مساعدة لتجميع جهاز ب 2000 جنية

[sinabs anatomy]

ارجو المساعدة لتجميع جهازب 2000 جنية وممكن ان ازيد
200 جنية ايضا
اولا انا اختارت الشاشة وهيا benq t2200
22 بوصة
عايز رايكم فيها وهل فعلا صورة الافلام العادية الى مش
هاى ديفنشن بتكون عليها رديئة ولا عادية اقصد الافلام
بصيغ rmvb او avi

ثانيا نيجى للمشكلة انى الشاشة دية بتدعم هاى ديفنشن
وعايز اجيب بوردة يكون فيها مدخل dvi فى كارت الشاشة الدخلى
واجمع بقية جهاز ببقى المبلغ يعنى الشاشة ب 800
هيتبقى معايا 1200
والكيسة والديفيدى ريتر عندى
يعنى عاوز بوردة وبرسسور ورما وهارد ب 1200
واهم حاجة تكون البوردة فيها كارت شاشة دخلى يدعم الهاى ديفنشن
البيع قالى على بوردة بيو ستار فيها الموصفات دية و ddr3 ب 310 حاجة كدة اية رايكم
وشكرا

[moatez]

يعنى عاوز بوردة وبرسسور ورما وهارد ب 1200



Athlon II X2 240 2.8GHz, 2MB Total Cache السعر 325 جنيه
MSI 785GM-E51 السعر 460 جنيه
Kingston 2GB DDR3 bus 1333MHz CL9 السعر 220 جنيه
Western Digital Caviar BLUE WD5001AAKS 500GB 16M Cache السعر 230 جنيه (https://www.wdc.com/en/products/products.asp?driveid=301)

المجموع 1235 جنيه ...

واعتقد انك مش هتلاقى الشاشه ال-BENQ T2200HD حاليا فشوف حاجه ثانيه ... ومواصفات البورده :
https://www.msi.com/index.php?func=proddesc&prod_no=1866&maincat_no=1

[sinabs anatomy]

معلش هتعب حضرتك معايا شوية انا اسف Athlon II X2 240 2.8GHz, 2MB Total Cache البرسيسور دة يوازى اية فى intel وهل البوردة MSI 785GM-E51 بها مدخل dvi لاانى مش لقيت حاجة مكتوبة عن مدخل dvi فى موصفات البوردة لقيت مدخل hdmi وكرت الشاشة المدمج فيها كام وعموما البوردة msi دية كويسة واحسن من البورد البيو ستار لاانى كانت بسمع انى البورد msi بتهنج كتير واخر سؤال متاسف على الاطالة لية مش هلقى الشاشة BENQ T2200HD ولو مش لقيتها حضرتك ترشحلى شاشة اية تكون 22 وقريبة من سعرها يعنى اققل من 1000وتكون hd

[moatez]

ال X2 240 تقدر تقول ان اداؤه احسن من E5200 ولو كسرت سرعته الى 3 جيجاهرتز وده طبعا ممكن بسهوله جدا هيبقى اداؤه موازى E7400 تقريبا ...

البورده فيها منفذ DVI وده موجود فى المواصفات بتاعتها ... كارت الفيجا فيها HD 4200 ..

بالنسبه للشاشه ارشحلك SAMSUNG 23" B2330 WITH CABLE DVI ب 970 ج كويسه جدا .. لان BENQ بقالها فتره مش بتنزل حسب ما سمعت ...

