انا محتاج مساعدة لاني Lost جدا !! افيدوني يا خبراء المنتدي الكرام

[a7med $oft]

السلام عليكم
كل عام وانتم بالف خير (معلش جت متاخرة شوية ) :D

انا بصراحة دورت في المنتدي عن معلومات عن ويندوز سفن
و لقيت 3 مواضيع الصراحة اتلغبط بنهم اقرا هنا و ارجع اكمل هنا و تاية اخر توهان ههههههه :confused:

اول موضوع
https://www.arabhardware.net/forum/showthread.php?t=140646
دة كنت عاوز اعرف ازاي افتح النسخ و في اخر رد لصديق حط رابط بتاع نسخة ويندوز
الي هي الموضوع التاني
https://www.arabhardware.net/forum/showthread.php?t=140691
و بعد التدوير في الموضوع التاني لقيت دة
https://www.arabhardware.net/forum/showthread.php?t=139722

انا الي عاوز افهمة نسخة ويندوز سفن التميت
ليها اسماء كتير
زي مثلا
نسخة ويندوز

RTM
و MSDN
و Retail
و OME

عاوز ارجوكم اعرف شرح كل واحدة فيهم ؟؟
لاني انا مهتم بالويندوزات اوي اوي و انا بحاول اجمع اكبر معلومات ع اد ما اقدر
لكن انا توهت خالص الصراحة و محتاج مساعدة

و ما الفرق بين
Windows 7 Retail N
و
Windows 7 Retail
و اهم حاجة يعني اية
Hash ؟؟


و عاوز اعرف اخر نسخة نزلت من ويندوز سفن ؟؟ :D



انا عارف اني طولت في الكلام شوية بس ارجوكم اشرحولي وحدة وحدة علشان انا مش عاوز تهوة :ah34:
و ياريت الشرح يكون مبسط:ah39:


:Dو انا بجد شاكر ليكم جدا و شاكر للاعضاء المميزين في المنتدي و المشرفين و الجميع:D
:ah7:
و تحياتي اليكم
اخوكم .... احمد سوفت

[Goldsmith]

Retail
نسخة نهائية تجارية تطرح للبيع بالتجزئة للمستخدم النهائي ويمكن الحصول عليها على قرص DVD يأتي داخل علبة ومعها السيريال الخاص بالتنشيط، أو يمكن تحميلها من مايكروسوفت بعد إتمام عملية الشراء أونلاين


MSDN
microsoft Developer Network
شبكة تضم مطوري ميكروسوفت، وتسمح لهم بتنزيل معظم منتجات الشركة
يدفع لها رسوم اشتراك باهظة

OEM
Original Equipment Manufacturer
نسخ يتم تسليمها لشركات تصنيع الكمبيوتر مثل Dell و HP
فمن غير المعقول أن تقوم شركة تصنع مئات الآلاف من الأجهزة بشراء نسخة مغلفة في كلبة ولها سيريال منفصل لكل نسخة للتنشيط
لذلك هذه النسخ يتم تنشيطها بطريقة مختلفة من قبل مصنعي الكمبيوتر
وفي الغالب يقصد بهذا المصطلح النسخ التي تأتي مسبقة التنصيب على جهاز تم شراءه

الهاش
باختصار عبارة عن بصمة للملف، ولا يوجد ملفان لهما نفس قيمة الهاش إلا إذا كان نفس الملف بالضبط
مثلا أنا جربت تغيير حرف واحد في ملف تكست وفورا تغير الهاش
حتى جربت استبدال حرف فقط حتى يكون لكلا الملفين نفس الحجم بالبايت إلا أن الهاش يتغير عند إجراء أي تعديل على الملف
استخدامات الهاش
في حالة تحميل ملف معين وأريد التأكد من أنه لم يحدث خلل أثناء التحميل (يكون متوفر لدي الهاش الأصلي الخاص بالملف الموجود على السيرفر مثلا)
بعد تحميل الملف ووصوله إلى جهازي (كأني أخدت منه نسخة) أقوم بتوليد الهاش الخاص به
إذا حدث تطابق بين الرقمين إذا الملف وصلني سليما

