التهيئة لا تكتمل والقرص يرفض تنصيب ويندوز (معدّل).

[fanto]

السلام عليكم ورحمة الله وبركاتة ,,,



الحقوني يا جماعة انا في مصيبة ,,,

انا أشتريت هارد جديد 500 جيجا ,,

وروحت لواحد اعرفة سيبر نت علشان أقسمة ,,

المهم هو قسمهولي من على ويندوز XP

قسمة من على الويندوز وهو شغال مش من الدوس او مش من سي دي تقسيم

المهم قسمهولي 3 برتشن ,,

وحطيت علية كل الداتا بتاعتي كلها ,,,

والنهاردة حبيت انزل ويندوز إكس بي ..

حطيت السي دي بتاع الويندوز عادي علشان اسطب ومشيت الخطوات مظبوطة زي ما بعمل دايما ,,

المهم الجهاز ميرضيش ينزل ويندوز خالص خالص ,,

مرضيش يكمل الـ full Format

روحت مرستر وعامل Quik Format

وبدأت أسطب الويندوز .. بس بيجي عند %40 وميكملش تسطيب لحد لما زهقت ,,

بعد كدة فصلت وشغلت الهارد التاني ووصلت علية الـ 500 جيجا ,,

ببص ملقتش ولا برتشن موجود غير واحد بس وفاضي ..

ولشوف مساحتة لقيتها 465 جيجا ,,

انا جالي سكتة قلبية ...

امنا كل الداتا بتاعتي على الهارد الـ 500 مش عارف اعمل ايه ,,

أسترجع البارتشنز ازاي والداتا ازاااي ..

ارجوكم المساعدة من الخبراء علشان مش عارف اعمل ايه ...


تعديــــــــل
--------

تم وضع الصور زي ما قال الأخ العزيز CrossHair (https://www.arabhardware.net/forum/member.php?u=11204986)

دي الصورة اللي اكنت بتظهر لما اجب اسطب الويندوز

https://i38.tinypic.com/2e23x1h.jpg



ودي أول صورة من الـ Hirens Boot CD.11.0
-------------------------------

https://i34.tinypic.com/9schgj.jpg



ودي تانــــي صورة لنفــس البرنامج

تتضمن باقي أوبشنز الـ CD
----------------

https://i34.tinypic.com/2l94d8z.jpg


ولا وجود لأي برنامج بأسم

Acronis Disk Director Suite

علشان أفتحة وأخلية يقرا الهارد للأسف ...

أيه الحل في المشكلة دي كمان بقى ,,

في أنتظارك أخي CrossHair (https://www.arabhardware.net/forum/member.php?u=11204986)

[Dominator GT]

محلولة إن شاء الله ,
بص يا سيدي , أنت هتنزل إسطوانة الهيرين من اللينك ده : https://mirror.switch.ch/mirror/hbcd/Hirens.BootCD.11.0.zip
ده طبعا باستخدام أي جهاز تاني شغال , بعد كده تفك ضغط الملف ده بـ WINRAR أو POWERISO
و بعدين تعمل BURN للملف المفكوك على إسطوانة CD أو DVD
إستخدم الإسطوانة دي عشان تبوت منها على الجهاز اللي فيه الهارد المشكلة و إختار Hiren BootCD
إبحث عن برنامج إسمه Acronis Disk Director Suite وإفتحه
البرنامج هيقرأ الهارد , خد صورة للشاشة بأي كاميرا أو بالموبايل و ضيفها للموضوع و أنا لما أشوفها هرد عليك بباقي الخطوات ..

[Dominator GT]

إستخدم اللينك ده :
https://www.hirensbootcd.net/download/Hirens.BootCD.11.0.zip

[fanto]

ربنا يباركلك ويكرمك يا غالي ...

ألف ألف شكر على المساعدة منك ..

وانا عندي هارد تاني شغال علية على نفس الجهاز هظبط الكلام دة من علية الأول

وهشغل السي دي دة على الهاردة التاني اللي فية مشكلة

بس هعمل الموضوع دة بعد الفطار وياريت ياريت لو تتكرم وتكون متواجد بعد الفطار لو تسمح


وألـــــــــف مليـوووووون شكر ليك مرة تانية

[fanto]

إستخدم اللينك ده :
https://www.hirensbootcd.net/download/Hirens.BootCD.11.0.zip



صوما مقبولا وإفطارا هنيئا بأذن الله ,,,

سؤال أستخدم اللينك دة في ايه

[wella1000]

^^عشان تنزل البرنامج اللي قالك عليه الأخ كروساير :)

[fanto]

^^عشان تنزل البرنامج اللي قالك عليه الأخ كروساير :)



متشكر جدا ليك يا ويلا ,,,

انا بنزل البرنامج دلوقتي ,,

قدامة حوالي نصاية كدة ..