[sinabs anatomy]

سؤال اخير عشان انا خالص نويت باذن اللة اشترى الجهاز بالموصفات الى حضرتك قولت عليه

اولا \هيا البوردة msi دية احسن ولا بيو ستار لاانى سمعت انها بتهنج

ثانيا \بالنسبة للشاشات fullscreen hd زاى الى حضرتك رشحتهلى بتكون صورة الفيديهوت
الى مش hd عليها اية الفيديهوت العادية rmvb -avi-mkv بتكون صورتها عادية ولا رديئة لاان
معظم الفيديهوت عندى بصيغ مقربة لكدة

ثالثا \بلنسبة للشاشة fullscreen دية بتخفى الحز الاسود يعنى مثلا لو فلام الترجمة بتاعتة مدمجة ومكتوبة فى الحز الاسود مش هشفها


وجزاك اللة خيرا متشكر جدا على المساعدة

[moatez]

بالنسبه للبورده ال MSI افضل ومعروف ان بوردات ال MSI من احسن البورد اللى بتتعامل مع البروسيسورات ال AMD ...

بالنسبه للشاشه انا صراحة مجربتهاش بس ناس كثير مجربها فى المنتدى وشكرت فيها ممكن حضرتك تحط استفساراتك ده فى قسم الشاشات وان شاء الله تلاقى ردود من الناس اللى جربتها ...

[worldiscrazy]

بالنسبة للشاشة كويسة بس احب اوجة لشوية نقط عشان يبقى خلصت ضميرى قدام ربنا ادام سالت

الشاشة فيها backlight bleeding فى اعلى واسفل الشاشة بس مش ملحوظ يعنى انت مش هاتلاحظة
بس ممكن تلاحظها

يعنى اية backlight bleeding ؟

يعنى لما تيجى تشوف مشهد اسود فى فلم الفروض يبقى اسود اسود زى كدة


اما فى black light bleeding هايبقى عامل زى كدة


شوف الفيديو التالى عشان تعرفها صح بتبقى عاملة ازاى


https://www.youtube.com/watch?v=KsnyPkpz2GA&feature=related

واخد بالك من فوق وتحت الشاشة الخط البسيط الى فى النص من فوق خالص ومن تحت ومن على الجناب الشعاع الى تحس انة ابيض ؟
هو دة الى كنت اقصدة

بالنسبة 1920x1080 كويسة لو كنت هاتتفرج على افلام blu ray بس بالنسبة للالعاب انا بفضل 1920x1200 فى الالعاب

وبتسمح ايضا extra pixels

معنى الكلام دة فى شاشة 16.9 تقدر تتفرج على افلام blue ray بدون black bar يعنى بدون حواف سوداء دة لو كان الفلم 1080

اما 1200 هاتشوف حواف سوداء بسيطة من فوق ومن تحت لانها 16:10 دة بخصوص الافلام

بالنسبة للعاب العكس صحيح بمعنى لو عندك شاشة 1920x1200 مش هاتشوف حواف سوداء فى الالعاب
اما فى الافلام هاتشوف حواف سوداء

لو انت غاوى العاب ومش هاتتضايق من الحواق السوداء يبقى خد 1920x1080 لكن لو انت هاتتضايق يبقى هات 1920x1200

دة لو عايز تلعب على resolution كامل بتاع الشاشة

بالنسبة للشاشة كويسة مع العاب wow لكن مع cod4 على resolution اقل هتلاقيها الصورة مبهمة

دة من اختبارات الناس لما اشترو الشاشة

لكن على resolution الكامل مفهاش مشاكل

الشاشة 5ms ومعناة وقت الاستجابة او سرعة الاستجابة للشاشة بس هو 5 مش بيبقى ملحوظ للعين المجردة بس دة بينفع فى الالعاب الاونلين زى العاب الشوتر لو مش فارقة معاك يبقى مفيش مشاكل

بالنسبة للاكسسورات الشاشة مش فيها hdmi دة لو كنت مش عايزة يبقى مفيش مشاكل بردة

مش هتلاحظ ghosting ودة شىء كويس


بس عن رائيى بالنسبة لشاشات انا شفتها اديها 3 من 5 نجوم
بس غير كدة هيا كويسة ومعقولة بس فية الاحسن منها لكن نقول اية بقة للتجار الى فى مصر

انا معرفش سعرها كام فى مصر عشان اقولك هيا كويسة بالنسبة لسعرها او لا

بس ياسلام لو التجار تنزل شاشات dell u2311h ولا حاجت من الحاجات النضيفة دية واللة مستعد ادفع بس ينزلوها

