شرح الميكروتك للمبتدئين

[atef_50009]

مشكور يا طاهر على الشرح الوافي لكن عندي سؤال ازاي نعمل الصفحة اللي بتظهر لاي حد غير مشترك بمعنى اللي بيكون فيها اليوزر و الباسورد اللي هي الصفحة البروزر اللي في البداية خالص زي اللي بنشوفها دايما لكنها صفحة نت واسم السيرفر وارقام تليفونات وكدا وشكرا

[TaHeR.NaBiL]

الصفحه دى طبيعى انها بتظهر هاقولك انا لما بعمل السيرفر وقبل ما ادخل بيانات المشتركين لما بيجوا يفتحوا النت بتظهرلهم الصفحه دى واول ما ادخل البيانات الخاصه بالمشتركين ما بتظهرش تانى خالص وبيقدروا وقتها يشغلوا النت عادى جدا علشان كده اى حد تتخيله انت مش مدخل بياناته فى السيرفر هايجى يفتح صفحة نت هايلاقى صفحة الميكروتك فيها خانتين واحده لليوزر والتانيه للباسورد يعنى انسى ان اى حد ممكن يوصل من غير ما انت تعرف .

[atef_50009]

مشكور على الرد ولكن هل اقدر اصمم شكل الصفحة دي واضع فيها ارقام تليفونات وكدا

[TaHeR.NaBiL]

انا صراحه ما جربتهاش بس هاجيبلك حاجه تفيدك جدا

تصميم فلاشي متحرك جديد للهوت سبوت

معاينة الواجهة على مساحة مجانية

اضغط هنا لمشاهدة الصفحة وانتظر قليلا حتى يتم تحميل الهيدر الفلاشي (https://leroi.sbilya.com/%7ELeRoi%7E/index.html)


صورة الصفحة

https://www13.0zz0.com/2011/04/23/22/216404503.jpg


طريقة التعديل على الصفحة مرفقة في ملف تكست معها

تحميل الصفحة

اضغط هنا للتحميل (https://www.mediafire.com/?ec1ucvf6df4wlbu)

[waleedallam]

مفاجأة شركة ايجيبت واي ماكس
الوكيل الوحيد لميكروتيك في مصر
وبتصريح من مرفق الاتصالات المصري


EGYPT WIMAX
EGYMAX

الحمدلله رب العالمين إننا حاليا الوكيل الوحيد لشركة ميكروتك في جمهورية مصر العربيه و بأذن الله التوكيل الحصري في أفريقيا بأمر الله ..

الذي يعنينا في الأمر كمستخدمي الميكروتك كسيرفر فإنه حالياً و الحمد لله تم توفير بعض الموديلات من الروتر بورد الخاص بدمج الخطوط و الخاص بعمل سيرفر عملاء و منها الموديلات الأتيه :-

Router board 750 =750 LE

Router board 750g =1200 LE

Router board 450g =1800 LE

للتواصل و الشراء : 0183434630

اخوكم / وائل علام

لو عندك شركة و عايز تنقل خط الانترنت ليها من البيت بسيطه

لو في خط انترنت بالبيت و عايز تنقل مقر العمل بسيطه

لو عايز تتحكم في جهاز الشغل بدون انترنت بسيطه

لو عايز تتحكم في شبكة الانترنت بتاعة من الموبيل iphon او النوكيا او البلاك بيري بسيطه

