المساعد الشخصي الرقمي

مشاهدة النسخة كاملة : شباب رجاااء ساعدوني في اختيار التجميعة الافضل لجهازي يجزيكم الله خيرا عني



mazhar
08-09-2010, 16:58
اولا شكرا لكل اعضاء الموقع الراااااااااااائع وكل من يساهم فيه

ارجو منكم مساعدتي في اختيار التجميعة الافضل لاني صراحة متشكك جدا ومش عارف اقرر والخيارات كتييييير ومخي طق :ah41:

اولا انا هقولكم استخدامتي ايه بالترتيب تبعا للاهمية :-

3d max
autocad
photoshop
games


يعني اهم حاجة عندي البرامح زي الثري دي ماكس والاوتوكاد عشان عندي مشروع تخرج السنة دي

انا هجيب شاشة سامسونج 19"

الخيارات اللي قدامي بقى هي كالاتي واصبرو عليا عشان عندي ستين استفسار , وانا حاطط البروسيسور و المازر بورد والفيجا والرامة لان دول الاساس بالنسبة لباقي دول انا عاوز اقتراحتكم زي الباور مثلا اجيب 500 ولا 600 عشان المستقبل ولا اخليني 450 كذلك الكيس تنصحو بايه , المهم خلينا نخش في الخيارات قبل ما تزهقو


processor : AMD phenom ii x6 1055t
M.B : asus-m4a87td-evo
graphic : ATI radeon hd 5770 ( xfx ,sapphire , gigabyte ) what do you recomended ?
Ram : 2 * 2 ddr3 bus 1600



processor : AMD phenom ii x4 955 black edition
M.B : asus-m4a87td-evo
graphic : ATI radeon hd 5750 ( xfx ,sapphire , gigabyte ) what do you recomended ?
Ram : 2 * 2 ddr3 kingstone hyperx bus 1600

الاسئلة بقى :

الخيار الاول هيفرق عن التاني حوالي 500 جنيه
ايهم افضل ؟؟؟ اكيد الاول بس هل فرق الاداء يستحق فرق السعر ؟؟؟؟

بالنسبة مثلا للبروسيسور الاكس 4 ده سرعته اعلى لكن الاكس 6 انوية اكتر فهل انا هستفاد من فرق الاداء ولا الموضوع مش مستحق ادفع فيه فلوس زيادة والاكس 4 هيقوم بالواجب وزيادة ؟؟؟

بالنسبة للفيجا هل ال5750 هتعمل فرق كبير عن 5770 في الاداء هو الفرق في التمن حوالي 200 جنيه
الهم بقى هل الفرق في الفيجا هيأثر على الثري دي ماكس ولا اساسا الفيجا مش مهمة جدا للثري دي ماكس والاهم البروسيسور ؟؟؟ ولو مهمة هل الفرق في الاداء يستحق ال 200 جنيه خاصة ان اساسا 5770 مهيش جامدة اوي لان في ال gtx 460 اجمد بس اغلى حاجة بسيطة فلو كده كده مش هجيب الجي تي اكس 460 فاجيب ال 5750 واوفر فلوسي ؟؟؟؟
تعالو بقى للي ينقط في الفيجا :ah41: لو فرضنا اني قررت انهو موديل نيجي بقى للقصة التانية ان لو مثلا قررت 5770 فقي منها ستين مليون موديل يعني مثلا
saphire , saphire vapore x , xfx , gigabyte ,...
فانه الافضل وايه الفرق يعني هتفرق في ايه هو حاليا اللي شفتها متوافرة هي السفاير العادية اللي مروحتها كبيرة مش اللي شبه شريط الفيديو فايه رايكو فيها وانهو افضل ؟؟؟

