سياسة الاستخدام العادل طبقت عليا و انا اشتراكي قديم!! [الأرشيف]

SIGMA-ZERO

01-09-2010, 20:54

المشكلة ببساطة اني مشترك في egynet او اتصلات حاليا بقالي اكتر من 5 سنين خط بيت ADSL

المهم سرعتي 2 ميجا فجأة امبارح لقيت سرعة الدونلود نزلت ل 1ميجا

كلمت الشركة اعرف في اية قالولي انتا اطبق عليك سياسة الاسخدام العادل !!!

قلتلهم انا مشترك vip و كمان بقالي 5 سنين ؟ قالي دي سياسة ملناش فية مدام عديت ال limit اللي هوا 80 جيجا في الشهر السرعة بتاعتك بتنزل ل 1ميجا قولتلهم دة من امتي اطبق الكلام دة؟ قلولي من اول شهر 8 !!(و انا اول مرة تحصل معايا المهزلة دي) قولتلهم هوة مش حوار الاستخدام العادل دة علي المشتركين الجدد بس ؟ و قريتلهم القرار قلي لا و علي القدام كمان؟

قتلو انا vip قالي كلم ال sales؟

قلتلو طب اية الحل دلوقتي ؟
قالي تستني لاول الشهر و سرعتك ترجع 2ميجا تاني المشكلة ان النهاردة 1 في الشهر؟(لو قصدوا علي اول شهر الدفع يبقي قدامي 13 يوم)

حد قابل نفس المشكلة دي؟؟https://dvd4arab.maktoob.com/images/smile2/icon28.gif

optimus prime

01-09-2010, 20:56

ايوة انا حصل معايا نفس الكلام دا بالظبط وانا سرعتي 1 ميجا ونزلت ل512

TEch Zone

01-09-2010, 21:11

احسن حل تغير الشركة انا مشترك فى D - Link ومش متطبق عليا الموضوع دة

miro the king

01-09-2010, 21:13

المشكلة ببساطة اني مشترك في egynet او اتصلات حاليا بقالي اكتر من 5 سنين
هى دى المشكلة ان جميع شركات الاتصالات زى موبينيل واتصالات بيطبقوا الحكاية دى

the witcher

01-09-2010, 21:25

المشكلة ببساطة اني مشترك في egynet او اتصلات حاليا بقالي اكتر من 5 سنين

المهم سرعتي 2 ميجا فجأة امبارح لقيت سرعة الدونلود نزلت ل 1ميجا

كلمت الشركة اعرف في اية قالولي انتا اطبق عليك سياسة الاسخدام العادل !!!

قلتلهم انا مشترك vip و كمان بقالي 5 سنين ؟ قالي دي سياسة ملناش فية مدام عديت ال limit اللي هوا 80 جيجا في الشهر السرعة بتاعتك بتنزل ل 1ميجا قولتلهم دة من امتي اطبق الكلام دة؟ قلولي من اول شهر 8 !!(و انا اول مرة تحصل معايا المهزلة دي) قولتلهم هوة مش حوار الاستخدام العادل دة علي المشتركين الجدد بس ؟ و قريتلهم القرار قلي لا و علي القدام كمان؟

قتلو انا vip قالي كلم ال sales؟

قلتلو طب اية الحل دلوقتي ؟
قالي تستني لاول الشهر و سرعتك ترجع 2ميجا تاني المشكلة ان النهاردة 1 في الشهر؟(لو قصدوا علي اول شهر الدفع يبقي قدامي 13 يوم)

حد قابل نفس المشكلة دي؟؟https://dvd4arab.maktoob.com/images/smile2/icon28.gif

80 جيجا فى الشهر؟! أنا شايف أن السبب أصلاً فى تطبيق سياسة الاستخدام العادل هم المشتركين اللى زيك كده . يعنى ممكن تلاقى واحد مشغل الجهاز بتاعو 24 ساعة فى اليوم download . الحاجة اللى معظم الناس مش فاهماها هى أن الــnetwork بتاعت الــ ISP مش معمولة على أساس أن كل المشتركين (أو حتى معظمهم) يبقى بيعمل download طول الوقت. بالتالى لمّا ناس كتير يعملوا زيك كده، ده بيأثر على سرعة الانترنت عند المشتركين الآخرين

