المساعد الشخصي الرقمي

مشاهدة النسخة كاملة : مراجعتي الشخصية لA4TECH Oscar Laser Gaming Mouse XL-755BK


sikimiky
20-11-2010, 19:12
بسم الله الرحمن الرحيم


تم بحمد الله شراء هذا الماوس الجميل ( A4TECH Oscar Laser Gaming Mouse XL-755BK ) بعد ان انتهي العمر الافتراضي للماوس الحالي الي كنت شغال بية ( كان ماوس تجاري)

تم الشراء من شركة ماكسيمم هاردوير بسوق العصر بسعر 160 جنية .

طبعا انا عارف ان ماوس حاجة مش مهمة للدرجة ن الواحد يعملها مراجعة خاصة بيها , بس

انا لما كنت بدور علي ماوس جيد اشترية لم اجد اي مراجعات تفيدني , فقررت اني اعمل المراجعة دي علشان لو حد بيفكر انة يشتري ماوس وعايز يعرف معلومات عن ال Gaming mouse .

( دة غير طبعا ان الماوس ب 160 جنية بحالهم دة اكتر من تمن اخر 5 ماوسات اشتريتهم علي بعض:D, فلازم اعملوا مراجعة مخصوص طبعا)

المهم ,علشان الناس متزهئش من كتر الكلام , خلينا نشوف الصور ..........

https://img403.imageshack.us/img403/7949/image0398v.jpg


دي علبة المحروس و هو في يدي اول ما دخل الغرفة عندي و كنت بعرفة علي الجهاز :D.


https://img528.imageshack.us/img528/859/image0401.jpg

و دي ضهر العلبة بتاعت المحروس .


https://img543.imageshack.us/img543/2977/image0400.jpg


و دي جنب العلبة الشمال ( برضة لسة علبة المحروس :D)
و عليها بيانات و خصائص الماوس ( طول السلك 1.8 متر و دة مناسب جدا جدا , طبعا المعلومة دي مقدرتش اوصلها من النت علشان واضح انها سرية:cool: , فقلت اذكرها في المراجعة علشان الكل يكون عارف)


https://img87.imageshack.us/img87/9097/image0405.jpg



و دة اخر جنب للعلبة , ويلاحظ انة الدقة تصل الي 3600 DPI

https://img405.imageshack.us/img405/9485/image0406.jpg


هو دة المحروس الي عمال واجع دماغكوا بية من اول المراجعة ,

العلبة تفتح كالكتاب و دة شئ جيد جدا , علشان في المحل قبل البيع ممكن تتفرج علي الماوس بوضوح و تقرر هتشترية ولا لأ !
طبعا قبل كدة كان الواحد بيحشر صوابعة في العلبة علشان يوصل للبلاستيك الي جواة الماوس , طبعا الكلام دة انتهي بعد ماحد العباقرة توصل لفكرة العلبة دي اخيرا.


https://img808.imageshack.us/img808/8124/image0407.jpg


و دة شرح كيفية برمجة الزراير في الماوس , حقيقة هي عملية سهلة جدا و بسيطة في نفس الوقت .


نوصل هنا لحد مكونات العلبة :
1- الماوس
2-CD تعريف و البرنامج
3-البتوع السود الي بيركبوا في بطن الماوس ( مش عارف اسمهم العلمي , ياريت احد الاخوة يتطوع و يقول الاسم لي بس علي الخاص علشان مش عايزيين احراج امام الناس :) , يعني خليني اعيش دور الواد الفتك شوية )



https://img403.imageshack.us/img403/4007/image0414.jpg





https://img121.imageshack.us/img121/4306/image0410.jpg






https://img528.imageshack.us/img528/2600/image0413.jpg
sikimiky
20-11-2010, 20:05
نكمل صور الماوس ,

هو دة الماوس من كل النواحي الممكن تخيلها .........


https://img88.imageshack.us/img88/8522/image0415.jpg



https://img51.imageshack.us/img51/1276/image0416.jpg



و دة سلك ال USB , انا بصراحة مش عارف هل هو دهب ولا دي حركة صياعة من الشركة , الله اعلم .