بالنسبة للمازر بورد انا اساسا مفهمش كتير لفي انواعها ولا لافرق بينهم ولا اهميتها و اللي كنت هشتري منه رشحلي الموديل الاسوس اللي شفتوه وصراحة هو باينله كويس جداااااا , لكن المشكلة ان وانا هكتب الموضوع شفت موضوع تاني على الموقع ده لينكه
https://www.arabhardware.net/forum/showthread.php?t=189898
في الموضوع ده الاخ مختار مازر بورد اسوس زيي بس موديل غير بتاعي مع ان التمن تقريبا واحد
ودي حاجة تشل طبعا يعني الاتنين اسوس وتقريبا الاتنين نفس التمن يعني الفرق حوالي 20 جنيه ولا حاجة طاب ايه الفرق بين الموديلين وانهو اللي احسن ؟؟؟
اللي يغيظ ويشل اكتر :ah33: ان في ناس رشحتلو موديل تاني وهو MSI 770-G45 وده هيوفرله حوالي 200 جنيه طاب ايه الفرق في الاداء ويرجع نفس السؤال هل الفرق في الاداء يستحق فرق السعر وبالنسبة للاسوس انهو الموديل الافضل لاستخدامي ؟؟؟

بالنسبة للرامات نفس السؤال في رامات الباس بتاعها 1330 وكنت قريت عالموقع قبل كده ان الفرق في الاداء بين الرامات اللي الباس بتاعها 1600 و 1330 مش كبير وانه ميستحقش فرق السعر فما رايكم؟؟

بالنسبة للباور سبلاي هحتاج ايه بقى 450 ولا 500 ولا 600 ونوع ايه
الكيس اجيب كيس نوعه ايه ؟؟؟ يعني اجيب كيس مثلا كوولر ماستر و ابيع الباور بتاعه اللي جاي معاه واركب ال500 ؟؟؟؟

الهارد انا هجيب 500 جيجا ساتا 2 والساتا 3 مفيش منه غير 1000 جيجا ايه رايكم ؟؟؟

الشاشة سامسونج 19 " ايه برضه رايكم ؟؟؟

معلش انا اااااااااااااسف تعبتكو من القراية قبل حتى ما تفكرو تردو و ناقص اسالكو عالماوس والكيبورد بس اصلي من النوع المتردد اللي ميعرفش يشتري كيس شبسي عشان مش عارف يقرر طعم ايه
طبعا اي اقتراحات اضافية مرحب بيها بس تكون بالتفصيل لسبب البديل والفرق في التمن يعني عشان مزددش شك يعني لو حد شايف مثلا موديل افضل يقول ليه افضل بالظبط وفرق السعر وكده

شكرااااااااااا جزيلا لكل اللي هيساعدني و ربنا يجزيه كل خير و شكرا لكل اللي مقدرش وفتح الموضوع عشان يساعدني وشكرا لكل اللي بيساهمو في الموقع الرااااااااااائع ده :ah4:

Goldsmith
08-09-2010, 17:49
إللي أقدر أفيدك فيه إن الرامات الباص 1600 مش هتفرق معاك زي ما انت فاكر خليك في 1333 أحسن
والأنوية والتردد لكل منهما مميزاته
عموما البرامج إللي انت بتقول عليها هتستفيد من الأنوية ومن الكاش، يبقى خليك في الx6
الساتا 3 مش هيفرق معاك خالص تقريبا وبعدين البوردة بتاعتك فيها منفذ pcie x4
لو احتجت ساتا 3 في المستقبل أو اشتريت هارد حالة صلبة مثلا تقدر تشتري كارت u3s6 وتركبه عادي
والباور ال450 كافي لتشغيل الكارت

البوردة الأسوس m4a785td-v evo ممتازة في التبريد وكسر السرعة والفرق بينها وبين ال msi إنها فيها كارت vga داخلي
والMsi بصراحة مش متأكد بتاخد بروسيسور x6 ولا لأ
إنما الأسوس أنا متأكد إ،ها هتشغله بدون أدنى مشكلة
+ ال msi بتدعم الكروسفاير اكس وما أظنش انك هتستفيد من الخاصية دي
وبصفة عامة لا أعتقد إن في بوردة تضاهي الأسوس في الجودة في الفئة دي وفي كسر السرعة والثبات

البوردة الmsi كويسة وناس كتير بتشكر فيها بس لن تضاهي الأسوس في الجودة، وعموما الفرق 160 جنيه بس

والكارت ال5770 أي موديل مش هيفرق بس الvaporx تبريده أحسن والسافير عامة جودته عالية
وانت أصلا مش محتاج الكارت ده أوي يعني مادام مش مهتم بالألعاب وبعدين شاشتك صغيرة