SIGMA-ZERO

01-09-2010, 21:53

80 جيجا فى الشهر؟! أنا شايف أن السبب أصلاً فى تطبيق سياسة الاستخدام العادل هم المشتركين اللى زيك كده . يعنى ممكن تلاقى واحد مشغل الجهاز بتاعو 24 ساعة فى اليوم download . الحاجة اللى معظم الناس مش فاهماها هى أن الــnetwork بتاعت الــ ISP مش معمولة على أساس أن كل المشتركين (أو حتى معظمهم) يبقى بيعمل download طول الوقت. بالتالى لمّا ناس كتير يعملوا زيك كده، ده بيأثر على سرعة الانترنت عند المشتركين الآخرين

بص انتا اول رد مستفز عشان كدة هرد عليك اول واحد

انا مشترك 2MEGA معني كدة اني مش مدخل الخط لل browsing

تاني حاجة في حاجة اسمها عقد و اتفاقية ؟ الكلام دة مكنش موجود في العقد (بقي بيطبق علي المشتركين الجدد و بيكونوا ماضيين علي الكلام دة و موفافقين علية)

انا مشترك خط 2 mega و مكنتش ماضي علي موضوع سياسة استخدام عادل فعلي اي اسا انتا تطبقها عليا؟(بلطجة)؟

SIGMA-ZERO

01-09-2010, 21:54

ايوة انا حصل معايا نفس الكلام دا بالظبط وانا سرعتي 1 ميجا ونزلت ل512

ممكن عرف انتا مع انهي شركة و اطبق الكلام دة عليك من امتي؟

SIGMA-ZERO

01-09-2010, 21:55

احسن حل تغير الشركة انا مشترك فى D - Link ومش متطبق عليا الموضوع دة

ممكن اعرف انتا بتعدي ال limit ولا لا؟

SIGMA-ZERO

01-09-2010, 21:56

هى دى المشكلة ان جميع شركات الاتصالات زى موبينيل واتصالات بيطبقوا الحكاية دى

ممكن اعرف ابتدت تتطبق من امتي؟

optimus prime

01-09-2010, 22:15

ممكن عرف انتا مع انهي شركة و اطبق الكلام دة عليك من امتي؟

مشترك مع ايجي نت برضه وحصل معايا نفس الحوار على اول شهر 6 تقريبا وقالولي ان كل الايجي نت هيطبق عليها كدا وبرضه الشركات التانية يعني تي اي داتا وكدا

80 جيجا فى الشهر؟! أنا شايف أن السبب أصلاً فى تطبيق سياسة الاستخدام العادل هم المشتركين اللى زيك كده . يعنى ممكن تلاقى واحد مشغل الجهاز بتاعو 24 ساعة فى اليوم download . الحاجة اللى معظم الناس مش فاهماها هى أن الــnetwork بتاعت الــ ISP مش معمولة على أساس أن كل المشتركين (أو حتى معظمهم) يبقى بيعمل download طول الوقت. بالتالى لمّا ناس كتير يعملوا زيك كده، ده بيأثر على سرعة الانترنت عند المشتركين الآخرين

لا طبعا مستحيل مش الناس الي بتستخدم الداونلود على جهاز واحد بس هي الي بتعمل كدا
عارف مين الي بيعمل كدا ؟ الجاهل الي عايز يطلع الفلوس من تحت طوب الارض وبيقوم مشتري خط 2 ميجا علشان يوصل عليه شبكة ويلم فلوس من الناس والجاهل الي اكتر منه الي اشترك معاه اما بقى في جاهل تالت دا وضعه مختلف خالص بيبقى شايف الغلط قدام عينه وف نفس الوقت يتغاضى عنه ويدور على شماعة علشان يعلق عليها سبب الاجراء الي حصل