https://img263.imageshack.us/img263/1083/image0418.jpg



دة الجنب الشمال للماوس , طبعا الزر الاحمر دة محاط باربع زراير اخري , كل واحد في اتجاة رأسي ( زي الموبايل بالضبط)
يعني مجموع 5 ازرار في الشكل دة .

https://img502.imageshack.us/img502/6620/image0419.jpg


الزر الي فوق علي الشمال دة Double Click , بمعني ضغطة واحدة علية كأنك ضغطت مرتين ( مفيد جدا في فتح المجلدات و تشغيل البرامج )

اللمبة الي فوق العجلة دة تختلف لونها حسب الاعدادات بتاعت الماوي ( كام DPI ) و مشروع في البرنامج كل لون و ما يوازية من دقة .

https://img84.imageshack.us/img84/1888/image0420.jpg



اما دة , فهو بطن الماوس نفسة ( وراكب فيهم البتوع السود الي انا مش عارف اسمهم )

طبعا كان في صورة قبل كدة لنفس البتوع السود دول , الي في الصورة الاولي دول زيادة مش هما الي بتركبهم بنفسك , الماوس بيجي راكب فية كل حاجة .

https://img253.imageshack.us/img253/15/image0417.jpg


دة بقي شغل مخابرات :cool:, علشان تعرفوا ابعاد الماوس استخدمت العملة المحلية علشان يكون عندكم فكرة عن حجمة , في الافلام بيستخدموا ورقة فئة واحد دولار بس خالينا واقعيين , لا انا عندي دولار ولا حد في مصر يعرف ابعادة دة غير ان احنا مش في فيلم اصلا , فخلينة في الجنية المعدن بتاعنا !!
انا بصراحة شايفة كبير ( عامل ذي فار كبير و عندة دمل احمر في جنبة )


https://img502.imageshack.us/img502/9529/mouse1q.jpg


دة البرنامج الي بيجي علي الاسطوانة , بسيط جدا ,
عندك رقم لكل زرار وبتحدد الوظيفة الي انت عايزها لية.

https://img140.imageshack.us/img140/5489/mouse2o.jpg


ممكن تحدد زرار في الماوس يقوم بدور زر في الكيبورد , مثلا
لو ال Reload في الكيبورد يكون بالضغط علي R فيمكن في الماوس ان تجعل اي زر يقوم بهذة المهمة , اذن بدل من استخدام الكيبورد استخدم الماوس ( اسهل و اسرع بكتييييييييييييييييييييييييير )

https://img600.imageshack.us/img600/3839/mouce3.jpg


دي قائمة توضح كل الاختيارات الممكن ربطها بأي زر في الماوس ( كتيير جدا و عملية جدا )

طبعا ممكن تربط كل زر ب وظيفة وتعمل بروفايل بهذا الاعداد ( مثلا Counterstrike) و بعدين تعمل بروفايل جديد تماما بوظائف مختلفة و تحفظة ( مثلا Call of duty ) و قبل ما تلعب اللعبة تحدد البروفايل الي انت عايزة .
عملية قمة في الروعة و خاصة مع اللعب الاستراتيجي .



https://img521.imageshack.us/img521/3105/57950784.jpg


اما دة فهو اكتر تحديدا , تحدد الحركة في الاكسات X , Y علي حدي و تحديد الفوارق الزمنية بين كل ضغطة و الاخري و خيارات اخري كثيرة جدا لل Hard core Gamers , طبعا انا لسة يدوب بقول بسم الله , لما اوصل للفهم الخصائص دي كاملة هضيفها في الموضوع ان شاء الله علشان مقولش حاجة غلط الان.

