المساعد الشخصي الرقمي

مشاهدة النسخة كاملة : اللى عندو اى مشكله فى الوايرلس يدخل هنا وهحلها على طول ان شاء الله



الصفحات : [1] 2 3 4 5 6 7 8 9 10 11 12 13 14

ahmed_taha
22-08-2010, 14:08
هبدا الان بعض ملاحظات فى عالم الويرلس

1 \ دلوقتي فيه شبكه في المنطقه اللي انا فيها ومش فيها اي نوع تشفير
اعمل اية؟
لازم تكون رابط عليها زى اسكان اسنيفر دا قوى جدا
2\ اعمل شبكه مداها 2 كيلو وايه المكونات المطلوبه؟
روتر اسبيد تاتش واكسس بوينت 642 تى بى لينك وكمان انتنه 12 دى بى اوت دور وممكن انت طبعا تركبها بس يفضل لو مهندس هو اللى يعملها علشان يقدر يديك احلى نتيجه للتغطيه
3 \انا مشتيرك فى الوايرلس بس المسافة كبيرة بتوصل الاشارة عندى5dB وطبعن النت بطيى هل يوجد حل؟
تكبر الانتنه مثلا من 3 دى بى الى 5 دى بى مثلا او حط ورا الانتنه حاجه نحاس مقعره بحيث تعكس اشاره النت
4 \ انا عاوز استفسر عن شيء
دلوقتي لما اعمل الشبكة وكله تمام هبقى في مشاكل بالنسبة للعميل اللي في الدور الارضي مثلا انه هيستقبل يعني ياريت تشرحلي العميل هيستقبل ازاي النت عنده وهو مثلا في نص البيت وحواليه حيطان كتر

بص يامان العميل بيستقبل بحاجه من اثنين الاكسس ودا غالبا بيكون فوق السطح وبيوصل بالجهاز بكبل لان عادى خالص
او كرت ويرلس pci او usb وفى الحالتين بيطلع الانتنه فوق السطح برضو بسلك دش وكونكتر علشان يستقبل الاشاره كويس
وهل هيكون في مشكلة لو سلك الدش طويل وهل لو عميل ساكن في دور مرتفع مثلا ممكن يستقبل من غير الانتينا دي او بدون ما يعملها سلك للسطح ?
الكونكتر دا عباره عن صاموله نحاس تركب فى طرفى السلك اللىبيوصل الكرت بالانتنه وطبعا طول السلك دا بياثر على الاشاره فيستحسن انك تجيب نوع كويس زى السلك الاسمر الصينى حلو ولو فيه عميل فى دور عالى ممكن طبعا مت غير ماتخرج الانتنه بتاعته بره يستقبل بس اساسى الانتنه تكون موجوده منقدرش نستغنا عنها

فرق بين الانتنه الاوت دو و ان دور ?

فيه فرق وفرق كبير اوى فى القوه والتحمل والاشاره لصالح الانتنه الاوت دور
لو الاكسس بتتحرك مع الهوا دى يأثر على الاكسس ?
مهم هو ان البرج يكون ثابت جدا مفيش اى تاثر بالرياح ولا اى حاجه ويكون زاويه قايمه مع الارض
وترفعوش كتير يعنى يدوب اعلى من اى مبنى حوليك بمتر او اثنين

انا عندى راوتر D-Link Wireless
عايز اعمل كلمة سر عشان محدش يدخل على الوايرلس
و كنت عايز اعرف ازاى ادخل كلمة السر فى اللبتوب بتاعت الويرلس????
بص ادخل على اعدادت الويرلس وعمل انيل للسكيورتى وبعدين علم على wpa ودخل الباص وورد اللى عاوزه ويفضل ان يكون ارقام وحروف
وفى الاب توب لما هتيجى تربط على الشبكه بتاعت الروتر هيولقك ان فيه باص وررد هتخله عادى خالص
عايز أعرف ايه هية مشاكل الوير ليس فى فصل الشتاء بالنسبة للاماكن البعيدة عن السيرفر

وهل يوجد برنامج يقوى الاشارة ?فى الشتاء مفيش تاثير ملحوظ على قوه الاشاره بس اهم حاجه يكون برجكك ثابت مبيتحركش من الهواء
وعلشان تقوى اشارتك مفيش الا انك تعلى قيمه الدى بى فى الانتنه او بقى تجيب اجهزه اعلى

