المساعد الشخصي الرقمي

مشاهدة النسخة كاملة : عايز اعمل نتورك على VMWARE 7


ahmedhaggar
06-12-2010, 11:11
بسم الله الرحمن الرحيم

لو سمحتم يا جماعه انا نزلت VMWARE 7 علشان اعمل بيه سميولاشن لشغل ال MCSE

و عملت عليه اتنين VIRTUAL PCS و نزلت عليهم ويندوز اكس بى

دلوقتى انا عايز اعمل شبكه ما بينهم علشان اربطهم ببعض و اعرف اعمل سميولاشن .

ياريت حد يفيدنى فى الموضوع ده علشان انا لسه مبتدىء شبكات

و شكرا مقدما
tifa5500
06-12-2010, 16:53
ياسيدي انتا تقول بس واحنا عينيا الاتنين ليك
بص يا باشا وانتا بتسطب هتلاقي اختيار اسمة NETWORK Bridged
كدة يا استاذي الفاضل الشبكة متوصلة كأنكرابط الجهازين في السويتش معاك او الراوتر وهياخد ip من نفس رينج جهازك الاصلي
طيب هتقولي والله سطبت ومعرفش اخترت اية
طيب بص يا سيدي عينينا بردة

بص يا سدي افتح برنامج الفيرشوال ماشين وبعدين افتح الpc الي انتا عملتة
ودوس عليها كلك يمين واختار Setting
iهيفتحلك صفحة حلوة كدة اختار منها Network Adapter
ودوس عليها وخليها Bridged
واي حاجة انا في الخدمة
ahmedhaggar
07-12-2010, 09:59
تسلم عينيك يا تيفا

الله ينور الشبكه بقت شغاله و زى الفل

شكرا جزيلا
tifa5500
07-12-2010, 20:31
مهو الشخصية الهندسية العسل دي نخدمها بعنينا بس ابقي بقي افتكرني لما اسألك ولا هتنسااااااااااااااااني
ههههههههههههههههههههههههههههههههههههههههههههههههه
اها بقي هتبقي مهندش شبكات كبير ان شاء الله واتصل بيك ومتردش علينا يا عم
ربنا يوفئك يااااااااااااااااااااااااارب يارب يارب وشد حيلك الشبكات عايزة تركيز