المميزات :

1-DPI from 100 to 3600
2-مريح في اليد بعد التعود علية
3-سلك طويل ولا يحتاج الي وصلة USB قريبة او كبل للتطويل.
4-سعر ممتاز مقارنة بالامكانيات
5-سهولة غير عادية في توظيف المهمات للزراير المختلفة .
6-عدد 10 رزاير و اتجاهين في البكرة يمكن التحكم في وظائفهم.
7-جودة فاخرة في الصناعة ( او علي الاقل لم اعتاد علي ماوس "نضيف" كدة )
8-اداء جيد في اللعب و تحسن ملحوظ خاصة في ال First person shooter


العيوب:

1-الزر الاحمر في مكان غريب جدا , طوال الوقت بضغط علية غلط ( يمكن تلافية عن طريق الوقت و ان تعتاد علي استخدامة)
2- زر ال Doublr click كان مفروض يكون تحت او بجانب البكرة زي كل ماوسات الدنيا , مش عارف مين الكائن الفضائي الي صوابعة هتروع لابعد حتة في الماوس علشان تدوس علية , غير عملي بالمرة و اضطريت اني اوكل مهمتة لزر اخر قريب و سهل الاستخدام. ( اهم عيب)
3-انا عارف ان الي انا هكتبة دة غريب شوية ,
بس رائحة فظيعة جدا جدا في الماوس , يعني حاجة لا يمكن تجاهلها.
الواحد ايدة بعد ما يلعب شوية تحس انك لازم تقطعها من الريحة الي فيها .

دة ممكن يكون سببة سوء تخزين والريحة هتروح مع الوقت ,
او ان البلاستيك او المادة المصنوع منها ليها ريحة او بتتفاعل مع الجلد البشري او .... , مش عارف بس انا عندي امل يكون سوء تخزين او الشحنة في المينا اتخزنت جنب بضاعة نفاذة او سمك .

4- عايز وقت علشان تعتاد علي الرز الاحمر و تستخدمة بكفائة .


راي الشخصي :

الماوس ممتاز انزلوا اشتيروة و مش هتندموا ان شاء الله , بس شموة الاول علشان الريحة الي معاة :D.
ب 160 جنية ماوس ممتاز ولا الواحد يعد يتعب نفسة مع التجاري الي كل شوية يبوظ.
و في نوع تاني موجود في السواق بحوالي 180 او 200 جنية لو مش عاجبكوا الماوس دة , بس نصيحة اشتري Gaming mouse احسن و اريح .

كد انا خلصت المراجعة و لو حد عندوا اي استفسار يكتبة و ان شاء الله هرد علية .
و منسوش التقيمات علشان انا طلع عيني في الكتابة:D



دمتم في حفظ الله.
Eng.MinaEdward
20-11-2010, 20:28
دة بقي شغل مخابرات :cool:, علشان تعرفوا ابعاد الماوس استخدمت العملة المحلية علشان يكون عندكم فكرة عن حجمة , في الافلام بيستخدموا ورقة فئة واحد دولار بس خالينا واقعيين , لا انا عندي دولار ولا حد في مصر يعرف ابعادة دة غير ان احنا مش في فيلم اصلا , فخلينة في الجنية المعدن بتاعنا !!- كنت اعمل زيى وهات بوكليز :D

-مراجعة رائعة لقطعة رائعة

-ربنا يديك خيرة ويكفيك شرة

-تم التقييم :)

اضافة

-لية مش جبت ال Anti Vibrate
sikimiky
20-11-2010, 20:57
-لية مش جبت ال Anti Vibrate


والله انا كنت عامل حسابي اني هشترية , خاصة وان الفرق في السعر مش كبير ( 20 جنية تقريبا )
بس لما شوفتة علي الحقيقة غيرت رأيي نظرا لوجود رسمة عنكبوت علي الماوس !!!!!
انا مش فاهم اية هي الفكرة من عنكبوت اصفر علي الماوس ولكن واضح ان المصممين في الشركة عندهم وجهة نظر :confused:.
طبعا لو كان متوفر بأي لون او شكل تاني كنت جبتة , خاصة و ان الزر بتاع ال Double Click مكانة صح و يكمن استخدامة بسلاسة , الحمد لله علي كل شئ و الماوس بتاعي طلع ممتاز و انا مكنتش متوقع كدة .

شكرا علي التقييم يا عزيزي :)
EL-MARIACHY
20-11-2010, 21:02
ألف مبروك على الماوس ,و ربنا يرزقك خيره و يصرف عنك شره , و المراجعه روعه بجد

الواحد شكله كده هينزل يشترى ماوس جديد .

