شرح الميكروتك للمبتدئين

[miko_2000]

أولا مشكور على الموضوع الرائع دا ... بس عندى سؤال صغير انا عملت زى مانت قلت بالظبط لغاية الخطوة اللى بعمل فيها تيست للنت وصل على الاكستيرنال ولا لأ ( خطوة البينج ) ..... فحصل زى اللى فى الصورة ممكن تكون مشكلة منى ولا تهيس من البرنامج ؟؟؟؟

https://alfaris.net/up/64/alfaris_net_1295386633.jpg

:):):):):)

[TaHeR.NaBiL]

هل dns الخاص بك هو 4.2.2.5 ام ماذا لان الرقم دا خاص بالنت عندى فيه شركات نت بيكون عندها ارقام اخرى .

[miko_2000]

الـ DNS دا خاص بأى شركة عموما أنا عموما جربت برده على yahoo ip برده نفس الحكاية انا بس بستغرب لية بيرد عليي فى الاول وبعد كدا ريكويستات ممكن يكون تهييييس من البرنامج

[vip-acc]

موضوع اكثر من رائع ومفيد جدا

بارك الله فيك اخي الحبيب

[TaHeR.NaBiL]

هاطلب منك حاجه الغى كل حاجه انت عملتا وابدأ من الاول تانى وانا فى انتظار النتيجه لان ممكن خطوه وقعت منك .

[braveheart2020]

اولا احب اشكرك علي الموضوع الرائع ده اللي استفد منه اوي
بس كان في سوال عايز اجابة عليه, دلوقتي انا عملت كل حاجه تمام ومحدد سرعه للابلود والدونلود والبراوزينج
بس المستخدمين بيعدوا البراوزينج الخاص بيهم في حين الابلود والدونلود مبيعدهوش
ارجوووووووووووووو الافااااااااااااادة

[TaHeR.NaBiL]

بس المستخدمين بيعدوا البراوزينج الخاص بيهم في حين الابلود والدونلود مبيعدهوش

على فكره البروزينج اساسا سرعته من سرعة الابلود وافضلك ما تقللش سرعة الابلود علشان البروزينج يبقى كويس وسريع

[braveheart2020]

انا عارف ان البروازيج ماهو الا عمل ابلود ودون لود بس مادام انا محدد الاتنين ليه البراوزينج بيعدي ال ليميت

[TaHeR.NaBiL]

ممكن اعرف انت عرفت ازاى انه عدى السرعه الى انت محدده ارجوا التوضيح بالصور .

[mohamed7abiby]

بعد اذنك هو كروت اللان لما بيكونوا نفس الماركه والنوع واركبهم في الجهاز ومفيش غير واحد بس هو اللى الجهاز قريه والتانى عليه علامه اعمل ايه؟؟؟؟؟؟؟؟؟؟؟؟؟؟؟

[TaHeR.NaBiL]

والتانى عليه علامه اعمل ايه؟؟؟؟؟؟؟؟؟؟؟؟؟؟؟

اى علامه تقصد

[mohamed7abiby]

الاول هو كروت اللان انواع يعنى هو فين كروت انترينال و اكسترينال بتتباع ولا ايه ..؟؟
وبعدين الكرتين اللى عندى من نفس النوع و اروجينال تمام واحد كان في الجهاز ومتعرف
والتانى جبته وركبته والمفروض يتعرف لوحده زى التانى بس مش اتعرف ف انا عرفته اوك وبرضو مش راضي

[TaHeR.NaBiL]

الاول هو كروت اللان انواع يعنى هو فين كروت انترينال و اكسترينال بتتباع ولا ايه ..؟؟

لا يا اخى دى مجرد اسامى فقط انا بسميها للكروت علشان اعرفهم من بعضهم .


والتانى جبته وركبته والمفروض يتعرف لوحده زى التانى بس مش اتعرف ف انا عرفته اوك وبرضو مش راضي

ممكن تركب الكارت الى فيه المشكله لوحده وتحاول تعرفه ومنتظر النتيجه .

