موقف حقيقي

[HuLkY]

موقف صعب شوية شفته امامى

مقر الشركة الجديد العامل بها حاليا , فى شارع لوران فى الاسكندرية وهو للعلم شارع راقى بسكانه

وانا فى المكتب , كان فى فترة الراحة , والزجاج خاصة الشركة من الخارج معتم ومن الداخل تشوف منه كل شئ

المهم

وانا فى مكانى , شفت منظر سبب لى قشعريرة!


https://i264.photobucket.com/albums/ii196/Hulkminator/Image0084.jpg




حضراتكم احب اعرفكم على محتويات الصورة:-

1 - شاب يحفر بكل جد فى الزبالة! الفكرة هنا فلترة الزبالة قبل ما شركة النظافة تلم كل محتويات الصندوق , ما فى مشكلة هنا!

2 - الشاب مرتدى البياض , ده بائع سمك! أى والله! جلس على الارض بينظف السمك بجانب عامل الزبالة فى صورة ولا اروع للتلاحم الوطنى فى عهد "محفوظ المقام".!

3 - للأسف الصورة لادئية لكنى شفت بام عينى فى الصورة حوالى 5 قطط بتاكل فى السمك!

ولأول مرة فى حياتى! معتاد اشوف القطط تاكل من الزبالة والبنى أدمين السمك! العكس حصل امامى! القطط بتاكل سمك والبنى أدمين زبالة! طبعا الزمن غدار لكن الشكل ده سبب لى أزمة نفسية!

صورة أكثر للايضاح!


https://i264.photobucket.com/albums/ii196/Hulkminator/Image0085.jpg




حضراتكم فى طفاية حريق بتنقط ماء ومسببة بركة من الماء الأسن مع الزبالة احلى مزرعة فيروسات وبكتريا ممكنة! بائع السمك المصون كان بيشطف السمك فى هذا الماء! امامى! :(! طبعا نفسى موعت تماما لدرجة القطط فى تانى صورة نفرت تاكل السمك


البائع اطال الله عمره وحفظه , عمل احلى شئ ممكن من اى بائع مماثل له فى اى بضاعة على مستوى البلد الاخلاقى الرهيب


https://i264.photobucket.com/albums/ii196/Hulkminator/Image0086.jpg




بيع للناس يا وديع!:ah32:





مفيش كلام اكثر أقدر اقوله.................تمت!

[one-zero]

عادي جدا يا هالكي
وحيبيع السمك
وحيروح مبسوط هو والزبون

بس محدش يسأل
ليه الست اللي اشتريت السمك ممكن يجلها سرطان
و البياع ليه حياخذ خمسين جنيه مقسمومه نصين في اي انتخابات

[moriatte]

شكرا يا عم هالكى
أنا قرأت موضوعك بعد قيامى من الافطار مباشرة....وطبعا مش قادر أوصفلك احساسى دلوقتى
كتر خيرك يا عم

[HuLkY]

لا تعليق مشرفنا :( , الناس مرتضية كل ما هو خبيث


أنا قرأت موضوعك بعد قيامى من الافطار مباشرة....وطبعا مش قادر أوصفلك احساسى دلوقتى

أنا صورت كل ده وانا صايم! لك ان تتخيل انت وضعى انا ايه! حسدت القطط! :D

[S@M]

......اية كم اليأس ...دة يا محمد :(

هية العملية ناقصة اكتأب


لا تعليق مشرفنا :( , الناس مرتضية كل ما هو خبيث

عشان مافيش بديل يا محمد :(

شكرا يا محمد ....:(

[HuLkY]

......اية كم اليأس ...دة يا محمد :(

هية العملية ناقصة اكتأب


هو الحق للأسف طول الخط مر علقم يا صام , للأسف , كل ما هو حقيقي فى دولة محترمة بيكون شئ له طعم حلو , فى الدول الرجعية كل ما هو حقيقي ةصادق طعمه مر كالعلقم , جارح كالصدأ فى فمك :(

دى الحقيقة! متزعلش! :D

[ibrahimfr]

حسبي الله ونعم الوكيل

هل وصلنا إلى هذا المستوى :( ؟؟؟ أين أمانة المسلمين

[Brigadier]

لا حول ولا قوة الا بالله , قمة التردي والتراجع للاسف .

