كرت الساتاليت (الدش) [الأرشيف] - منتديات عرب هاردوير

مشاهدة النسخة كاملة : كرت الساتاليت (الدش)

الصفحات : [1] 2

Zatlon

04-09-2010, 03:36

انا سمعت ان في كروت او اجهزة عاملة زي الريسيفر و بتشتغل على الكمبيوتر و في منها hd كمان ياريت لو حد عارف جهاز كويس, اصلي ناوي اشتري جهاز و وصلة شيرينج (انا من عشان الكورة و يا سلام لو hd) انا عندي تلفزيون سوني 32" و فيه 1080 بس للاسف مفيش ريسيفر و انا جربت اشغل فيلم مساحته 11 جيجا و كان جودته خيالية.
معلش كتر الكلام و ياريت اقتراحات اجهزة تقبل الشيرينج و سعرها و الف شكر :)

Zatlon

05-09-2010, 12:52

محدش عارف عن الكروت دي ؟

melfeshawey

05-09-2010, 17:50

أقترح عليك ريسسفر QMax 999 Gold HD و شهرته الجوكر و هو يدعم الشيرنج و يستقبل الـ HD و كمان معاه سنة شيرنج مجانا
و فيه ميزة أخرى أنك هتفصل تليفزيونك الكبير عن الكمبيوتر
الميزة الوحيدة اللى فى كروت الدش فى رأيى هى التسجيل من القنوات الفضائية لو أنت هتجتاج لها خليك فى الكروت
لكن للأسف أنا معنديش خبرة في أنواعها

Zatlon

05-09-2010, 17:54

بكام ده لو سمحت ؟

melfeshawey

05-09-2010, 19:00

آسف نسيت أقولك
هتلاقيه فى حدود 700 - 750 جنيه
و هنعتلك على الخاص وصلة لمنتدى به معلومات و موضوعات كثيرة جدا عن الجوكر

!الشبح الاسود!

05-09-2010, 20:19

انا عندي كارت تيواني

جايبو من سنه تقريبا بـ150

وبجيب من النت شفرات النايل سات ومظبط كل حاجة وعلي حسب مواصفات الجهاز وتظبيط الكوديك تلاقي نفسك ميه ميه والـHD شغال برعب

مش لازم الكروت الغالية جدا هو فيه حاجات حلوة اه بس اذا بيقضي نفس الغرض اوكيه

يعني اخرك مع احلي كرت لـ 500 جـ مصري ودور علي كارت اعتقد اسمه سكاي

وبالنسبالي امم كاس العالم كله كان علي الكارت وطبق صغير وفتح شفرة الجزيرة HD

وشغال ميه ميه

وربنا يوفق salam

Zatlon

05-09-2010, 22:31

انا شكلي هشتري كرت و مش ناوي على رسيفر , ممكن تقولي اسمه ايه بالظبط و شكرا على ردك و الله انت اللي مية مية

!الشبح الاسود!

05-09-2010, 22:41

انا شكلي هشتري كرت و مش ناوي على رسيفر , ممكن تقولي اسمه ايه بالظبط و شكرا على ردك و الله انت اللي مية مية

الي عنـدي قديم جدا

ومستحيل تلاقيه حاليا

بس الشركة الي بتنزل اسمها توينهان ( twinhan )

بالنسبة ليك هات حاجة احدث من سكاي او نفس النوع

بس ما تزيد عن 500 جـ مصري لو داخل مصـر

اما بالنسبة للـHD تأكد من مواصفات جهازك جيـدا قبل الشراء

واسعار الكروت رخيصة جـدا ومؤدية لنفس الغرض

نصيحة لا تشتري كارت بكامات اكبـر غلط XXX

لأنك راح تفك الشفرة عن طريق النت ما راح يكون فيه فايدة انك تجيب كامة

وان شاء الله خيـر

isl_amd

06-09-2010, 00:24

لو عايز كرت ستلايت عندك tevi s420 أحسن حاجة موجود في السوق و ممتاز
لو عايز رسيفر hd أنصحك تدور على دريم بوكس ٨٠٠ الصيني بس غالي جدا أو ترومانhd بس مش عارف سعره كم و في عندك qmax الجوكر بس الصراحة في ناس اشتكت منه