[mohamed7abiby]

انا كدا الكرتين اشتغلوا تمام وهبدأ اسطب البرنامج والمكروتك واتابع معاك شكرااااااااا

[hanyfrn]

السلام عليكم ورحمه الله وبركاته
بصراحه اخوي جزاك الله كل خير
انت فعلا شرحت ووفيت الشرح واضح جدا ومفصل جدا
علي فكره اقسم بربي اني فعلا سجلت مخصوص علشان اشكرك
انت فعلا تستاهل كل خير علي الموضوع الاكثر من رائع ده
انا بقالي كتير بدور علي شرح للميكروتيك علي النت مش لقيت شرح قدرت اني افهمه زي شرحك


بس في حاجات صغيره كده اسمحلي اوضحها للناس لانها حصلت معايا وانا بنفذ الشرح بتاعك
اولا : بالنسبه للمرحله الاولي خالص واحنا بنعمل الجهاز الوهمي
الاستاذ الفاضل صاحب الموضوع قال ان الافضل ان احنا نختار 2 بروسيسور ( معالج بيانات )
واكيد طبعا الافضل ان يكون عندنا اتنين احسن من واحد مش محتاجه كلام
بس ممكن يحصل مع حد فيكم زي ما حصل معايا ان انت لما تعمل 2 بروسيسور وتكمل كل حاجه
وتوصل للمرحله اللي بنعمل فيها باور اون ( تشغيل الماكينه ) يقولك ان الجهاز بتاعك مش قادر يدعم 2 وحدة معالجة بيانات وده معناه ان الجهاز الوهمي مش قادر يشوف الاتنين بروسيسور او يشغلهم
عن نفسي ده حصل معايا وانا لقيتله حل صغير خالص ان احنا نعمل بروسيسور واحد بس وبعد ما نعمل باور اون ( تشغيل الماكينه ) نرجع نعمل باور اوف ( اغلاق الماكينة ) وندوس دبل كليلك علي البروسيسور ونختار اتنين بروسيسور بدل واحد وندوس اوك ونرجع نشغل الماكينه تاني وبكده نكون عدينا المرحلة ديه


طبعا اخوي الاستاذ الفاضل صاحب الشرح والموضوع هذا التعديل بالطبع ليس علي شرحك لان انا اصلا اتعلمت منك انت بس التعديل ده لحاجه وقفت معايا وانا وصلت لطريقه ليها وبقولها للناس علشان تستفاد بس مش اكتر زي ما هو هدفك برده افادة الناس

ودلوقتي بقي انا عندي سؤال واحد ليك يا باشا واسف علي الاطالة
دلوقتي انت قولت لاحد الاخوه في الردود السابقة ان ينفع نعمل الميكروتيك من غير ويندوز يعني تقريبا هيكون بنظام لينوكس او دوس
طيب انا حاولت اعمل ده
وقدرت اعمل تنصيب للميكروتيك
بس ازاي بقي اقدر اغير الايبيهات والاسامي بتاعت كرتين اللان بتوعي ( اكسترنال + اي بي الكونكشن بتاعه واخد نفس رينج الجيت واي او الروتر ) + ( انترنال + اي بي الكونكشن بتاعه واخد رينج الجيت واي اللي انا هغيره عن طريق الوين بوكس علشان يكون الجيت واي بتاع الشبكه اللي هتخرج للناس )
ياريت حضرتك تفيدني في النقطه ديه لان انا شايف ان اكيد لو عملت السيرفير من غير ويندوز هيكون افضل واضمن انه يشتغل بكفائه ووقت اطول كمان

