المساعد الشخصي الرقمي

مشاهدة النسخة كاملة : الهارد حرارتة بتوصل ل 49


RIKA
02-08-2010, 13:50
السلام عليكم

أنا لسة شارى جهازى الجديد وجايب معاة هاردين كل واحد 500 بلو ويسترن ديجيتال
اول ما أشغل الكمبيوتر درجات الحرارة تكون عادية يفوت بس نصف ساعة ألاقى درجات حرارة الهاردين توصل ل 49 و 48 :ah35:
وبكون مش بنقل ملفات ولا حاجة فقط تصفح إنترنت :mad:

بلجأء إنى أشيل غطى الكيسة وأجيب مروحة البيت الكبيرة أسلطها على الكيسة وبالفعل الحرارة بتهدى شوية وتوصل مابين 43 و 45

المشكلة إنى عندى الكيس الجاما وفيها مروحة اخرى للهاردات بس مش لاقى للمروحة دى مكان على البوردة ونصحنى البعض بوصلة 3 بن تو مولكس لكنى دورت عليها كثير مش لاقيها

هل يوجد حل لتشغيل المروحة الأخرى إللى فى الكيسة أو حل لدرجات الحرارة العالية دى ولا هى طبيعية بالنسبة للجو الحر دة

أرجو المساعدة وشكراً جزيلاً
tarekforall
02-08-2010, 14:02
وعليكم السلام
الحرارة مرتفعة قليلا الأفضل أن تكون أقل من 47 درجة مئوية ، حاول شراء مروحة وتثبيتها في مقدمة الصندوق فهي رخيصة أعتقد 15 أو 20 جنيه ويوجد مراوح كولر ماستر بسعر 60 جنيه
أما الوصلة pin to molex 3 فهي تأتي غالبا مع الكيسة وأعتقد أنها تأتي مع مراوح كولرماستر
RIKA
02-08-2010, 14:04
وعليكم السلام
الحرارة مرتفعة قليلا الأفضل أن تكون أقل من 47 درجة مئوية ، حاول شراء مروحة وتثبيتها في مقدمة الصندوق فهي رخيصة أعتقد 15 أو 20 جنيه ويوجد مراوح كولر ماستر بسعر 60 جنيه
أما الوصلة pin to molex 3 فهي تأتي غالبا مع الكيسة وأعتقد أنها تأتي مع مراوح كولرماستر
أخى طارق الكيسة بالفعل بها مروحة خاصة بالهاردات فى مقدمة الصندوق 12 سم ولكن ليس لها مكان على البوردة لإنى كما قلت المنفذ بتاعها تلاتة بين وانا مش لاقى الوصلة دى خالص قلبت عليها الدنيا مافيش أى طريقة اقدر اشغل بيها المروحة دى غير وصلة ال3 بين دى
tarekforall
02-08-2010, 14:35
يمكنك عمل ذلك يدويا مع مولكس من مزود طاقة قديم وربط ال 12V بال 12V والأسود بالأسود (الأرضي بالأرضي) ولكن كن حذرا في تحديد سلك ال 12V
ال 12V في المولكس لونه أصفر وال 12V في المروحة لونه غالبا أحمر(تأكد من ذلك بكونه السلك في المنتصف)
RIKA
02-08-2010, 14:40
أة انا بخاف جداً من الحاجات دى المولكس القدسم دة إللى هو وصلة باور صح إللى كانت تتحط فى الهاردات ال IDE
وصلة المروحة بها تلاتة ,, احمر وأصفر وأسود
ووصلة البور بها إتنين أسود وواحدة اصفر وواحدة احمر
أوصل الأحمر بالاحمر والأصفر بالأصفر والإسود بقى ؟ هى دى الحيرة
tarekforall
02-08-2010, 14:50
لو خايف اشتري واحدة جديدة :D ومش غالية 15 أو 20 جنيه
RIKA
02-08-2010, 14:56
دى السلك بتاعها باور على طول ؟
واقولة مروحة كام الموجودة فى الكيسة 12 س اجيبها برضو 12 ؟
tarekforall
02-08-2010, 15:03
نعم،يتم توصيلها بمزود الطاقة مباشرة
نعم، حجمها 12 سم أو 120 ملم
RIKA
02-08-2010, 15:05
شكراً يا أخى طارق الف شكر لك تعبتك معايا
RIKA
02-08-2010, 15:23
معلش يا إستاذ طارق أنا عارف إنى بثقل عليك عاوز أستفسر عن حاجة تانية لإنى نازل دلوقتى بامر الله أجيب المروحة
أنا عندى كيس جاما زيى دى وعاوز أجيب مروحة كمان أركبها فى الحتة المربعة المتخرمة دى
https://i27.tinypic.com/2r57r6t.jpg

سؤالى بقى أجيبها كم سنتى واخليها لدخول الهواء للكيسة ولا للخروج
وشكراً لك أخى
tarekforall
02-08-2010, 15:30
العفو :) لا تعب ولا حاجة
أعتقد مساحتها 12 سم (قيسها بمسطرة للتأكد)
المروحة في الجانب دائما لأدخال هواء بارد الى داخل الكيسة
RIKA
02-08-2010, 15:35
شكراً جزيلاً على تعاونك جزاك الله كل خير
RIKA
02-08-2010, 22:58
الحمد لله جبت مروحة 12 سم للهاردات ومروحة جنب 8 سم ال 12 ب 25 جنية وال 8 ب 10 جنية
والحرارة اتظبطت والهاردات بقت درجة الحرارة 41 فى حالة الضغط