SIGMA-ZERO

01-09-2010, 22:26

مشترك مع ايجي نت برضه وحصل معايا نفس الحوار على اول شهر 6 تقريبا وقالولي ان كل الايجي نت هيطبق عليها كدا وبرضه الشركات التانية يعني تي اي داتا وكدا

لا طبعا مستحيل مش الناس الي بتستخدم الداونلود على جهاز واحد بس هي الي بتعمل كدا
عارف مين الي بيعمل كدا ؟ الجاهل الي عايز يطلع الفلوس من تحت طوب الارض وبيقوم مشتري خط 2 ميجا علشان يوصل عليه شبكة ويلم فلوس من الناس والجاهل الي اكتر منه الي اشترك معاه اما بقى في جاهل تالت دا وضعه مختلف خالص بيبقى شايف الغلط قدام عينه وف نفس الوقت يتغاضى عنه ويدور على شماعة علشان يعلق عليها سبب الاجراء الي حصل

شكر يا باشا علي ردك بس ممكن اعرف سرعتك كام و اتعملها DROP بقيت كام؟ و ال LIMIT عندك كام في الشهر؟

miro the king

01-09-2010, 22:32

ممكن اعرف ابتدت تتطبق من امتي؟
كل شركات الانترنت الاتصالات يستخدوم سياسة الاستخدام العادل من اول متعملوا :D

SIGMA-ZERO

01-09-2010, 22:49

كل شركات الانترنت الاتصالات يستخدوم سياسة الاستخدام العادل من اول متعملوا :D

انا نزلت البيان دة و مكتوب فية انو علي المشتركين القدامي؟

https://img196.imageshack.us/img196/8206/ministryinternetannoune.jpg

https://img153.imageshack.us/img153/8206/ministryinternetannoune.jpg

و مش مكتوب فية ال LIMIT بتاع كل سرعة؟ و هل ال LIMIT علي الباندودث كلو (UPLOAD + DOWNLOAD )و لا علي ال DOWNLOAD بس؟؟

abdalla_atta

01-09-2010, 23:12

كل شركات الانترنت الاتصالات يستخدوم سياسة الاستخدام العادل من اول متعملوا :D

الاخ الكريم

كلامك مش صحيح انا شغال في موزع ل TE Data, LinkDotNet وكلامك ده محصلش ولا هيحصل لسبب بسيط ان ده قرار حكومي لازم ييجي من وزارة الاتصالات نفسها وليس قرار شركات الانترنت

وبعدين الموضوع ده لو هيتعمل بيتطلب استخدام Software غالي جدا ومعقد وصعب جدا ان لم يكن مستحيل "من الناحية العملية" استخدامه علي كل الخطوط

abdalla_atta

01-09-2010, 23:13

الاخورة الكرام

في حالة الاخ Sigma Zero شركة الانترنت مش من حقها تنزل السرعة لان قرار وزير الاتصالات كان واضح

سيتم تطبيق سياسة الاستخدام العادي بشكل استرشادي علي الخطوط الجديدة فقط من 14/8/2009

وممكن تتاكدوا من اللنكات دي

https://www.tedata.net/web/MultiMedia/PDF/FUP.pdf

https://www.tedata.net/web/MultiMedia/PDF/ministry_internet_announement.pdf

الصح اللي تعمله اتصل ب الجهاز القومي لتنظيم الاتصالات علي رقم 155 واشتكي شركة "اتصالات مصر Etisalat " لانها هي مالكة شركة ايجي نت دلوقتي

ولو الجهاز القومي لتنظيم الاتصالات مجابلكش حقك سجل المكالمات اللي انتت بتكلمها معاهم واوقاتها وخد العقد بتاع ال ADSL وروح لمحامي وارفع عليهم قضية وهتكسبها هتكسبها