طيب ايه الصعب ؟؟؟؟

أولا :
مميزات و خصائص أقوى جهاز تحكم في الانترنت و الشبكه الداخليه


نوضح اكتر :
تثبيت ايبي للمستخدم.
تحديد باندويث اجمالي داونلوود وبعدها يفصل عليه تلقائيا .
تحديد باندويث اجمالي ابلوود وبعدها يفصل عليه تلقائيا .
تحديد عدد معين من الدقائق وبعدها يفصل عليه تلقائيا .
توزيع السرعات بالتساوي .
توزيع السرعات حسب ما تريد .
قفل وفتح اي بورتات لأي مستخدم او للكل .
يوزر وباسوورد مفتوحه اي غير مرتبطة بماك ادرس معين .
يوزر وباسوورد بماك ادرس معين .
دعاية .. تقوم ببرمجته ليفتح صفحات عند المشتركين وقت ما تريد تلقائيا .
يقوم الجهاز بالاشتغال تلقائيا لو انقطع عنه الكهرباء مثلا .
رسوم بيانية لتوضيح الباندويث .
حجب اي موقع تريد .
هوت سبوت بيوزر وباسوورد لكل عميل على حدى
تصميم صفحة الدخول حسب ما تريد . صفحات

الهوت سبوت الى ممكن عن طريقها نعمل اعلانات الدعايا والمحلات والمطاعم والشركات التجارية .

تحديد اوقات معينه للانترنت .
امكانية حماية المشتركين من الاختراق .
التحكم الكامل بالراوتر من اي جهاز به انترنت وبسهولة وطلاقة وسرعة.
تقرير بمحاولات الدخول الخاطئة المحاولات الصحيحة وكل شيء.
يوجد كاش بالراوتر .
شاشة للمستخدم تبين كمية التحميل والأبلوود
لايستهلك موارد كثيره من النظام .
امكانيةتشغيل اشتراكين في نفس الوقت وتوزيع الحمل بينهما عمل راوتر الانترنت عن طريق اتصال دايل اب
وهناك العديد العديد من المميزات الخيالية .
وطبعا لا ننسى أنه يقوم بمنع النت كت الذى يشكو منه الكثير

دمج اكثر من خط بمعنى ان مشكلة سرعة الخط او مشاكل السنترلات على خطوط حلها بقى موجود يعنى لو خط عطل التانى موجود ومشكلة تحكم الشركات فىالسرعات اتحلت.



ملحوظه هامه جدا جدا جدا

جميع الموديلات لدينا دعم فني لها كامل

بأن جميع الأجهزه عليها ضمان فعلي و فاتوره بها سيريال و شهادة الضمان الذي وافق عليها المرفق القومي للأتصالات

مدة الضمان 6 أشهر من تاريخ الشراء

في حالة الشركات و الفنادق يمكننا التعاقد و تركيب الأجهزه اللاسلكيه من شركة ميكروتك حيث أننا لدينا ترخيص الشبكات اللاسلكيه و تركيبها في جمهورية مصر العربيه

للتواصل و الشراء : 0183434630

اخوكم / وائل علام

[ahmedziz]

ارجوا معرفة كيفية الدخول على الاجهزة الموصله بالسيرفر او معرفه الصفحات التى يشاهدونها
هل فيه خاصية تعمل كدة

[TaHeR.NaBiL]

ارجوا معرفة كيفية الدخول على الاجهزة الموصله بالسيرفر
حبيبى ما ينفعش باى حال من الاحوال انك تدخل على الاجهزه الى معاك بدون شيرنج .

و معرفه الصفحات التى يشاهدونها
دى عادى جدا هاتعمل الاتى


هاتدخل على system ثم اختار منها logging هاتظهر قائمه اضغط منها على علامة + واختار web-proxy وبعدين اختار memory من اختيار action وبعدين اضغط موافق وبعدين تذهب لقايمة الوين بوكس اختار منها log هاتظهر ليك المواقع الى بيتصفحها المشتركين .