على العموم بالتوفيق اخى

[worldiscrazy]

اسف اخى انا اتلخبت فى الكتابة انا اقصد فى الحواف السوداء هاتلاحظها فى الجناب لان الالعاب بتبقى مكتوب على 16:10

[worldiscrazy]

لو تقدر تدفع انا ارشحلك شاشة samsung p2370

Screen size 23 inches Panel type TN Resolution 1920 x 1080 Response time 2 ms Inputs (HDMI / DVI / VGA / Component) 0 / 1 / 0 / 0
باختصار ممتازة
بس انا ادى الشاشة دية 4 من 5 لانها الاكسسورات بتعتها قليلة لانها مفيهاش الا كابل DVI

الالوان فيها انا اول مرة اشوف شاشة tn من سامسونج تبقى 10 من 10 فى الالوان الالوان ممتازة
بس الشاشة هاتعرض الفلم بالوان كويسة جدا جدا بس ما تتمناش من الشاشة انها تعرض لك الفلم بصورة ممتازة وجودة الفلم مش حلوة من اساسة
يعنى هاتلك افلام نضيفة من على النت ونزل الترجمة مش لازم الافلام الى مدمج معاها الترجمة والى هيا rmbv
لان جودة الافلام ذات نفسها مش كويسة وساعات بتبقى معقولة لكن مش كلة

بالنسبة للعاب كويسة والشاشة سرعة الاستجابة كويسة جدا بس فيها ghosting خفيف جدا يعنى ممكن مش تلاحظة من اساسة يعنى ضئيل جدا جدا بس هو موجود فيها وممكن ياثر على بعض المستخدمين الجميز عشان متقولش انى مقولتش النقطة دية لو اشترتها

[said_sat]

شكرا لك اخى worldiscrazy (https://www.arabhardware.net/forum/member.php?u=11215774) على المتابعه بارك الله فيك
بسى كنت عايز اخد رايك فى الشاشهsamsung p2370mc (https://www.samsung.com/za/consumer/pc-peripherals-printer/monitors/lcd-monitor/LS23EMWKF/XA/index.idx?pagetype=prd_detail&tab=feature)
الشاشه دى الى بيبقى فيها مخارج tv viduo

هل الشاشه دى كويسه فى الوضوح والالوان ومدى الاستجابه

[worldiscrazy]

شكرا لك اخى worldiscrazy (https://www.arabhardware.net/forum/member.php?u=11215774) على المتابعه بارك الله فيك
بسى كنت عايز اخد رايك فى الشاشهsamsung p2370mc (https://www.samsung.com/za/consumer/pc-peripherals-printer/monitors/lcd-monitor/LS23EMWKF/XA/index.idx?pagetype=prd_detail&tab=feature)
الشاشه دى الى بيبقى فيها مخارج tv viduo

هل الشاشه دى كويسه فى الوضوح والالوان ومدى الاستجابه


بالنسبة للشاشةأنت تقصد p2370ms انا بصراحة ياخى لا اعرف عنها الكثير وانا مجربتهاش بنفسى لكن في ناس قالو انها كويسة وفية ناس قالو انها الصورة مش كويسة لما تيجى تشغل كابل hdmi على xbox

وانها مشهورة فى الدول النامية اكتر من الدول المتقدمة مع انها معروضة فى امريكا

ومفيش تقارير عنها كتير ولا ريفيو يوضح عيوبها من مميزتها
____________________________


بس الى انا اعرفة هيا p2370hd وهيا كويسة وان كانت مش ممتازة فى الالوان زى p2370 الى رشحتها للاخ الكريم

بس احب اذكر ان p2370hd ان فى برنامج الفحص الخاص ب deltaE قال انها اقل من 2.4 ودة معناة كويس لان اى حاجة بتبقى اقل من 3.0 بيبقى كويس ومش بتبقى ملحوظة بالنسبة للاشخاص الى مش الى متعودة على الكلام دوة

