مشكلة التهنيج التام freeze للكمبيوتر فى اوقات عشوائية فى الفيديو

[I-IEMA]

الســــلام عليكم ورحمة الله وبركاته


مشكلتى يا شباب كالتالى :

الجهاز احيانا بيهنج فى اوقات عشوائية تماما
( ممكن يعملها مرة فى اليوم , ممكن يعملها مرة كل 3 ايام , ممكن يعملها مرتين فى اليوم )

-التهنيج بيبقى عام و كامل , مفيش استجابة للمبة الكيبورد + الصوت بيزن على آخر حاجة كانت شغالة : زززززززز

فى الاول اعتقدت ان المشكلة متعلقة بكارت الدش
لكن عملها امبارح فى ملف فيديو عادى كنت فاتحه من الجهاز !

و مع استرجاع الذاكرة افتكرت انه عملها مرة واحدة فى الالعاب من فترة كبيــرة

السبب فى كدا اعتقد لإن استخدامى لكارت الدش هو الاستخدام الاكبر
و الفيديوهات استخدامى ليها قليل , و الالعاب قلما بفتحها

---------------
المشكلة مالهاش وقت محدد ,
ممكن بعد ما افتح برنامج كارت الدش بـ نص ساعة ,,, ممكن بعدها بـ ساعتين
^^^
دا فى حالة لما المشكلة بتحصل ,,, انا سيبت كارت الدش شغال 4 ساعات و كان بيسجل وقتها و كان كله تمام !


-------------------
فى الاول فكرت المشكلة من الباور فى المقام الاول :





شباب
هو ينفع احول كابل :
4pin molex لـ 4pin 12v motherboard connector
و اركبه فى المكان الفاضى فى البوردة عندى علشان تبقى 4pin 12v * 2 ؟؟؟
فيه كابل يعمل الحوار ده ؟
لإن الجهاز بيعمل حركات غريبة مع كارت الدش
مرة واحدة الاقيه هنج freeze , فى الغالب بتحصل لما بكون مشغل كذا حاجة و معاهم الديفيدى بيلف :)
فقولت يا اما باور ,, يا اما بروسيسور !!؟





و دا كان رد noble911 جزاه الله خيـــرا


المشكلة دي في جهاز اخواتي علي باور جاما 350 وات
علشان تتاكد انه باور افصل المرواح و الدفيدي و جرب الجهاز لو اشتغل حلو يبقي الباور علي اخره و محتاج تغيره
لو شاكك في البروسيسور شوف من التاسك مانجير الاستهلاك كام او جرب برنامج دش تاني او اتاكد من الاوبشنز البرنامج بيستخدم كام كوور للبروسيسور

الوضع عندي ان الاشارة بتهرب او مش بيجمع اشارة اصلا و فكيت مروحة و شغال عادي دلوقت لحد ما يبقوا يشتروا باور جديد

انا هاجرب الطريقة دى و اشوف ,
و لو انى رجعت شوية عن شكى فى الباور صبلاى , لإن ضعف الباور بيصاحبه اعراض تانية زى ريستارت عند فتح بعض برامج او العاب لكن دا ماحصلش معايا

--------------------
مواصفات جهازى :

CPU: AMD Athlon II x3 435 2.9GHz
MoBo : GA-MA785GT-UD3H
VGA : Onboard 4200 @256m memory
RAM : 2G Kingston DDR3 1333
DVD Writer IDE LG
HDD : WD 500 Blue
PSU : Gamma 350watts

++++ ملاحظات ++++

- البروسيسور شغال كـ Phenom B35 , لإنى فاتح النواة الرابعة و الـ L3 cache
- درجة الحرارة للبروسيسور 47 للسطح (-8 للانوية ) , و فى الضغط لا تتعدى 60
- الهارد واخد كابل باور على خط لوحده من الـ PSU (ساتا), و الديفيدى واخد كابل من خط تانى ( عادى )
- فولت البروسيسور مش على auto , انا مخليه manual , و مقلله -0.025
- مفيش كسر سرعة , و مفيش غير مروحة واحدة اضافية فى الجهاز متصلة بالبوردة