[braveheart2020]

اخي الفاضل مشرف الموضوع
محتاج مساعدتك بشدة ,انا عملت باك اب للسيرفر من النسخه 2.9 الي النسخه 3.3 ولما جيت اشغل السيرفر مره اخري
لم استطيع الدخول علي مواقع ال HTTPS بمعني مش عارف افتح اي موقع فيه login زي الفيس بوك مثلا والياهو
فهل ممكن حاجه في الفير وال اتقفلت مثلا
ارجو الرد

[braveheart2020]

اخي الفاضل مشرف الموضوع
محتاج مساعدتك بشدة ,انا عملت باك اب للسيرفر من النسخه 2.9 الي النسخه 3.3 ولما جيت اشغل السيرفر مره اخري
لم استطيع الدخول علي مواقع ال HTTPS بمعني مش عارف افتح اي موقع فيه login زي الفيس بوك مثلا والياهو
فهل ممكن حاجه في الفير وال اتقفلت مثلا
ارجو الرد

[TaHeR.NaBiL]

وباك اب للنسخه 3.3 انت جايبه منين
وممكن حبيبى صوره للرساله الى بتظهر او الصفحه الى بتظهر .

[braveheart2020]

وباك اب للنسخه 3.3 انت جايبه منين
وممكن حبيبى صوره للرساله الى بتظهر او الصفحه الى بتظهر .



انا كان عندي فيرجين 2.9 عملتله باك اب من الوينبوكس نفسه وبعدين عملت سيطب لل فيرجين 3.3 ورجعت عملت restor لل نفس الكونفيجراشين اللي كانت في 2.9 فبقي عندي سيرفر جديد 3.3 بنفس كونجراشن ال 2.9
وبعد كده ظهرت المشكله اللي قلتلك عليها

[TaHeR.NaBiL]

انا صراحه ما جربتهاش على فيرجن اخر انا كنت بعملها على نفسن الفيرجن بتشتغل عادى اكيد المشكله حصلت من كده حاول تدخلت بيانات المشتركين افضل على النسخه الجديده .

[karim6666]

سؤال صغير

لما ادخل على الهوت سبوت واكتب ماك ادريس الجهاز ...
يقول ان الماك ادريس خطأ...
مع انى واخده كوبى وباست...ودة ماك ادريس جهازى

وشكرا

[TaHeR.NaBiL]

اولا لازم الماك يتكتب كالاتى

00:C0:9F:36:57:5E
لازم كل الحروف كابيتال وفيه نقطتين بعد كل حرفين زى ما انا كاتبها وممكن تكتب الماك الى انت كتبته .

[karim6666]

اولا لازم الماك يتكتب كالاتى

00:C0:9F:36:57:5E
لازم كل الحروف كابيتال وفيه نقطتين بعد كل حرفين زى ما انا كاتبها وممكن تكتب الماك الى انت كتبته .




اشكرك جدا...........فعلا الغلط كان فى النقطتين الى بين كل حرفين

بس انا عملت كل حاجة ومفيش نت على الجهاز....وانا عامل جهاز مستقل للميكروتك

wan ودة الى حخرج بيه للمشتركين
lan ودة الكارت الى واصل للراوتر
ايبى الراوتر 192.168.1.1
وعملت ايبى الميكروتك 192.168.1.40
وايبى كارت الوان الى موصله بسويتش للمشتركين 192.168.0.1
والجهاز الى بجرب عليه موصله كمشترك وموصله بالسويتش 192.168.0.2

ودى الصور للتوضيح اكتر

https://im3.gulfup.com/2011-05-28/1306538485351.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538485872.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538486933.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538486694.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538486215.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538486206.jpg (https://www.anavip.net/vb/)مركز تحميل الصور (https://www.gulfup.com/)


https://im3.gulfup.com/2011-05-28/1306538486357.jpg (https://www.anavip.net/vb/)مركز تحميل الصور (https://www.gulfup.com/)

https://im3.gulfup.com/2011-05-28/1306538486638.jpg (https://www.anavip.net/vb/)مركز تحميل الصور (https://www.gulfup.com/)

[karim6666]

وانا قافل ال Dhcp Server من الراوتر
وانا عملت خطوات الهوت سبوت وتجاهلت خطوات ال Dhcp Server

[TaHeR.NaBiL]

طيب ممكن تراجع الشرح وانا فى انتظار النتيجه
https://hotfile.com/dl/119126179/42b4240/aljnaway-1255028023.rar.html

