المساعد الشخصي الرقمي

مشاهدة النسخة كاملة : محتاج نصيحنكم بخصوص السفر لشغل


nod32
20-11-2010, 20:14
السلام عليكم ورحمة الله وبركاته ... الموضوع با ختصار :::
انا خريج 2009 هندسة اتصالاات ccna certified وباقيلي حاجات بسيطة في ccnp . وللاسف لسة مشتغلنش ... ظروف بلدنا بقي هنعمل ايه ...

جي لي عرض فيزا للسعودية - فيزة حرة - يعني مفيش تعاقد مع شركة في السعودية ولا حاجة ...يعني هاروح ادور علي شغل هناك . وسعر الفيزا دة مش في حدود 20 الف مصري .

انا بسأل اهل الخبرة ... هل اجازف واسافر بالعرض دة .و ادور هناك علي شغل مع العلم اني معيش خبرة ؟؟؟

ولا اقعد هنا اكمل دورات في مجال السيرفيس بروفيدر وادور علي شغل هنا ولو حبيت اسافر بعد كدة يبقي اسافر وانا معايا خبرة .؟؟؟

انا باسمع كلام كتيير يشجع من ناس هناك .. وحسسوني ان الوضع هناك رائع لمهندسين الشبكات ..بس الناس دول مش جو المجال ... فانا خايف اروح القي الوضع هناك مختلف .. خصوصا ان سعر الفيزا مش قليل

ارجو المساعدة ... وان اعرف رأيكم .... فكما كما عهدتكم في عون اخوانكم وجزاكم الله خيرا .
internetworld
20-11-2010, 20:52
اخى الحبيب
من راى انك تفضل هنا وتشتغل وتاخد خبره ولو تشتغل فى شركات بدون مقابل وبعد ما تتعرف على الحياه العمليه وظروف الشغل والتعامل مع الاجهزه ابقى فكر فالخطوه دى لان مهما كان معاك من شهادت لابد من ان يدعهما خبره ولو كانت بسيطه على الاقل هتفيدك فى التفاوض على الراتب وكيفيه التعامل مع المديرين والموظفين وزملاء العمل بالاضافه الى الدفعه المعنويه اللى هتاخدها لما تكون شغال فى بيئه حقيقه والثقه اللى هتكون داخل بيها على الشغل مش لسه خام وطالع من بيتكم على شغل وكمان مسافر فيزا حره يعنى مش عارف ايه ظروف العمل وطبيعته هناك هتكون ازاى وتكون عرضه لانك هناك تتنازل فى مقابل اى شغل والسلام علشان مش تخسر تمن الفيزا وبالتالى انا شايف انك بلاش تتسرع ويوم ما تخرج من بلدك اخرج على عقد فى شركه محترمه ووظيفه محترمه هتسمع كلام كتير وناس تقولك هنا وهناك بهدله بس هناك فى فلوس ويتفرش لك الارض رمل وتحس انك رايح تشتغل فى بلاد الاحلام ومش بعيد كمان تاخد معاك شنطه سفر كبيره فاضيه علشان تجهزها لانك تقبض فيها مرتبك هناك
وتروح تلاقى الوضع مختلف والهنود شغالين 24 ساعه وعايشين باقل الرواتب وفى اقل الاماكن وانت فبلد غريبه ومش عارف تدور وبتعرض نفسك على كل شركه ويعمل معاك مقابله ويلاقيك من غير خبره وهيبقى فالحاله دى اما يعتبرك صيده ويقول اهو مهندس جالك واى مرتب هيرضي بيه وخصوصا انه مش معاه خبره ومش اشتغل قبل كدا وتتبهدل وتبقى الحياه عذاب او اما بقى يطلع راجل محترم وتشتغل براتب ضعيف يادوب يكفى احتياجاتك المعيشيه هناك وفالحالتين من رايي بلاش استنى على الخطوه دى شويه وخصوصا انت لسه متخرج جديد وسنك صغير وادامك فرصه انك تطلع من هنا بشهادات اكتر وخبره بردو بس انت اصبر واسعى هنا الاول واطلع السلم خطوه خطوه
دا من وجهه نظرى المتواضعه واسف ان كنت بحبطك بس انا بجد حريص على المصلحه واتمنى لك من كل قلبي التوفيق والنجاح والفلاح فالدنيا والاخره وقبل ما تقدم على اى قرار صلى استخاره والله المستعان
سعيد يوسف
20-11-2010, 21:16
أرجح هذا الرأي بشدة ووالله لو أخذت خبرة من أي سيرفس بروفيدور راتبك لن يقل في المملكة عن 8 ألاف ريال

وربنا يوفقك
م/ أحمد بخيت
22-11-2010, 14:45
قبل م تسافر خلص الشهايد
وخدلك خبرة
nod32
22-11-2010, 21:58
اولاً: احب اشكر كل من شارك برأية وادعو لكم جميعاً بالتوفيق والسعادة في الدنيا والاخرة .

ثانياُ : انا فكرت في كلامكم وانتم اهل خبرة اكثر مني فاقتنعت بيه ...

بس معلهش في سؤال تاني محيرني واحب اعرف رأيكم فيه .؟؟

انا بذاكر حالياُ في كورس ال route يعني ان شاء الله امتحنة قريب ... ومحتار هل اكمل switch , Tshoot ولا اكمل BGP,MPLS يعني الافضل من حيث الي يجيب شغل اسرع وخصوصاً في حالة السفر ؟؟؟

احب اسمع رأيكم وجزاكم الله خيراً لاهتمامكم .
eng_mabdallah
23-11-2010, 15:58
من واقع السوق bgb ,mpls
فرصها كويسه
اعتقد انك تبدأ فيها
والله الموفق
م/ أحمد بخيت
23-11-2010, 16:26
انا انصحك بالدخول في تراك البروفايدر
في حال انك مهندس اتصالات او شبكات او حتى كنت خريج حاسبات
اقصد معاك شهادة جامعية ف الكلام دا
nod32
23-11-2010, 23:19
الف الف الف شكر ..... ان شاء الله اروح احجز من بكرة وبالله التوفيق