طبعا حبيبي السؤال بتاعي ده مش ليه اي علاقه بتقصير في الشرح بتاعك لان انت والله فعلا شرحك انا مش شوفت زيه في النت كله
الله اكبر عليك
وجزاك الله كل خير
وتأكد ان كل حد هيستفيد من خبرتك ديه هيكون ليك ثواب عند ربنا بسببه
مشكور اخوي
صحيح علي فكره يا اخواني واخواتي اعضاء المنتدي
انا طلبت قبل كده من واحد متخصص في شغل الميكروتيك انه يعملي سيرفير للشبكه بتاعتي
علما ان الشخص ده صاحبي جدا اتفاجئت بالرقم اللي طلبه مني
قال ان هو هيعملهولي بـ 1200 جنيه وحلف ان هو كده عامل معايا واجب كبير اوي
في نفس الوقت اللي هنا معانا الاخ الكريم صاحب الموضوع جاب لنا الشرح الاكثر من رائع ده لحد عندنا واداهولنا علي طبق من دهب يعني فعلا لازم كلنا نشكره وندعيله

مشكور اخوي الكريم مره اخري وجعل الله هذا العلم في ميزان حسناتك
اسف علي الاطالة
السلام عليكم ورحمة الله وبركاته

[braveheart2020]

عزيزي المشرف علي الموضوع انا كان ليا بعض الاسئلة اتمني منك الاجابة عليها لو امكن
هل في الميكرو تك ينفع ادخل اكتر من خط واحصل علي مجموع دمج الخطين يعني مثلا تي داتا 2 ميجا و لينك 2 ميجا يبقي 4 ميجا؟؟
ولو مينفعش ماهو الجهاز المرجح لعمل ذلك؟

[TaHeR.NaBiL]

الاستاذ الفاضل صاحب الموضوع قال ان الافضل ان احنا نختار 2 بروسيسور ( معالج بيانات ) نقطة 2 بروسيسور دى بتتوقف على نوع البروسيسور الى عندك انا عن نفسى عاملها 2 ومافيش اى مشاكل .......... وايضا اشكرك كل الشكر على توضيح هذه النقطه لباقى الاعضاء الى عندها البروسيسور اقل من دول كور .


دلوقتي انت قولت لاحد الاخوه في الردود السابقة ان ينفع نعمل الميكروتيك من غير ويندوزهاقولك الميكروتك ممكن تعمله بثلاث طرق
1- ان تشترى كيسه جاهزه عليها سيرفر الميكروتك وهى مخصصه لذلك .
2- انك تشترى اى كيسه مستعمله وتستخدمها سيرفر ميكروتك .
3- انك تخلى الميكروتك على نفس الكيسه الى انت شغال عليها ودا الى انا شرحه .

والى انا فهمته انك تقصد رقم 2 انك تخلى كيسه مستقله للميكروتك ودى هاتختلف شويه فى خطواتها عن الى انا شرحته وان شاء الله هاعمل شرح ليها فى اقرب وقت باستفاضه باذن الله وفى موضوع مستقل .



هل في الميكرو تك ينفع ادخل اكتر من خط واحصل علي مجموع دمج الخطين

ايوه ممكن انك تدمج اكثر من خط باذن الله ساشرحها فى موضوع مستقل

وعلى فكره انا حبيت الشرح يكون فى موضوع مستقل حتى يكون شرح وافى قدر المستطاع ودا هاياخد منى بعض الوقت لانها نقط مهمه .

[hanyfrn]

السلام عليكم ورحمه الله وبركاته
مشكور اخوي الفاضل علي الاهتمام والرد
بس انا عندي سؤال تاني واسف علي الازعاج
دلوقتي انا عامل الميكروتيك علشان اقدر اشغل عليه الواير ليس وانا مش خايف من السرقه
لاني جربت قبل كده اشغل الواير ليس واعمل باسورد واديه للمشتركين
اكتشفت بعد كده ان بعض المشتركين عندي في الشبكه وزعوا الباسورد بتاع الشبكه علي اصحابهم
وبالتالي كلهم بقو يدخلو علي الشبكه عادي خالص وبدون اي اشتراك
وعلشان كده حاولت اعمل الميكروتيك
وربنا رزقني انا والاخوه اعضاء وزوار المنتدي الغالي
وقدملنا علمك وقدرنا نستفيد منك
بس دلوقتي بقي انا عايز اشغل الواير ليس من الميكروتيك
ممكن تقولي ايه القطع المستخدمه والخطوات ؟
يعني مثلا هحتاج كارت واير ليس جوه السيرفير ؟
ولا هاخد من اي سوتش للاكسس علي طول ؟
وفي كل الاحوال ازاي اقدر اطلع نت للاكسس يعني هل هيكون ليها اي بي او ماك ادرس برده في الميكروتيك ولا لاء ؟
معلش يا حبي انا اسف علي الاطالة والازعاج
وهكون شاكر ليك ردك :*