[braveheart2020]

اخي العزيز طاهر
ممكن تقولي طريقة للدخول علي سيرفر الميكروتك من اي مكان (remote access )
انا عارف ان انا ممكن استخدم الاستتيك اي بي بس ياريت لو تقولي شرح نفصيلي للخطوات ولك جزيل الشكر

[احمدالله]

صاحبى عنده سايبر وفى ناس سارقه منه السرعه وبالتالى هو عايز يتحكم فى المستخدمين وبالتالى اللى مش مشترك تظهر له صفحه يدل على انه ليس مشترك .... هل يستخد م سيرفر الميكروتك...
وهل يشترى او ياجر سيرفر ولا كيسه الكمبيوتر العادى تكفى وبعد كده يسطب vmware ,يعمل الخطوات اللى حضرتك عملتها
وماهى الاسعار واين يتم التاجير او الشراء
وهل نشتغل انا وهو ولا نجيب معنا حد فاهم
ياريت الافاده ولكم جزيل الشكر

[walidtun]

شرح وافي

[MAHMOUD SOFT]

السلام عليكم ورحمه الله وبركاته
تسلم الايادى والله على الشرح الكتتاز بارك الله فيك
والله ما يستحق الموضوع اقل من التثبيت
والله يا غالى انا حملت كل الملفات وسطبت البرنامج وكل شئ
بس النت ما خرج للمشتركين مع العلم انى ماشى مع الشرح خطوة خطوة
والوين بوكس اشتغل معايا تمام
هل لازم انى اشغل على الميكروتك ويندوز ولا ممكن يخرج النت عادى للمشتركين من خلال الميكروتك
دا واضح من الشرح انه يخرج عادى
والبرنامج كمان اللى بيجيب ليه الماك ادرس للناس علشان اضفهم فى السيرفر بيجيب ليه 255 ماك ادريس وكلهم بنفس الرقم
ياريت تعرفنى ايه الخطوة اللى مفقوده منى
علشان النت يخرج للمشتركين
مع العلم انى شغال على شركة لينك دوت كوم ومعرفش الDNS بتاع الشركه ايه
بس انا مشيت على الشرح بتاعك والوين بوكس اشتغل معايا وجايب معايا قراءة
وجزاكم الله كل خير
والسلام عليكم ورحمه الله وبركاته

[TaHeR.NaBiL]

وهل يشترى او ياجر سيرفر ولا كيسه الكمبيوتر العادى تكفى وبعد كده يسطب vmware ,يعمل الخطوات اللى حضرتك عملتها
لا عادى تكفى الكيسه الى هو شغال عليها اعمل بس زى ما انا شرحت يعنى اتعلم فى الشرح بتاعى علشان لو حبيبت تجيب كيسه مستقله يكون الموضوع اسهل ومش هاتفرق صدقنى بدل ما يجيب كيسه اضافيه ويكلف نفسه .


والله يا غالى انا حملت كل الملفات وسطبت البرنامج وكل شئ
بس النت ما خرج للمشتركين مع العلم انى ماشى مع الشرح خطوة خطوة
حبيبى لازم تكتب dns علشان النت يشتغل ولو ما تعرفوش اتصل بالشركه واطلبه منها وبالنسبه لمعرفة الماكات استخدم البرنامج دا افضل Advanced IP Scanner بالرغم من انك لما تخلص الميكروتك وتخرج النت هاتلاقى الميكروتك ظهرلك الماكات بتاعة المشتركين بمجرد ما تدخل على النت فى hosts .