ألف مبروك مره أخرى و يارب تتهنى به ;)
M_HaFeZ
20-11-2010, 21:33
مبروك عليك ومراجعه ممتازه
محمد الجوهري
20-11-2010, 22:20
Oscar Mouse Editor

رائع جدا البرنامج ده كما هو واضح من الصوّر الرائعة هي الأخرى ... سأحاول تحميله و تجربته لاحقاً على الماوس الذي أستخدمه.

مراجعة أكثر من رائعة, و أسلوبك ممتاز في السرد و الشرح.

و لو سألتني إيه أحسن حاجتين في المراجعة أقول لك:

1. المسطرة الروترينج الجميلة ... واضح إن حضرتك مهندس :)

2. إنك صغرت الصور ل 800×600 ... نفسي أعمل إعلان في الأهرام أو الجمهورية أطالب فيه أعضاء عرب هاردوير بتصغير مقاس الصور.
أحييك على مراجعتك.

و مبروك الماوس ... إحساس رائع ... صح ؟ :)

صحيح ... الأربع أزرار اللي حول الزر الأحمر ... هل يمكن إستخدامهم بسهولة ؟
أعتقد لو فيه زر سفلي سيصعب الوصول إليه, ألا تتفق معي ؟
ehab7bob
20-11-2010, 22:52
شكرا جزيلا
لو كان وايرلس بنفس السعر كان هيبقا افضل ماوس في مصر
S@M
20-11-2010, 23:45
مراجعة رائعة وشرح وافى يا عزيزى

والف مبروك عليك الماوس ...:)


لك تقييم .
Mostafa Gomaa
21-11-2010, 01:31
مراجعه رائعه وماوس أروع بارك الله لك فيه

ولكن من أخطر العيوب اللى فيه مكان الزرار الأحمر والزراير اللى حوليه لان الواحد وهو بيحرك الماوس بيضغط بالابهام على هذا المكان
وأنا فاكر مره زمان من حوالى 8 سنين كنت قاعد فى سايبر وكنت بعمل موضوع كبير وماليان صور وضغطت على زرار Back غصب عنى لانه كان فى نفس المكان ده فكل مجهودى راح فى الهوا :D

تم التقييم بالطبع
sikimiky
21-11-2010, 01:45
لو سألتني إيه أحسن حاجتين في المراجعة أقول لك:

1. المسطرة الروترينج الجميلة ... واضح إن حضرتك مهندس :)

2. إنك صغرت الصور ل 800×600 ... نفسي أعمل إعلان في الأهرام أو الجمهورية أطالب فيه أعضاء عرب هاردوير بتصغير مقاس الصور.
أحييك على مراجعتك.

و مبروك الماوس ... إحساس رائع ... صح ؟ :)

صحيح ... الأربع أزرار اللي حول الزر الأحمر ... هل يمكن إستخدامهم بسهولة ؟
أعتقد لو فيه زر سفلي سيصعب الوصول إليه, ألا تتفق معي ؟


اولا شرفني مرورك علي موضوعي ,
تاني حاجة , انت الوحيد الي اخدت بالك من المسطرة الروترينج :D, احييك علي قوة الملاحظة لان انا اصلا مكنتش ملاحظ انها ظهرت في الصور و عمال اقول " مسطرة روترينج اية الي الجوهري بيقول عليها دي !!":)
لحد لما رجعت الصور واكتشفت انها ظاهرة في نص الصور !!!
ونعم انا الحمد لله في بكالوريوس هندسة السنة دي .

بالنسبة لحجم الصور فأنا لاحظت ان موضوع مراجعة اللاب بتاعي قبل كدة كان صعب اوي ظهور الصور فية , علشان كدة قررت اني اصغرها علشان لو حد عندة نت ضعيف الصور تظهر عندة بسهولة.

جميع زراير الماوس يمكن الوصول لها بسهولة شديدة جدا , دة المشكلة انك بتدوس علي زراير غصب عنك لانها حساسة و تحت صوابعك بالضبط , الزر الاحمر و ال 4 الي جنبة (بالصباع الكبير :D) تدوس عليهم بكل سهولة , الموضوع ابسط مما تتخيل .