التباين فيها ممتاز

اما المشكلة وخصوصا الشاشات الى بتبقى معاها tv هيا فى upscaling

يعنى معنى الكلام دوة انك من مسافة قريبة جدا من الكمبيوتر هتلاحظ الصورة ضبابية هتحس ان فية حاجة مش مظبوطة بس لو كنت على مسافة 1.5 متر منها اثنا تشغيها كتلفزيون هاتبقى الصورة كويسة جدا

بس فى الاول والاخر مش هاينفع تقارنها لو كانت عندك تلفزيون كويس بيها دة بخصوص tv

بالنسبة للعاب ممكن تحس انها فى ضباب لما تتحرك بسرعة بالشخصية الى بتلعب بيها اذا كنت ليك فى الجيمز لانها 5ms بس بردة انا قولت للامانة


فى الاول والاخر الشاشة مش وحشة هيا كويسة واول شاشة من سامسونج استخدمت فيها تعديل فى التقنية بخصوص شاشات tv والكمبيوتر مع بعض

كتلفزيون كويسة جدا على مسافة 1.5 متر لكن انا مش برجحها للناس الى ليهم فى الالعاب الى فيها حركة سريعة



لو انت عايز التلفزيون اوى يبقى خد p2370hd لو انت عايز الوان ممتازة يبقى خد p2370 لو انت ليك فى الالعاب كتير وهاتتضايق من الحواف السوداء يبقى خد شاشة 1920x1200 ويكون resposive time قليل بتعها

وسيبك من كلام البائع اذا قالك هاتفرق اية لان انت بتدفع فلوس ولازم تاخد الحاجة الى انت دافع تمنها وتبقى مبسوط بيها وتكون فعلا مستحقة الفلوس دية مش اى حاجة والسلام


_____________________________

لو حد قالك خد شاشة px2370 ابعد عنها الشاشة فيها عيوب وتمنها غالى على الفاضى وشاشة p2370 تغلبها فى الالوان مع انها ارخص منها ومش اى حاجة غالية تبقى هيا النضيفة

[worldiscrazy]

خطاء كتابى :انا اقصد response time وليس resposive time

[sinabs anatomy]

فى الاول احب اقول انى شكر جدا لمساعدتكم

بالنسابة للشاشة عاوز اتكلم فى كذا نقطة وياريت تستحملونى

حضرتك اتكلمت فى كذا عيب فى الشاشة وانا عاوز انقشة معاك

حاجة حاجة بتكلم على الشاشة SAMSUNG 23" B2330

بالنسة للشاشة الى حضرتك قولت عليها الى هيا p2370

فهيا كويسة جدا بس مش فى فئتى السعرية الى هيا 1000 جنية

فلو فية شاشة فى نفس الفئة السعرية دية واحسن من SAMSUNG 23" B2330

فياريت تقولى عليها نرجع تانى للشاشة دية وعيوبها الى حضرتك اتكلمت عليها

1-بالنسبة ل
backlight bleeding

هل هو ملاحوظ قوى زاى الفيديو فى الحقيقة ولا مش هحس بية ببسطة هيتعبنى يعنى
ولا مش هحس بية الا بسيط انا عندى موبيل سامسونج بردة فية
كدة بس بحس انى الون الاسود ضعيف فى كل الصور والفيديهوات وكدة
هل الشاشة دية زاى كدة برضة ولا بحس بية فى الحز الاسود بس

2

- بالنسبة للحواف السودا من تحت وفوق فى الافلام فهيا مش هتديقنى خالص
بالعكس ياريت يكون فية حواف سودا لاانى بحب احط فيها الترجمة

بالنسبة للالعاب حضرتك بتقول انها هتعمل حواف سوداء فى الجانب
ودية المصيبة لاان دية حاجة فعلا هتجننى وهل المشكلة دية مش ليها حل يعنى كل ماهشغل لعبة
هيطلعلى حواف سودا