[MAHMOUD SOFT]

بسم الله الرحمن الرحيم
السلام عليكم ورحمه الله وبركاته
اخى الفاضل طاهر اسف على كثرة الاسئله
لكن والله انا قربت اتجنن
انا مشيت على شرح حضرتك خطوة خطوة بالضبط
وبعد ما انهيت عملية التسطيب وعمل الميكروتك على برنامج الفيموير
بدون ما اسطب على المكنه ويندوز لان حضرتك والاستاذ حازم قولت لنه ينفع اخرج من الماكينة مباشرة دون الحاجه الى عمل ويندوز عليها
وبعد الانتهاء من عمل السيرفر حصلت حاجات غريبة جدا
اولا النت مبيخرجش للمشتركين الا اذا فصلت الكبل بتاع النت اللى خارج من الكرت الانترنال وعملت ريبير للكرت الاكسترنا
وبعده يعمل معايا حركة تانى انه لما حد من المشتركين يفتح بردك يا ام يعمل ريب علشان يفتح
او انه لما يفتح صفحة النت تجيب ليه ادخل الباسوورد والييوزرنيم
مع العلم انى ما عملتش للشبكة باس وورد ولا يوزر نيم زى الشرح تماما
طيب فيه ايه غلط ارجوك ساعدنى فى هذه المشكله
انا ممكن اذهب الى حضرتك واشوف الشغل عملى معاك مباشرة
او اى عضو من الاعضاء نجح معه الشغل
لان فيه ناس كتير فى المنطقة عندى عرفوا انى عملت سيرفر للشبكه
وهما كمان عاوزين اعمل ليهم سيرفر
ولسه السيرفر عندى فيه مشكله
هل كل ده ممكن يكون سببه الويندوز اللى شغال عليه السيرفر
ارجوك الافادة انا دلوقتى اعمل على السيرفر شهرين وتعبت كل مرة نفس المشكله بالضبط
مع العلم غيرت الويندوز
وعندما اجعل السيرفر يعمل مع بدا تشغيل الجهاز تاتينى رساله عند الفتح الجهاز ان السيستم لا يستطيع فتح السيرفر
مع انى اخذت كوبى شورت كت من البرنامج فى الملف اللى محفوظ فيه السيرفر ووضعته فى استرت اب
وعملت للسيرفر بور اون عند التشغيل
بس فيه حاجه لقيتها تانى وانا باخد ملف mikrotik test علشان اضعه فى استرت اب لقيت من الملف ده 15 ملف كلهم mikrotik test-001 وملف تانى mikrotik test-002 الى 15 هل ده بردك خطا فى شئ
والله انا حابب اتعلم وافهم واريد المساعده ارجوك والله العظيم انا على استعداد تام اجى لحضرتك واتعلم او اى عضو من الاعضاء الكرام ممكن يساعدنى فى هذه المشكله
انا من الشرقية وده رقم التليفون /0160962435 بس حضرتك عرفنى رقمك وانا اكلم حضرتك وانا تحت امر ك رجاء من الله المساعده
ولك منى جزيل الشكر

:ah34:

[TaHeR.NaBiL]

طيب انت الاول سطبت الهوت سبوت كويس ولا كان فيه مشكله وهل دخلت بيانات المشتركين زى ما انا شرحت

https://oi55.tinypic.com/1239yj7.jpg


1- هاكتب هنا الماك ادريس الى عرفنا هانجيبه ازاى .
2- هاكتب هنا الاى بى الى انا عاوز ه وهاخلى لكل مشترك اى بى انا كاتب 10.0.0.80 وزى ما اتفقنا لو واحد مطلع النت بايبيهات تانيه هايكتب هنا زى الى هو كان عامله قبل كده .
3- Type هنا هلاقى 3 اختيارات
اولا : Regular ودى معناها انى اطلع النت بباسورد طبعا فى الكمبيوتر انا هاعرف اكتب الباسورد سهله بس لو واحد عنده ريسيفر هايعمل ايه مش هايعرف طبعا يعمل اى حاجه
ثانيا : Baybassed ودى معناها انى اطلع نت للمشترك بدون اى باسورد ودا الى انا بفضله
ثالثا : Blocked يعنى اقفل النت وانسى ان النت يوصلك مهما عملت
تمام يبقى اتفقنا اننا هانخليها على Baybassed4- هاضغط Ok

اتاكد بس ان الخطوات دى معموله صح بقولك صحيح انت مخرجنت بنفس الايبيهات الى انا عاملها ولا انت بتستخدم ايبيهات تانيه ممكن تكون االخبطه من كده .