[braveheart2020]

عزيزي المشرف اشكرك لاهتمامك علي الرد
واتمني انا احصل علي طريقة مضمونة لدمج اكثر من خط
لان انا سمعت علي بعض الاجهزه اللي بتعمل كده زي ال load balancing او ال Routerboard
ارجو الرد

[TaHeR.NaBiL]

عزيزي المشرف اشكرك لاهتمامك علي الرد
واتمني انا احصل علي طريقة مضمونة لدمج اكثر من خط

تفضل يا اخى دا شرح فيديو للدمج

https://download1172.mediafire.com/78e1lr1tq5pg/d5ywtnqwmez/06+LoadBalancing+2.9.27+with+nth+method.avi

ودا الكود الى هاتحتاجه

https://download603.mediafire.com/61h5g7ep818g/znyjjm3nfyj/Multible_ADSL_Lines+With+NTH+Method+in+Mikrotik+2. 9.27.rar

هاوضح هنا نقطه نفترض اننا عاوزين نضم 4 خطوط كل خط 2 ميجا مثلا بحيث يصبح الاجمالى سرعه 8 ميجا .
طبعا كل خط ليه راوتر هانوصل سلك من كل راوتر الى سويتش واحد فقط يعنى اصبح عندنا 4 راوتر متوصلين بسويتش واحد فقط وبعدين هاناخد وصله من السويتش نوصلها بالكارت الاكسترنال وبعدين ناخد وصله من الكارت الانترنال ونوصلها بسويتش تانى خالص الى هانوزع منه نت للمشتركين وهانكمل زى الى فى شرح الفيديو تماما .

[deplome]

شكرا استاذ طاهر علي الفيديو

بحمله اهو وهشوف ايه النظام واقولك
لاني محتاج حكايه الدمج دي D:



السلام عليكم ورحمه الله وبركاته
مشكور اخوي الفاضل علي الاهتمام والرد
بس انا عندي سؤال تاني واسف علي الازعاج
دلوقتي انا عامل الميكروتيك علشان اقدر اشغل عليه الواير ليس وانا مش خايف من السرقه
لاني جربت قبل كده اشغل الواير ليس واعمل باسورد واديه للمشتركين
اكتشفت بعد كده ان بعض المشتركين عندي في الشبكه وزعوا الباسورد بتاع الشبكه علي اصحابهم
وبالتالي كلهم بقو يدخلو علي الشبكه عادي خالص وبدون اي اشتراك
وعلشان كده حاولت اعمل الميكروتيك
وربنا رزقني انا والاخوه اعضاء وزوار المنتدي الغالي
وقدملنا علمك وقدرنا نستفيد منك
بس دلوقتي بقي انا عايز اشغل الواير ليس من الميكروتيك
ممكن تقولي ايه القطع المستخدمه والخطوات ؟
يعني مثلا هحتاج كارت واير ليس جوه السيرفير ؟
ولا هاخد من اي سوتش للاكسس علي طول ؟
وفي كل الاحوال ازاي اقدر اطلع نت للاكسس يعني هل هيكون ليها اي بي او ماك ادرس برده في الميكروتيك ولا لاء ؟
معلش يا حبي انا اسف علي الاطالة والازعاج
وهكون شاكر ليك ردك :*