3

- ربالنسبة للالون الشاشة هل هيا حلوة يعنى ولا اية رايك فيها



4


- بالنسبة للسؤال على الفيديهوات من صيغ rmvb -avi -mkv
فانا هوضح السوال على الاخر انا عندى شاشة بوصةctr 17
لو مشغل فيلم rmvb على الشاشة دية وهوا نفسة على الشاشة SAMSUNG 23" B2330
طبعا الشاشة اكبر فهيتفرد فى مساحة اكبر بدل 17 هيتفرد فى 23 بس يعوض كدة انى دية شاشة
ctr عادية ودية شاشة lcd hd السؤال بتاعى بوضوح
هل الصورة هتكون
فى الشاشة SAMSUNG 23" B2330 احسن
فى الشاشة ctr 17 احسن
ولا هتكون الصورة متساوية
مش قصدى انى الصورة فى الافلام rmvb تكون hd بس مش تكون 3gp يعنى لما اسمع
فيديو hd يكون حلو وعلى الاققل لما اسمع فيلم rmvb يكون عادى



اسف جدا على الاطالة

[worldiscrazy]

فى المعقول لكن مش الى هيا وفى مشاكل فى جودة الصورة لما تشغلها على كابل vga لكن لو dvi مش مشكلة هيا و hdmi

فى مشاكل فيها بردة بخصوص black light bleeding بس مش هايبقى ملحوظ لو انتا عليت contrast ratio

بس هو ملحوظ فى بداية تشغيل الشاشة

فيها مشاكل متعلقة ان الشاشة ممكن تعلق وتضطر تعيد تشغيها اة ترستر الجهاز عشان تتظبط

ممكن زراير الظبط الى هيا التاتش تعلق بردة وتظطر تعيد تشغيل الشاشة

بس هيا معقولة وفيها تقنية viewing angle وتساعدك انك تشاهد الشاشة لو انت مايل ومش قدمها على طول

فى ناس اشترتها ومحصلتش معاهم مشاكل الى ذكرتها فوق
وفى ناس اشترتها وحصل معاهم

فى فى كلاتا الحالتين الشاشة على vga كابل رمش حلوة ومش هاتديك صورة نضيفة
اما على dvi هاتيقى كويسة

الشاشة دية معرفش سعرها كام بس انا شوفتها فى كمبيو مى بتتباع ب 1000 بس حرام على تمنها لو هيا فى حدود 700 او 750 تعتبر شاشة كويسة اعلى من كدة مرجحش انك تشتريها

__________________________________________________ __

بالنسبة لموضوع الحواف السوداء بص انت هاتشوفة فى 1920x1080 ودة اساسى لان زى ما قولتلك الالعاب بتبقى مكتوبة على
19:10 اما الافلام الى هيا bluray بتبقى مكتوبة على 720 و1080 وميزتها انها مفيهاش حواف سوداء
دة بخصوص الالعاب لو انت عايز تشغلها على resolution اما لو نقصتة تظبط معاك الشاشة كلها بدون حواف سوداء

بس خلى بالك الشاشة لما تكون اكبر هتحتاج كارت شاشة كويس عشان لما تعرضها على resolution كلة فبالتالى هتحتاج كارت شاشة كويس على الاقل يكون HD4870 او اعلى اذا كنت عايز الالعاب تبقى اسرع


واذا كنت خايف تجيب عشان الترجمة فى الافلام ياسيدى فى برامج كتير بتعرض الافلام والترجمة بتبقى فوق الفلم زى الدش كدة لما بنتفرج على افلام اجنبى فية

__________________________________

بصراحة اى شاشة كويسة عاتعرض افلام rmbv زى ما هيا عندك وزى جودتها ومش هاتبقى وحشة ولا حاجة بس دة فى الشاشات الكويسة الى جودت الصورة بتعتها حلوة اما لو عايز تبين فعلا جودة الشاشة الى انت اشترتها على الاقل شغل فلم dvdrip , او blu ray
ولانة اية لزمة شاشة 1080 اذا كنت مش هاتشغل افلام نضيفة عشان تبن جودة الفلم
_____________________________

