المساعد الشخصي الرقمي

مشاهدة النسخة كاملة : أريد مقارنة بين MSI GB ASUS



M.El-GoHarY
01-11-2010, 20:40
بسم الله الرحمن الرحيم

أنا فى طريقى لشراء لوحة أساسية للجهاز ..
أملك Phenom II x2 550 و Ram DDR3 1333 2G

فأريد أن أعرف ما هى مميزات اللوحات التالية .. و أيهم ترجحون ...
:ah27:
MSI 890GXM-G65
Asus M4A89GTD PRO/USB3
Gigabyte 890FXA-UD5


و للعلم .. لست على إستعداد لشراء كارت شاشة فى ذلك الوقت ...



شكراً ....

Goldsmith
01-11-2010, 22:52
جميعهم أعلى من احتياجاتك الحالية بمراحل
ما هي ميزانيتك للوحة؟

xX Hannibal Xx
01-11-2010, 23:19
جميعهم أعلى من احتياجاتك الحالية بمراحل
ما هي ميزانيتك للوحة؟

+1

كمان البوردة دى Gigabyte 890FXA-UD5 مش مناسبة ليك عشان مش فيها كارت شاشة داخلى تقدر تعتمد عليه لغاية متجيب واحد خارجى

M.El-GoHarY
02-11-2010, 04:26
جميعهم أعلى من احتياجاتك الحالية بمراحل
ما هي ميزانيتك للوحة؟

أنا ميزانيتى ... 900 جنيه .. أو 1000
لكن ليه أعلى من الإحتاجات ...
و أعتذر عن موديل اللوحة جيجابايت
هذا هو الموديل ..
GA-890GPA-UD3H



(https://en.ocworkbench.com/tech/gigabyte-reveals-its-amd-890gx-mainboard-ga-890gpa-ud3h-with-usb3-and-sata3-6gbps-support/)

Goldsmith
02-11-2010, 10:26
طيب بص يا باشا

مبدئيا ال3 لوحات لهم نفس الشريحة ونفس الجسر الجنوبي ويقعوا في نفس الفئة وأسعارهم متقاربة لذلك لا تتوقع فروق جوهرية بينهم، والمسألة في الغالب ستتوقف على الارتياح الشخصي لبراند معين
وقد ينصحك البعض بشراء الأرخص

أوجه التشابه:
USB 3
SATA 6Gb/s
IGP HD 4290
CrossFireX x8, x8


أوجه الاختلاف:

تتفوق أسوس في:
8+2 power phase في مقابل 4+1 لكل من جيجا بايت وMSI
الأفضل في كسر السرعة ، تحل بعضها جيجابايت وتبقى MSI في المؤخرة

تتفوق جيجابايت في:
عدد 2 منفذ ساتا زيادة عن الأسوس
الجيجا بايت بها 8 منافذ (6 منهم ساتا 3، واثنين عن طرق شريحة Jmicron ساتا2) ولكنها لا توفر أي منافذ eSATA
في المقابل توفر أسوس 6 منافذ ساتا جميعهم ساتا 3 بالإضافة إلى منفذ eSATA ساتا2 عن طريق شريحة Jmicron
أما الغلبانة MSI فتأتي ب5 منافذ ساتا 3 + منفذ eSATA ساتا 3 أيضا

تتفوق MSI في:
السعر (الأرخص)


ومع ذلك أعود لأكرر الفروق كلها بسيطة
وأنا أنصحك بالجيجابايت (خير الأمور الوسط)
وجهة نظري أنك لن تحتاج إلى عصر آخر ميجا هرتز من البروسيسور أو الرام كما يفعل من يقومون بالمراجعات وستكفي أي لوحة لتحقيق جميع أحلامك في كسر السرعة
الميزة الحقيقة التي ربما تحتاج إليها في وقت من الأوقات هي منافذ الساتا
أما إذا أردت أن تحصل على كل شئ ولا تهتم بالمبلغ فاشتري الأسوس (أغلى من الجيجابايت ب100 جنيه تقريبا)


حاجة كمان هقوللك عليها بقى
الأحسن ليك تشتري لوحة بشريحة 785G أو 880G وجسر جنوبي 710
وأرشح بقوة ASUS M4A785TD-V EVO بسعر 540 جنيه فقط لا غير
أنت لست في حاجة إلى أوهام الـUSB 3 و SATA 3
كل هذا مازال يعتبر شئ من المستقبل ولن تحتاج إليه لكن الشركات تستغل هوس الناس بكل جديد ويسارعون بكتابة USB 3 بخط عريض من أجل أغراض الدعاية والتسويق لا أكثر
مع اللوحة المذكورة تستطيع أيضا الحصول على SATA 3 و USB 3 إذا أردت عن طرق كارت توسعة
اللوحة أيضا تدعم تركيب معالج سداسي بدون مشاكل وتكسر سرعته إلى لآخر ميجا
أنت لست في حاجة إلى CrossFire
اللوحة تكفيك ويزيد ، فرق السعر بينها وبين اللوحات الثلاثة السابقة كبير جدا بالمقارنة بما ستحصل عليه من فرق في الأداء أو المميزات