بروسيسور - بوردة - رامة - باور صبلاى - انا :D
^^^^^
كل دول شاكك فيهم :(

انا عملت الموضوع بكل معلومة قد تفيد , لإنى عارف انى هالاقى ناس جامدة نحل المشكلة دى سوا ;)
فى انتظاركم

[a.ewais]

اقفل النواة اللى انت فتحتها ....وجرب كده وقوللنا.....وممكن تكون عدم ثبات لانك مقلل الفولت .....
وكمان ياريت احتياطى تغير نسخة الويندوز لانها فى الاغلب بتبقى سبب التهنيجات
تعديل..طلب شخصى ..ياريت تكتب مواصفات جهازك فى بياناتك...:)

[White h@cker]

هل قمت باختبار الثبات للمعالج بعد فتح النواه ؟

هل قمت بغلق النواه وتجربة الجهاز ؟

[I-IEMA]

شكــــــرا ashmayee على سرعة ردك


انا هاقفل النواة ( ارجع الاعدادات الطبيعية ) , و خلى الفولت على الوضع العادى بدون تقليل
و اجرب

--------
( موضوع تسطيب الويندوز ببرامجه بيبقى اكثر من مرهق :) )
التهنيج بيبقى عام و كامل , مفيش استجابة للمبة الكيبورد + الصوت بيزن على آخر حاجة كانت شغالة
مش تهنيجات الويندوز العادية

-------
على فكرة اللى فى البيانات دا جهازى برضه ( و مازال موجود ) :D
لكن هاحط البيانات الجديدة إن شاء الله


EDIT


هل قمت باختبار الثبات للمعالج بعد فتح النواه ؟

هل قمت بغلق النواه وتجربة الجهاز ؟



ازاى اقدر اعمل اختبار ثبات بعد الفتح ؟
موضوع غلق النواة جارى عمله , و لو ان الجهاز بعد غلق النواة بحس انى شغال على سلحفاة :D

[I-IEMA]

تم ارجاع البروسيسور لحالته الطبيعية , و ارجاع الفولت ايضا : 1.325
( تصحيح : انا كنت قللت بمقدار 0.025 و ليس 0.125 )

و فاتح برنامج كارت الدش , و هاحاول اشغل اسطوانات فى نفس الوقت للضغط على الباور صبلاى

----------------
لو فيه اى وسائل سريعة لاختبار اى عامل لاستبعاده يا ريت تقولولى عليه ,
علشان اى اختبار عن طريق التجربة هايكون فى حوالى 3 ايام :D

[White h@cker]

ازاى اقدر اعمل اختبار ثبات بعد الفتح ؟

ببرنامج زى prime95 وشغله ساعتين مثلا لو حصل خطأ يبقى المشكلة ان النواه التى تم فتحها غير مستقرة وغلقها يكون افضل

[a.ewais]

ببرنامج زى prime95 وشغله ساعتين مثلا لو حصل خطأ يبقى المشكلة ان النواه التى تم فتحها غير مستقرة وغلقها يكون افضل
+111
واعمله على SMALL FFT.............,وشوف الحرارة بالمرة

[I-IEMA]

دا كدا انتحار يا شباب :D
ساعتين البروسيسور فيهم على 100% , و فى الحر ده !!

اعمل الاختبار ده ؟ ولا انتظر 3 ايام على التجربة العادية للوضع العادى للبروسيسور ؟

[a.ewais]

دا كدا انتحار يا شباب :D

ساعتين البروسيسور فيهم على 100% , و فى الحر ده !!


اعمل الاختبار ده ؟ ولا انتظر 3 ايام على التجربة العادية للوضع العادى للبروسيسور ؟


ياعم جمد قلبك شوبة...:ah2:
وبرده لو قلقان..خليك باصص على درجات الحرارة ...باى برنامج تانى...:ah49:
لو عليت عن 85 درجة يبقى اقفله...

