ما افضل معالج من انتل ب 700 جنيه

[mi99doo]

السلام عليكم ورحمه الله وبركاته


زى ما فى العنوان ما هوا افضل معالح ب 700 جنيه جديد حركبه على mother msi p13

ياترى كور2 ديو ولا كواد ولا ممكن اعلى ولا ايه
وشكرا

[mi99doo]

الشراء النهارده ان شاء الله

هيا البورده بتاعتى متدعمش ال i3 صح ؟

[[Dr.Mohammed [F@H]

اولا اعتقد انك تقصد ان اللوحة الام لديك تعمل برقاقات p35 وليس p13

ثانيا ً اللوحة الام لديك تعمل بمقبس LGA 775

ثالثا ً لا تستطيع تشغيل i3 او i5 او i7 على مثل هذه اللوحة

رابعا ً أنسب معالج فى الحدود التى ذكرتها هو Intel Core2Due E7500 2.9GHz وسعره حوالى 650 جنية على ما اتذكر

وهو معالج اكثر من جيد بالنسبة للاستخدام اليومى

وستجد المزيد عن هذا المعالج هنا :

https://ark.intel.com/Product.aspx?id=36503

تقبل تحياتى

[mi99doo]

شكرا اخى الكريم على ردك واهتمامك بس انا متاكد ان اللوحه بتاعتى msi p31 neo

[[Dr.Mohammed [F@H]

انتا قلت فى الاول انها 13 ودلقوتى 31 عموما واحد :D

برضو الــ E7500 هو افضل خيار فى حدود ميزانيتك

[mi99doo]

ههههههههه
خطأ مطبعى بس
وشكرا اخى الكريم على متابعتك ورايك بس لو كواد يبقى احسن من الكور تو ديو طبعا حتى لو اول معالج فى الكواد صح

[[Dr.Mohammed [F@H]

بص المعالجات الــ Core 2 Quad معالجات شرسة من ناحية الاداء ولكنها شرسة من ناحية السعر وناحية الحرارة الناتجة عنها

انا كان عندى لاب توب Core 2 Due 2GHz وطبعا ً المعالج Mobile يعنى ضعيف الاداء بالمقارنة بالنسخة المكتبية ولكن كان يعمل بصورة ممتازة وكان بيشغل معظم الالعاب بشكل معقول جدا ً

اعتقد انك لو وفرت فرق السعر ممكن تشترى بطاقة العاب محترمة افضل من انك تشترى اقل فئة من الــ Core 2 Quad ويا سيدى ابقى اكسر المعالج الى 3.7GHz ووفر الفرق زى ما قلتلك للبطاقة الرسومية ويمكن يتفضل معاك مبلغ تشترى منه مشتت احترافى جيد للمعالج

وبالتوفيق

[mi99doo]

شكرا اخى الكريم على المساعده وان شاء الله حاخد برايك

[ashraf_shivo]

افضل معالج لك وفي حدود ميزانيتك واداؤه جيد جدا


Intel Core2Due E7500 2.9 GHz/3MB/1066
PRICE 670

[ashraf_shivo]

وياريت تضع صورة من تبويب برنامج cpu-z
لكي نعرف موديل اللوحة الام لديك
ولنتاكد ايضا من دعم اللوحة للمعالج E-7500
ولكن لا تقلق مجرد اجراء للتاكد فقط ياعزيزي

[mi99doo]

السلام عليكم ورحمه الله وبركاته


انا انبارح معلش كنت مشغول والحمد لله اشتريت المعالج
intel core 2 duo E8300

طبعا المعالج سرعته 2.8 على 6 ميجا كاش بس هوا نفسه مكتوب عليه
على 6 ميجا طبعا Intel(R) Core(TM)2 Duo CPU E8290 @ 2.83GHz, 2826 MHz

يعنى مش مكتوب عليه E8300 وتم الشراء ب 680 جنيه وشغال الحمد لله وزى الفل بس ليا كام سؤال

1 = اولا ما الفرق بين C0 و R0 و M0 و B2 و G0 و L2 ؟
المعالج اللى جبته فى CPU-Z ظهرلى C0 فما معناها والفرق بين الاخرين ؟

2 = انا جبتله فان يعنى تعتبر معقوله لعدم تواجد اى حاجه نظيفه شويه فى الاسكندريه او علشان عاوزه ادور ودرجه الحراره باللى جبتها وهيا كلها نحاس و ب 45 جنيه والحراره فى الخمول 40 ثابته وفى الضغط 47 هل كده كويسه ؟ وطبعا جبت فان لانه بيجى من غير عليه ولا فان اللى بيجى بعلبته وفانته هوا اللى 2.9 على 3 انما دا فى علبه صغننه كده مش عارف ليه بردو ؟