والهارد ال500 البلو كويس جدا وسريع

mazhar
09-09-2010, 18:17
الف شكر ليك على معلوماتك و كل عام و انت بخير
وكنت عاوز اعرف ايه الكروسفاير اكس؟؟؟؟
يعني ال msi بتدعم الكروسفاير افضل من الاسوس؟؟؟
و افهم من كلامك انه بالنسبة ليا الافضل اجيب الفيجا ال 5750
وبالنسبة للبروسيسور انا عارف ان البرامج اللي بستخدمها هتستفاد من الانوية الاكتر بس الاكس فور مش هيشتغل كويس برضه و هيسد الحاجة وزيادة ؟؟؟؟ يعني مفيش داعي لل300 جنيه الزيادة , ولا الفرق يستحق ؟؟؟

masklove
09-09-2010, 22:01
هل تنوي علي الالعاب ام لا ؟
ما هي الميزانية الاجمالية لك ؟

mazhar
09-09-2010, 23:33
انوي ولكن ليست من اولوياتي , اولوياتي هي ال 3d max , autocad
بالنسبة للالعاب عاوز العب الالعاب الجديدة زي gta iv , assassin creed ,need 4 speed , etc
يعني اشغل الالعاب دي بشكل معقول على شاشة 19
بالنسبة للميزانية بالشاشة 5000 جنيه بس يفضل اقل و عشان كده انا كنت بسال هل انا محتاج ادفع كل الفلوس دي و لا ممكن اققل في البروسيسور والفيجا شوية

Goldsmith
10-09-2010, 00:49
البروسيسور ال965 كافي جدا، ولو ف المستقبل ظهرت برامج وألعاب محتاجة بروسيسور أعلى ابقى اكسر سرعته

والكارت ال5750 أيضا كافي جدا، تقدر تلعب بيه على 1920*1200 وده طبعا أعلى من الريزوليوشن بتاع الشاشة ال19 بكتير

تعديل: الكروسفاير هي خاصية وجود منفذين أو أكثر من منافذ كروت الشاشة لتركيب أكتر من كارت شاشة في البوردة
وهي مخصصة لكروت ati
وتوجد تقنية مماثلة لها sli
مخصصة لكروت nvidia
وعموما لن تحتاج لهذة الخاصية وأنا شخصيا لست من هواتها أو مشجعيها وفي رأيي أن الأفضل دائما هو كارت واحد قوي توفيرا للطاقة (يعني هتحتاج باور أقل) وأقل ازعاجا وأقل في الحرارة

MF88
10-09-2010, 01:13
والMsi بصراحة مش متأكد بتاخد بروسيسور x6 ولا لأ

ليها بايوس يدعم الـ 6 انويه لا تقلق

البروسيسور 965 مبرتاحلوش


بص حضرتك التجميعه الأولى أفضل بكثير

و خليك فى الرام الـ 1600

masklove
10-09-2010, 02:11
Phenom II X6 1055T 2.8GHz 9MB Cache 1200 EGP
MSI 770 -G45 400 EGP
sapphire hd5770 1gb gddr5 1050 EGP
Kingston 2GB*2 DDR3 bus 1333MHz CL9 500 EGP
Western Digital Caviar BLUE WD5001AAKS 500GB 16M Cache 245 EGP
NZXT Beta EVO 300 EGP
Cooler Master 500W 325 EGP
SONY 24X DRU-870S 130 EGP
SAMSUNG B1930 18.5 680 EGP
__________________________________________________ _
4830 جنيه مصري
الاسعار من شركة maximum hardware

فرع القاهرة :
العنوان : 50 شارع الخليفة المأمون - روكسى - مصر الجديدة (مول سوق العصر) الدور الثانى محل رقم 203
التليفون : 22560220 - 0105799494 - 0100191916 - 0160771001
فرع الأسكندرية :
العنوان : 1 شارع سوريا - رشدى (الديب مول ) الدور الخامس محل رقم 27
التليفون : 0124717021 - 0100191916 - 0160771001

mazhar
13-09-2010, 04:43
شكرا ليكم جميعا و جزاكم الله خيرا