بس بشرط ان انت متكونش خالفت اي بند من بنود العقد واقرا العقد كويس قبل ما تروح عشان تعرف هتتكلم معاهم اذاي

وربنا يسهل وتحل مشكلتك

isl_amd

01-09-2010, 23:25

والله ما عارف بس أنا واحد في الشركة هنا كنت سألته قبل كدة قالي سياسة الاستخدام العادل للناس القدام ها تكون مع إلي سرعتهم عالية فقط علشان موضوع الوصلات و كدة ف مش عارف الصدق فين

abdalla_atta

01-09-2010, 23:26

المشتركين الجدد فقط لمدة شهرين

https://img825.imageshack.us/img825/3175/21281032.jpg

اما الليميت فهو للاثنين "Upload + Download"

ما هو حجم الحركة التى تسمح بها سياسة الإستخدام العادل ؟

حجم حركة المرور تحدد بناءا على السرعة المتعاقد عليها، لذا يمكنك إختيار السرعة التى تناسب إستخدامك:
• سرعة 512kbps: الحد الأقصى يصل إلى 25GB
• سرعة 1Mbps: الحد الأقصى يصل إلى 40GB
• سرعة 2Mbps: الحد الأقصى يصل إلى60GB
• سرعة 4Mbps: الحد الأقصى يصل إلى 80GB
• سرعة 8Mbps: الحد الأقصى يصل إلى 120GB
• سرعة 16Mbps: الحد الأقصى يصل إلى 180GB
• سرعة 24Mbps: الحد الأقصى يصل إلى 250GB

راجع هذا الرابط

https://www.i19777.net/forum/showthread.php?t=2553

ahmed_taha

01-09-2010, 23:29

MF88

01-09-2010, 23:36

te data لسه موصل معاها من حوالى اسبوع

و سألتهم قالو ان السياسه استرشاديه و ستظل كذلك بدون تغيير

لكن بيتم تطبيقها على سرعات الخطوط من 8 ميجا فما فوق

و هناك ما يسمى بالـ abusers اللى بيعدى الداونلود بتاعهم 300 جيجا فى الشهر بتنزل سرعتهم

غير كده كلو عادى

Eng.MinaEdward

01-09-2010, 23:38

جميع شركات الاتصلات فى مصر تضرب بقرار الوزير عرض الحائط
و شركات الاتصلات اللى هى اتصلات وفودافون معرفش موبينيل عاملة نت ولا لأ
اما شركات النت العادية Linkdsl و TeData ف العقود القديمة لم يطبق عليها شيء
و العقود الجديدة طبق عليها القرار لفترة صغيرة (فترة احصائية )
لكن الان لا يطبق عليها شيء

لكن

من الممكن ان يطبقوة فى اى وقت

يعنى نصيحة لاى حد مشترك مع شركة اتصالات يقلبها و يروح لشركة نت عادية افضل
حاليا مش مطبقين سياية الاستخدام العادل لكن من حقهم يطبقوها فى اى وقت
فأنت الكسبان حول دلوقت و مش مطبقة و فى اسوا الظروف هايطبقوها عليك زى شركات الاتصلات

SIGMA-ZERO

02-09-2010, 00:14

طب هو مش النهردة يعتبر 2 في الشهر؟ لسة الوضع زي ما هوا؟ ولا الوضع بيكون يوم التجديد اللي هوا 13/9/2010؟

Mena2009

02-09-2010, 00:36

SIGMA-ZERO

02-09-2010, 00:38

^^^ يوم التجديد طبعا - المفروض تكلمهم و تقولهم لو السرعه مارجعتش فورا انا هافصل من عندكم و اذا لم يفعلوا شيئا افصل فعلا

انا حاليا عندى مشكله فى النت و الروتر بيفصل خالص و مش عارف سببها خط التليفون و لا الشركه فمقدرش ارشح تى اى داتا حاليا