3 = ما هوا المشتت الافضل هل ال HYPER TX3 اللى ب 140 جنيه حيكون احسن وحلاحظ فرق فى الحراره واقدر اكسر السرعه ولا اخليها كده حتى لو جبته ؟

4 = وهل فيه نوعيه معجون كويسه واقدر القيها عندنا هنا فى الاسكندريه علشان اعمل منها مع المشتت ان شاء الله ياريت اسمها ولو بالشكل يكون احسن

وشكرا

[Maged-Z]

السلام عليكم

أولا مبروك البروسيسور ..فهو ممتاز
كيف أستطعت شراؤه بهذا السعر ؟ ما أعرفه أن سعره حوالى 900 جنيه.

1-C0 و G0 هما أفضل أصدارات هذه المعالجات ...فهذه الأصدارات قادره على كسر السرعه بنسبه عاليه جدا باستعمال فولت منخفض ..فكما ترى ...لقد كنت محظوظا بشراءك معالج يحمل هذا الباتش.

وهنا نفس المعالج C0 عند كسر السرعه

https://img810.imageshack.us/img810/908/intelcore2duoe8300cpuz.jpg

2- اذا كنت تنوى كسر السرعه مستقبلا ..فالأفضل أن تشترى مشتت جيد ..وأرشح لك Cooler Master Hyper 212 plus يباع فى شركة ماكسيمام هاردوير بالأسكندريه وسعره 220 جنيه...فأداءه أفضل من tx3 ...وهو يعمل بفانه 12سم ..من السهل أن تجدها ..كما يمكنك تركيب فانه أخرى على المشتت لتحسين الأداء ..عكس TX3 الذى يعمل بفانه 9سم ..حتى الآن غير موجوده بالأسواق.

3- المشتت يأتى بمعجون Cooler Master معه ..فلن تحتاج شراء معجون.

[[Dr.Mohammed [F@H]

السلام عليكم

أولا مبروك البروسيسور ..فهو ممتاز
كيف أستطعت شراؤه بهذا السعر ؟ ما أعرفه أن سعره حوالى 900 جنيه.

1-C0 و G0 هما أفضل أصدارات هذه المعالجات ...فهذه الأصدارات قادره على كسر السرعه بنسبه عاليه جدا باستعمال فولت منخفض ..فكما ترى ...لقد كنت محظوظا بشراءك معالج يحمل هذا الباتش.

وهنا نفس المعالج C0 عند كسر السرعه

https://img810.imageshack.us/img810/908/intelcore2duoe8300cpuz.jpg

2- اذا كنت تنوى كسر السرعه مستقبلا ..فالأفضل أن تشترى مشتت جيد ..وأرشح لك Cooler Master Hyper 212 plus يباع فى شركة ماكسيمام هاردوير بالأسكندريه وسعره 220 جنيه...فأداءه أفضل من tx3 ...وهو يعمل بفانه 12سم ..من السهل أن تجدها ..كما يمكنك تركيب فانه أخرى على المشتت لتحسين الأداء ..عكس TX3 الذى يعمل بفانه 9سم ..حتى الآن غير موجوده بالأسواق.

3- المشتت يأتى بمعجون Cooler Master معه ..فلن تحتاج شراء معجون.


انا اعجب جدا بالمعالجات التى تستطيع كسر سرعات عالية بفولت منخفض ( مريحة للاعصاب )

وعلى فكرة الــ Hyper 212 Plus مشتت خرافى بمعنى الكلمة ولم اصدق عندما قال احد الاعضاء انه من بين افضل 5 مشتتات هوائية موجودة الان ( ولا استطيع تذكر اسم الاخ الكريم :ah42: ) ولكن بعد ما قمت بشرائه وجربته بنفسى وركبت مروحة ثانية كسرت السرعة الى 4.1GHz ودرجات الحرارة لم تتعدى 65 درجة مؤوية مع معالج i5 750 وطبعا ان دل على شىء فانما يدل فعلا انه من افضل المشتتات الهوائية الموجودة فعلا ً

وبالنسبة للسعر انا جبت المشتت من ثلاثة ايام بــ 200 جنية من High End ( كنت مجهز 220 جنية فى جيبيى لكن تقريبا ً صعبت عليهم فقالوا نديه تخفيض :D )

[mi99doo]

شكرا لردك يا اخى الكريم ومشكور على المعلومات اللى كنت محتاج اعرفها
وهوا سعره فى الاسكندريه كده عند شركه اسمها سبيدر فى سموحه وان شاء الله حجيب المشتت عما قريب
وشكرا