شكرا علي تقييمك :)




شكرا جزيلا
لو كان وايرلس بنفس السعر كان هيبقا افضل ماوس في مصر

شكرا علي مرورك اخي الكريم ,
لو كان وايرلس كان هيبقي واجب وطني علي كل مصري انة يشترية:D
دة هو كدة سعرة ممتاز , كمان عايزة وايرلس :)



مراجعة رائعة وشرح وافى يا عزيزى

والف مبروك عليك الماوس ...:)


لك تقييم .

شكرا علي مرورك الكريم ,
و شكرا علي تقييمك :)




مراجعه رائعه وماوس أروع بارك الله لك فيه

ولكن من أخطر العيوب اللى فيه مكان الزرار الأحمر والزراير اللى حوليه لان الواحد وهو بيحرك الماوس بيضغط بالابهام على هذا المكان
وأنا فاكر مره زمان من حوالى 8 سنين كنت قاعد فى سايبر وكنت بعمل موضوع كبير وماليان صور وضغطت على زرار Back غصب عنى لانه كان فى نفس المكان ده فكل مجهودى راح فى الهوا :D

تم التقييم بالطبع

هو طبعا مكان الزر الاحمر تحت الصباع بالضبط و يمكن انك تدوس علي عن طريق الخطأ ,
ولكن مع التعود يمكنك تفادي الحركة دي و ممكن كمان تعمل حاجة ظريفة جدا ,
انك متوظفش شغلة للزر الاحمر و بذلك لما تدوسة غلط هيكون ملهوش تأثير اصلا لحد لما تتعود علية و بعدين توظف لة اي مهمة انت عايزها . ( انا عملت كدة في الاول )
ولكن مع الشغل علية ظهر ان اهم زراير هي الخمسة الي في الجنب لانهم فعلا سهل استخدامهم , في اللعب في الانترنت ( BAck , frw.stop ......etc ) وانا عامل الزر الاحمر وظيفتة بدل الزر الامامي خالص (Double Click

شكرا علي تقييمك :)
BionicMan
23-11-2010, 15:57
مبروك عليك الماوس وربنا يباركلك فيه

والمراجعة سهلة وبسيطة وشاملة

بس الي سادد نفسي منه مكان الزراير الي في الجمب (شكلها رخم بصراحة :mad:)

ده رأيي الشخصي طبعا ,عكس ذلك فهو ماوس رائع فعلا و A4Tech معروفة

وطبعا تقييم للحبايب :D
mido hamdy
25-11-2010, 06:36
مراجعة رائعة جدا وتم التقييم .
بس مش كان الافضل تحط 15 جنيه زيادة وتجيب ال Anti Vibrate :) .
sikimiky
25-11-2010, 18:35
مراجعة رائعة جدا وتم التقييم .
بس مش كان الافضل تحط 15 جنيه زيادة وتجيب ال Anti Vibrate :) .



شكرا علي مرورك اخي الكريم :)

ال Anti Vibrate كان ب 200 جنية عند ماكسيمم و بصراحة شكلة معجبنيش بالعنكبوت الي مرسوم علية , فقلت مش هدفع 200 جنية في حاجة مش مقتنع بيها , ولكن بعد كدة اكتشفت انة بيباع في اماكن اخري ب 175 جنية بس كنت خلاص اشتريت الماوس:D.

ياريت يا جماعة لو حد يعرف هل ال Anti Vibrate احسن ولا الماوس بتاعي , يقولي او يبعتلي مقارنة بينهم .
علشان الناس كلها سألتني انا لية اشتريت دة و مش التاني ( في واحد صاحبي عزيز عليا هيشتري ماوس قريب ان شاء الله و مش عارف مين احسن فيهم و انا مش عارف اساعدة).
BAZOOKA_N2O
29-11-2010, 01:44
شكرا علي مرورك اخي الكريم :)

ال Anti Vibrate كان ب 200 جنية عند ماكسيمم و بصراحة شكلة معجبنيش بالعنكبوت الي مرسوم علية , فقلت مش هدفع 200 جنية في حاجة مش مقتنع بيها , ولكن بعد كدة اكتشفت انة بيباع في اماكن اخري ب 175 جنية بس كنت خلاص اشتريت الماوس:D.