وهعمل زي ما قال الأخ كروساير ..

وربنا يسترها والداتا ترجع يارب

[Dominator GT]

صوما مقبولا وإفطارا هنيئا بأذن الله ,,,

سؤال أستخدم اللينك دة في ايه
تستخدمه في تنزيل الـ Herin BootCD , و عموما اللينك ده : https://www.hirensbootcd.net/download.html بيفتح صفحة ويب هتلاقي فيها تحت على الشمال كلمة Direct HTTP Mirror (https://www.hirensbootcd.net/download/Hirens.BootCD.11.0.zip) , إضغط عليها هيبدأ معاك التحميل ولمل يخلص كمل زي ما قولتلك في الأول.
للأسف أنا عندي شغل ديلوقتي , هارجع البيت حوالي الساعة 2 صباحا...

[fanto]

تستخدمه في تنزيل الـ Herin BootCD , و عموما اللينك ده : https://www.hirensbootcd.net/download.html بيفتح صفحة ويب هتلاقي فيها تحت على الشمال كلمة Direct HTTP Mirror (https://www.hirensbootcd.net/download/Hirens.BootCD.11.0.zip) , إضغط عليها هيبدأ معاك التحميل ولمل يخلص كمل زي ما قولتلك في الأول.
للأسف أنا عندي شغل ديلوقتي , هارجع البيت حوالي الساعة 2 صباحا...


تمام وانا بحمل البرنامج حاليا وقدامة نص ساعة وينزل

وهستناك لما تيجي بالليل

[Dominator GT]

تمام وانا بحمل البرنامج حاليا وقدامة نص ساعة وينزل

وهستناك لما تيجي بالليل


أول ما أرجع من الشغل هادخل الموضوع بتاعك مباشرة
أنا كانت عندي نفس المشكلة مع الهارد القديم و الحمد لله حليتها
والداتا بتاعتك هترجع - بإذن الله - و لا شكر على واجب أخي fanto

[Gainward]

لا تقلق أخي العزيز .. كامل المعلومات ستعود أليك ان شاء الله ..

https://www.arabhardware.net/forum/showthread.php?t=183487

انا أيضاً حدثت معي نفس المشكلة مع نفس حجم الهارد :D

[fanto]

تم وضع الصور من برنامج Hirens.BootCD.11.0 كا قال الأخ CrossHair (https://www.arabhardware.net/forum/member.php?u=11204986)

ولا يوجد أي برنامج بأسم Acronis Disk Director Suite

ايه العمل يا أهل الخبرة ,,,

[fanto]

أرجـــو المساعــــــــدة من جميــع الأعضـــاء والخبــــــــرااء ,,,,

[Gainward]

يا أخي العزيز .. أبحث عن برنامج يدعى R-Studio .. ثم اعمل من خلال البرنامج Scan للهارد الذي محيت المعلومات منه (و البحث قد يستغرق 5 ساعات) ثم بعد ذلك ستفتح لك نافذة على كل المعلومات و كأنها لم تمسح. و هذه من تجربة شخصية.

في رعاية الله ..

[The Mysterious]

أرجو اختيار عنوان أوضح للموضوع في المرّة القادمة، بالنسبة لمشكلتك استخدم برنامج Data Lifeguard Tools ، أمّا التقسيم استخدم برنامج Partition Wizard، تجد كلا البرنامجين في اسطوانة Hiren's BootCD التي حملتها، بالنسبة لشرحهم استخدم محرّك البحث google لهذا الغرض.

[fanto]

يا أخي العزيز .. أبحث عن برنامج يدعى R-Studio .. ثم اعمل من خلال البرنامج Scan للهارد الذي محيت المعلومات منه (و البحث قد يستغرق 5 ساعات) ثم بعد ذلك ستفتح لك نافذة على كل المعلومات و كأنها لم تمسح. و هذه من تجربة شخصية.

في رعاية الله ..



بااارك الله فيك يا أخي ,.,

المشكلة الكبيرة إني كنت مقسم الهارد لثلاث بارتيشنز ,, وحاليا بقوا بارتيشن واحد بكل مساحة الهارد ..