لا مش هتحتاج كروت واير ليس جوا السيرفر خالص
بص يا سيد
علي فرض ان احنا هنشتغل بالاختيار التاني اللي قاله الاستاذ طاهر
وهو


2- انك تشترى اى كيسه مستعمله وتستخدمها سيرفر ميكروتك .
في الحاله دي
انت الوضع عندك المفروض يكون كالاتي
سلك التليفون داخل في الروتر
طالع سلك دي اس ال واصل في الاكسس بوينت
والاكسس بيرسل الاشاره والناس بتستقبلها
اي حد معاه باسورد للشبكه يقدر يدخل عليها - ومش مهم هو مين ولا فاتح باي بي كام ولا من جهاز الماك بتاعه كام -

الميكروتيك هيخلي الوضع كالاتي
سلك الدي اس ال طالع من الروتر
داخل في الكارت الاكسترنال في كيسه الميكروتيك
وطالع سلك تاني من الكارت الانترنتال - الاستاذ ظاهر وضح ان كيسه الميكروتيك لازم يكون فيها كارتين لان -
المهم هاخد السلك اللي طالع من الانترنال واوصله بالاكسس بوينت
والاكسس بوينت هيرسل الاشاره والناس تستقبل
هييجي اي حد يتصل بالشبكه
هيفضل ماشي لحد ما يطس في الميكروتيك
السيرفر هيقوله انت مين وفاتح من اي بي كام والماك بتاع جهازك كام ؟؟؟
ودفعت الاشتراك ولا لاء :p
يعني انت هتعمل الاتي

انت بتدي لكل شخص يوزر نيم وباسورد
واول الراجل ده مايفتح من علي جهازه
بيظهر عندك الماك ادريس بتاع الجهاز والاي بي
انت بتنسخ الماك ادريس
وبتحدد استعمال الاكونت ده من علي الماك ده
يعني الراجل مش هيقدر يدخل باليوزر نيم والباسورد بتوعه الا من علي جهازه
ولو قال الباسورد لكل الناس اللي في البلد مش هيستفادوا بحاجه

سيرفر الميكرو تيك بيديك امكانيه التحكم في الشبكه اول من اخر
يعني هتشوف مين اللي متصل
وبيحمل بسرعه كام وبيرفع بسرعه كام
ومتصل من قد ايه
وحمل قد ايه
وحاجات كتيره كده


توضيح بسيط
كيسه الميكروتيك دي عباره عن كيسه عاديه مستعمله او كيسه اوريجينال او اي كيسه عادي خالص
وبامكانيات بسيطه

بتحط فيها كارتين لان
وبتسطب عليها الميكروتيك
تسطيبه بياخد اقل من خمس دقايق
وتسطيبه علي الكيسه سهل جداا
بعد ما بتسطب السيرفر
بتركن الكيسه في اي مكان
ومطلوب انه يكون واصلها سلك باور فقط لا غير - مع سلكين النت طبعا -
مش بتوصل فيها لا ماوس ولا كيبورد ولا اي حاجه
ولو فيها كارت صوت خارجي ولا كارت شاشه ولا اي حاجه ممكن تخلعهم برضوا :p

والكيسه بتتركن تحت المكتب وبتنساها علي كده
ولما تحب تتحكم في السيرفر بتدخل ببرنامج اسمه winbox من علي اي جهاز متصل بالشبكه


لا اله الا الله
كل ده كلام :p

يخرب بيت الرغي
هههههههههههههه

اسف يا جماعه ع الاطاله
علي فكره انا زي زيكم في الميكروتيك واحتمال كلامي يكون مش مظبوط قوي
هنستني الاستاذ طاهر يعلق ويصحح كلامي :)


علشان انا كمان عندي شويه اسئله ههههههههه

[TaHeR.NaBiL]