[White h@cker]

انا كنت هقولك 8 ساعات زى ماانا عملت :D

[I-IEMA]

8 ساعات :ah46:


انا هاقضيها بالاسلوب السلمى النهاردة ,
و بكرة استعجالا للنتائج هاشغل prime95 ساعتين على small FFT
---------

مفيش فى prime95 اختبار بيركز على الـ L3 cache ؟؟

[White h@cker]

مفيش فى prime95 اختبار بيركز على الـ L3 cache ؟؟

اعتقد لا

[EL-MARIACHY]

انا كان بيحصل معايا هذا بس اتحل لمّا غيرت أماكن الرامات جرب و قولنا

[RIKA]

الموضوع دة كان بيحصل معايا مع الافلام والاغانى كانت كل حاجة بتقف ويفضل الصوت يقطع بسرعة على المقطع إللى وقف عندة
ولما غيرت الهارد إتحل الموضوع
انا مافرمتش لإنى كنت كدة كدة هاجيب هارد فقولت اجيبة يمكن العيب منة ومن ساعتها الحمد لله الجهاز ماعملش كدة تانى

ولك الإختيار يا أخى

[m abras]

بسم الله الرحمن الرحيم


@ انا أول ما قرأت العنوان قلت الموضوع فيه كرت دش و فعلا ...

@انا كنت اعاني من نفس المشكلة

@حتى كانت عندي مشكلة ثانية في ترجمة الافلام .......

@ المهم سبب المشكلة كان عندي برنامج progdvb المشهور الذي يأتي معه codes للفيديو يسبب هذه المشكلة
بعد حذف ال codes او البرنامج كله تم الحل

@ طبعا المشكلة قد تكون غير ذلك

[I-IEMA]

انا بشكـــركم على تفاعلكم ووجودكم معى فى مشكلة الجهاز :)
-*-*-*-*-

للأسف الجهاز هنج تانى :(
يعنى المشكلة مش مشكلة انوية ولا فولت بروسيسور

--------------------

انا غيرت مكان الرامة ( للمرة التانية ) , لإنى كنت غيرتها قبل كدا و لسه المشكلة موجودة
بس غيرتها فى مكان تانى جديد

الرامة مكتوب عليها 1.5v لكن ليه هى بتشتغل على 1.6v ؟
ممكن تكون هى دى المشكلة ؟

********

تغيير الهارد , ولو انه مرهق لإنى هانزل ويندوز تانى :)
لكن ممكن انقل على هارد IDE عندى و اجرب

طبعا لو فيه طريقة لاختبار الهارد نفسه هايكون افضل كتير ؟

*******

انا فعلا عندى الـ progdvb كبرنامج اضافى ( و مش بستخدمه تقريبا )
بس مشكلة التهنيج اللى عندى سببها هاردوير مش سوفت وير

لكن لزيادة التأكيد انا مسحت البرنامج مسح كامل
--------------------

انا بصراحة , شكى الاكبر فى الرامة يا جماعة ,
فيه وسيلة لعمل تست مكثف عليها ؟

[White h@cker]

ده برنامج لاختبار الرام على الويندوز

MemTest (https://hcidesign.com/memtest/MemTest.zip)

ولو عندك اسطوانة هيرن هتلاقى عليه برامج اختبار برضو

[a.ewais]

وفى البرايم كمان....بدل ما تعمل small fft................اعمل اختبار ال blend

[I-IEMA]

:ah34::ah34::ah34:

الجهاز هنــــــج تاااااااااالت

بدلت مكان الرامة ,
و عملتلها test ببرنامج (White h@cker) لحد 330% و مافيش اخطاء
و شيلت برنامج progdvb

و برضه نفس المشكلة !!


----------------------

عاوز اعرف المشكلة منيييييين يا شباب :ah42:

شكيت فى حرارة البوردة نفسها
قومت مشغل برنامج كارت الدش و معاه prime95
بس ماحصلش حاجة

انا فكيت كابلات الديفيدى , علشان اقلل الظغط على الباور
و كماااان عملت ابديت لـ بيوس البوردة لآخر نسخة F8

طبعا بعد الابديت الاعدادات كلها رجعت للـ default و منها رجع فولت البروسيسور لـ auto
مش manual على الـ default بتاعه زى ما كنت عامله