ياريت يا جماعة لو حد يعرف هل ال Anti Vibrate احسن ولا الماوس بتاعي , يقولي او يبعتلي مقارنة بينهم .
علشان الناس كلها سألتني انا لية اشتريت دة و مش التاني ( في واحد صاحبي عزيز عليا هيشتري ماوس قريب ان شاء الله و مش عارف مين احسن فيهم و انا مش عارف اساعدة).


أؤيد طلبك هذا وبشدة عشان انا محتار جدا بين الاتنين


:ah34::ah34::ah34:
sikimiky
29-11-2010, 02:01
أؤيد طلبك هذا وبشدة عشان انا محتار جدا بين الاتنين


في رأيي الخاص , ال OScar افضل من ال Anti vibrate , انا اشتغلت علي الاتنين و كلاهما ممتاز .

ولكني افضل ال Oscar شخصيا و ذلك لكثرة الازرار عن الماوس الاخر , ولكن كلاهما ممتاز و يمتاز ال Anti vibrate انة مريح اكثر في اليد عن الاوسكار ( الذي يحتاج وقت للاعتياد علية ).

الخلاصة , اشتري اي واحد منهم و ان شاء الله مش هتندم , الاتنين ممتازين جدا جدا .
sikimiky
02-01-2011, 15:38
حضرتك لية مش مصور الماوس وهو شغال؟؟

بصراحة مفكرتش اصورة وهو شغال لان مش هتفرق حاجة عن لما اصورة و هو غير موصل بالجهاز .
لو عايز اصورهولك وهو موصل بالجهاز , مفيش مشاكل بس وضحلي عايز تشوف اية ( يعني لو عايز تعرف حاجة معينة في الماوس و هو شغال )

اسف علي التاخير في الرد :)
yasserlee
09-01-2011, 01:08
ما شاء الله مراجعة ممتازة اخي الكريم
و الف الف مبروك
Mostafa Gomaa
09-01-2011, 21:51
شركة هاى اند منزله الماوس ب 130 جنيه بس أعتقد انه صفقه رائعه

بس عايزك تطمنى هل الريحه راحت ولا لا؟
هل الزار الأحمر بس اللى بتضغط عليه بالخطأ ولا الخمس أزرار كلهم؟
هل فى حاجه أحسن فى السوق اتمنيت انك تجيبها؟
ماسكته فى ايدك أخبارها ايه؟
sikimiky
09-01-2011, 22:12
شركة هاى اند منزله الماوس ب 130 جنيه بس أعتقد انه صفقه رائعه

بس عايزك تطمنى هل الريحه راحت ولا لا؟
هل الزار الأحمر بس اللى بتضغط عليه بالخطأ ولا الخمس أزرار كلهم؟
هل فى حاجه أحسن فى السوق اتمنيت انك تجيبها؟
ماسكته فى ايدك أخبارها ايه؟



الرائحة راحت والحمد لله بعدها بيوم او اثنين :)

الان لا اضغط علي اي ازرار بالخطا نهائيا , طبعا بعد لما تعودت علية ( بعد اسبوع تقريبا)
و للعلم الزر الاحمر والازرار المحيطة بية من افضل الافكار في مجال صناعة الماوسات !!!
تعملهم assign لوظائف كتيييييير , مثلا انا عاملهم (copy,past,back , forward)
والزر الاحمر عاملة وظيفة ال F2 ( rename )

بصراحة الماوس من افضل الصفقات الي انا عملتها من فترة و انصحك بشدة انك تنزل و تشترية قبل ما يخلص من السوق , خاصة و ان سعرة رخص ل 130 جنية.

مفيش ماوس في السوق الان افضل من الماوس دة في الوقت الحالي و خاصة مع سعرة الجديد ( رائي الخاص طبعا)

انا جربت الماوس الاخر AntiVibrate , و بصراحة افضل الماوس بتاعي علشان ال 5 ازرار الي في الجنب .
و مسكتة في اليد عادية , بعد لما اتعودت عليها مش هتحس بصعوبة خالص .
fanto
09-01-2011, 22:21
سؤال ع السريع كدة يا سيكو ..