الشبكات اللاسلكية


بسم الله الرحمن الرحيم

ساحاول جاهدا توضيح بعض معالم الشبكات اللاسلكية من خلال تجاربى وخبرتى البسيطة فى هذا المجال واحاول مزايا وعيوب المنتجات التى تعاملت بها اضافة الى ذكر تجاربى البسيطة مع الشبكات اللاسلكية
اولا : التجارب اللاسلكية
انا عامل 4 شبكات لاسلكية ساشرح كل منها على حده
الشبكة الاولى
خط نت 2 ميجا +روتر كونكسنت +سيرفر مايكروتك+روتر بورد +انتنا هايبر لينك 15 دىبى على ماسورة 12 متر ومنزل ارتفاع 3 طوابق
الاداء: فوق الممتاز والبنج 1 ,2,3,4,5,...............الخ يعنى فوق الخيال ما بيعلاش لا بيحصل تهنيج ولا بينج بيعلى ولا كلام من ده
التغطية: 2 كيلو نصف قطر من مركز الارسال مع وجود بعض العوائق الخفيفة لان الارتفاع غير كافى
التقييم: تعتبر هذه الشبكة ممتازة وانا اعدها من افضل الشبكات اللاسلكى فى مصر كلها انى رفعت البرج مرة واحدة ومفيش مشاكل تذكر سوى ذات مرة ارتفاع فى البنج وتم ظبطه عن طريق تغيير التشانل عدد المشتركين لاسلكيا حوالى 20+15 سلكى ومفيش مشاكل من اى نوع والحمد لله
ملحوظة: تم بيع الشبكة نظرا لبعدها الجغرافى عن مكان اقامتى وانشغالى بلشبكات الاخرى وباقى اعمالى و مالك الشبكة الجديد مبسوط وزى الفل وعليها فى الوقت الحالى 50 عميل لاسلكى ومفيش مشتركين سلكى فى شبكة سلكية هو عاملها
نيجى بقى للجد والشبكات اللاسلكى فى قريتى مع العلم عدم وجود نت فى قريتى ايه الحل
الشبكة الثانية
خط نت 2ميجا+روتر ريبوتك+سيرفر مايكرةتك+بولت +هايبرلينك على ارتفاع منزل 3 طوابق+ماسورة 10 متر فى القرية المجاورة طبعا حيث وجود النت وظيفة البولت هنا تغطية الجزء الامامى من قريتى حيث ان اشارة البولت قوية جدا
الاداء: ممتاز تم تغطية جزء من قريتى بكفاءة والشغل زى الفل بنج تمام وكله تمام
التقييم: ممتازة وراحة دماغ وفكرة تمام
الشبكة الثالثة:
خط نت 2 ميجا+روتر لينك سيس+اكسس انتل نت هاى بور 23 دىبى+ياجى يدوى على نفس البرج
وظيفة الاكسس نقل خط النت من القرية الجاورة الى قريتى حيث يتم الاستقبال باكسس اير ليف منزل عليها الفريم وير الجديد لرفع قدرتها 26 دى بى + انتنا هايبرلينك ديركشن بانل 24 دى بى وبعد استقبال النت ينزل على سيرفر مايكروتك فى قريتى طبعا ومن خرج السيرفر سلك خارج على سويتشات ليتم التوزيع سلكيا وكذلك من احد السويتشات سلك طالع على بولت + انتنا هايبر لينك ليتم التوزيع لاسلكيا
الأداء: ممتاز والبنج بين الايرليف والانتل نت زى الفل وكذلك الناس اللي رابطة على البولت في منتصف القرية وأخرها زى العسل
التقييم: ممتاز حوالي 60 مشترك سلكي ولاسلكي والأداء بيرفكت
الشبكة الرابعة
بداية لا تعليق لم يكن من المتوقع هذا الأداء لهذه المكونات
خط نت 2 ميجا فى القرية المجاورة بالطبع+روتر ريبوتك+روتربورد+ياجى امريكى 14 دى بى
وظيفة الروتر بورد نقل خط النت لجهاز الاستقبال وهو السيناو للعلم هو اسس بوينت خارجى قدرته 28 دى بى +انتنا بانل داخلى قدرتها 10 دى بي وبعد ما السيناو يستقبل ينزل على سويتش فى المحل علشان يكون فى السيبر نت 2 ميجا وطبعا انا عامل فى الروتر بورد سيكورتى بروفايل علشان مفيش حد يربط على الروتر بورد غير السيناو بس
الأداء: اول شهر زى الفل مفيش كلام ايه ده البنج 1,1,1,2ولو البنج على يبقى 5,6 يعنى اداء فوق الوصف
والتحميل على 240 كيلو والشغل تمام
بعد الشهر ده الإشارة مازالت عاليه والبنج مازال 1,2 نفس الوضع تيجى تدون يدون على 16 كيلو وبعد كده البنج يقطع خالص والدونلود يقف والنت يفصل وبعد شوية يقوم شغال ويدون على 16 كيلو ويقف وهكذا
التقييم:انا قلت شغل دون المستوى
ملحوظة:المسافة بين برج الارسال فى القرية المجاورة وبرج الاستقبال فى قريتى تقريبا 2800 متر
برج الارسال فى القرية المجاورة عليه 3 شبكات ارسال على نفس الماسورة
برج الاستقبال فى قريتى يحتوى على شبكتين استقبال وشبكة ارسال
الشبكات فى المركز الاول على ماسورة واحدة وعددهم ثلاثة على نفس التشانل رقم 1
ومفيش شبكة بتشوش على التانية
فى خطوط ضغط عالى بينى وبين القرية المجاورة
الشبكة الرابعة حاولت معاها بجميع الوسائل ولكن مفيش امل بجد حاجة مش حلوة خالص هشوف حل للمشكلة وان شاء الله هبقى اقولكم عملت ايه
كده يبقى خلصنا اول نقطة

