محتاج مساعدة حضراتكم

[SMSMSEMO]

السلام عليكم ورحمة الله وبركاته

اولا اشكركم علي مجهودكم الرائع ده

معلش يا جماعه هرخم عليكم شوية في شوية استفسارات وبما اني مش بفهم حاجه في الهارد وير او السوفت وير محتاج مساعدتكم

انا نزلت اشتريت جهاز علي قد حالي يعني مكونات الجهاز مازر بورد AMD جيجا بايت 785 واشتريت بروسيسور X2 550

الرامات كينج ستون 2 جيجا الهارد 640 الكيسة جاما

المهم اني بصراحه لما اشتريت الجهاز ده وطبعا انا جمعته قلت هيبقي سريع وحلو بس انا حاسس ان في حاجه غلط وانه مش سريع حتي بعض الاوقات في الاستعمال العادي بحس ان الصفحات بقت تقيلة شوية وانه بيفتح الحاجه وهو تقيل ومش عارف العيب منين ولا هو مكونات الجهاز كده

انا اسف بجد اني هزعجكم ويارب تلاقولي حل

انا سمعت عن موضوع فتح النواة وكده بس انا اصلا معرفش ايه هي النواة وخايف العب في حاجه الجهاز يطير

[karem_love]

حبييبى تاكد انوا لا يوجد فيرس فى الجهاز وجهازك مكوناته حلوه ما شاء الله وموضوع فتح النواه اقراء الموضوع ده بعنايه وانت هتفهم كل حاجه وعلى فكره فتح النواه مش تعقيده يعنى اتفضل رابط الموضوع
https://www.arabhardware.net/forum/showthread.php?t=157790
ومبروك عليك الجهاز:)

[Maged-Z]

السلام عليكم

أولا مبروك الجهاز...وكما أرى المكونات جيده جدا وليست متواضعه

البطء فى الجهاز قد يكون له عدة أسباب
أولا قد تكون تهيئة (فورمات ) الهارد ديسك غير جيده
ثانيا ماهو نظام الويندوز المستخدم
ثالثا قد يكون برنامج المضاد للفيروسات يبدأ العمل مع بداية الويندوز ..فيقوم بعمل مسح للهارد وذلك قد يستغرق نصف ساعه ..يكون أثنائها الجهاز بطىء
رابعا قد تكون هناك بعض البرامج التى تعمل فى الخلفيه بدون أن تلاحظها (فتأكد أى نوع من البرامج قمت بتنزيلها على الويندوز )

[Hisoka DZ]

بسم الله الرحمن الرحيم
قد يكون السبب فيروس لذا أنصح باستخدام أحدث برامج مضاد الفيروس إللي يناسبك . و قولنا على النتيجة

[SMSMSEMO]

استاذ كريم شكرا بجد لتفاعلكم معاي ومكنتش متوقع اني الاقي الرد بسرعه كده انا مستب برنامج افيرا وبعمل ابديت واسكان بي استمرار علما بأني كنت مجمع جهاز قبل ده كان ايه ام دي برضه والمازر بورد كان اسي اس بس كان بصراحه اسرع واخف وشكرا وهقرا ان شاء الله موضوع فتح النواة



استاذ ماجد بصراحه انا قبل كده عملت فورمات للهارد فعلا بس هل لو عيب في الهارد يبقي لازم افرمت وامسح كل الي عليه ؟

بالنسبه للويندوز هو اكس بي سيرفس باك تو انا والله من عادتي مش بحب اسطب برامج وخلاص يعني الي عندي ياهو هوت ميل برامج عادية جداا

بالنسبة لبرنامج الفيروسات انا بستعمل افيرا لانه خفيف بصراحه بس لو تنصحوني ببرنامج يكون افضل ويكشف عن الفيرس احسن من افير طبعا هكون شاكر ليكم


استاذ ميرو والله انا متعملتش غير مع الا افيرا وبعمل اسكان وايديت بي استمرار

والله يبارك فيكم كلكم وبجد مشكورين

[AHMED HOSSAM]

