سؤال عن كيفية الوصول إلى مول سوق العصر ؟

[A. Waheed]

أولاً : لو سمحتم يا جماعة ، أنا مش من القاهرة وكنت عايز أعرف بعد ما أوصل لمحطة القطارات ( محطة رمسيس على ما أعتقد ) أعمل إيه عشان أوصل لمول سوق العصر ؟ ويا ريت محدش يقوللى خد تاكسى :D

ثانياً : هل المول فاتح يوم الجمعة ؟

بس كده ، شكراً

[مش اوى]

1- بعد ما تنزل محطة مصر - اللى هي رمسيس يعني - ممكن تسأل على مسجد الفتح لو متعرفوش، وهتلاقى من قدامه ميني باصات واتوبيسات كتير بتروح او بتعدي على شارع الخليفة المأمون، وابقى قول للسواق او للكمسارى انك عايز تنزل عند مول سوق العصر ، وهينزلك قدامه بالظبط إن شاء الله! ودا اعتقد اسهل طريقة.

2- ممكن تركب الترام - مترو مصر الجديدة \ او الزقزوقة :D - من رمسيس برضه جنب محطة مصر بالظبط، وتنزل محطة ابن سندر او محطة المعلمين وهتتمشى بتاع تلات دقايق كدا هتلاقى نفسك قدام مولات الكمبيوتر كلها ( شارع الخليفة المأمون وشارع السخاوى). والحل دا اسهل لو الطريق واقف والعربيات مبتمشيش وكدا.

3- مترو الأنفاق - إتجاه المرج - وتنزل محطة حمامات القبة بس هتتمشى حبة حلوين - نص ساعة مثلاً -لو غاوى تمشية او لو حابب تتفرج على علبة السردين المسماة مجازاً بمترو القاهرة :D

4- ابقى تعالى اشرب معايا الشاى :D

تروح وتيجي بألف سلامة ياريس ^_^

[مش اوى]

نسيت اقولك ان غالبية الشركات والمحلات فى المول فاتحة طول الإسبوع إن شاء الله

وياريت لو تاخد معاك بيانات الشركة اللى هتنزل عليها عشان لو معرفتش توصلهم بالظبط :)

[A. Waheed]

متشكر جداً :)