ثانيا: تقييم المنتجات اللاسلكية

هحاول اشرح الاكسسات من خلال تجاربى لها
1_التبى لينك: الاكسس الشعبية الكل فى المجال ده عارفها وعارف اداءها مميزاتها ممتازة بالنسبة لسعرها
تصلح للاستخدامات العادية والاستقبال ولا انصح بها كمركز للارسال
اعتقد انه صعب تحميل يوزر عليها وعدد ساعات شغل كتير عليها صعب
2_الإنتل نت:الاكسس المقربة الى قلبى وادين لها بالفضل فى شغلى الاكسسات ذات البور العالى 22 دى بى وكذلك الفيرجن الجديد ال23 دى بى تصلح للعمل ساعات طويلة بل وايام بدون تهنيج ولا بنج عالى وكذلك ممتازة فى ضغط اليوزر
3-الايرليف:اكس اخر حلاوة خاصة بعد السوفت الجديد ال26 دى بى اشارة قوية وتحمل معقول لليوزر وتحمل لساعات الشغل المتواصلة يعنى زى الفل ومفيش مشاكل من وضغها كمركز للارسال
4_النت جير:انا جربت ال54 يتاعتها اكسس مش ولابد
اشارتها عاليه نسبيا بانسبة للتبى لينك ولكن من خلال تجربة اكثر من اكسس جديدة وجدت انها بتفك ربط لوحدها واحيانا بتربط على شبكات تانية لوحدها وذلك من خلال تجوبة 5 اكسسات 3 منهم عملوا نفس الموضوع وبالتالى تم تركيبهم عند ناس بتعرف شوية فى الموضوع ده علشان لو تكررت العملية يظبوها هما
يعنى لا انصح بها
5-الريبوتك:تم تجربتها مرة واحدة عند احد العملاء وهى زى التبى لينك وان كانت افضل قليلا من حيث الاشارة والتحمل لساعات الشغل الطويلة
6- الروتر نت جير 54 : يصلح فى الارسال ويعمل زى الفل عن طريق تجربة 4 شهور بدون مشاكل تذكر
وهو لسه عندى ومش عايز ابيعه لانه تمام معايا وخسارة ممكن احتاج له بعدين
7- البولت: الرصاصة بكل ما تحمل من معانى
لو كنت عايز تشترى دماغك يبقى لازم بول تده شىء اساسى
8- الروتر بورد:هطول شوية فيه لانه مشكلة
بداية لو كنت عاوز توجع دماغك هات الروتر بورد يعنى ايه الروتر بورد وحش لا ده مش اعتراف صريح منى ولكن اعتراف ضمنى يعنى وحش لاطبعا يعنى حلو: لاطبعا خالص
ايه ده يا عم الغاز هيا يعنى
فى الشبكة الاولى المشار اليها فى الاعلى الروتر بورد شغال زى الفل من حيث كل حاجة تحمل اليوزر والشغل باستمرار والاشارة العالية واستقرار البنج يعنى اخر حلاوة
لكنى جربت الروتر بورد مرتين بعد كده وربنا ما يورى حد اللى انا شوفته بعت واحد منهم مع العلم تم توضيح المشكلة قبل البيع
والتانى لسه معايا قةلت اخليه مركز رئيسى للارسال فى قريتى او فى القرية المجاورة كل ما يخش 5 او 6 افراد يكونوا اكتف البنج يعلى قولت اخليه لنقل النت اشتغل معايا شهر وبعدها جاب وره
نصيحتى اوعى تتلزق فيه ولو حد كلمك عليه قوله (سلام قولا من رب رحيم)
9- السيناو:هو زيه زى النانو ستاشن وانا لا انصح بيه غالى على الفاضى ايرليف وانتنا افضل الف مرة منه
10-الالفا: اكسس اوت دور 1 وات تايوانى ضحكة الموسم
اشارة قوية تحمل لساعات الشغل باستمرار لكن الجديد حاجة اسمها الترافك ايه يا عم اللى بتحكى فيه ده
البنج ممتاز بس لو سيادتك حطيتها كارسال على خط 2 ميجا وربط عليها باكسس واحدة اخرك فى التدوين 90 كيلو بايت وكذلك لو خليتها كلينت على اكسس بخط 2 ميجا ما تدون شالا ب 90 كيلو بايت ده بقى اللى اسمه الترافك وكمان ملوظة ما ينفعش تربط عليها كذا اكسس لان الترافك بيقل وحاجة اخر عجب