السلام علبكم...............انا شايف بصراحه زي ما الاخ ماجد قال........و انا بفضل الكاسبر 2011 و اعتقد انه اخف من قبل كده و احسن.......و جهازك ما شا الله امكانياته عاليه و ويندوز 7 هيكون افضل بكتييييييييييير عليه و شوف في التاسك مانجر اول متفتح الويندوز ايه البرامج اللي شغاله و مستهلكه كام من البرويسيسور و الرام.........و لو منفعش ده كله هيبقي تقريبا من الهارد او المازر بورد.................و من حيث كسر السرعه فبامكانك فتح النواتين المغلقين و المحاوله و قراءه الرابط اللي كتبو الاخ كارم .........و غير كده المفروض جهازك يبقا كويس جداااا حتي من غير كسر سرعه.......و اتمني اني اكون افدتك و لو في خطا ارجو التصحيح :)

[mohamed_sophe]

بسم الله الرحم الرحيم

اخى الفاضل اولا سطب ويندوز 7 علشان تحس فعلا بسرعة الجهاز ثانى حاجة اتاكد من درجات الحرارة ممكن تكون فانة البروسيسور مش مظبوطة على البروسيسور باحكام والله الموفق

[SMSMSEMO]

والله انا بشكركم جدااا علي تفاعلكم معاي

بصراحه انا عمري ما اتعاملت مع الكاسبر بس هجربه ان شاء الله اما بالنسبة لويندوز 7 بصراحه لما كنت مسطبه كان الجهاز كوووووووووويس جداااااااااااااا بس كان في بعض الالعاب مش بتشتغل وبعض البرامج بالنسبه للفان انا فتحتها واتاكدت انها راكبه كويس جداااا

وده سرعة الجهاز وياريت حد يقولي كده كويسه ولا مش مظبوطه

وانا بكرة ان شاء الله هنزل نسخة 7 ومش هنزلها بنفسي هوديها لحد ينزلهالي لاني بجد تعبت وحاسس اني تعبتكم معاي انا لما اشتريت الجهاز قلت هيبقي سريع وكويس بس معرفش ماله اتخنقت منه

https://www12.0zz0.com/2010/09/06/02/167162324.jpg (https://www.0zz0.com)


واسف لو ازعجتكم وشكرا بجد ليكم كلكم

[AHMED HOSSAM]

اعتقد بذلك انها فقط مشكله الويندوز و بالنسبه للبرامج او اي شيء لا يعمل علي 7 و يعمل علي اصدار سابق من الويندوز فمن الممكن ان تضغط بالزر الايمن علي ايقونه التسطيب و تختار troubleshoot compitality و تختار الاختيار الثاني ثم next ثم تختار ويندوز xp او الvista علي حسب برنامجك و next ثم تضغط run the program و سيعمل و يتسطب معاك كانك مسطب ال xp ثم اضغط save setting و سيعمل ان شاء الله من غير مشاكل سواء كانت لعبه بتسطبها او برنامج...............و من حيث درجات الحراره انا شايف انها طبيعيه و المفروض انو ميزيدش عن 55 مع الضغط..............يعني هي من الاخر مشكله ويندوز مش اكتر و ان شاء الله تتحل:)

[SMSMSEMO]

والله يا استاذ احمد انا تعبت نفسيا وفرمت الهارد ونزلت نسخه 7 ومع ذالك مازال نفس الشئ والتقل وبجد انا حزين لاني عملت فورمات

بس قلت يمكن لما افرمت الامور تتظبط بس نفس الشئ وفس التقل مع نسخة 7

[AHMED HOSSAM]

بس انتا كنت قلت انك قبل كده كنت منزل ويندوز 7 و كان شغال كويس............يبقي ازاي لما عملت فورمات و نزلته تاني بقا زي ما هوا!!!!!!!
و عموما جرب البرامج و الالعاب التقيله زي gta iv او ال pes 2010 و لو بطيء او بيهنج في الالعاب و البرامج التقيله يبفا فعلا في حاجه غلط في الماذر بورد او البروسيسور و اسأل الخيراء بردوا عليك في الحاله دي ده غير برامج ال bench mark اللي هتبينلك لو جهازك بطيء فعلا........و عذرا للتاخر في الرد لظروف سفري

[sob7i]

أخى الكريم
ضع يدك على شريحه المازربورد التى تكون فى المنتصف لو كانت سخنه بدرجه عاليه من الممكن تكون المشكله من هنا وعاوزه تبريد