[MAHMOUD SOFT]

بسم الله الرحمن الرحيم
اخى العزيز طاهر هو انا لازم ادخل كل الماك ادريس بتاع الناس اللى على الشبكة
ولا السيرفر ممكن يقرا الماك ادريس اتوماتيك
لان انا رحت لكل مشترك واخذت الماك ادريس بتاعه من الجهاز وادخلت الماك ادريس وادخلت ليه باس وورد زى ما حضرتك عامل بالظبط
وعامل النت مفتوح بدون اس وورد
بس رجعت سطبت ماكروتك من جديد ومعملتش الخطوة دى ما ادخلتش الماك ادريس بتاع المشتركين
ومشيت مع شرح الاستاذ حازم بس هو عامل فى المكروتيك ويندوز xp
بس انا مطلع مباشر بدون ما اعمل ويندوزوالله انا تهت واتلخبطت خالص انه نقطة قبل التانية من كتر ما بعيد فى البرنامج
هل لان الويندوز اللى شغال علية نظام الفورمات اللى علية fat lمش ntfs يكون عامل معايا مشكله
وفى المرة الاولى لما ادخلت الماك لكل جهاز كان بيكتب جنب كل ماك كلمة ويتنج
وانا مدخل ايبيهات نفس اللى حضرتك عاملها فى الشرح بالضبط
هل دى هى المشكله
ازيل البرنامج كله من الاساس وارجع اعمله تانى الفوم وير والميكروتك
ولا اعمل ايه بالضبط
رجاء من الله ساعدنى علشان فية ناس تانية محتاجه تعمل سيرفر وعاوزين انى اعمل ليهم
طيب تى تليفون حضرتك يا استاذ طاهر واجى لحضرتك اشوف عملى افضل رجاء شوف حل سهل اعرف بيه الترتيب مظبوط
واحل مشكله السيرفر اللى انا عليه وهل السيرفر على كيسه منفصله اسهل ويشتغل نظام دوس لينكس
والعمل عليه افضل
والطريقة بتاعته ازاى
0160962435
ولك منى جزيل الشكر

[TaHeR.NaBiL]

تمام حبيبى انا كده عرفت المشكله

اخى العزيز طاهر هو انا لازم ادخل كل الماك ادريس بتاع الناس اللى على الشبكةواحده واحده تمام اولا ما تلخبطش نفسك الاستاذ حازم كان عامل ويندوز اكس بى فى شرحه علشان فيه حاجات هو كان عاوز يجربها زى مثلا هو عاوز يتأكد ان النت طلع فعلا للمشتركين فعمل الويندوز على الفيرشوال ماشين علشان كده مش معقوله انه يروح لمشترك معاه علشان يتأكد ويعمل الشرح ....... مش اكتر من كده يعنى انت مش محتاج نهائى انك تسطب ويندوز اكس بىعلى الفيرشوال ماشين انت عارف انا فضلت اعيدفى شرح الاستاذ حازم اكتر من 10 مرات علشان افهم الميكروتك ودا مش تقصير فى الشرح بالعكس دا افضل شرح انا اتعلمت منه ربنا يبارك للاستاذ حازم عامر انا لصعوبة الميكروتك وعلشان لما انا اعمله اكتر من مره هافهمه كويس وانت علشان ما تتلخبطش تابع الشرح بتاعى بس واعمل زى ما انا عامل بالظبط .

