السلام عليكم

الحقيقة أول مرة أشوف الموضوع شكرا لك أخي مصطفى ..

هل الموضوع يستحق التجربة ؟؟
Coolman4now
11-10-2010, 20:35
- بالطبع يستحق يا أيوبى ، ولن تخسر شيئا لأن النظام يعمل LIVE بدون Setup أصلا.

- كل ماستخسره هو أنتظارك تحميل الأسطوانة من على الموقع. :D

- النظام رائع ولولا بعض القيود على كودكات معينة أستخدمها أنا لأعتمدت عليه فى جهاز ال HTPC الخاص بى.
wella1000
11-10-2010, 20:48
معلش عاوز أفهم دلوقتي :confused:
أنا مثلا عندي جهاز والوندوز عليها باسورد
ينفع بالبرنامج ده أخش من بره من الدوس عن طريق الفلاشة
وأكون حاطت أفلام برده و اتفرج عليهـا من على الفلاشة ومليش دعوة بالويندوز :)
Coolman4now
11-10-2010, 20:51
- هذا ليس ببرنامج.

- هو نظام تشغيل متكامل يعمل عن طريق الفلاشة ولا علاقة له بالويندوز تماما.

- هو نظامم لتشغيل الأفلام ومتابعة صورك والمالتيميديا لديك عموما.
wella1000
11-10-2010, 21:16
أنا حطيت البرنامج على الهارد اكسترنال و مشتغلش
يمكن عشان NTFS وجربت على FAT-EX مشتغلش برده :confused:
عشان دول هم اللي قدامي افرمت بيهم بس ماعنديش FAT32 زي الفلاشة
بس الفلاشه اشتغلت معاية وحطت فيلم عليها و شغلته و دخلت على الهارد الاكسترنال و شغالة فيلم برده ودخلت على هارد من الجهاز وشغلت تمثيلية بصيغة MKV واشتغل تمام
بس الغريبة إن أنا موصل 3 هاردات في الجهاز ماشفش غير واحد بس منهم و بارتيشن واحد برده منه

ومصطفى بجدد التقييم حتى مايدكش حقك متشكر جامد على البرنامج ده لإن أنا كنت بدور عليه من زماااان :D
ayoub_bob
12-10-2010, 00:45
الف شكر اخى العزيز
نزلو احسن على الجهاز
دة مثلة مثل
Windows Media Center
وهو من زمان من 2009
بس بة اوبشن زيادة عن
Windows Media Center
لانى كنت استخدمة مع جهاز الدريم بوكس
لو حبيت اشاهد الدريم من الكمبيوتر
https://img189.imageshack.us/img189/4656/53423541.png
https://img27.imageshack.us/img27/5530/40624562.png
https://img709.imageshack.us/img709/4372/20083530.jpg
https://img40.imageshack.us/img40/8422/18900371.jpg

طبعا الصور هذة منقولة
وليست من جهازى
الف شكر للاخ Ayman
لانى استخدم الان جهاز خاص للربط بين الكمبيوتر
واى شيىء عندى
mustafa811
12-10-2010, 02:20
متشكر لذوقكم يا جماعة .. و بالنسبة للموضوع هو يستاهل بصراحة
بس طبعا الاصدار ال كنت باتكلم عليه ده و الموضوع عموما مر عليهم
اكتر من 3 اشهر .. فمش بعيد يكون في اصدارات احدث او برامج مماثلة


ويلا بالنسبة للهارد الداخلي و تعريفه .. راجع قصة ال nodiskmount
ال كاتبها في الموضوع