بصراحة انا عن نفسى كنت نازل اشترى شاشة بس مكنتش مبسوط من سوق الشاشات ومكنش يهمنى ادفع اد اية بس الاقى الى بدور علية بس للاسف ملقتش فمش متابع السوق المصرى ومش عارف بصراحة هل نزلو حاجات جديدة ولا هيا هيا
انا الى متابعة من على مواقع الشركة نفسها

________________________________

لو ليك حد برة مصر خلية يجبلك شاشة acer h243h
وهاتبقى فى حدود امكانياتك والشاشة كويسة جدا على الامكانيات الى انت طالبها بالنسبة للفلوس الى معاك

او شاشة acer g245h شاشة ممتاز ة وفيها hdmi ولاى انتا عايزة وجودة الافلام كويسة جدا وفى الالعاب شاشة محترمة بس عيبها انها الشاشة بتلمع جامد فلو حططها فى اودة فيها نور ابيض هاتعكس الضؤ وهتتضايق منها
يعنى متحطهاش فى جو محيط باضاءة عالية عشان هيا عاملة زى الكريستال



_____________________________________________

اما لو انت عايز تجيب شاشة وتشغل الالعاب على resolution كلة من غير ما تقللة يبقى هات 1200 عشات تديك 19.10 بس ساعتها هاتفكر فى كارت شاشة قوى عشان لو انت بتلعب العاب تقيلة تبقى سريعة على resolution الاصلى بتاع الشاشة من غير ما تقللة

[mohamed82]

طب ليا سؤال هل كلام ده موجود فى شاشات benq ولا سمسونج بس

[worldiscrazy]

دية بتبقى تكنولوجيا المستخدمة فى الشاشات ومنها IPS ,VA.TN

بالنسبة لشاشات IPs ) In Plane Switching)
حضرتك فى شاشات IPs دية بتبقى تكنولوجيا مستخدمة فى صناعة الشاشة من النوع دوة وبتتسمى IPs
واختصار لى In Plane Switching.
ودية بتتميز بان الشاشة الوانها ملهاش حل وجودة الصورة بتبقى عالية جدا جدا
وتقدر تشوفها من زواية معينة لحد 170 درجة قابلة انها تتشاف الصورة
بس بالنسبة للالعاب ممكن تبقى فيها ghosting
بعنى اية ؟
انظر الصورة التالية هتحس ان فية اشباح كدة الى هيا تردد الصورة
اول سطر هتلاقى احسن النتائج
تانى سطر هتلاقى اسؤ النتائج
https://i52.tinypic.com/2n83frt.png
بس الشاشات دية بتبقى غالية جدا وممكن توصل اكتر من 5 الاف جنية
بس فى شاشة
dell Ud2311h
ودية تكنولوجيا Ips بس مش موجودة فى مصر وسعرها فى حدود 2000 جنية مصرى
VA Panel
ودية نقدر نقول انها فى نص الطريق ما بين IPs و TN ودية بتتميز ان الونها حلوة بس مش زى طبعا IPs
وبتدى viewing angles كويس على عكس TN الى بيبقى فيها مش كويس
ومعنا اية viewing angles ?
وهيا زاوية المشاهدة يعنى مثلا انت تبقى قاعد بزاوية معوجة عن الشاشة ومع ذلك تقدر تشوف الصورة
وبتدى contrast ratios عالى الى هو التباين
بالنسبة لى عيوب الوحة دية او التكنولوجية دية Color shifting
يعنى اية ؟
يعنى لما تنظر إلى الصورة من زاوية واحدة تتغير او تتحول عندما تشوفها من زاوية مختلفة قليلا والمستخدمين بيضايقو من النقطة دية لدرجة انهم يصلو انهم ما يشتريش VA panel
وفى مستخدمين مش بيضايقو من الموضوع دوة
بالنسبة TN panel
ميزتها انها رخيصة وان سرعة الاستجابة الى هيا response time بتبقى اسرع ودية بتجعلها مميزة للناس الى بتعلب جميز لانها بتتميز ان سرعة الاستجابة بتعتها من 2 الى 5
اما لو جينا لعيوبها هتلاقى color reproduction, viewing angles و contrast ratios اسوء ما يكون فى شاشات TN
وحاجة تانية بخصوص بخصوص tn panel انها 6-bit ودية مش ميزة لكن عيب لانها مش هاتقدر تعرض 16.7
مليون لون الى المفروض تبقى bit24 فى الالوان الحقيقة
وممكن النوع دة من الشاشت يعانى من black light bleeding
انظر الفيديو التالى عشان تفهمنى انا بتكلم على اية

