مساعده يا جماعه مع تحياتى و تقديرى

[redtiger5000]

اولا السلام عليكم و رحمة الله
احترامى و تقديرى لك و لهذا المنتدى الجميل المفيد
انا بصدد شراء هارد ويسترن ديجيتال مساحته 250 جيجا استعمال شهر بسعر 120 جنيه هل ده سعر مناسب ؟
و بصدد ايضا شراء فلاش ميمورى 8 جيجا بماذا تنصحنى ؟ اشترى انهى نوع ؟ و من اى مكان ؟ مع العلم ان ميزانيتى للفلاش ميمورى 100 جنيه لو زياده 20 جنيه مفيش مشكلة بس تكون سريعه و نضيفه و تعيش
و من ناحية الرامات انا احترت جدا بصراحة مش عارف انهى اللى كويس ...اناعايز رامات 2 جيجا باس 800 اجيب انهى نوع و منين ارخص مكان ؟ و لو رامات باس 1300 اجيب برضه انهى نوع و منين عشان انا عندى جهازين واحد للبيت و واحد للشغل
و ايضا انا بصدد شراء كارت شاشة...عايز حاجة تشغل العاب 2009 و 2010 بكفائه...سمعت ان 5750 كويس سعره كام دلوقتى ؟ و اجيبه منين بحيث يكون السعر مناسب ؟
و ايضا انهى نوع من ال power supply اجيب ؟ ميزانيتى للباور سبلاى هى 100 او 150 جنيه...عايز حاجة 500 واط بس تعمل كام ؟
انا عارف انى تقلت عليك بس و الله انت هتكسب فيا ثواب لأنى بصراحة مش متابع سوق الكمبيوتر بقالى 6 شهور من كتر انشغالى بالشغل

[The Mysterious]

لا أنصحك بشراء قرص صلب مستعمل وخاصّة أنّ القرص بمساحة 250GB لم يعد متوفّر في الأسواق منذ زمن، ثانياً أسعار الأقراص الصلبة الجديدة رخيص حالياً وفي متناول الجميع (اعتقد تستطيع شراء 320GB بلو بمبلغ 200 جنيه.)

أرجو اختيار القسم الصحيح في المرّة القادمة، يُنقل للقسم المناسب.

[masklove]

لا أنصحك بشراء قرص صلب مستعمل وخاصّة أنّ القرص بمساحة 250GB لم يعد متوفّر في الأسواق منذ زمن، ثانياً أسعار الأقراص الصلبة الجديدة رخيص حالياً وفي متناول الجميع (اعتقد تستطيع شراء 320GB بلو بمبلغ 200 جنيه.)
بالفعل
سعر ال 320 الجديد هو 215 جنيه مصري نقريبا وهيبقي افضل بالاضافة الي الاستفادة من الضمان

[HuLkY]

سعر ال 500 جيجا وصل ل 250 جنيه ان لم يكن أقل , سعر الجيجا للجنيه المصرى أصبح رخيص جدا :) , استثمر فى مساحة أكبر :) , أفضل للمستقبل

[Prince_Saad]

و بصدد ايضا شراء فلاش ميمورى 8 جيجا بماذا تنصحنى
Kingston او AData

اناعايز رامات 2 جيجا باس 800 اجيب انهى نوع و منين ارخص مكان ؟ و لو رامات باس 1300 اجيب برضه انهى
Kigstone لكن خلي بالك : رام باس 800 تكون DDR2 ورام باس 1300 تكون DDR3
Ram Kingston 2GB 1333 DDR3 سعرها 240 جنية

سمعت ان 5750 كويس سعره كام دلوقتى
سعره 850 جنية وهو يدعم DX 11

و ايضا انهى نوع من ال power supply اجيب ؟ ميزانيتى للباور سبلاى هى 100 او 150 جنيه...عايز حاجة 500 واط بس تعمل كام ؟
HEC 500 WATT وسعره 350 جنية ولكن جهازك يكفيه بور HEC 350 WATT وسعره 150 جنية

[redtiger5000]