اولا انا اشكر صديقى العزيز محمود على هذا التوضيح

بس دلوقتي بقي انا عايز اشغل الواير ليس من الميكروتيك
ممكن تقولي ايه القطع المستخدمه والخطوات ؟
المطلوب انك تعمل شبكة نت لاسلكى عادى جدا وانسى تماما المايكروتك يبقى انت عملت الشبكه اللاسلكيه بتاعتك ووزعت نت للمشتركين تمام والنت اشتغل طيب دلوقتى احنا عاوزين نعمل المايكروتك ايه المطلوب فيه حاجه واحده بس الى هاتتغير انت هاتعمل نفس الخطوات الى انا عاملها فى الشرح الى ان تصل الى
سابعا : احدد المشتركين( ادخل بيانات المشتركين )

تمام لحد كده هاتيجى فى الخطوه الى جايه دى

https://oi55.tinypic.com/1239yj7.jpg




1- هاكتب هنا الماك ادريس الى عرفنا هانجيبه ازاى .
2- هاكتب هنا الاى بى الى انا عاوز ه وهاخلى لكل مشترك اى بى انا كاتب 10.0.0.80 وزى ما اتفقنا لو واحد مطلع النت بايبيهات تانيه هايكتب هنا زى الى هو كان عامله قبل كده .
3- Type هنا هلاقى 3 اختيارات
اولا : Regular ودى معناها انى اطلع النت بباسورد طبعا فى الكمبيوتر انا هاعرف اكتب الباسورد سهله بس لو واحد عنده ريسيفر هايعمل ايه مش هايعرف طبعا يعمل اى حاجه
ثانيا : Baybassed ودى معناها انى اطلع نت للمشترك بدون اى باسورد ودا الى انا بفضله
ثالثا : Blocked يعنى اقفل النت وانسى ان النت يوصلك مهما عملت
تمام يبقى اتفقنا اننا هانخليها على
Baybassed4- هاضغط Ok

دا الى كان فى الشرح الى انا شرحته اما بالنسبه للشبكه اللاسلكيه فيه حاجه واحده بس الى هاتختلف


1- هاكتب هنا الماك ادريس الى عرفنا هانجيبه ازاى .دا بقا الى هايختلف مش هانكتب هنا الماك بتاع الجهاز هانكتب الماك بتاع الربيتر الى الجهاز ده مستلم منه النت تمام .
نفترض انك عندك 5 ربيتر اول ربيتر موصل نت الى 10 مشتركين يبقى 10 مشتركين دول هاياخده الماك ادريس بتاع الربيتر الاول الى هما واخدين منه النت ... والربيتر التانى موصل الى 20 مشترك يبقى 20 مشترك هاياخده الماك بتاع الربيتر الثانى ما ينفعش اديهم الماك بتاع الربيتر الاول لانهم مش مستلمين نت منه لانهم مستلمين نت من الربيتر الثانى وهاكمل بالطريق دى الى باقى المشتركين .
الملخص : ان كل مجموعة مشتركين هاياخده الماك ادريس بتاع الربيتر الى هما مستلمين منه النت ودا فى الهوت سبوت فقط .
اما فى Dhcp Derver


https://oi51.tinypic.com/290zw1y.jpg


- انا طبعا فاتح قايمة Dhcp Derver هاختار منها Leases
2- اضغط على علامة +
3- هاكتب الايبيهات الى انا دخلتها فى الهوت سبوت لكل مشترك يعنى هاكرر الموضوع ده لكل مشترك هنا وفى الهوت سبوت
4- هاكتب الماك ادريس
5- Server هاخليها All
6- هاضغط OK

هنا عادى جدا هاكتب الماك ادريس بتاع الجهاز مافيهاش تغيير التغيير فقط فى الهوت سبوت .