https://www.youtube.com/watch?v=KsnyPkpz2GA&feature=player_embedded

واخد بالك الشعاع الابيض الى فى النص من فوق ومن تحت ومن على الجناب ؟؟

هو دة الى كنت اقصدة

هو فية حاجات كتير متعلقة بالتكنولوجيا المستخدمة فى الثلاث انواع الى قولتهم بس انا قولت على قد ما اقدر عليهم

وممكن تراجع بردة تقارير مواقع اجنبية عن التكنولوجيا المستخدمة فى شاشات LCD

وعادى لو مكنتش تعرف انجليزى ترجمة على موقع جوجل الى العربى واقراء عنهم
بس فى مصطلحات مينفعش انها تترجم بس اضعف الضعيف انك هاتطلع فاهم

[worldiscrazy]

يعنى ملهاش دعوة التكنولوجيا المستخدمة فى صناعة الشاشة يعنى دلوقتى سامسونج بتعمل شاشات TN وDEll فى شاشات منها TN وبتعمل بردة IPS
benQ بتعمل شاشات TN وبتعمل شاشات VA

اسم الشركة حاجة والتقنة المستخدمة فى صناعة الشاشاة حاجة تانية وكل بيفرق عن بعضة فى جودة الصنع والاتقان

[said_sat]

ماشاء الله ربنا يبارك فيك وفى علمك شكرا جزيلا اخى الكريم

انا هرجع اقرا الكلام بتاعك من الاول تانى بسى فى وقت تانى وليه سؤالين مهمين جدا بالنسبالى لانى متوقف على شراء شاشه وفى اى لحظه ممكن اخطف رجلى واجيبه بسى خايبف لاشعر بالندم من اى عيب يواجهنى

وشكرا جزيلا

[worldiscrazy]

ويبارك فيك
اتفضل ياخى اسال براحتك الى انت عايزة ومتستعجلش بخصوص الشاشات لان سوقها نازل فى السوق المصرى
بس لو شاشة عجباك قولى عليها وانا اقولك رائيى عنها

[said_sat]

اولا شكرا لك وربنا يجعل مسعدتك للناس فى ميزان حسناتك ان شاء الله


انا عايز الشاشه تكون خاليه من العيوب بازن الله انا مش مستعجل ولا حاجه انا ممكن اصبر لاى وقت المهم الشاشه الى اجيبها اتكون كويسه

الشاشه فى الاول وفى الاخر هاتبقى شاشه كمبيوتر بازن الله ومايمنعش انها اتكون فيها مداخل للفديو بسى اهم حاجه مايكنش فى تاسير على الشاشه من جانب فى الاصل هى شاشه كمبيوتر

يعننى مثلا عشان هى فى مخارج فديو يبقى اجيبها واغض النظر عن عيوب تانيه مثلا زى وضوح الالوان ونقاء الصوره وسرعة الاستجابه لا طبعا الشاشه فى الاساس هى للكمبيوتر عرض افلام والعاب وده الى يهمنى

[worldiscrazy]

