رأيكوا في التجميعة ( تقعد معايا كام سنه ) ؟؟؟

[kikofrakiko]

السلام عليكم و رحمة الله و بركاته

التجميعة دي جمعت ثمنها بطلوع الروح :D

فعايز اعرف رأيكوا فيها

و يا ريت تقولولي تقعد معايا كام سنه من غير ما فيه لعبة تكح في وشي :D

التجميعة

Sapphire ATI Radeon HD 6870 1GB GDDR5

GIGABYTE GA-890GPA-UD3H - AMD 890GX

AMD Phenom II X4 955 3.2GHz, 8MB Total Cache

Kingston 4GB (2 x 2GB) DDR3 1333 CL9

Samsung F3 HD754JJ 750GB 7200RPM 32MB Cache

OCZ GameXstream 600 Watt

Zalman CNPS10X Performa

COOLER MASTER FAN 12cm SickleFlow BLUE Three Fans

NZXT Beta Evo

Samsung LCD B2330 23" inch




و السلام عليكم

[Einstein_eg]

حسب انت هتستخدمه في اية ؟ عادة اي جهاز متوسط عمره 3-5 سنوات ، و التجميعة دي عالية يعني المفروض يقعد اكتر ، لكن لو احتياجاتك بتتطلب العاب ممكن تحتاج تجدد كل 2-3 سنين .

[moatez]

تجميعه تمام جداا بس الباور انصحك بال HEC 600W موديل HEC-600TE-2WX لانه بيدى 42 امبير على خط 12V+ وغير معاد تصنيعه فى مقابل ال OCZ بيدى 35 امبير على خط 12V+ بالاضافه الى انه معاد تصنيعه وده حاجه انا شخصيا بقلق منها والفرق بينهم فى السعر قليل ...

[kikofrakiko]

حسب انت هتستخدمه في اية ؟ عادة اي جهاز متوسط عمره 3-5 سنوات ، و التجميعة دي عالية يعني المفروض يقعد اكتر ، لكن لو احتياجاتك بتتطلب العاب ممكن تحتاج تجدد كل 2-3 سنين .


تمام اوي و بعد ثلاثة سنين نبقي نفكر ( لو كنا عايشيين :D )


تجميعه تمام جداا بس الباور انصحك بال HEC 600W موديل HEC-600TE-2WX لانه بيدى 42 امبير على خط 12V+ وغير معاد تصنيعه فى مقابل ال OCZ بيدى 35 امبير على خط 12V+ بالاضافه الى انه معاد تصنيعه وده حاجه انا شخصيا بقلق منها والفرق بينهم فى السعر قليل ...


الف شكر يا باشا و ان شاء الله لو الميزانية كفت هجيب الباور اللي قولت عليه

[Einstein_eg]

سبب التجديد عادة هو اما Hardware failure زي مثلاً كارت اتحرق او هارد باظ ، و في فترة الضمان دي مش مشكلة في الغالب. السبب الثاني هو Technology upgrade for dependencies و دا بيحصل لما التكنولوجيا بتتغير و تكون محتاج التكنولوجيا الجديدة ، و ساعتها لازم تغير كل الاجزاء المعتمده علي بعضها ، كمثال : DirectX 12 لما ينزل ، و انت محتاج (او عاوز) البرامج و الالعاب المعتمدة على directx 12 ساعتها بتغير كارت الجرافيكس ، و لو الكارت محتاج تكنولوجيا جديدة (PCI express 32) مثلاً ساعتها من الاحسن بوردة جديدة ، و دا هياخدك لبروسيسور و رامات متوافقين معاهم .

اهم حاجة في الجهاز المازربودر ، اليروسيسور ، الباور سبلاي. و دا لان الحاجات دي مينفعش تحدثها دون تغيرها بالكامل ، كارت الجرافيكس ممكن اضافة كارت ثاني، و نفس الشئ للرامات و الهارد ... الخ

اهم حاجة في جهازك ، انه يكون بيدعم التكنولوجيا الموجودة و التكنولوجيا المستقبلية القريبة اللي ليها potential عالي . يعني المازربورد يكون فيها تدعيم ل USB 3 و Sata 3 .... الخ

فيه نقطتين بقى في التجميعة دي ، 1- المازربورد مش بتدعم اعلى من 1333 رامات الا في حالة كسر السرعة ، يستحسن تجيب مازربورد بتدعم على الاقل 1600 لان دا عيبها الوحيد .
و النقطة التانية الباور سبلاي ، اهتم بية لان عمر المكونات عادة بيكون 4 سنين في المتوسط (عشان ال Hardware failure اللي انا اتكلمت عليه قبل كدة) كل ما كنت مهتم بالباورسبلاي و صيانة المراوح كل ما عمر الهاردوير يطول .
حصل كتير ان كروت شاشة محترمة اتحرقت و باظت بسبب ان مروحتها وقفت من التراب مثلاً و دي طبعاً خسارة كبيرة لو حسبت تمن المروحة .

ع البركة . و مبروك مقدماً

[Ĵ Ŏ ƙ Э Ř]

بعض التعديلات من وجهة نظرى الشخصية

الرامات

Corsair Kit 2*2 Bus 1600 CL9 = 575

الهارد

1Tera Black 7200 Rpm / 64 M Sata 3 = 590

الباور

Hec 700 W Couger = 550

[kikofrakiko]

طيب بالنسبة للباور

مين الافضل في الاتنين دول ؟؟

Cooler Master eXtreme Power Plus 600W السعر 430 جنية

Hec 600W السعر 430 جنية

[Ĵ Ŏ ƙ Э Ř]

ال HEC 600 W افضل