أبوعلي1981

06-09-2010, 00:43

من ناحيتي أفضل :
SkyStar HD USB
الألماني .. وليس الصيني

https://www.technisat.com/index34d2.html?nav=PC_products,en,76

Zatlon

06-09-2010, 01:12

شكرا لردودكم و انا قررت اشتري كرت مش رسيفر خلاص
بس هو سعر tevi s420 و SkyStar HD USB كام ؟
معلش بس يعني ايه كامه (ممكن اسمها تاني و انا مش عارف) :o

Zatlon

06-09-2010, 01:16

خلاص انا فهمت يعني ايه كامه معلش دماخي طايرة مني النهاردة و عجبني السكاي يريت اعرف تمنه

isl_amd

06-09-2010, 04:11

أنت هتوصل الشاشة ب الكمبيوتر ؟
كرت سكاي ما أقدرش أفيدك الصراحة فيه بس أعتقد إنه هيكون غالي حبتين
المهم tevii s420 تمنه تقريبا ١٧٥ جنيه بس أنصحك لو عايز حاجة علشان المستقبل هات tevii s460 هو أغلى أكيد مش عارف كم بالظبط بس ده بيدعم dvb-s2 hd و أغلب القنوات في المستقبل القريب هتكون بالنظام ده

MusaedQ8

06-09-2010, 05:44

السلام عليكم

انصحك بكرت سكاي ستار اجدي
وافضل كروت ستلايت اعتبرها

هذا داخلي يركب بالبورد
https://www.amazon.co.uk/TechniSat-SkyStar-HD2-DVB-S2-receiver/dp/B0011UC1O6/ref=sr_1_2?ie=UTF8&s=electronics&qid=1283744561&sr=8-2

وهذا خارجي يكون يوسبي
https://www.amazon.co.uk/Technisat-External-USB2-HD-CI/dp/B0012SZ7I4/ref=sr_1_3?ie=UTF8&s=electronics&qid=1283744561&sr=8-3

بالتوفيق

Zatlon

07-09-2010, 00:51

الكروت دي اسعارها ايه في مصر ؟
انا ميزانيتي في حدود 250-300 جنيه (مش عاوز كامه مدام اقدر اجيب من النت و كمان لازم يكون hd)

Zatlon

08-09-2010, 12:45

محدش عنده اي اقتراح ؟

isl_amd

09-09-2010, 04:47

منا قلتلك s420 ب حوالي ١٧٥
s460 tevii ما أعرفش إسأل عنه و اشتريه

AL_ISLAM_333

10-09-2010, 10:24

omagian

10-09-2010, 13:42

كارت skystar 2 HD بيعمله حوالي 500 ل 600 جنيه وهو غير موجود تقريبا الا على النت وهو من افضل كروت الدش "الماني التصنيع"

AL_ISLAM_333

10-09-2010, 14:13

كارت skystar 2 HD بيعمله حوالي 500 ل 600 جنيه وهو غير موجود تقريبا الا على النت وهو من افضل كروت الدش "الماني التصنيع"

و لكن لكي يكون صاحب الموضوع على دراية هذا الكرت تقريبا خارجي و هو لا يلزمك و أصلا غلبة لان الوصلات كده بتكتر و لازم تعرف أن الكرت الي 150 جنيه ممتاز و ليس سيء و أنا أقول ممتاز و ليس جيد ...و ان شاء الله عن قريب كده حعمل موضوع و نىخد فيه رأي الخبراء بالكروت التي ينصح بها يعني كدة كرت خارجي للاب توب و كرت داخلي ... ومن ثم نوصي احدى الشركات المحترمة الموجودة هنا في مصر زي M.H و شركة هاي اند و ان شاء الله حيجيبوهم لان هذه الكرت بصراحة لها فائدة كبيرة و أنا استفدت منها كثيرا لدرجة أني اشتريت 3 كروت للعيلة و ان شاء الله حشتري الرابع بس بعد ما اعمل الموضوع و نوصي شركات الكومبيوتر