اولا شكرا لك وربنا يجعل مسعدتك للناس فى ميزان حسناتك ان شاء الله


انا عايز الشاشه تكون خاليه من العيوب بازن الله انا مش مستعجل ولا حاجه انا ممكن اصبر لاى وقت المهم الشاشه الى اجيبها اتكون كويسه

الشاشه فى الاول وفى الاخر هاتبقى شاشه كمبيوتر بازن الله ومايمنعش انها اتكون فيها مداخل للفديو بسى اهم حاجه مايكنش فى تاسير على الشاشه من جانب فى الاصل هى شاشه كمبيوتر

يعننى مثلا عشان هى فى مخارج فديو يبقى اجيبها واغض النظر عن عيوب تانيه مثلا زى وضوح الالوان ونقاء الصوره وسرعة الاستجابه لا طبعا الشاشه فى الاساس هى للكمبيوتر عرض افلام والعاب وده الى يهمنى

شاشة Dell ud2311h
الوان ممتازة وفيها مخرج dvi و vga والشاشة Ips يعنى خدها وانت مغمض وهتقدر تشوفها من زاوية معينة ومش هاتبقى محكوم انك تبقى ادام الشاشة
بس مافيهاش hdmi دة لو مش فارقة معاك وسرعة الاستجابة 8 هو اى حاجة اقل من 8.333 مش بتبقى ملحوظة للعين بس فى ناس جابتعا ومش تاثر بالموضوع دة فمشعارف حسب استخدامك للالعاب هتكون معاك ازاى


شاشة acer g245h الشاشة TN بس كويسة وحلوة جدا بالنسبة لسعرها وفيها
D-Sub, DVI, HDMI
الشاشة فى الالعاب كويسة جدا وسرعة الاستجابة سريعة جدا

من عيوبها انها عاملة زى الكريستال فمش هاتنفع معاك اذا كنت هاتحطها فى غرفة بيها اضاءة عالية لانها هاتعكش الاضاءة

شاشة samsung p2370 الشاشة كويسة جدا فى معملتها للالوان واديها 10 على 10 بالنسبة لشاشات TN

بس الشاشة مفيهاش الا مخرج واحد الى هو dvi

والشاشة معقولة فى سرعة الاستجابة

LG Flatron W2253V شاشة TN كويسة فى الالوان وفى الالعاب وفيها مخارج (HDMI / DVI / VGA

LG Flatron W2343T كويسة TN فى الالوان بس بالنسبة لسرعة الاستجابة معقولة

Acer H243H شاشة كويسة TN وارجحها اكتر من px2370 (الى هيا مخيبة للظن )

الشاشة جميلة والوان مظبوطة من المصنع وسرعة الاستجابة عالية فى الالعاب وفيها

HDMI / DVI / VGA

Samsung SyncMaster F2380 شاشة ممتازة فى الالوان عشرة على عشرة نوع التكنولوجيا pva شاشة محترمة فيما يتعلق بسرعة الاستجابة نقول معقولة لكن كان ممن الممكن انها تبقى احسن وفيها مخارج DVI / VGA

بالنسبة لو انت عايز الوان ملهاش حل يبقى خد شاشة بتكنولوجيا IPs . زى dell ud2311h بس خلى بالك هو فية الاحسن بردة بس غالى جدا انا بقولك فى حدود الاسعار وكمان الحاجان دية بيستخدموها الناس بتوع الجرافيك مش المستخدم العادى يعنى انت مش هاتفرق معاك ان الشاشة تبقى دقيقة جدا جدا بس لو عايز سرعة الاستجاب والوان معقولة وحلوة يبقى خد حاجة TN

لو انت عاوز تعرض الالعاب ب resolution كلة بتاع الشاشة يبقى خد حاجة 1920X1200 بس هتلاقيها غالية
وكمان هتحتاج كارت شاشة قوى لو انت ناوى تشغل الالعاب على اعلى حاجة max sitting

انا كلة الى قولتة فوق شاشات 1920x1080