رأى خبير من مول البستان( احسن لاب فى مصر؟؟)

[eng_ezz]

file:///G:/%D8%A8%D8%B1%D8%A7%D9%85%D8%AC/%D8%A8%D8%B1%D8%A7%D9%85%D8%AC/%D8%B5%D9%88%D8%B1%20%D9%84%D8%AA%D9%86%D8%B3%D9%8 A%D9%82%20%D8%A7%D9%84%D9%85%D9%88%D8%B6%D9%88%D8% B9/httpimg366.imageshack.usimg366298562ag4.gif.gifبسم الله الرحمن الرحيم


السلام عليكم ورحمة الله وبركاته


كل عام وانتم بخير


ذهبت يوم الثلاثاء الى مول البستان لأسأل عن لاب عايز اشتريه وبعدين نطت ;) فى دماغى فكرة قلت ادور على حد بيصلح لابات فى المول واسأل عن وجهة نظره احسن ماركه واللى مش بتيجى عندو كتير
لما سألت الناس دلونى على واحد اسمه الأهلاوى بصراحة شاب زى الفل ممتاز جدا:)
فى الدور الأرضى فى المول وسألتو عن رأيه وقال التالى
( احسن جهاز حاليا فى السوق هو ماركة الديل والتوشيبا ولما قلتلو مين احسن من مين قالى ان التنين زى بعض:cool:...فى مرتبة واحده ولما سألتو عن رأيه فى اتش بى قالى كان زمان كويس بس حاليا اوعى تجيبه وسألتو عن الأبل قالى لأ ده حاجة تانية وهو قالى الترتيب كالتالى:
1. ابل
2.سونى فايو (شك فيه اوى)
3. ديل وتوشيبا
قلت اقول لكم على التجربه ديه علشان نستفيد

[xman_1020]

والله انا رايى
الاتش بى كويس جدا و علفكره
لو سالت كذا واحد هتسمع اراء كتير جدا
و الديل علفكره اقل من توشيبا بكتير
و انا شايف ان الترتيب الصح
ابل
سونى فايو
توشيبا و اتش بى
ديل و ايسر
سامسونج
سيمنز و باكردبيل

[Dr Mohammad]

شخصيا ارى :

أبل = سونى
توشيبا = أسوس
ديل = إتش بي
إيسر

[eng_ezz]

طيب يا جماعة انتو بنيتو الأراء ديه على اى اساس ....
.اللى قال الكلام ده راجل بيصلحهم يعنى هو بيتكلم من وجه نظر الأعطال اللى بتحصل فى الأجهزة ( وزى ما انتو عارفين فى عطل صغير واصلاحه سهل وفيه اعطال كبيرة ....)

[hm90memo]

شخصيا ارى :

أبل = سونى
توشيبا = أسوس
ديل = إتش بي
إيسر



نفس الرأى لكن ان اعتبر ديل اقوى من اتش بى

[Dr Mohammad]

ذكرت أنها راي شخصى
مبنى على تجارب شخصية و فى محيط العائلة و المعارف

[ENG/ Mohamed hassan]

الامر بسيط

اى منا عندما يقوم بشراء لاب جديد يقيسه على تجربه سابقه له او لقريبين له بالاضافه الى استخدامه و ميزانيته و عن طريقها يحدد النوع

و بالنسبه للاخ اللى انت سالته و قالك الاتشبى وحش انا راى فى الاتش بى و عن اكثر من تجربه انه ممتاز و يفى بالغرض على اكمل وجه


و كمان ممكن يكون قاس الحكايه على اساس ان اكتر جهاز بيجيله للصيانه هو الاتش بى و ده ليس بالضروره كثره الاعطال فى الفئه بل من الممكن ان يعنى ان هذه الفئه الاكثر مبيعا


و كمان و ديه النهايه ان لا اثق تماما فى كلام اى بائع لانه فى الاغلب يصب فى مصلحه البائع و ليس مصلحتك

[ENG/ Mohamed hassan]

و استنه استنه ده شك فى السونى فايو !!!!! يعنى شك فى تانى انضف ماركه !!!

[coolhero]

حسب بعض تجاربى فانا افضل الاتى

SONY

TOSHIBA

DELL

HP

ACER

LENOVO ( شغال 3 سنين بدون مشاكل مع ولاد خالى وهم اطفال )


انا لم اجرب اى انواع اخرى واتمنى تجربة ال apple قريبا

[Dr Mohammad]

و كمان و ديه النهايه ان لا اثق تماما فى كلام اى بائع لانه فى الاغلب يصب فى مصلحه البائع و ليس مصلحتك
+999999

[محمداهلاوى]

اولا انت روحت لوحد اهل ثقة وهو فعلا بيصلح كويس بس غالى شوية _ولكن لاب الموجود ولسة مش واخد سمعة فى مصر asus اولا شكلة وبطارية عمرها طويل وسعر مناسب وضمان _وسونى طبعا

[heshaaaam]

فى ناس هنا بتشكى من توشيبا

زمان كان التوشيبا-اتش بى ايسر ديل

دلوقتى ديل - والباقى اقل بكتير

بس برده الاتش بى فى الاسعار العالية تمام

[lostman]

فعلا عنده حق انا برده شغال في صيانه الاب توب في البستان
و فعلا الأتش بي كان زمان
دلوقتي لو عايز تجيب لاب سعره كويس و أدائه برده كويس ديل و توشيبا

[tahmena]

رأى الدكتور محمد هوا احسن رأى

[eng_ezz]

و استنه استنه ده شك فى السونى فايو !!!!! يعنى شك فى تانى انضف ماركه !!!
معلش بس فيه خطأ املائى هو ( شكر فى السونى مش شك)

[ENG/ Mohamed hassan]

معلش بس فيه خطأ املائى هو ( شكر فى السونى مش شك)



ههههههههههه ايوه كده الكلام اتظبت حرف غير جمله كامله


ما يهمك شى و بالتوفيق فى اختيارك للاب توب

[eng_ezz]

والله يا حبيبى انا محتار حيره الأفيال الضاله:) كنت خلاص ناوى على الديل وبعد كده لقيت ان اسوس ارخص واعلى فى الأمكانيات وعلى العموم هما دول الجهازين اللى محتار مابينهم
https://egyptlaptop.com/dell-inspiron-n5010.html
https://egyptlaptop.com/asus-a52f-sx130.html
ومعلومه زياده الدل سنه ضمان اما الأسوس 2