في نسخ الويندوز، هي طريقة للتأكد من أن النسخة هي نفسها النسخة المطروحة للمستخدمين من قبل مايكروسوف بدون أي تعديل

كل الكلام ده من دماغي وبدون بحث وتدقيق (معلومات من الذاكرة) وقد تحتمل عدم الدقة ولكنها أقرب ما يكون للصواب
لا تكن كسولا ولو بحثت قليلا في جووجل لوجدت ضالتك

إذا كنت ترغب في تحميل أي نسخة ويندوز ألتيميت أو غير ألتيميت تفضل بزيارة الرابط في توقيعي
جميع النسخ الموضوعة هي نسخ من MSDN ولن تجد بينها وبين النسخة الretail أي فارق

[a7med $oft]

شكرا اخي ع الشرح الجميل دة مع اني والله بحثت عن الهاش و مش لاقية خالص في جوجل

بس في حاجة ضايعة مني بردو
يعني الهاش دة بيبق موجود فين ؟؟؟ و ياريت الشرح من ناحية الي بيوجد فيها في السستم

و ما الفرق بين ال OEM و MSDN و Retail ؟

و شكرا جزيلا ع ردك اخي العزيز

[Goldsmith]

بخصوص الهاش
حمل هذه الأداة وقم بتنصيبها
https://code.kliu.org/hashcheck/downloads/HashCheckInstall-latest.exe

الآن حينما تضغط بالزر الأيمن على ملف وتختار properties سيظهر لك هذا الشريط
https://code.kliu.org/hashcheck/screenshots/HashProp1_Classic.png

[a7med $oft]

بخصوص الهاش
حمل هذه الأداة وقم بتنصيبها
https://code.kliu.org/hashcheck/downloads/HashCheckInstall-latest.exe

الآن حينما تضغط بالزر الأيمن على ملف وتختار properties سيظهر لك هذا الشريط
https://code.kliu.org/hashcheck/screenshots/HashProp1_Classic.png

اخي انا حملت البرنامج و سطبتة بس ع حسب منا شايف مفيش حاجة حصلت ؟؟؟

[Goldsmith]

يا حبيبي اتأكد إنك فاتح الـTap الخاص بالـchecksums

زي كدة، دي صورة من جهازي وأنا بشوف الهاش بتاع ملف أيزو صغير جدا
https://img153.imageshack.us/img153/8584/70839743.jpg (https://img153.imageshack.us/i/70839743.jpg/)

[a7med $oft]

اة تمام يا برنس انا لقيت كدة
طيب انا هنرفزك معايا معلش استحملني

رقم الهاش بيفيد باية ؟

ـــــــــــــــــــــــ

[Goldsmith]

أنا فعلا اتنرفزت
مش عشان كتر الأسئلة ولكن عشان تكرار السؤال
يا حبيب قلبي قولتلك في مشاركة قبل كدة

لو أنا بحمل ملف مثلا
ابن الحلال إللي رافع الملف على المنتدى مثلا كاتب إن الـmd5 بتاع الملف كذا
عشان أنا لما ربنا يكرمني وأحمل الملف بالسلامة أطابق الرقم إللي ظهر عندي بالرقم الأصلي وأعرف إن الملف نزل سليم

في نسخ الويندوز
بتدخل الموقع بتاع msdn بتلاقي البيانات الخاصة بكل ملف أيزو ومن ضمنها الهاش بتاعه sha-1
وطبعا انت مش بتقدر تحمل من الموقع لأنه باشتراك
فبتروح بالحداقة كدة مدور على نفس النسخة في أي منتدى أو تورنت
وعشان إحنا حرامية غلسين شويتين بنسرق الحاجة وبنحب نتأكد إنها أصلية كمان من بجاحتنا
فبنطابق رقم الهاش بتاع النسخة إللي إحنا حملناها بالرقم بتاع النسخة الأصلية إللي على موقع msdn
لو طلع هو هو بالظبط يبقى النسخة سليمة ومحدش عدل فيها حاجة يعني untouched

وصلت كدة؟
تحت أمرك يا عم ولو عندك أي استفسار تاني أنا موجود