[M Z]

يا الله !

شوفوا بقى كمية الاكل إللي كلناها في حياتنا في بلدنا المصون
اد ايه منه تلوث بشكل قريب من الشكل الموجود بالموضوع
واد ايه منه إتعمل فيه حاجات اسوأ من الموجود في الموضوع
وفي الآخر نلاقي دراسات وارقام والناس تتعجب من ارقام المصابين بالفشل الكلوي والفيروسات وكل ما لذ وطاب !

صور مؤسفه فعلاً .. انا لو شوفت منظر زي كده حصل قدامي كنت نزلت ضربت الراجل بأي شئ يقابلني !
كان نفسي تصورها فيديو وتبعتها لعمرو اديب مثلاً ..
هو ما شاء الله عليه مش بيتوصى في الحاجات دي ..
آي نعم المُحصله هاتكون صفر .. بس اهو هانبقى ضحكنا شويه :(

[ahmedphenom]

ليس من المعقول ان يحدث هذا في لوران

[one-zero]

عادي بتحصل مش بس في لوران بل وكمان في شارع سوريا و كفر عبده وبابور الميه

عادي جدا

الله يمسيك بالخير يا محجوب (المحافظ السابق للمدينه)
كان مفيش الكلام ده على الاقل في معظم المناطق بالاسكندريه

[miro the king]

البلد عوزة بلد:( شكرا يا هالكى

[ŤǾЯŊΛĐф]

عادى مش السمك بيتشوى أو بيتقلى ، يعنى كده كده الفيروسات هتموت ، يبقى أنت أكيد فى مصر يا هالكى :D

[elbass]

من الاخر لاتعليق

ان لله وان الية راجعون للاسف فعلا هذا الامر عادى ناس بتأكل من الزبالة انا شفت واحد بيأكل قشر بطيخ من الزبالة من شدة الجوع بالقاهرة والله المستعان لكن بياع بينظف سمك دا اكيد متعود يأكل ايضاً من الزبالة لذلذلك الامر طبيعى و

ولا تعليق

[Dr Mohammad]

لا حول و لا قوة إلا بالله

[sikimiky]

لا حول ولا قوة الا بالله,

الناس وصلت لمرحلة بشعة جدا,مفيش ضمير نهائيا.:(

بس كان حقك يا هالكي تقول للست و تحذرها و تنصح البياع دة و تفهمة ان دي ارواح ناس .


وبعدين ياريت بلاش المواضيع الكئيبة دي الي بتخلي الواحد يكرة البلد اكتر من ما هو كارها اصلا , يعني ممكن مواضيع عن ازهار , انهار , تخفيضات هائلة في اسعار الهاردوير في مصر, جوائز مجانية .........حاجة كدة يا اخي تخلينا ننسي الوضع المهبب دة :D.

[Mshadow.me]

المشهد لا يحتاج الي تعليق

و في النهاية الناس تموت في مستشفيات الحكومة و السيد الوزير يطلع يقول "أحنا بحمد الله قدرنا نتغلب علي الصعوبات, الناس اللي بتموت من التسمم دي حالات فردية و لا يأخذ بها, وأحنا قدرنا نقلل نسبة الوفيات السنة دي (حط أي رقم من عندك) و ده كله بفضل مجهودات السيد الرئيس (دي الحتة الوحيدة الصادقة, أن كل ده فعلا بمجهودات السيد الرئيس)"

[EL-MARIACHY]

الواحد لما يشوف كده ليس امامه غير شيئين:

1- ان يدعى ان ربنا يسترها مع الناس اللى بتشترى

2- ان الواحد يحمد ربنا على النعمه اللى هو فيها ( الحمد لله احنا أحسن من ناس كتير)

الحمد لله أنا لا أحب السمك:o