كده يبقى خلصنا النقطة الثانية

ثالثا : تقييم الانتنات

1- الهايبر لينك:مش هتكلم عليها كتيرلانى مهما اتكلمت كلامى مش هيعطيها حقها من الاخر ممتازة
الامنى 15 دى بى طبعا وخد بالك من حاجة اسمها beamwidth
2-ال9 دى بى data allience
ده اسمها تقريبا وانا شاريها من استاذ احمد على بامانة تحفة فنية اداء فى غاية الجمال تصلح للعمل مع الايرليف كمركز محترم جدا للارسال وتصلح فى الاستقبال من الاماكن البعيدة
3-الياجى اليدوى: طبعا على حسب اللى عامله هو 14 دى بى توجيهى اداء ممتاز جدا يمكن 2 اكسس +2 ياجى ان يعملوا كونكت على مسافة 4 كيلو والبنج ممتاز
4- الانتنا 24 دى بى هايبر لينك: بامانة حرام عليك تضيع وقتك فى تجربتها حتى
الانتنا ال 5 دى بى افضل منها تقولى ازاى اقولك ده من خلال تجربتى والانتنا ال5 دى بى افضل منها فى الاشارة انا كنت مركب على نفس الاكسس ياجى يدوى وكانت الاشارة 56 دى بى وبعد ما ركبت الهايبر اصبحت 43 دى بى بالعافية واحيانا تبقى 40 دى بى
5-الياجى الامريكى:زى الياجى اليدوى مفيش اختلاف
6- ال5 دى بى تبى لينك:الكل عارفها
كده يبقى خلصنا النقطة الثالثة

رابعا: تقييم البائعين

اهم نقطة فى الموضوع كله تقييم بائعى المنتجات اللاسلكية
بداية انا لااختص بالكلام اى احد على الاطلاق وان ظهر فى كلامى تلميح الى بعض الشخصيات فى المنتدى هذا التلميح والله غير مقصود وانما الغرض نصيحة الاعضاء وتعريفهم بالواقع العملى فقط لا غير لا ميول شخصية ولا اغراض ذاتية فى هذا الموضوع وانا لااقيم اشخاص بعينها لانى ليس لدى التاهيل للحكم على الاشخاص
ندخل فى لب الموضوع
بداية كل بائعين المنتجات اللاسلكية بلا استثناء يشكر كثيرا فى المنتج الذى لديه يعنى لو رحت لشركة معينة تسالعن اكسس نظيفة تلقيه مطلع لك اكسس من الدرك ولا من تحت البلاطة ويقولك دى زى العسل وزى الفل وباور وهاى لايف وكلام زى ده وهى فى الواقع زى الزبالة وزى الزفت المهم التسويق
الكلام ده بطبيعة الحال ينطبق على الناس اللى على النت تلاقيهم كل واحد جايب منتج ويقعد يعظم فيه ويجيب لينكات ومواقع شرح وتحليل يقولك بس ده احسن من سلك متصل بسويتش ويعملك البحر طحينة
طيب الحل ايه تسال واحد مالوش فى البياعة مش مستفيد ويكون مجرب الحاجات دى فى شبكته وعند السوال تعرف الظروف ايه بالظبط الارتفاع ومستوى العوائق لان احيانا حاجات تشتغل عند واحد وعند التانى لا تبقى وحشه وهكذا

الضمــــــــــــــــــــــــــــــــــــــــــــــ ــــــــــــان

خدعوك فقالوا
1- من الشركات : معظم المنتجات اللاسلكية ذات القيمة تشترى من مول البستان وبالتالى الناس اللى خارج القاهرة هيكون صعب عليهم موضوع الضمان والناس اللى فى القاهرة لو رحت ترجع اكسس يقولك دى ان دور وانت مشغلها اوت دور ولو رحت ترجع الاوت دور يقولك الاوت دور ما عليهوش ضمان والعملية فى التمام
2- 2- من الاعضاء: اضحوكة طبعا هتقول لواحد ده كذا فى مشكلة الرد هيكون كالتالى
أ-مش مستوعب الكلام اللى انت بتقوله لا فى حاجة غلط عندك –ما ينفعش اصلا اللى انت بتقوله وفى الحالة دى انت حمار بس ناقص لك الديل وكله يبقى تمام
ب-طيب خش معايا على التيم فيور وانا اظبط كل حاجة يقوم شايل الاكتف من على الشبكة ويقوم مغير التشانل ويقوم مجرب البنج تلقيه زى الفل وفى الحالة دى انت اللى راكب فوق الحمار اللى فوق بس ناقص لك العمة وكله يبقى تمام
ج- يقولك معل شانا فى اجتماع ويكلمك الساعة 3 باليل ويقولك معلش ويقولك تعالى نجرب تلاقى الشغل زى الفل لان اساسا مفيش حد شغال نت
د- بعد ما يظبط معاك مرة واتنين تقوله يا عم العيب هو هو يقولك انت اللى بتقعد تلعب كتير وعندك مشاكل
فى خط النت
ه- يقولك العيب فى الانتنا سيادتك تتشجع وتروح تجيب انتنا وبعد ما تجيب انتنا يقولك العيب فى الرطوبة وفى الحالة دى انت بقيت ................سورى فى اللفظ