ولازم طبعا تدخل بيانات المشتركين واحد واحد وما تعملش باسورد نهائى للشبكه لانها مالهاش لازمه اساسا بص ياحبيبى اى مشترك انت مش هاتدخل بياناته الماك ادريس والابى النت مش هايشتغل عندى لانه لما يجى يفتح صفحة نت هاتظهرله صفحه الميكروتك فيها يوز وباسورد ودا شئ طبيبعى لانك مادخلتش بياناته فى الميكروتك انما لو انت مدخل بياناته وعامله Baybassed هايفتح النت عادى جدا ومش هاتظهرله الصفحه دى علشان كده مافيش حد هايعرف يسرق منك وصلة نت من غير انت ماتعرف حتى لو انت مش عامل باسورد للمشتركين


وهل السيرفر على كيسه منفصله اسهل ويشتغل نظام دوس لينكس عادى مش هاتفرق هى الفكره انك لما تعمل السيرفر على الجهاز بتاعك انت بتوفر الكيسه الزياده مش هاتفرق دى براحتك لو انت عاوز تعملها على جهاز مستقل .


ولا السيرفر ممكن يقرا الماك ادريس اتوماتيكhttps://oi55.tinypic.com/1239yj7.jpg

لاحظ الصوره دى انا عملت الشرح على ip binding لو لاحظت هاتلاقى قبليها كلمة hosts دى لما تفتحها هاتلاقى فيها بيانات المشترك الاى بى والماك ادريس بمجرد ما المشترك يدخل على النت هاتلاقى بياناته ظهرت يعنى انت مش محتاج تروح للمشتركين لان البيانات بتظهر عندك كل الى عليك انك توزع الايبيهات على المشتركين يعنى مثلا لو مشترك انت مديله اى بى 10.0.0.2 بمجرد ما يدخل على النت هاتلاقى بياناته فى hosts يبقى انت عرفت ان الماك الى مع الاى بى 10.0.0.2 خاص بالمشترك الى انت قلتله يدخل بالابى ده هاتاخد الماك والاى بى وتدخلهم فى الهوت سبوت .


هل لان الويندوز اللى شغال علية نظام الفورمات اللى علية fat lمش ntfs يكون عامل معايا مشكلهودى مش هاتفرق نهائى ما تشغلش بالك بيها خالص .


وفى المرة الاولى لما ادخلت الماك لكل جهاز كان بيكتب جنب كل ماك كلمة ويتنج نفس الوضع ماتشغلش بالك بيها نهائى بس انت بس دخل البيانات .


طيب تى تليفون حضرتك يا استاذ طاهر واجى لحضرتك اشوف عملى افضل رجاء شوف حل سهل اعرف بيه الترتيب مظبوطتنورنى يا حبيبى فى اى وقت

[MAHMOUD SOFT]

شكر جدا يا استاذ طاهر على الاهتمام والرد والله حتى لو ان السيرفر مشتغلش كفايه اهتمامك
لك جزيل الشكر والاحترام
والله اتمنى اكلم حضرتك
دى الايميلات بتاعتى ورقم التليفون ياريت اتشرف بمعرفه حضرتك
softnet12_2006@yahoo.com
softnet12_2006@hotmail.com
0160962435
مع جزيل الشكر والاحترام

[AVAST BIOSTAR]

شرح رووووووووووووووعه

و انا استفد منه كثيرا

و اشكرك علي المجهود الراءع

[aokil]

كيف اطلع يوزرات للمشتركين على الميكروتيك بالله عليكم ردو عليا
عملت كل حاجة بس الناس ظاهرلها صفحة الهوست سبوت وطالعاها يوزر وباسورد وانا مش عارف اشيل دا

عايز اطلع ايبهات للناس ويوزرات او اديهم ايبهات معينة ومش لازم باسورد ازاى؟

[braveheart2020]

اخي العزيز طاهر
ممكن تقولي طريقة للدخول علي سيرفر الميكروتك من اي مكان (remote access )
انا عارف ان انا ممكن استخدم الاستتيك اي بي بس ياريت لو تقولي شرح نفصيلي للخطوات ولك جزيل الشكر