كيف تبدو الأفلام 720p ال 700 ميجا علي شاشة LCD 23 بوصة

[داركوولف]

السلام عليكم ورحمة الله وبركاته
تحياتي لجميع الأعضاء الكرام

انا ناوي اشتري شاشة 23 بوصة لكن في ناس خوفوني ان الافلام كي تظهر بصورة جيدة لابد ان تكون من زوات الاحجام الكبيرة مثلا نسخ ال بلوراي Blueray 1080p ال 8 -20 جيجا

انا بفضل الافلام اللي حجمها 700 ميجا نسخ ال axxo or Klaxxon Dvdrip اللي بتكون 720p
وده لان الافلام دي هيا للي انا بقدر احملها بسبب سرعة الانترنت المحدودة يعني اخري 1.4 جيجا للفيلم

فهل هذا النوع من الأفلام لا يظهر بصورة جيدة عند عرضة علي شاشة LCD Samsung 23 inch

وجزاكم الله خيرا

[TEch Zone]

افلام axxo dvdrip مش 720p وفعلا هتبقى سيئة على شاشة 23"
نزل افلام BRRip 720p دية مساحتها بتبقى من 2 جيجا ل 3 جيجا تقريبا صورتها بتبقى كويسة اوى

[alyjack]

النسخ ال 700 ميجا عيوبها هتظهر على الشاشات الكبيره
انا شخصيا بطلت انزلها من اول لما اشتريت شاشه 23 بوصه
حاليا بنزل الافلام 1080 HD ... فيه فريق افلام جامد جدا ااسمه ps3-team
بينزل الافلام بحجم ثابت 4 جيجا هما ليهم طريقه معينه كدا عشان بقللوا الحجم ويحافظوا على الجوده
بقالى اكتر من 6 شهور بتفرج على النسخ بتاعتهم وبصراحه هتعجبك جدا وهتحس يجمالها على الشاشه الكبيره .

[TorrentLeech]

هتبقى سيئة جدا جدا جدا على شاشة 23 بوصة انا لسه جايب الشاشة جديد وكنت بشغل الافلام دى على شاشة 17 طبعا كانت خرافة عليها الصورة نقاء السينما انما مع الـ 23 بوصة الدنيا باظت خالص

الافلام الـ 720p ايضا غير جيدة لكن افضل من الـ 700 ميجا دى ولكن بتبقى فيها شوية نغمشة كده

افضل افلام هيا الـ 1080p على الشاشات اللى بدقة 1080*1920

[داركوولف]

اممممممممممممممممممممممم

يعني انا كدا اجيب ال 18.5 بوصة وخلاص عشان ابقي في السليم ؟؟

الانترنت عندي صعب انه يسمحلي اني انزل 4 جيجا لفيلم

[ISLAM 10]

على انا لسة شارى شاشة 20 وحسيت بالفرق مع اول فيلم اشغلة.
وقررت انى مش عنزل افلام ال 700ميجا دية تانى.
وانا شايف ان افضل نسخ هية 720p يعنى حجمها معقول شوية من 2 الى 3 جيجا.
وعلى فكرة اناالت عندة بطىء بردة 512 kb.
لاكن بقيت مضطر بعد الشاشة الجديدة.

[fahd_628]

الأفلام ال 700 ميجا سيئة فعلا على الشاشات الكبيرة

البلوراى ال 720p , 1080p صورتهم خرافة

انا رأى هاتها و تعايش بقى مع جودة الفيلم هية مش سيئة لدرجة انك مش حتشوف الممثلين و لكن الجودة مش جيدة

و لكن حتاخد شاشة اكبر و ريزولوشن اعلى افضل من شاشة 19 حتجيبها علشان الأفلام فقط

[White h@cker]

لو مكانك مش هضحى بشاشه 23 ابدا

فيه فريق اسمه SecretMyth وفريق تانى اسمه NPW افلامهم 720p وجوده ممتازه وحجم لايزيد ابدا عن 2.1 جيجا

دول صورتين من افلامهم

https://leetleech.org/images/61676213729447008906.png
https://leetleech.org/images/39726357423438069932.png

[eslamdeepo]

يعنى يا جماعه مفيش اى طريقه اشوف بيها الافلام ال 700 ميجا : 1.50
حتى لو اقلل الريزلوشن او اصغر الصوره بتاعت الفيلم؟؟

[schubert]

بص انا قعدت سنة مش عاوز اجيب ال سى دى بسبب خوفى ان مكتبة افلامى حاظطر انزل بدلا منها لدرجة انى كنت بروح المحلات اسال عن ال سى دى مربعة!!!!! والمهم من شهر قررت اجيب وكنت خايف اجيب اكتر من 19 المهم لقيت هنا كل المتخصصين بيشكرو فى samsung p2050 توكلت على الله وجيبتها وطلعت خرافة ماشاء الله عليها وعلى فكرة الاهلام كانتش بالسؤ الى متخيلة بالعكس عادى بس افلام 720p اروع طبعا وكمان كارت الشاشة علية عامل كبير جدا فى جودة الصورة انا عندى 4670 انا ارشحلك الشاشة دى عن جدارة ومتخافش من الافلام العادية حتبقى معقولة مش وحشة لو كارتك قوى

[ramy]

الأهمّ من الـ Resolution هو شيئين مرتبطين ببعض، و هما الـ Bitrate و درجة ضغط البيانات..خلاصة الكلام، بإمكانك تحميل الأفلام العاديّة بحجم 1.2 - 1.3 غيغا و ستكون جودتها ممتازة.المسافة التي تشاهد الشّاشة من خلالها أيضاً مهمّة جدّاً، ما هي المسافة بين عينك و بين الشّاشة عادةً؟

لكن عموماً جميع شاشاتLCD في الأسواق العربيّة تعطي جودة صورة سيّئة بحكم أنّها جميعها ذات Panel من نوع TN.