[مساعدة] مشكلة فى روتر Netgear

[Mr.pOPo]

السلام عليكم و رحمة الله وبركاته

من يومين واجهتنى مشكلة غريبة قوى مع الروتر بتاعى. الروتر Netgear نسخة ال DG834Gv4..

دى صفحة الروتر فى الموقع: https://kb.netgear.com/app/products/model/a_id/2326

المشكلة باختصار: الروتر عندى بمجرد اني اشغل الويرليس ، الروتر يهنّج تماماً و بالتالى الانترنت بيقف. مش كدا و بس الغريب ان لو جربت أقفل الروتر و افتحة تانى بعد ما فتحت الويرليس ، لا يلقط انترنت و لا حتى لمبة ال ADSL و لا لمبة الأنترنت ينورو.

بمعنى انى بمجرد ان أشغل الويرليس ، الروتر يقف و معرفش أعمله فيه اى حاجة. لا أعرف أدخل على صفحة الروتر علشان أقفل الويرليس ، و لا يلقط انترنت و لا حتى أقدر أعمله Reset من زرار ال Reset اللى ورا فى الروتر مهما ضغطت عليه ، إلا بعد عناء شديد و هو انى بقوم فاصل الروتر و موصله ، و قبل ما لمبة الويرليس تنور لازم أكون ضاغط على الزرار بتاع ال Reset.

غير كدا ، الروتر شغال عادى تماماً و الويرليس مقفول ، و لو حاولت ان أفتح الويرليس و لا حاجة ، يحصل اللى بيحصل.

انا عملت upgrade لل firmware و لا زالت المشكلة قائمة.

ياريت لو حد عنده اى اقتراح يقولى. :(

[Mr.pOPo]

طب يا جماعة لو مفيش حل ، تنصحونى بروتر ويرليس ايه؟

[Doctor Medo]

طيب متوديه الضمان ؟؟ غالبا في حاجه اتضربت جواه من الحراره مثلا او هي بايظه اساسا لو انت لسه جايبه جديد

و لو ممكن تبدل بنوع تاني انصحك ب Linksys WAG120N اكثر من ممتاز و سعره جميل جدا موفق باذن الله

[Mr.pOPo]

طيب متوديه الضمان ؟؟ غالبا في حاجه اتضربت جواه من الحراره مثلا او هي بايظه اساسا لو انت لسه جايبه جديد

و لو ممكن تبدل بنوع تاني انصحك ب Linksys WAG120N اكثر من ممتاز و سعره جميل جدا موفق باذن الله

شكراً لرد حضرتك...

بالنسبة للضمان فمعتقدش انو لسه فى الضمان ، و فعلا ممكن يكون فى حاجة اتضرت جواه و دا الأرجح ، خاصةً ان الروتر من عادته ان يسخن زيادة عن اللزوم. هحاول اوديه لحد يشوفه.

بالنسبة لروتر ال Linksys WAG120N ، متعرفش سعره كام الايام دى؟ و هل ممكن الاقيه عند شركة من الشركات اللى فى المنتدى؟ لأن متهيألى انى مش هلاقيه فى المنطقة عندنا. عموما انا هسأل كدا...

شكرا مرة تانية.

[MiDo EMaD]

انا عندى نفس الراوتر بتاعه ونفس الفيرجن
وبقاله معايا سنه مشوفتش منه مشكله الحمد الله

جرب كده تنزل Firmware Version 5.01.09
https://kb.netgear.com/app/answers/detail/a_id/271
وشوف النتيجه

[Mr.pOPo]

انا عندى نفس الراوتر بتاعه ونفس الفيرجن
وبقاله معايا سنه مشوفتش منه مشكله الحمد الله

جرب كده تنزل Firmware Version 5.01.09
https://kb.netgear.com/app/answers/detail/a_id/271
وشوف النتيجه


هو الروتر كان جاى بال Firmware دا ، انا حدثته لل 5.01.16 ، بس المشكلة ما زالت موجودة. غالباً هتكون مشكلة هاردوير ، الله أعلم.

انا ناوى ان شاء الله أوديه للتوكيل بس هيبقى بعد العيد ، و احتمال أجيب ال Linksys اللى الدكتور إكس قال عليه. لسه هشوف كدا ربنا يسهل ، بس كنت عايز اعرف هو سعر كام الايام دى..

[Doctor Medo]

اخر سعر سمعته ليه حوالي 420 جنيه في المحلات لكن في موقع نفسك و كومبيومي ب حوالي 480 جنيه و ممكن تلاقيه ارخص من كده كمان لكن هو يستاهل سعره تماما و هو عموما ب 80 دولار بره

[NEO701]

- راوتر Linksys WAG120N اللي قال عليه دكتور أحمد ممتاز ومن افضل الروترات المتواجده في مصر في فئته, لكن....

- للاسف تغطيه النتجير اللي عندك افضل منه في الويرلس (مع ان ده wireless-G و اللينكسيس wireless-N) وده غالبا لأن النتجير ال Antenna بتاعته خارجية بينما اللينكسيس داخليه.

- الكلام ده بناءا على تجربة شخصيه للاتنين, فلو مهتم بـالويرلس بالدرجه الاولي وانه يغطي اكبر مساحة ممكنه لا تتردد في شراء DG834G اخر أذا لم تحل المشكله (المتواجد حاليا V5).

[Doctor Medo]

انا جربت اللينكسيس مقارنة براوتر tplink قبله الرينج بتاعه اكبر كتير لكن صراحة مجربتش الموديل المذكور من نيتجير و يمكن يكون صح لكن انا عندي عامل ابجريد لاخر فيرموير و مغطي بيت 3 ادوار بمساحة شقتين بدون اي مشاكل الا حاجه بسيطه جدا في الاطراف بس

[NEO701]

- الـ TP-Link سيء جدا و لا يقارن بـالـ Netgear أو الـ Linksys .

- أنا كان معايا الـ Netgear و غيرت للـ Linksys و بعد كده رجعت للـ Netgear تاني لان الـ Linksys ماكانش واصل للمسافة اللي كان وصلها الـ Netgear (الكلام على الموديلات السابق ذكرها تحديدا مع آخر Firmware لكليهما).

- المرجح ان الفرق ده راجع لتصميم الـ Antenna زي ما قلت في المشاركة اللي فاتت.

[Mr.pOPo]

تمام ، شكراً يا جماعة على النصائح و المساعدة ، انا هشوف كدا لو التوكيل هيقدر يصلح الروتر و لا لأ. لو لأ يبقى ربنا يسهل و أشوف هجيب ايه لأنى سألت و ملقتش عندنا فى المنطقة غير ال D-Link Wireless ، و دا آخر روتر ممكن أفكر انى اجيبه لأن ال Firmware بتاعة هو هو ال Firmware بتاع رواتر ال TP-Link على الاقل دا كان حال الروتر ال D-link اللى كان عندى قبل ال Netgear طبعا مكنش ويرليس.

بس بصراحة معتقدش انى ممكن أجيب Netgear تانى ، رانج الويرليس طول ما هوا قادر انو يغطى الشقة بتاعتنا فهو كافى. و أعتقد كلا الروترين قادرين على كدا ، فانا ممكن ابقى اجرب ال Linksys...

شكراً كتير يارجالة.