المساعد الشخصي الرقمي

مشاهدة النسخة كاملة : ما الحل مع TE DATA


&المجروح&
10-10-2010, 09:28
انا من المنصورة حي غرب
كل يوم من الساعه 1 الظهر لحد نص الليل البنج عندي مش بيقل عن 800 ل 1000
مع ان خطي 1 ميجا وبشتغل لوحدي كمان :(

مركب من تي داتا وكلمت الدعم الفني قلت له عن البنج قال لي احنا مش بنسبورت البنج
المهم الداونلود وكده
والداونلود عندي كامل ومفيش فيه مشكلة

لكن مشكلة البنج بتخليني مش عارف العب اونلاين ولا افتح يوتيوب وحاجة زفت

قلت الغي قالوا لي علشان تلغي عرض الصيف لازم تدفع غرامة 220 جنيه
وكمان اصلا مقدرش انتظر الكانسليشن نمبر بالشهر وزيادة لما يطلع

ايه الحل :(
skywalker91
10-10-2010, 15:28
https://www.arabhardware.net/forum/showthread.php?t=195837
شوف كدة الموضوع دة
مفيش حل غير انك تستنى
تى اى داتا البنج بتاعها اجارك اللة حقيقى وحش جدااا
the-storm
10-10-2010, 22:35
أنا كان عندي نفس المشكلة
وزهقت مكالمات وكلام فارغ اكثر من شهرين وكل يوم عذر شكل وميعاد شكل
لغاية اما اتخذت القرار وبحثت عن شركة اخري
فحبيت اشترك في اي جي نت فقالو لي ان شركة اتصالات اشتريتها واشترت كمان شركة نيل اون لاين وعملتهم شركة واحدة
وما شاء الله البنج ممتاز جدا 150 فقط طول النهار وساعات 200
هي في المنصورة في شارع جهان
قصاد بوابة استاد الجامعة
واي استفسار انا تحت امرك
&المجروح&
11-10-2010, 18:23
جنب مين بالضبط هناك اخي
the-storm
12-10-2010, 20:18
يا غالي روح هناك واسال
الشركة مش خفية يعني
اسال عن شركة اتصالات
او العربية للشبكات
crashplant
13-10-2010, 01:08
حاجه تقرف الواحد خلاص هايطلع من شعوره علي ام الشركة النصابة دي مش عارف العب ولا لعبة اونلاين من 12 الظهر حتي 2 او 3 الصبح بكتب البوست دي دلوقتي و البنج عندي 800 وطبعا خدمة العملاء لا حياة فيمن تنادي بتكلم مع شوية بقر مش فاهمين حاجه انا مش فاهم طالما مش هايقدروا يثبتوا الباندويث بتاعم و سيرفراتهم مش شايلة ليه يبفتحوا باب التعاقد مع خطوط جديدة و الانيل من كده ليه ينزلوا الأسعار حقيقي النت هنا في مصر زباااالة من كل النواحي سرعة و سعر بيحاسبونا علي 140 جنيه بالنسبة لخط 1 ميجا و اتفرجوا انا في هولندا بتحاسب ازاي https://www.kpn.com/prive/pakketten/internet-bellen-en-tv.htm انترنت و تلفزيون و تليفون ب 40 يورو و السرعة 16 ميجا !!! قولولي انتوا سرعة 16 ميجا دي في مصر بكام ؟!!!! وقال يقولك مصر ارخص انترنت في العالم !!! حسبي الله ونعم الوكيل فيهم !!
the-storm
13-10-2010, 15:53
العيب مننا احنا
لو احنا وزعنا نفسنا صح على الشركات كان الكل هيبقى عنده نت كويس
انما الوقتي كله تي اي داتا
تسأله ليه يقولك اسرع واحسن وابلابلابلا
والنت عنده زي النيلة بس هو كده
انا حولت والحمد لله زي الفل
الباقي عليكم
Brigadier
13-10-2010, 16:01
نفس مشكلتي منذ اكثر من عامين الى هذه اللحظه

الping لا يقل عن 1200 .
The King2
13-10-2010, 16:26
معظم صحابى اللى بيحتاجو يوصلو نت جديد بحاول اجيب ليهم من إتصالات
بس المشكلة إن السنترال التابع ليا تى داتا فقط والبينج عالى جداً والمشكله بقالها أكتر من عامين
إتصالات عملت دى سلام عندنا بس مانفعشى ولحد دلوقتى مافيش أخبار جديده ! واحتكار تى داتا مازال مستمر فى السنترال التابع لى
Brigadier
13-10-2010, 16:34
^^
اي سنترال تتبع اخي The King ؟
KingZero
13-10-2010, 18:23
طيب انا تي داتا ومن القاهرة من الهرم تحديدا وعاوز احول لشركة تانية لاني مركب رسيفر بالنت وبيقطع قالولي بسبب تي داتا فاحول لايه ؟؟؟؟ افيدوني عشان الشركة دي فعلا خنقة

تحياتي
the-storm
13-10-2010, 21:34
إتصالات يا غالي
لسه جديدة وما فيها ضغط وهتلاقي كله تمام هناك
modyGX
16-10-2010, 20:55
من 2 الظهر لـ6 الفجر تقريبا البينج 400-500 و مش عارف ألعب أى لعبة أو اتفرج على يوتيوب
ماحدش يشترك فى تى اى داتا دى تانى يا جماعة نصيحة منى