يعني كمان التقسيم إتلغى ,,

انا عاوز استرجع البارتيشنز بالداتا مش الداتا فقط ..

اتمنى تكون فهمتني ... ومتابع معااك

[fanto]

أرجو اختيار عنوان أوضح للموضوع في المرّة القادمة، بالنسبة لمشكلتك استخدم برنامج Data Lifeguard Tools ، أمّا التقسيم استخدم برنامج Partition Wizard، تجد كلا البرنامجين في اسطوانة Hiren's BootCD التي حملتها، بالنسبة لشرحهم استخدم محرّك البحث google لهذا الغرض.


تم تعديل العنوان .. وشكرا لك على التنبية ,,,

وزي ما حضرتك شايف .. انا لما بوصل الهارد اللي بيه المشكلة وشاغل السي دي Hiren's BootCD

هى دي الإختيارات اللي بتظهرلي من السي دي فقط ..

( الصور اللي انا ضايفهم في الموضوع ) وبصراحة مش عارف أستخدم الأبوشنز ولا اعمل ايه ,,

أرجو المساعدة ,,,

[tarekforall]

وعليكم السلام ورحمة الله وبركاته
قم بتجربة هذا البرنامج (https://www.4shared.com/file/sj6L7pV6/iCare_Data_Recovery_362_Portab.html) لاستعادة البيانات
أما بخصوص اسطوانة Hiern 11.0 فقد تم ازالة جميع البرامج الغير مجانية منها ولذلك استخدم النسخة 10.6 من هنا (https://www.hirensbootcd.net/download.html?ver=10.6)

[fanto]

وعليكم السلام ورحمة الله وبركاته
قم بتجربة هذا البرنامج (https://www.4shared.com/file/sj6L7pV6/iCare_Data_Recovery_362_Portab.html) لاستعادة البيانات
أما بخصوص اسطوانة Hiern 11.0 فقد تم ازالة جميع البرامج الغير مجانية منها ولذلك استخدم النسخة 10.6 من هنا (https://www.hirensbootcd.net/download.html?ver=10.6)


متشكر جدا جدا للمساعدة طارق ..

وانا بحمل دلوقتي النسخة اللي انت قولتلي عليها 10.6 ولما اخلص هحرقها على سي دي ..

وأعمل زي ما قالي الأخ الفاضل CrossHair (https://www.arabhardware.net/forum/member.php?u=11204986) ولما يدخل يبقى يرد عليا ويكمل ويقولي اعمل ايه بعد كدة ..

متشكر جدا ليك كمان مرة ...

[اكسمان]

أرجو اختيار عنوان أوضح للموضوع في المرّة القادمة، بالنسبة لمشكلتك استخدم برنامج Data Lifeguard Tools ، أمّا التقسيم استخدم برنامج Partition Wizard، تجد كلا البرنامجين في اسطوانة Hiren's BootCD التي حملتها، بالنسبة لشرحهم استخدم محرّك البحث google لهذا الغرض.

اخي الفاضل مع احترامي الكامل ليك لكن لدي تعليق
اعتقد ان الهدف من المنتدي هو الاستفاده او بمعني اخر ايجاد المعلومات التي يبحث عنها اي محتاج فيه لكن ليس للبحث في جوجل . لو هذا هو الحال في كل الامور اذا لا داعي لوجود المنتدي من الاساس ليس كل من ينتسب الي المنتدي ملم بامور الحاسب الالي انما خلق الله الناس درجات.

[fanto]

اخي الفاضل مع احترامي الكامل ليك لكن لدي تعليق
اعتقد ان الهدف من المنتدي هو الاستفاده او بمعني اخر ايجاد المعلومات التي يبحث عنها اي محتاج فيه لكن ليس للبحث في جوجل . لو هذا هو الحال في كل الامور اذا لا داعي لوجود المنتدي من الاساس ليس كل من ينتسب الي المنتدي ملم بامور الحاسب الالي انما خلق الله الناس درجات.