omagian

10-09-2010, 14:29

و لكن لكي يكون صاحب الموضوع على دراية هذا الكرت تقريبا خارجي و هو لا يلزمك و أصلا غلبة لان الوصلات كده بتكتر و لازم تعرف أن الكرت الي 150 جنيه ممتاز و ليس سيء و أنا أقول ممتاز و ليس جيد ...و ان شاء الله عن قريب كده حعمل موضوع و نىخد فيه رأي الخبراء بالكروت التي ينصح بها يعني كدة كرت خارجي للاب توب و كرت داخلي ... ومن ثم نوصي احدى الشركات المحترمة الموجودة هنا في مصر زي M.H و شركة هاي اند و ان شاء الله حيجيبوهم لان هذه الكرت بصراحة لها فائدة كبيرة و أنا استفدت منها كثيرا لدرجة أني اشتريت 3 كروت للعيلة و ان شاء الله حشتري الرابع بس بعد ما اعمل الموضوع و نوصي شركات الكومبيوتر

الكارت دا داخلي الخارجي منه اغلى كمان ممكن يعمله 800 جنيه
السعر لازم يتناسب حسب احتياج المستخدم يعني لو انت شايف ان استفادتك من هذا الكارت محدوده فعليك بالأنواع الرخيصة اما اذا كنت هتستخدمه استخدامات اخرى " انترنت فضائي او اشياء اخرى متقدمة" فأنا انصح بهذا الكارت " عن تجربه" لأن انا كان عندي twinhan داخلي وخارجي
ولم احس بالفرق الا لما جبت الكارت دا الفرق كبير جدا ولكن مره اخرى انت ادرى بامكانياتك المادية واحتياجاتك "ولازم تحسبها صح"

wild cat

10-09-2010, 14:31

كل عام وانت طيب اولا

لو انت عايش في الامارت ممكن تاخد جوله في المولات المتخصصه في الكومبيوتر وتسال عن كروت الستلايت المتوفره عندك واسعارها

وقولنها عليها واحنا هنساعدك بالافضل ان شاء الله

عشان متبقاش في حيره

AL_ISLAM_333

10-09-2010, 14:58

الكارت دا داخلي الخارجي منه اغلى كمان ممكن يعمله 800 جنيه
السعر لازم يتناسب حسب احتياج المستخدم يعني لو انت شايف ان استفادتك من هذا الكارت محدوده فعليك بالأنواع الرخيصة اما اذا كنت هتستخدمه استخدامات اخرى " انترنت فضائي او اشياء اخرى متقدمة" فأنا انصح بهذا الكارت " عن تجربه" لأن انا كان عندي twinhan داخلي وخارجي
ولم احس بالفرق الا لما جبت الكارت دا الفرق كبير جدا ولكن مره اخرى انت ادرى بامكانياتك المادية واحتياجاتك "ولازم تحسبها صح"
lممتاز أخي مادام لك تجربة ....اريد أن اسألك لاني لاحظت فعلا بطئ في التغير بين القنوات هل اختفت هذه المشكلة مع الكرت الجديد ؟

omagian

10-09-2010, 15:04

نعم اختفت تماما
تقليب القنوات على كارت skystar 2 HD كأنك بتقلب في التلفزيون أو اسرع كمان :)
ومتوافق مع كل برامج الشير والعرض والأنترنت الفضائي بصراحة ممتاز جدا بس سعره عالي شوية

bishoyusama

10-09-2010, 15:25

اشنري رسيفر الجوكر لكن للامانة هو مالوش ضمان لكن في موقع و حبيت ابقي اقولك علية في دعم كامل للجهاز و لو عندك فلاشة تقدر تسجل منة الي انت عايزة

omagian

10-09-2010, 15:26

https://img228.imageshack.us/img228/7449/skystarwx1.jpg

https://img218.imageshack.us/img218/4177/52424924ow1.jpg

*يعتبر الكرت من افضل الكروت من حيث الاشارة والبرامج واغلب مبرمجين البرامج (الماي البروج والالت) يمتلكوا الكرت وفي الاصل صممت البرامج له ثم طورت علي باقي الكروت
*يمتاز مودل سكاي ستار 2 "SkyStar 2 HD" بقوة الاشارة ويمتاز في التحميل العشوائي والانترنت الفضائي فهو الافضل بين الكروت في هذا المجال ودعم قنوات HD و ترردات DVB-S2