دعم فنى

يقولك معاك دعم فنى تصادفك مشكلة تقعد تتصل عليه لمدة 5 ايام وفى اليوم السادس يقولك الموبايل كانت سماعته بايظة علشان كده ماكنتش برد على حد وتقوله على المشكلة يقولك اعمل كذا وكذا وبعد ما تعمل كذا وكذا مفيش نتيجة يقولك ازاى لا اكيد فى عندك حاجة غلط وهكذا
لو صحت واجه كلامه صح خير لو ما جاش يقولك انا كده عملت اللى عليا

بصريح العبارة

الاعضاء شاريين الحاجات دى بفلوس واغلب المنتجات من خارج مصر يعنى ضمانها خارج مصر يعنى لو جهاز سيادتك حصل له حاجة مين اللى هيخسر هو لا طبعا لازم يكون انت لان هو جايب الحاجات دى ليكسب فقط مش غير كده
لو فى مرة جهاز رجع يقول فى مشاركة علشان الواحد يتعامل معاه وهو مطمئن
طيب الدعم الفنى : يا عم الحاج هو انتع لشان اخدت منى جهاز او منتج وكسبتنى 100 او 200 جنيه هتوجع دماغى هرد عليك مرة ومش هرد مرة تانية ويمكن اقفل الموبايل واقولك خلص شحن وهكذا
يعنى كلهم فاشلين مش كده
بس الضمان يعنى متابعة منى ونصيحة فقط لا غير


نصائح مهمة

1-عند الشراء تاكد ان الحاجه اول ما تتفتح قدامك وكيسة الانتنا لسه مقفولة وكذلك كيات الروتر بورد
مفيش فيها خربوش مش تشترى وانت شاكك وتتحرج منه وبعد ما تروح هو ما يتحرجش منك
2-البولت علبته لسه جديده مش متبهدلة وشكل الجهاز بيبرق
3- ابعد عن الاستعمال لان لو كان فيها خير ما كان رماها الطير
4- حاول تجرب الحاجة دى ويكون على لابتوب
منقول الافادة

ahmed_taha
22-08-2010, 15:21
انا فى انتظرك جميعا مشاكل وحل بتاعها ان شاء الله فى اقل من 3 ساعات

ahmed_taha
22-08-2010, 15:24
فى انتظركم علشان حل جميع المشاكل

abbodeh
27-08-2010, 21:03
طيب انا حاب اوسع نطاق اللاسلكي عندي رواتر لنكسس كيف

ahmed_taha
29-08-2010, 04:47
طيب انا حاب اوسع نطاق اللاسلكي عندي رواتر لنكسس كيف
اهلا بيك اعمل عاكس من ورق الالمنيوم او هات اى اكسيس بوينت

ahmed_taha
05-09-2010, 16:24
سبحان الله

horas_ghost
17-09-2010, 08:57
انا عندى مشكله وعايز اعرف حلها
انا عندى شبكه ويرلس
المشكله انهى بعد حوالى 15 ساعه شغل
بتبقى ظهره قدامك ومعتش تعرف تربط عليها ولازم رسترت

ahmed_taha
17-09-2010, 15:57
انا عندى مشكله وعايز اعرف حلها
انا عندى شبكه ويرلس
المشكله انهى بعد حوالى 15 ساعه شغل
بتبقى ظهره قدامك ومعتش تعرف تربط عليها ولازم رسترت
اهلا بيك فى منتدى عرب هاردوير
كل سنة وانت طيب
حضرتك انت اكيد شغال على اكسيس اندور مثلا tplink او الايرليف
طبعا ناتج عن محطة اندور وعايز راحة شوية اتاكد اولا من وسائلة التهوية والشمس
ياريت تقولنا شغال على اكسيس اية

horas_ghost
17-09-2010, 21:15
الاكسس الى عندى tp link ومركب معاها سيرفر وشغاله بس موضوع انى كل شوية اروح ارستر ده تعبنى

ahmed_taha
17-09-2010, 22:31
الاكسس الى عندى tp link ومركب معاها سيرفر وشغاله بس موضوع انى كل شوية اروح ارستر ده تعبنى
جرب بدون الامبلفير وجرب اكسيس جديد

mohmawoed
18-09-2010, 20:42
عايز اعمل VLAN ل wireless ليها نفس SSID اعملها ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عصام المصري313
18-09-2010, 23:32
استاذ الفاضل شكرا لشرحك الرائع

عندي سوال
انا عندي شبكه وير لس عملتلها باص ورد علي الاكسس بوينت نوع tplink
بس في مشكله هي اني بربط كارت الوير لس عادي عليها واللاب توب كمان ولكن في عندي اكثر من 4 مشتركين مركبين اكسس بوينت ازاي اربطهما علي الشبكه بعد ما عملتلها باص ورد