اتمنى انى اكون وضحت هذه النقطه

[hanyfrn]

حبيب قلبي تسلملي بجد علي اهتمامك وردودك
جعله الله في ميزان حسناتك
بس انا عندي سؤال صغير خالص
يا تري ( الربيتر ) = الاكسس بوينت ؟
معلش يا حبي انا جاهل شويتين تلاته عشره كده بالواير ليس والقطع الخاصه بيه
وانا هنا بعتبر نفسي تلميذك وعلشان كده انا برخم عليك حبتين معلش يا حبي

[hanyfrn]

صحيح اخوي اسف في حاجه تاني نسيت اقولك عليها
انا اكتشفت انهارده ان منع النت كات مش شغال
يعني جربت اعمل كت علي حد لقيت ان النت كات شغال
علما اني راجعت الخطوات تاني اكتر من مره والنتيجه واحده
وكمان انا سمعت من حد ذاكر في منتدي تاني ان لازم علشان اتاكد من منع النت كات منعا باتا
اني اعمل عملية ربط بين سيرفير الميكرو تيك + ( برنامج ايزا 2004 )
هل الكلام ده صحيح ولا لاء ؟ ده سؤال محتاج واحد من اهل الخبره زي حضرتك
وفي كل الاحوال بالنسبه للبرنامج ده يتربط فعلا ولا لاء
هل يوجد طريقة اخري لمنع النت الكات ام لا ؟
في انتظار ردك
واسف علي الاطالة
واسف اخوي علي ازعاجك
بس باختصار انا ما صدقت لقيت انسان كويس وبيفهم
تعمل ايه يا سيدي بقي زي ما بيقولو لكل حاجه ضريبة مبيعات
وانا ضريبة مبيعات علمك :)) :*

[TaHeR.NaBiL]

تفضل يا اخى هذا الرابط بخصوص الربيتر https://www.arabhardware.net/forum/showthread.php?t=41290

اما بخصوص النت كت هاضع رابط فيديو افضل للشرح لو حاجه وقفت معاك انا هاوضحالك ان شاء الله

https://download1156.mediafire.com/a3uipnfcc30g/w2mqmmtmmmt/04+Setup+HotSpot+Server+%26+DHCP+%26+Disable+Netcu t.rar

https://download113.mediafire.com/8940npl7utmg/ott2ykynjic/12+PPPoE+Server+%26+Disable+Net+Cut+two+Functions+ +cut+%26+Show+Users+MAC%27s.avi

[TaHeR.NaBiL]

تفضل يا اخى هذا الرابط مفيد جدا لعمل شبكة نت لاسلكى


المواضيع المميزة في قسم الاتصالات اللاسلكية >> ابحث هنا قبل السؤال! (https://www.arabhardware.net/forum/showthread.php?t=70961)

[hanyfrn]

مشكور اخوي الفاضل علي مجهودك وسعة صدرك الاكثر من رائعه
وان شاء الله جاري متابعة الروابط

[braveheart2020]

عزيزي مشرف الموضوع اشكرك جدا علي لينك الفيديو اللي انت رفعته بخصوص الدمج
ولكن اسف لازعاجك واسالك ازاي اعمل دمج لخطين واخراج نت ويرلس للمشتركين
انت قلت شرحك هي هي نفس طريقه الوير بس بنغير بعض الحاجات زي الماك بتاع الربيترز
لكن لو انا مش مستخدم ربيتر ومستخدم انتينا هيبر لنك وبولت ازاي اخرج نت ويرلس للمشتركين عن طريق دمج خطين
ارجو الافاده واسه للازعاج مره اخري

[حسام المصر]

ممتاز يوجد بعض المشاكل حقيقة
اولا انا عملت كل الاعدادات للجهاز الوهمى تمام و سطبه و كله تمام
https://store1.up-00.com/Mar11/Yjf61092.jpg


https://store1.up-00.com/Mar11/l6u61092.jpg


https://store1.up-00.com/Mar11/gZC61092.jpg

ما العمل ؟؟؟؟؟

[حسام المصر]

مع العلم لما بفتح winbox
بيكون قارى الاى بى 20.20.20.20
والماك ادريس

لما بعمل كونكت اول بورت بيقبل عادى جدا و بيجى عند بورت 80
يجيلى مسج

ان مفيش استجابة من البورت :80

ايه الحل ؟؟