هو حاليا على 1.38 تقريبا ,, اسيبه على كدا و اجرب بيه اليومين الجايين ؟
و لو ان حرارته نطت 8 درجات لفوق عن الوضع القديم :o

اغيـــر الهارد و اجرب واحد تانى IDE ؟؟


( رام + بروسيسور + بوردة + هارد + باور صبلاى )
استبعدنا ايه ؟ و فاضل ايه ؟
و ايه اللى ممكن نستبعده و احنا متأكدين عن طريق برامج الاختبارات ؟

[a.ewais]

استبعد الرام والبروسيسور........(لكن اعمل فولت الرامة على 1.5)
انا شاكك فى الباور وكارت الدش.......
وشاكك فى الفيروسات....
نبدأ بالفيروسات.....
نزل النود 32 من هنا..
https://forums.myegy.com/thread94883.html
واعمل سكان..وقولنا النتيجة...عشان نجرب اللى بعده

[I-IEMA]

قبل الويندوز الحالى انا عامل سكان فيروسات بـ 8 برامج انتى فيرس
(( حقيقة و ليست مبالغة :D ))

NOD & KAV & NORTON & AVIRA & AVG & PANDA & AVAST & BitDefender

و حاليا شغال بـ avast free و مأكتفه علشان يعمل ابديت فورى

-----------------

حاولت اقلل فولت الرامة لكن مش عارف ازاى !!

من اعدادات البيوس بيبقى فيه option عام على الفولتات ما بيع auto & manual
خليته manual ( و بكدا فولت البروسيسور قل للافتراضى بتاعه ) و فى الرامة لقيت اختيار انى ممكن ازود فقط و مش اقلل
و حاليا فولت الرامة مقروء 1.57

اعمل ايه بالنسبة لفولت الرامة ؟

-----------------

كارت الدش ممكن انقل مكانه على slot تانى ,
و لو انى مش عاوز اعمل كدا علشان ما افتـّـحش فى الكيسة من كلو :p
بس للضرورة احكام :ah24: , انت ايه رأيك ؟

ممكن اشيل كارت الدش نهائى لفترة , و لو ان المشكلة بتبان اسرع شوية مع تشغيل برنامج كارت الدش عن الفيديو


EDIT ..EDIT ..EDIT ..EDIT ..EDIT ..EDIT

مشكلة التهنيج حصلت قبل كدا فى تشغيل الفيديو فقط
و برضه حصلت مرة فى الالعاب GOW

مش كدا المفروض نستبعد كارت الدش علشان كان inactive و رغم كدا المشكلة حصلت ؟

[a.ewais]

قبل الويندوز الحالى انا عامل سكان فيروسات بـ 8 برامج انتى فيرس

(( حقيقة و ليست مبالغة :D ))


NOD & KAV & NORTON & AVIRA & AVG & PANDA & AVAST & BitDefender


و حاليا شغال بـ avast free و مأكتفه علشان يعمل ابديت فورى


-----------------


حاولت اقلل فولت الرامة لكن مش عارف ازاى !!


من اعدادات البيوس بيبقى فيه option عام على الفولتات ما بيع auto & manual
خليته manual ( و بكدا فولت البروسيسور قل للافتراضى بتاعه ) و فى الرامة لقيت اختيار انى ممكن ازود فقط و مش اقلل
و حاليا فولت الرامة مقروء 1.57


اعمل ايه بالنسبة لفولت الرامة ؟


-----------------


كارت الدش ممكن انقل مكانه على slot تانى ,
و لو انى مش عاوز اعمل كدا علشان ما افتـّـحش فى الكيسة من كلو :p
بس للضرورة احكام :ah24: , انت ايه رأيك ؟


ممكن اشيل كارت الدش نهائى لفترة , و لو ان المشكلة بتبان اسرع شوية مع تشغيل برنامج كارت الدش عن الفيديو



EDIT ..EDIT ..EDIT ..EDIT ..EDIT ..EDIT


مشكلة التهنيج حصلت قبل كدا فى تشغيل الفيديو فقط
و برضه حصلت مرة فى الالعاب GOW


مش كدا المفروض نستبعد كارت الدش علشان كان inactive و رغم كدا المشكلة حصلت ؟


هههههههه
8 برامج؟.....:eek::eek::eek:
ده انت جهازك فلة...:D
خلاص نستبعد الفيروسات.......
نشوف البورده...اول حاجة رجع البيوس للديفلت.....
او اعمل clear cmos.........
ويا سلام لو حدثت البيوس....
وبعد كده تضغط على الجهاز كله باختبار الblend........
وتشوف حرارة البورده....