ياريت الرد بسرعه احسن الناس هاتكلني

skull 66
19-09-2010, 04:39
السلام عليكم . ... اذا عندي شبكة والباس وورد اعرفه ... بس المشكلة ان فيها فلترة حق الماك ادرس .. يعني اجهزة محددة الي تدخل على الشبكة ويكون الماك ادرس حقها معروف ... هل في اماكنية اني اعرف الماك ادرس حق الاجهزة المتصلة بذي الشبكة ؟؟ .... الباك تراك موجود .. والوايرلس موجود ..باقي الطريقة بس ..

ahmed_taha
19-09-2010, 15:07
عايز اعمل VLAN ل wireless ليها نفس SSID اعملها ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعتقد حضرتك تقصد انك تعمل اكتر من اسم شبكة بتاعتك صح كدة
كلام دة موجود فى اكسيس البافلو وانا شفت انك ممكن تعمل اكتر من اسم شبكة يعنى مثلا أحمد 0101
او أحمد 012 وهكذا يعنى اكتر من اسم الشبكة ودة موجودة فى اكسيس البافلو فقط

ahmed_taha
19-09-2010, 15:09
استاذ الفاضل شكرا لشرحك الرائع

عندي سوال
انا عندي شبكه وير لس عملتلها باص ورد علي الاكسس بوينت نوع tplink
بس في مشكله هي اني بربط كارت الوير لس عادي عليها واللاب توب كمان ولكن في عندي اكثر من 4 مشتركين مركبين اكسس بوينت ازاي اربطهما علي الشبكه بعد ما عملتلها باص ورد


ياريت الرد بسرعه احسن الناس هاتكلني
اةةةة طيب ممكن تقولى نوع اكسيس 501 و ولا 542
وضح مصدر الارسال و الاستقبال ونهارة هايكون عندك صورة بس فهمنى اولا اكسيس موديل اية
542 . 642. 501. 500.

ahmed_taha
19-09-2010, 15:12
السلام عليكم . ... اذا عندي شبكة والباس وورد اعرفه ... بس المشكلة ان فيها فلترة حق الماك ادرس .. يعني اجهزة محددة الي تدخل على الشبكة ويكون الماك ادرس حقها معروف ... هل في اماكنية اني اعرف الماك ادرس حق الاجهزة المتصلة بذي الشبكة ؟؟ .... الباك تراك موجود .. والوايرلس موجود ..باقي الطريقة بس ..
حضترك تقصد هكر لا والله ياريت يااخى الكريم
لا اساعد اى شخص على اختراق

anees02
19-09-2010, 22:26
أنا عندي مشكلة لوسمحت.عندي لابتوب توشيبا Satellite pro L450-EZ1510 وعندي كرت شبكة لا سلكية مدمج Realtek 1819se أريد أعمل مشاركة بالأنترنيت Internet Sharing مع أجهزة أخرى لكن دون جدوى.حاولت أستعمل برامج خاصة وجيدة جدا مثل Connectify وبرنامج Virtual Access Point لكن دون جدوى.على فكرة البرنامجين استخدمناهم في أجهزة لابتوب أخرى من نوع توشيبا...وشغالين ميه المية...المشكلة من جهازي والا من كرت الشبكة اللاسلكي....أرجو افادتي بسرعة ولكم جزيل الشكر؟؟؟؟؟؟؟؟؟

skull 66
19-09-2010, 22:38
حضترك تقصد هكر لا والله ياريت يااخى الكريم
لا اساعد اى شخص على اختراق




اخي الكريم والله الشبكة حق جاري ..

انا ستأذنت منه وقلت له قفل الشبكة بباسوورد لان الشبكة كانت مفتوحة ...

فلت الشبكة وكنت عارف اليوز نيم والباسوورد حق الدخول لصفحة المودم ..

غيرت نوع التشفير الى wpa لان الحماية فيه افضل ..

لعبت في الخيارات ..

بس بعدين حاولت اتصل بس مافي فايدة ...

انا اقدر اكلمه يعمل ريستارت للمودم ..

بس المشكلة انه مابيفهم ..

وممكن مايعرف يضبط الاعدادت ..

لو قلت ليه ماتسويه انته ..

المودم في غرفة النوم حق الرجال ..

وصعب ادخل فيها ..

بس هو معطيني الشبكة ببلاش ..

ومستحي اقوله ان الباسوورد ماعرفه ..

يكفي انه تجمل علي وخلاني ادخل على الشبكة

عصام المصري313
19-09-2010, 23:48
شكرا لاهتمامك
الاكسس الرئيسي اللي انا عامله اكسس بوينت Model No. TL-WA501G
اما باقي الاكسسات المستقبله مختلفه يعني فيها 501 وفيها 108 وفيها 542 . 642. 501. 500

منتظر ردك الجميل يا استاذي الفاضل

mohmawoed
20-09-2010, 00:44
اعتقد حضرتك تقصد انك تعمل اكتر من اسم شبكة بتاعتك صح كدة
كلام دة موجود فى اكسيس البافلو وانا شفت انك ممكن تعمل اكتر من اسم شبكة يعنى مثلا أحمد 0101
او أحمد 012 وهكذا يعنى اكتر من اسم الشبكة ودة موجودة فى اكسيس البافلو فقط