الف الف شكر يا جماعه ليكم كلكم...بجد بجد جزاكم الله كل خير عنى
بس انا خلاص اشتريت الهارد ال 250 المستعمل ابو 120 جنيه لضيق الميزانية..و انا برضه مش كييف العاب اوى يعنى...كبيرى 5 او 6 العاب يعنى الهارد هيكفى بإذن الله و الافلام كمان مش هتعدى معايا ال 20 جيجا يعنى ال 250 بالنسبة لى بحر
بس بخصوص الهارد هيعيش معايا ولا ايه ؟ لأن اخونا بيقول ان الهارد ده اصبح غير متوفر فى الاسواق او قليل...طب معنى كده انه مش هيعيش معايا سنة مثلا ؟ انا مش هتنقل بيه خالص هو هيفضل فى مكانه...انا كل اللى محتاجه منه سنة واحده بس مش اكتر...هيعيش معايا الفترة دى ؟
و تم بحمد لله شراء رامايا كنج ستون 2 جيجا زى ما قلتم DDR2 /Bus 800 بمبلغ 210 جنيه ضمان سنة و شغالة زى الفل جزاكم الله خيرا
و آسف على وضع الموضوع فى غير مكانه الصحيح و لكم جزيل الشكر و التقدير و الاحترام يا اجدع ناس فى النت كله
اخوكم محمد 26 سنة بكارليوس نظم معلومات ادارية...

[redtiger5000]

الحمد لله عملت للهارد تست ببرنامج Data Lifeguard Diagnostic الخاص بالتست بتاع الويسترين ديجيتال و تجاوز كل الاختبارات و الهارد سليم تمام الحمد لله
مهما اشكركم مش هكفيكم شكر كلكم
ملحوظة صغيرة بس: انا مش ميح اوى كده فى الكمبيوتر يا جماعه انا عارف ان فيه حاجة اسمها Bus و ان الباس لازم يكون متوافق مع بعضه سواء الرامات مع بعضها او Bus الماذر بورد مع البروسيسور و عندى خلفية كويسة جدا عن الكمبيوتر و صيانته الحمد لله انا بس كل الحكاية ان بقالى فترة طويلة معرفش حاجة عن سوق الكمبيوتر و آخر اخباره

تحياتى و تقديرى و احترامى كمان

[Prince_Saad]

الف الف شكر يا جماعه ليكم كلكم...بجد بجد جزاكم الله كل خير عنى
بس انا خلاص اشتريت الهارد ال 250 المستعمل ابو 120 جنيه لضيق الميزانية..و انا برضه مش كييف العاب اوى يعنى...كبيرى 5 او 6 العاب يعنى الهارد هيكفى بإذن الله و الافلام كمان مش هتعدى معايا ال 20 جيجا يعنى ال 250 بالنسبة لى بحر
بس بخصوص الهارد هيعيش معايا ولا ايه ؟ لأن اخونا بيقول ان الهارد ده اصبح غير متوفر فى الاسواق او قليل...طب معنى كده انه مش هيعيش معايا سنة مثلا ؟ انا مش هتنقل بيه خالص هو هيفضل فى مكانه...انا كل اللى محتاجه منه سنة واحده بس مش اكتر...هيعيش معايا الفترة دى ؟
و تم بحمد لله شراء رامايا كنج ستون 2 جيجا زى ما قلتم DDR2 /Bus 800 بمبلغ 210 جنيه ضمان سنة و شغالة زى الفل جزاكم الله خيرا
و آسف على وضع الموضوع فى غير مكانه الصحيح و لكم جزيل الشكر و التقدير و الاحترام يا اجدع ناس فى النت كله
اخوكم محمد 26 سنة بكارليوس نظم معلومات ادارية...



طبعا يا اخي العزيز هيكفيك الهارد لأكثر من سنة ان شاء الله وبما انه ما في اسباب لخراب الهارد هيكفيك لأكثر من سنتين على كفالتي :)
طبعا كفالتي معترف فيها عالميا :D


اخوكم محمد 26 سنة بكارليوس نظم معلومات ادارية...

اهلا وسهلا فيك يا اخي الكريم انت في وسط اخوانك :)