الأفضل أن تشتريها وتوفر باقي المبلغ
إما أن تزود قطعة ذاكرة أخرى ليصبح لديك 4 جيجا من الذاكرة + تفعيل خاصية الDual Channel
أو تتدخر مبلغ إضافي وتشتري كارت شاشة
أو تقوم بتحديث المعالج


نصيحتي الأخيرة لك
قم بعمل موضوع في قسم طلبات التجميع
أذكر فيه جميع القطع التي تملكها والميزاية المتوفرة للتحديث
واستخدامك للجهاز
وبإذن الله هناك أعضاء محترمين هناك متخصصين في مثل هذه الأمور أنا واثق تمام الثقة من أنهم سيساعدوك على استغلال المبلغ المتوفر معك أحسن استغلال

M.El-GoHarY
02-11-2010, 10:40
بجد يا جولد سميث .. أنا عاجز عن الشكر ...
و على فكرة كان عندى 785 و 780G ,.
بس أنا بعتها عشان أجيب رام دى دى أر 3 ...

و دلوقتى بقى .... جه دورى فى الإختيار و الإرتياح .....
معتقدش إنى هحتاج كل منافذ ال sata3 اللى فى جيجا بايب أو أسوس ..

ممممم
و بما إن الMSI أرخص .. و إلى حد كبير كويسة و مافيش فرق كبير غير المنافذ ...
أما الكفائة واحدة ...
فالطبيعى أخبار بقى ال MSI و أجيب رام تانية ..

بس ياريت تفهمنى موجزاً كده .. إيه هى خاصية Dual Channel ????

Goldsmith
02-11-2010, 11:31
يعني بعت البوردة عشان تشتري رامة؟
عملت زي إللي باع التلفزيون عشان يشتري فيديو:D
وللا قصدك إن بوردتك القديمة مكنتش بتدعم رامات DDR3
لو كدة يبقى برضو البوردة إللي أنا رشحتهالك أفضل وبتدعم DDR3

وبخصوص الDual Channel هي إنك بتشغل قطعتين من الذاكرة بشكل متوازي بحيث تحصل على أداء أفضل وليس مجرد زيادة في مساحة الذاكرة
إذا أحببت معرفة المزيد عنها ومعرفة فرق الأداء الذي ستحصل عليه إلى أي حد قد يصل أدخل هنا:
https://www.hardwaresecrets.com/article/133

وهنا:
https://en.wikipedia.org/wiki/Dual-channel

M.El-GoHarY
03-11-2010, 10:53
لا طبعاً .. أنا بعت الرام و البورد و البروسيسور ..
القديمة سوكت AM2 و بروسيسور Phenom 2.3 X 3 / 3M و رام 2 جيجا

أما المشكلة فى الموذر اللى رشحتها إن كارت الشاشة الداخلى هو ATI HD 4200 و مساحته 512
أما ال MSI كارت الشاشة ATI 4290 و إضافة إلى أن المساحة الفعلية 512 إلى جانب 128 ميجا DDR3 موجودة باللوحة .. أى 640 ميجا
و لذلك أنا أفضلها على الرغم من فرق السعر حوالى 150 جنيه ..
فالفرق ليس بكبير ... و تدعم إمكانيات مستقبلية جيدة ...

و إن شاء الله .. اليوم أو غداً سأشترى إحداهما ... حسب راحتى ..
:D

و على فكرة مش هسيبك ..
لأن أنا لازم أفهم بقى شوية حاجات كده .. لأنى مفهمتش برضه ال ddr3 dual mode ,,, n' gaged w ungaged
و حابب كمان أعرف ال OC ... و إزاى أعمله من غير مشاكل و حاجات تاينة ...

عارف إن أنا تاعبك معايا .. بس تعمل إيه بقى .. نصيبك كده

:D
الف الف شكر ..

Goldsmith
03-11-2010, 21:35
مساحة الرامات مع الكارت الداخلي لن تشعرك بفارق كبير
كسر سرعة الكارت هي التي ستشعرك بفارق حقيقي

على أي حال أي كارت داخلي سيقدم أداء ضعيف جدا
أعلى resolution تسطتيع أن تلعب عليه بدقة مقبولة وعدد فريمات معقول حتى لا يحدث أي Lagging هو 1024*768
أي شاشة 17 بوصة عادية

M.El-GoHarY
04-11-2010, 02:55
طيب تمام ... انا مش بهتم بالشاشة ..
أصلاً الشاشة اللى عندى موديل 2001
:D
SyncMaster 551v
15"
ألوانها واضحة .. كونتراست و جاما و حاجة تالتة كده .. حلوين أوى ..
و انا مش محتاج أعلى من كده دقة ...
التحديث اللى جاى بقى .. ربنا يسهل ....
:)