كارت الدش حنشيله الخطوة الجاية..اصبر على رزقك........:D
انا لسه شاكك فى الرامات عشان الفولت...بس ان شاء الله يرجع الفولت طبيعى لما تعمل الclear cmos .....

[I-IEMA]

هههههههههههههههههههه

البيوس فعلا حدثته لآخر اصدار موجود
و عمت load default ,
الرامة رجعت على وضع اوتو , و برضه شغالة على 1.6 :( !!

دى بياناتها من برنامج ايفريست ( DIMM 1.60 V )

ممكن بعد اذنك تشوفلى الرامة عندك شغالة على فولت كام من برنامج ايفريست ؟
يمكن عيب فى القراءة ! او البوردة اللى عندى هى اللى رافعة الفولت بدون مبرر

-----------
اختبار الـ prime95 , هاأجله لحد ما البرد اللى عندى يروح
لإنى مقفل الاوضة لزوم الصحة ;)

[a.ewais]

https://img694.imageshack.us/img694/2512/39594725.png

للأسف ما عنديش الافرست....لكن اخدتلك صورة بالcpu-z.......بص على الفولت....

[EL-MARIACHY]

ما هى أجدد حاجه اشتريتها للجهاز بتاعك , اللى من بعدها بشويه حصل كل اللى انت بتقول عليه؟؟

[I-IEMA]

مهو الغريب ان الـ cpu-z عندى قارءها 1.5 عادى

لكن من البيوس مقروءه 1.58 ,, و فى ايفريست 1.6 !!

-----

حد من الشباب المتابعين عنده رام DDR3 يقولنا الفولت عنده على كام ؟؟
(( انا عامل نشرة على مووضع الاسعار ,, فين الشباب :) ))

EDIT .. EDIT .. EDIT .. EDIT .. EDIT


ما هى أجدد حاجه اشتريتها للجهاز بتاعك , اللى من بعدها بشويه حصل كل اللى انت بتقول عليه؟؟



الجهاز نفسه :D
انا جبته كله على بعضه من حوالى 3 أو 4 شهور

و كارت الدش و الديفيدى من الجهاز القديم (( و كانوا شغالين تمام بدون مشاكل ))

[I-IEMA]

ماحدش ناوى يقولى الرامة بتاعته شغالة على فولت كام قبل ما انام :D

DDR3 & EVEREST

[isl_amd]

المشكلة دي كانت بتقابلني السنة إلي فاتت كتير بس اتحلت بعد لما نزلت ويندوز ٧ و مع تغيير الكودكس و يمكن برضو علشان أناقللت الفولت شوية بتاع المعالج

[I-IEMA]

انت مشغل البروسيسور على فولت كام حاليا ؟؟
و التهنيجة اللى بتقول عليها كانت تهنيجة كاملة للجهاز ولا تهنيجة سوفت وير ؟


---------

انا بكره اى ويندوز تانى غير الاكس بى
مش ناوى اغيره إلا لما مايكروسوفت تنزل XP 2 :p

[prince1987]

السلام عليكم ورحمة الله وبركاته

أزيك يا هيما أخبارك ايه ؟
بالنسبة لمشكلتك .. فك جهازك بالكامل ( أيوه بالكامل ومتكسلش ) .. وشيل البطارية من البوردة وبعد ما تشيلها لمس بنتين جنب البطارية مكتوب عليهم CLR_CMOS لمدة 10 ثواني

ركب البطارية وجمع الجهاز تاني .. ومتركبش اي كروت - سواء كرت الدش او غيره - وشغل الجهاز بدون ما تغير اعدادات البيوس وجرب وشوف هيحصل ايه ..