* البرامج 99% بيدعمها لان اغلب البرامج كانت مصممه ليه وطورت لباقي الكروت (البروج - الماي الديفبي فيور - الالت - السكاي فيو -والديفبي دريم -........)
-العيوب (عدم دعمه لخاصية تحريك الماتور DiSEqC 1.2 والتي تدعمها التوينهان وكروت اخري - الدعم الفني له بطئ نوعا ما مقارنة بالتوينهان والعيوب المذكورة لاتقلل ابدا من قيمة الكرت )

عاشق الزمالك

10-09-2010, 17:17

طيب يا زعيم ايه مواصفات الجهاز المناسب و هل بيسحب سرعو من البرسيسور او الرام

isl_amd

12-09-2010, 00:06

و الله أنا كمان عايز واحد مع العلم اني اشتريت 3 كرت بس اديتهم ااخواني...
بس انا عايزوا hd و على فكرة اخي مفيش كروت أغلى من 250 جنيه "حسب علمي"
...يعني الكرت ده s460 tevii موجود فين ؟؟؟و الله بقالي من السنة الي فاتت و أنا مش لاقي
....بالنسبة للكروت الي عند اخواني كلها شغالة تمام و الحمد لله و بقالها تقريبا سنة و حاجة
2 خارجين واحد مش عارف ايه نوعه بس ما انصحكاش فيه و التاني "توينهان" ب 260 ده غالي مشانوusb يعني للاب توب
1 داخلي tevii وده ممتاز بس بصراحة مش فاكر الرقم بتاعه و كان ب 160 جنيه و مشهور بمصر

هات الكارت tevii s464 ده أحسن كارت موجود في مصر أما عن مكان تواجده ف هو في بي سي مارت أو حتى ممكن تطلبه أن لاين عن طريق www.nefsak.com أنا حاليا بسأل عن مكان تواجد الكارت في شركة تانية علشان سمعت إنه أرخص شوية ف بسأل
موضوع سكاي أكيد الكارت ممتاز بس تمنه غالي جدا و غير متوفر في مصر أما موضوع الرسيفر ف أعتقد إنه كان سائل على حاجة في حدود ٤٠٠ جنيه و أنا الصراحة لو قدامي الجوكر و قدامي دريم بوكس ٨٠٠ الصيني هكمل على فلوسي و أجيب دريم بوكس ٨٠٠ و الموضوع في الأول و الأخير يعتمد أنت عندك شاشة هاي دفنشيون ولا لا في التلفزيون العادي و أعتقد إن الجوكر لا يدعم dvb s2 hd بس مش متأكد

AL_ISLAM_333

12-09-2010, 03:13

هات الكارت tevii s464 ده أحسن كارت موجود في مصر أما عن مكان تواجده ف هو في بي سي مارت أو حتى ممكن تطلبه أن لاين عن طريق www.nefsak.com (https://www.nefsak.com) أنا حاليا بسأل عن مكان تواجد الكارت في شركة تانية علشان سمعت إنه أرخص شوية ف بسأل
موضوع سكاي أكيد الكارت ممتاز بس تمنه غالي جدا و غير متوفر في مصر أما موضوع الرسيفر ف أعتقد إنه كان سائل على حاجة في حدود ٤٠٠ جنيه و أنا الصراحة لو قدامي الجوكر و قدامي دريم بوكس ٨٠٠ الصيني هكمل على فلوسي و أجيب دريم بوكس ٨٠٠ و الموضوع في الأول و الأخير يعتمد أنت عندك شاشة هاي دفنشيون ولا لا في التلفزيون العادي و أعتقد إن الجوكر لا يدعم dvb s2 hd بس مش متأكد

جزاك الله خيرا ... و الكرت ده جميل جدا ... مع ان سعره غالي شوي ...بس في سؤالين
1. اين هو محل بي سي مارت؟في الاسكندرية؟ اين بالظبط؟
2.لو طلبت اون لاين حياخد كام ؟يعني الشحن حيخد كم جنيه؟
و شكرا...

Zatlon

12-09-2010, 12:39

انا سافرت الامارات, و ان شاء الله انزل ادور عليه, انا عندي تلفزيون 32" full hd عشان كده اصلا انا عاوز الكرت.