ممكن تفيدوني يا شباب في تجميع جهازي

[SMSMSEMO]

السلام عليكم ورحمة الله وبركاته


وكل عام وانتم بخير واسئل الله ان يبلغنا رمضان القادم بأذن الله


شباب اريد مازر بورد AMD يكون كويس في الالعاب ويكون في حدود 800 جنيه


وايضا اريد بروسيسور يكون متوافق مع المازر بورد ويكون سعره مناسب ويتحمل شغل كويس


وانا عايز اخد رائيكم انا بصراحه هشتري كيسه سومو جيجا بايت 1551 عشان شكلها حلو انتم ايه رائيكم

والف شكر يا شباب

[moatez]

كيسات الجيجابايت ابعد عنها تهويتها سيئه لو عاوز حاجه ممتازه وسعرها معقول فى NZXT BETA EVO ..... ب 290 ج

بالنسبه للماذربورد عاوزها بكارت فيجا مدمج ام لا وكم ميزانيتك للبروسيسور .. واستخدامك للجهاز ايه ...

[omaar97]

اخي الميزانية للوحة الأم فقط ام للوحة الأم والمعالج؟

والكيس مثل ما قال الأخ معتز

[SMSMSEMO]

شكرا اخوي معتز انا فعلا محتاج المازر بورد بكارت شاشه بالت ان مدمج يعني


والسعر للمازر بورد فقط


وعايز معالج يكون محترم برضه وسعره حلو

[SMSMSEMO]

اخوي عمار لا السعر للمازر بورد فقط انا حاليا عندي كيسة مجمعها من اربع شهور ولسه بالضمان بتعها وكل حاجه بس بصراحه عايز ابيعها

[moatez]

بالنسبه للماذربورد ممكن تجيب Gigabyte GA-890GPA-UD3H ب 820 ج اما البروسيسور ممكن PhenomIIX4 925 3.0GHz, 8MB ب 800 ج او شوف بقى حسب ميزانيتك ...

[SMSMSEMO]

طيب يا استاذ معتز السعر كده كويس للماز بورد والبروسيسور

بس معلش عايز منك خدمه

انا عندي جهاز ومواصفاته كالتالي


مازر بورد جيجا بايت 785 amd

البروسيسور Phenom x2 550

الرامات كينج ستون 2 جيجا

الهارد 640

الدفيدي سامسونج بلاك

الكيسه AEG

اشتريته من 4 شهور بالظبط كل حاجه بالعلبه بتعتها ومستعملتوش كتير

لو عايز ابيعه ممكن ابيعه بكم ؟

لاني بصراحه عايز اجمع جهاز اعلي من كده وعايز اشتري كيسه محترمه لحد 800 جنيه

واسف للا زعاج

[moatez]

والله انا شايف ان جهازك كويس جدا خساره تبيعه هتخسر فيه كثير ممكن تطور فيه يعنى تجيب كارت خارجى قوى وتزود الرامات 2 جيجا كمان وتجيب كيسه وباور جداد وهتحس بفرق جامد جدا ....

[omaar97]

اخي يوجد كيسة NZXT Tempest EVO بسعر 670 جنيه ويوجد HAF 922 بسعر 780 جنيه
الجهاز الي حتبيعه يمكن يجيب 1000 جنيه
ولماذا لوحة بكرت مدمج؟
يمكن تجيب MSI 770-G45 بسعر 400 جنيه مع كرت HD 4670 بسعر 400 جنيه كدة جبت كرت ولوحة حيطوك اداء افضل بنفس السعر
هذا اذا كان استخدامك العاب

عموما الي كاتبهم الاخ معتز اكثر من ممتازين لكن مع المعالج جيب مشتت Hyper 212 Plus بسعر 220 جنيه الا اذا مكنتش حابب تعمل كسر

وبمناسبة انه بكرة رمضان انا اسمي عمر مو عمار :D

[SMSMSEMO]

اسف يا استاذ عمر معلش بقي انت عارف تأثير الصيام ههههههههههه

هو الجهاز جبلي 1500 يا أخ عمر طيب انا بصراحه نفسي في كيسة تجمع بين التهوية الجيدة والشكل



استاذ معتز طيب ممكن حضرتك تذكر لي كارت شاشه خارجي كويس وكيسة كويسه وهل المشتت الي ذكره الاخ عمر يمشي مع جهازي الحالي

[moatez]

لازم تحدد لنفسك ميزانيه معينه لان كروت الشاشه اسعارها بتتراوح بين 400 - 4000 ج + الشاشه عندك كام بوصه وعاوز الكيسه فى حدود كام ....

ثانى حاجه قبل ما تجيب المشتت هل انت ناوى على كسر السرعه ام لا لو مش هتكسر السرعه فمفيش داعى للمشتت اللى جى مع البروسيسور كافى بس اهتم بتهوية الكيسه ....