انت تقصد ان الماوس اللي معاك أفضل من دة

A4TECH Anti-Vibrate Laser Gaming Mouse XL-747H

علشان كنت هشترية بدل بتاعك اللي انت عاملة مراجعة إية رأيك ..

ولا بتاعك أفضل ...
sikimiky
09-01-2011, 22:35
سؤال ع السريع كدة يا سيكو ..

انت تقصد ان الماوس اللي معاك أفضل من دة


يا جماعة الي انا هكتبة دة رايي الشخصي

A4TECH Oscar Laser Gaming Mouse XL-755BK

افضل من

A4TECH Anti-Vibrate Laser Gaming Mouse XL-747H
fanto
09-01-2011, 22:53
يا جماعة الي انا هكتبة دة رايي الشخصي

A4TECH Oscar Laser Gaming Mouse XL-755BK

افضل من

A4TECH Anti-Vibrate Laser Gaming Mouse XL-747H





تسلملي على الرد السريع ...

بما إنك جربت الأتنين ..

أيه اللي بيمز الـ Oscar Laser عن Anti-Vibrate Laser

سامحني لو كنت مطول عليك ..
sikimiky
09-01-2011, 23:28
تسلملي على الرد السريع ...

بما إنك جربت الأتنين ..

أيه اللي بيمز الـ Oscar Laser عن Anti-Vibrate Laser

سامحني لو كنت مطول عليك ..


بص هو انا الحقيقة اليومين دول عندي شغل كتير , مش هقدر اكتب الان الفرق بالتفصيل الكامل ,

بس الفرق الاساسي الي يجعل الماوس بتاعي افضل ال 5 زراير الي في جنب الماوس , عمليين جدا جدا اكتر ممل تتخيل , طبعا كان فرق السعر بس الان الاتنين نفس السعر.

الماوس التاني مفيهوش غير زرارين بس زيادة , قليل جدا بالنسبة لي سواء في التصفح العادي او اللعب.
fanto
09-01-2011, 23:32
بص هو انا الحقيقة اليومين دول عندي شغل كتير , مش هقدر اكتب الان الفرق بالتفصيل الكامل ,

بس الفرق الاساسي الي يجعل الماوس بتاعي افضل ال 5 زراير الي في جنب الماوس , عمليين جدا جدا اكتر ممل تتخيل , طبعا كان فرق السعر بس الان الاتنين نفس السعر.

الماوس التاني مفيهوش غير زرارين بس زيادة , قليل جدا بالنسبة لي سواء في التصفح العادي او اللعب.




متشكر جدا تعبتك معايا ..

وبكدة يبقى الـ Oscar Laser أفضل وهيتم شرائة بإذن الله ...
sikimiky
25-03-2011, 23:12
متشكر جدا تعبتك معايا ..

وبكدة يبقى الـ Oscar Laser أفضل وهيتم شرائة بإذن الله ...

مفيش تعب ولا حاجة , انا في الخدمة ;)
mega_612
05-04-2011, 04:40
انت راجل تستاهل جايزة نوبل
مجهود ممتاز مش عارف اقولك ايه ممتازز 4X
mega_612
05-04-2011, 04:45
بس ليا سؤال وارجو سرعة الرد
هذا الموس افضل من الاخر الانتى فايبريت
وممكن فرق السعر ده سببه الرسم صح كده
sikimiky
05-04-2011, 23:32
بس ليا سؤال وارجو سرعة الرد

هذا الموس افضل من الاخر الانتى فايبريت
وممكن فرق السعر ده سببه الرسم صح كده



شكرا اخي الكريم علي الرد الجميل :)
و الحمد لله ان الموضوع نال اعجابك

نعم , في رايي الخاص هذا الماوس افضل من الانتي فايبرت ( مع العلم انا جربت الاتنين)

صراحة معرفش اية سبب فرق السعر بينهم !!
بس عامة الاتنين ممتازين جدا , اشتري الي يعجبك فيهم مش هتفرق اوي.
@7oud
11-11-2011, 23:12
بصراحة تقرير ومراجعه حلوة جدا
ومليئة بالتفاصيل
احييك على مجهودك وطريقتك المرحه والحلوه فى الشرح