يا باشا انا فلت ليها نفس الاسم ......نفس SSID:ah26::ah26::ah26:

اابو عماد
20-09-2010, 02:09
اعجبنى كثيرا الموضوع
وارت انشاركك معى فى مشكلتى ونحاول معا حلها
اعانى من ارتفاع فى البنج فى اوقات معينه غير منتظمه
يصل البنج الى 4000 مع العميل الخامس او السادس
لم ارى فى شبكتى اكثر من 10 اكتف لان البنج بيعلى جدا
والذى يريد ان يدخل بعد كده مش بيلاقى بينج ولا بتجيلو صفحه الدخول
وبيخمن ان الشبكه فاصله بسبب انقطاع الكهرباء
الى ان يقل عدد الاكتف عن 4 يرجع البنج
والسائد اغلب الاحيان فى البنج 500 تقريبا مع 4 اكتف
مكونات الشبكه

1- خط نت 4 ميجا ايجى نت بيدينى دون لود من الروتر وحدى 400kp/s
2- روتر سجيم ( ادائه عالى جدا )
3- سرفر ميكرو تك ( كاسه باكتج بنتيم 4 برسيسور 2.6 رامه 256 )
4- اكسسز اير ليف
5- ابليفير 2 وات روبيتك
6- انتنا 15 دى بى روبيتك

انا مقسم السرعات فى البروفيل فى الميكروتك (32K/24K ) يعنى 30 kp/s
ايه الحل فى موضوع ارتفاع البنج
ولك جزيل الشكر

ahmed_taha
20-09-2010, 20:22
اعجبنى كثيرا الموضوع
وارت انشاركك معى فى مشكلتى ونحاول معا حلها
اعانى من ارتفاع فى البنج فى اوقات معينه غير منتظمه
يصل البنج الى 4000 مع العميل الخامس او السادس
لم ارى فى شبكتى اكثر من 10 اكتف لان البنج بيعلى جدا
والذى يريد ان يدخل بعد كده مش بيلاقى بينج ولا بتجيلو صفحه الدخول
وبيخمن ان الشبكه فاصله بسبب انقطاع الكهرباء
الى ان يقل عدد الاكتف عن 4 يرجع البنج
والسائد اغلب الاحيان فى البنج 500 تقريبا مع 4 اكتف
مكونات الشبكه
1- خط نت 4 ميجا ايجى نت بيدينى دون لود من الروتر وحدى 400kp/s
2- روتر سجيم ( ادائه عالى جدا )
3- سرفر ميكرو تك ( كاسه باكتج بنتيم 4 برسيسور 2.6 رامه 256 )
4- اكسسز اير ليف
5- ابليفير 2 وات روبيتك
6- انتنا 15 دى بى روبيتك
انا مقسم السرعات فى البروفيل فى الميكروتك (32K/24K ) يعنى 30 kp/s
ايه الحل فى موضوع ارتفاع البنج
ولك جزيل الشكر


اهلا بيك فى منتدى عرب هاردوير
مشكلة اكيد من الامبا حضرتك جرب بدون الامبلفير علشان هو جديد تمام اوىى
بعد فترة بيعمل علو فى البينج وتقطيع نبدا مع بعض مرحلة مرحلة ولسة باقى معانا علشان نقوم بالحل المشكلة وفى انتظرك بالتجربة بدون الامبا

ahmed_taha
20-09-2010, 20:26
يا باشا انا فلت ليها نفس الاسم ......نفس SSID:ah26::ah26::ah26:
وضح شوية علشان افهم بس اية مطلوب بالتحديد

ahmed_taha
20-09-2010, 20:37
اخي الكريم والله الشبكة حق جاري ..

انا ستأذنت منه وقلت له قفل الشبكة بباسوورد لان الشبكة كانت مفتوحة ...

فلت الشبكة وكنت عارف اليوز نيم والباسوورد حق الدخول لصفحة المودم ..

غيرت نوع التشفير الى wpa لان الحماية فيه افضل ..

لعبت في الخيارات ..

بس بعدين حاولت اتصل بس مافي فايدة ...

انا اقدر اكلمه يعمل ريستارت للمودم ..

بس المشكلة انه مابيفهم ..

وممكن مايعرف يضبط الاعدادت ..

لو قلت ليه ماتسويه انته ..

المودم في غرفة النوم حق الرجال ..

وصعب ادخل فيها ..

بس هو معطيني الشبكة ببلاش ..

ومستحي اقوله ان الباسوورد ماعرفه ..