تسلم على الرد السليم ,,,

باارك الله فيك .,,,

[Dominator GT]

أخي fanto ,
أعتذر عن التأخير
النت فاصل عندي حتى الأن , أنا برد عليك من السايبر ( منهم لله TEData )
فعلا سوف تحتاج للنسخة 10.6 من الإسطوانة بدلا من النسخة 11 ( هتداونلود تاني معليش : https://www.hirensbootcd.net/download/Hirens.BootCD.10.6.zip و هتعمل منها الغسطوانة البوت كما سبق شرحه
هتبوت من الإسطوانة و الهارد المشكلة متوصل
هبعتلك رقمي على الخاص , لما تخلص المرحلة دي كلمني ( بس يبقى معاك 25 جنيه رصيد على الأقل :D )

[fanto]

أخي fanto ,
أعتذر عن التأخير
النت فاصل عندي حتى الأن , أنا برد عليك من السايبر ( منهم لله TEData )
فعلا سوف تحتاج للنسخة 10.6 من الإسطوانة بدلا من النسخة 11 ( هتداونلود تاني معليش : https://www.hirensbootcd.net/download/Hirens.BootCD.10.6.zip و هتعمل منها الغسطوانة البوت كما سبق شرحه
هتبوت من الإسطوانة و الهارد المشكلة متوصل
هبعتلك رقمي على الخاص , لما تخلص المرحلة دي كلمني ( بس يبقى معاك 25 جنيه رصيد على الأقل :D )




مفيش أعتذار ولا حاجة يا غالــــي ,,,

أنت ليك كل الشكر على الأهتمام بالموضوع والله ,,,

وانا فعلا حملت النسخة 10.6 وحرقتها على سي دي بس لسه مبوتش منها ,,,

هبقى ابوت منها وانا معاك على التليفون علشان تقولي اعمل ايه ,,,

وبالنسبة للـ 25 جنية رصيد ...

متقلقش انا نزلت خلعت كابينة ميناتل من تحت البيت طلعتها الشقة علشان اعرف اكلمك براحتي :D

[fanto]

الحمد لله تم إستعادة كل الداتا المحذوفة من الهارد ديسك ,,,

والفضــل يرجع للأخ الفاضـل tarekforall (https://www.arabhardware.net/forum/member.php?u=11136987) بـــاارك الله فيـــة وجزااة خيـــر ,,,

اللي قالي استخدم برنامج iCare Data Recovery

وفعلا البرنامج فوق الرهيب والله ,,, رجعلي كل الداتا زي ما كانت بالظبط ,,,

متشكـر جدا ليك مرة كمان ,, ومتشكر جدا لكل اللي فكر يرد عليا ويساعدني ,,,

+ طبعا مش هنسـى أخي العزيز

يحيـــــــى ,,, CrossHair (https://www.arabhardware.net/forum/member.php?u=11204986) وتعبة معايا حوالي 20 دقيقة على الموبايل :ah46: :D

لمحاولة إسترجاع الداتا المحذوفة .. بس برضو معرفناش ,,,, ليه كل الشكر والتقديـــر ,,,

وكسب صديق جديد محترم جدا جدا بصرااحة ,, ويشرفني ان اتكلمت واتعاملت معاة ,,,
(https://www.arabhardware.net/forum/member.php?u=11204986)

[tarekforall]

الحمد لله لاستعادة البيانات :)
حاول بقدر الإمكان حفظ بياناتك شديدة الأهمية في مكان اخر، لأن الأقراص الصلبة غير مضمونة، وبالتوفيق دوماً

[fanto]

الحمد لله لاستعادة البيانات :)
حاول بقدر الإمكان حفظ بياناتك شديدة الأهمية في مكان اخر، لأن الأقراص الصلبة غير مضمونة، وبالتوفيق دوماً


الحمد لله ,,,,,,

فعلا في المرة الي جاية هعمل زي ما حضرتك قولت وأحتفظ بالبيانات الهامة في مكان آخر غير الهارد


باارك الله فيـــك ,,,

[Dominator GT]

لا شكر على واجب أخي fanto وكان نفسي أن أنجح معاك في الموضوع ده بس الأخ Tarek4all قام باللازم :ah7:
وعلى فكرة هما كانوا 45 دقيقة على مرتين :D
وأنا والله اللي سعيد بمعرفتك وصداقتك :ah39:
ومتنساش تقسم الهارد من الدوس ( أو من الهيرين )
و أنا لسه بكلمك من السايبر ( TEData ربنا يوقف حالهم ) :ah34:

[احمد دهمه]

اخي الفاضل مع احترامي الكامل ليك لكن لدي تعليق
اعتقد ان الهدف من المنتدي هو الاستفاده او بمعني اخر ايجاد المعلومات التي يبحث عنها اي محتاج فيه لكن ليس للبحث في جوجل . لو هذا هو الحال في كل الامور اذا لا داعي لوجود المنتدي من الاساس ليس كل من ينتسب الي المنتدي ملم بامور الحاسب الالي انما خلق الله الناس درجات.

بارك الله فيك كلام جميل