المساعد الشخصي الرقمي

مشاهدة النسخة كاملة : استفسار للمبرمجين اصحاب الخبرة


popritch
12-10-2010, 14:40
السلام عليكم وحمه الله وبركاتوا
تحيه طيبه وبعد،،
انا تعلمت مجموعة من لغات البرمجة فى المجموعة العربية لصناعة البرمجيات AGC بس انا مش عارف انزل سوق العمل وكل لما اشوف وظيفة على النت اقدم بكل الكورسات الا انا اخذتها وما فيش حد يرد على ارجو منكم توجهى الى الطريق الصحيح .وهل المفروض اخصص نفسى فى لغة واحدة .
ولكم خالص الشكر والتقدير
اخوكم فى الله محمد فتحى
جزاكم الله خير
mohaworld
14-10-2010, 16:09
السلام عليكم

طبعا هو شئ عظيم انك تكون علي علم بلغات كتير خصوصا ف المجال دا
ولكن عشان تشتغل لازم التخصص في لغه واحده ومتطلبتها
او بمعني اصح احترافها

حضرتك ممكن تكتبلي ايه اللغات اللي حضرتك كويس فيها وانا ان شاء الله اقولك تعمل ايه
هانتظر ردك
popritch
18-10-2010, 13:32
السلام عليكم ورحمه الله
انا بشكر حضرتك جدااا ويارب يجعلة فى ميزان حسناتك اللغات هى فيجوال بيسك 6 و دوت نت +ان ممكن اربط البرنامج مع قاعدة بيانات اوركل او اس كيو ال او اكسس وبأستخدم كريستال ريبورت فى التقرير .
مع خالص الشكر والتقدير
والسلام عليكم ورحمه الله
mohaworld
18-10-2010, 21:32
لا شكر علي واجب كلنا هنا بنساعد بعض وربنا يكرمنا جميعا ان شاء الله

بص بالنسبه للغات اللي معاك ف ما شاء الله بس لو عاوز نصيحتي ركز مع الدوت نت لانه كعبه عالي الايام دي
حضرتك عشان تشتغل ف احسن حاجه بالنسبالك انك تكون
dot net developer

ودا محتاج شويه حاجات
يعني بالترتيب كده
اتمكن من السي شارب سواء كونسول او ويندوز ابليكيشن
ثم ركز اوي ف السكول سيرفر
بعدها اتعلم او لو انت عارفها ركز فيها جدا جدا ado .net
ثم الasp.net دا لو عاوز تتخصص ويب ودا اللي مطلوب حاليا وطبعا مرن ايدك واعمل بروجكتات تبين لصاحب العمل انك فعلا متمكن
واخيرا عليك وعلي الويب سيرفزز برده يستحب يكون عندك خلفيه كويسه عنها

كل دا بالاضافه للحاجات دي لو عاوز تتخصص ويب
Html ,css , javascript , ajax , xml

يعني لو بقيت متمكن من الكلام دا كله ان شاء الله كده تخش علي اي شغلانه بقلب جامد
وان شاء الله مش هتلاقي صعوبه طالما انت كويس في الدوت نت اهم حاجه بس تتخصص اوي فيهم وتركز وتطبق بايدك مشاريع


ولو في حد عنده خبرات تانيه ياريت يقولها
واتمني اكون قدرت اساعدك
popritch
19-10-2010, 14:16
جزاكم الله خيرا كثيرا