يكفي انه تجمل علي وخلاني ادخل على الشبكة
انا اسف يااخى الكريم
اكيد هو عمل ماك فلتر لابد من ايقاف خاصية ماك الفلتر وانة يعمل ريسيت اكسيس بوينت

اابو عماد
21-09-2010, 04:50
حبيبى شكرا على المتابعه
لو انا فصلت الامبليفير مش هيشوف اشارتى الا خمس مشتركين
ودول ماينفعش نختبر عليهم
علشان انا عايز اختبر على عدد كبير من الاكتف

ahmed_taha
21-09-2010, 11:34
حبيبى شكرا على المتابعه
لو انا فصلت الامبليفير مش هيشوف اشارتى الا خمس مشتركين
ودول ماينفعش نختبر عليهم
علشان انا عايز اختبر على عدد كبير من الاكتف
هى دية مشكلة الامبا
الاشارة عالية بس علو فى البينج

mohmawoed
21-09-2010, 17:14
وضح شوية علشان افهم بس اية مطلوب بالتحديد

يعنى مثلا عندك روتر فية واير ليس مثلا اسم .... SFG.......و الراوتر ليه اسم واحد للواير ليس ....و اعايز اعمل vlan عن طريق wireless؟؟؟؟؟؟؟؟
:ah46::ah46::ah46::ah46::ah46:

abdallahshehata
22-09-2010, 11:30
المشكلة تتلخص في كلمتين
عندي شبكة عبارة عن
( رواتر tp link + نسخة ميكرو تك 3.30 + امبليفر 1000 وات هيبر لينك + انتنا 15 دي بي هيبر لينك )
المشتركين اللى على مسافة اكبر من كيلو ونصف وانتا طالع بتكون الاشارة عندهم من 20 : 25 دي بي في السيفري وبعد ما تعمل save في صفحة stutes مش بتجي فيها الإشارة على الرغم انهم كانوا رابطين كويس جداً
الطرق اللي حاولت اعملها :-
1- غيرت اسم الشبكة والماك بردة بيقرا الشبكة الجديدة ونفس المشكلة بتكرر .
2- غيرت الاكسس نفس المشكلة والاكسس القديم ربط على الشبكة من مسافة قريبة .
3- في حد نصحني بتغيير قناة البث والبلد عملت كدة بردة مفيش فايدة .
4- حطيت اكسس بوينت قبل الامبليفير الاشارة زادت عند اناس كلها وبردة مفيش ربط وطبعا عن طريق الاكسس بوينت كنت شغال من على المخرج اللان مش الوير لس .
5 - شخص تانى نصحني وقال ليه اشارة الامبليير اشارة وهمية ازاى وهية شبكة لاسلكية جميع الاجهزة بتقراها حتى الموبيلات ..... اللى اعرفة في شبكة او مفيش طالما انها شبكة لاسكلية يعني في اشرة خارجة من الامب والدليل انها بتتغير
6- الحاجة الوحيدة اللى مجبرتهاش انى أغير النسخة لسبب ان الناس كانت رابطة وشغالة زي الفل
يا جماعة ارجو الافادة لاني تعبان قوى الناس زعلانه مني قوى ..............
اعمل اية ارجو الافادة

اابو عماد
22-09-2010, 14:29
تنصحنى اغير الامبلفير؟
ولو غيرته اجيب ايه
علشان يغطى معاى نفس المساحه الى مغطيها الامبلفير
وهى من 4 الى 5 كيلو متر
خد بالك 2واط فى الامبليفير يعنى 2000 ملي وات
يعنى انا عايز حاجه 2000 ملى وات
وبكام

abdallahshehata
22-09-2010, 18:34
المشكلة تتلخص في كلمتين
عندي شبكة عبارة عن
( رواتر tp link + نسخة ميكرو تك 3.30 + امبليفر 1000 وات هيبر لينك + انتنا 15 دي بي هيبر لينك )
المشتركين اللى على مسافة اكبر من كيلو ونصف وانتا طالع بتكون الاشارة عندهم من 20 : 25 دي بي في السيفري وبعد ما تعمل save في صفحة stutes مش بتجي فيها الإشارة على الرغم انهم كانوا رابطين كويس جداً
الطرق اللي حاولت اعملها :-
1- غيرت اسم الشبكة والماك بردة بيقرا الشبكة الجديدة ونفس المشكلة بتكرر .
2- غيرت الاكسس نفس المشكلة والاكسس القديم ربط على الشبكة من مسافة قريبة .
3- في حد نصحني بتغيير قناة البث والبلد عملت كدة بردة مفيش فايدة .
4- حطيت اكسس بوينت قبل الامبليفير الاشارة زادت عند اناس كلها وبردة مفيش ربط وطبعا عن طريق الاكسس بوينت كنت شغال من على المخرج اللان مش الوير لس .
5 - شخص تانى نصحني وقال ليه اشارة الامبليير اشارة وهمية ازاى وهية شبكة لاسلكية جميع الاجهزة بتقراها حتى الموبيلات ..... اللى اعرفة في شبكة او مفيش طالما انها شبكة لاسكلية يعني في اشرة خارجة من الامب والدليل انها بتتغير
6- الحاجة الوحيدة اللى مجبرتهاش انى أغير النسخة لسبب ان الناس كانت رابطة وشغالة زي الفل
يا جماعة ارجو الافادة لاني تعبان قوى الناس زعلانه مني قوى ..............
اعمل اية ارجو الافادة