انا كلمتهم بخصوص رجوع السرعة طلعولي رقم عطل تاني و انا وراهم و قلتلهم لو المعملة هتفضل كدة انا هفصل و اروح لاي شركة تانية

optimus prime

02-09-2010, 00:48

انا الخط بتاعي 1 ميجا ونزل ل512 واليمت 60
ماهو المشكلة ان الاستخدام العادل بتاع اتصالات 60 جيجا للواحد ميجا ولما ينزل ينزل النص يعني مش بينزل جامد
انما تي اي داتا تقريبا 40 ولما بينزل بينزل ل128 ومااقدرش اروح اشترك ف خط جديد مع تي اي داتا وانتظر شهر او ما يقابله علشان يوصلي خط جديد ولما يوصلي احط نفسي ف احتمالية ان يطبق عليا القرار بالقوانين الصعبة ب تي اي داتا ؟
انا شخصيا لو هفصل الخط يبقى هنتظر اي عرض عليه القيمة وساعتها ابقى افصل

SIGMA-ZERO

02-09-2010, 00:52

واضح انهم مساطيل كلموني تاني قلولي هترجع يوم 1 في الشهر قلتلو هو مش النهاردة 2 في الشهر ولا اية؟

قالي كلم ال CALL CENTER الصبح و انشاء اللة كل حاجة تتحل

اللي يغيظك اني اول ما قفلت السكة السرعة رجعت 2ميجا تاني؟؟؟؟(تقريبا ان سياسة الزن هيا اللي بتجيب نتيجة )يا رب بحق الشهر الكريم دة ترحمنا برحمتك:rolleyes:

TEch Zone

02-09-2010, 00:55

ممكن اعرف انتا بتعدي ال limit ولا لا؟
انا بعدى Limit بكتييير
شوف كدة لو الموضوع متصلحش مع الشركة اللى مشترك فيها غيرها احسن

abdalla_atta

02-09-2010, 00:58

انا كلمتهم بخصوص رجوع السرعة طلعولي رقم عطل تاني و انا وراهم و قلتلهم لو المعملة هتفضل كدة انا هفصل و اروح لاي شركة تانية

شركة اتصالات مصر دلوقتي الاوضاع مش مستقرة فيها لانهم بيعملوا اعادة هيكلة لانهم اشتروا حوالي 6 شركات انترنت "ايجي نت , نيل اون لاين , سوفيكوم , .... " وشركات تانية

وبالتالي بيوجه الدعم الفني كله لرقم واحد مركزي بعد ما كان 6 او 7 ارقام رقم لكل شركة وكمان بيعمل اعادة هيكلة مالية وفنية لحسابات العملاء وبيعملهم قاعدة بيانات واحدة

الحاجات دي بتاخد وقت طويل جدا خصوصا انهم اشتروا شركتين كبار قوي هما نيل اون لاين وايجي نت والاثنين واخدين ترخيص مزود انترنت من الفئة الاولي يعني ياخد من الكابل البحري او القمر الصناعي علي طول

بس ربنا يسهل ويفوقوا من اللي هما فيه قريب عشان فعلا فيه عملاء كتير قوي سابوا الشركة وحولوا لشركات تانية

Mena2009

02-09-2010, 02:18

ببساطه شديده اى شركه بتحرص جدا على عدم فقد عملائها و دية نتيجه ايجابيه لكثرة شركات النت - هما حبوا يزنقوا المستخدم بتطبيق سياسه موحده و الحمد لله فشلت و يارب دايما :)

SIGMA-ZERO

02-09-2010, 02:24

ببساطه شديده اى شركه بتحرص جدا على عدم فقد عملائها و دية نتيجه ايجابيه لكثرة شركات النت - هما حبوا يزنقوا المستخدم بتطبيق سياسه موحده و الحمد لله فشلت و يارب دايما :)

انا حاليا بشوف TEDATA
اية نظامها في موضوع سياسة الاستخدام العادل ده عشان اكون حسمت الامر قبل التجديد 13/9/2010 لاني كمان بدفع بي السنة او ال 6 شهور يعني مقدم(زبون سقع من الاخر)