[SMSMSEMO]

انا عارف اني تعبتك معاي يا استاذ معتز بس معلش اعذرني انا والله معنديش خبرة كبيرة


الشاشه الي عندي 18 ونص نوعها سامسونج LCD B1930

بالنسبة انا حاولت افتح النويتين في البروسيسور بس في احد الاعضاء الكرام قلي انه متنفعش عشان جسر المازر بورد عندي مختلف

الميزانيه للكارت ممكن 600 جنيه وللكيسه 800 جنيه

بالنسبة لدرجةحرارة البروسيسور حاليا عندي 44 في الخمول 47 في الضغط وفي احد الاعضاء نصحني بشراء مشتت

مع العلم ان غرفتي غير مكيفه

[moatez]

بص طالما الجسر الشمالى للوحه 785 يبقى الجسر الجنوبى 710 يعنى ممكن تفتح الانويه عليها عادى جدا بس ممكن تكون محتاج تحديث للبيوس عموما ادخل على قسم كسر السرعه هتلاقى مواضيع مثبته هناك هتستفاد منها كثير ...

بالنسبه للكيسه انا شايف انك تجيب ال NZXT BETA EVO ب 300 ج وتوفر باقى الفلوس لكارت الشاشه واعتقد انك هتحتاج باور كمان وهاقولك مميزتها :

تهويتها ممتازه بتشيل 6 مرواح بحجم 12 سم مع امكانية تركيب مشتت كبير الحجم ....
حجمها كبير ...
مجهزه للتبريد المائى ...
امكانية اخفاء الكابلات خلف الكيسة "CABLE MANGEMENT"
وضع تركيب الهاردات الذى لا يعوق تركيب كارت الشاشة امامه

وده رابط ليها :
https://www.nzxt.com/new/products/classic_series/beta_evo

هيتبقى 500 ج هنحطهم على 600 ج يبقى مجموعهم 1100 ج تقدر تجيب بيهم كارت شاشه محترم مع باور كويس .. فشوف كدا وقولى رايك ..

بالنسبه للبروسيسور متجبش مشتت ولا حاجه الا بعد ما تجيب الكيسه الجديده وشوف درجة الحرارة نظامها ايه ....

[SMSMSEMO]

طيب يا استاذ معتز كده تمام ممكن معلش تقولي نوع الكارت ايه ونوع الباور وانا بصراحه خايف العب في حاجه في البيوس عشان افتح النويتين لاني قبل كده لعبت في حاجه لقيت درجة الحرارة بقت 51

بالنسة للكيسه الي حضرتك ذكرتها شكلها ممتاز وحاسس انها تهويتها جيده

وبجد انا اسف اني تعبتك معاي

[SMSMSEMO]

استاذ معتز المازر بورد بتعتي MA785GMT-US2H جيجا بايت ده ينفع افتح عليها النويتين ولو محتاجه تحديث للبيوس ازاي احدثه

وهل لو فتحت النويتين لازم اركب مشتت فور الفتح ؟

واسف للا زعاج

[moatez]

مفيش تعب ولا حاجه ....

بالنسبه للبروسيسور بتاعك متقلقش من درجة الحراره اقصى حراره للانويه هى 70 درجه بعدها تبدا مرحلة الخطر :
https://products.amd.com/en-us/DesktopCPUDetail.aspx?id=560&f1=&f2=&f3=&f4=&f5=&f6=&f7=&f8=&f9=&f10=&f11=&f12=

بالنسبه لكارت الفيجا والباور ممكن تجيب :

sapphire hd5750 1gb gddr5 السعر 850 جنيه مع باور HEC 450W ب 300 ج او HEC 500W ب 355 ج ويفضل ال 500 وات علشان هينفعك مستقبلا ...

[moatez]

استاذ معتز المازر بورد بتعتي MA785GMT-US2H جيجا بايت ده ينفع افتح عليها النويتين ولو محتاجه تحديث للبيوس ازاي احدثه

وهل لو فتحت النويتين لازم اركب مشتت فور الفتح ؟

واسف للا زعاج

ينفع طبعا وخلى المشتت اخر حاجه تفكر فيها بس انت افتح الانويه وشوف الحراره اخبارها ايه ويا ريت كل ده يحصل بعد ما تجيب الكيسه الجديده لانها اكيد هتفرق معاك فى التهويه ..

وشوف الرابط ده هيفيك جدا فى فتح الانويه :

https://www.arabhardware.net/forum/showthread.php?t=157790

[SMSMSEMO]

والله العظيم انا عاجز عن الشكر وبحترم صبرك معاي واسف لو انت حسيت بملل من اتجاهي وان شاء الله بعد العيد هنزل اشتري الحاجه الي انت قلتلي عليها وهتابع معاك ان شاء الله وكل سنه وانت طيب ويارب يعتق رقابنا من النار ويدخلنا جنته بسلام ومليون شكرا ليك وربي يجعل كله في ميزان حسناتك

[moatez]

امين . امين .. امين

يا راجل مفيش ملل ولا حاجه احنا كلنا اخوات وبنساعد بعض بالتوفيق ان شاء الله ...

[SMSMSEMO]

بارك الله فيك وتقبل الله منا ومنك صيامنا وقيامنا واسئل الله ان يعتق رقاب المسلمين من نار جهنم