نظره سريعه على XBOX PC WIRED CONTROLLER

[EL-MARIACHY]

بسم الله الرحمن الرحيم


السلام عليكم و رحمه الله و بركاته


هذا موضوع بسيط للغايه حيث يتناول نظره سريعه على الXBOX CONTROLLER حيث انى لم أرى له أى تقرير أو مراجعه فى هذا المنتدى


فكنت أريد أن يسهل موضوعى هذا على الأعضاء التى تتمنى أن تلعب بمتحكم راقى و متردده بشأن الXBOX CONTROLLER

أحب أولاً أن أشكر أخى و صديقى THE E-EVIL على مساعدته فى شرائه حيث انه قام بكل المجهود حتى وصل الى باب بيتى


------------------------------------



سنتناول بعض الصور له كتعريف به


1- العلبه من الأمام :

https://imgur.com/ZJpNs.jpg





2- العلبه من الخلف :


https://imgur.com/nPNkd.jpg




3- العلبه من الجانب علماً بان الجانبين لا يوجد أى إختلاف بينهم



https://imgur.com/Uhg2w.jpg





4- مكونات العلبه :


https://imgur.com/zMC74.jpg



- CD التعريف الخاص بال CONTROLLER و يحذر بشده فى كل أرجاء العلبه و الMANUAL أن تبدأ بإدخاله أولاً قبل توصيل الCONTROLLER

- الMANUAL الخاص بال CONTROLLER و هو به 3لغات منهم الإنجليزيه و لا توجد العربيه بالطبع

- المتحكم نفسه و هو XBOX PC WIRED CONTROLLER



5- هذه هى التحويله أو الوصله من مدخل الXBOX الى مدخل USB و تأتى متركبه فى السلك بكل سهوله و بالطبع يمكن فصلها

https://imgur.com/MtYy2.jpg




6- نظره أخرى للتحويله بعد فصلها من وصله الUSB


https://imgur.com/Mimg1.jpg





7- نأتى هنا لوصله الUSB و نرى هنا انها كغلفه بإحكام شديد , و تجدون معها تنبيه هام وهو أنك يجب أن تضع إسطوانة التعريف قبل توصيل الUSB بالجهاز :

https://imgur.com/05lAQ.jpg




8- بعد نزع التحذير سنجد الوصله هكذا , و الغريب إنها مغلفه للمره الثانيه :


https://imgur.com/nS1RS.jpg




9- بعد نزع التغليف الأخير للوصله سنجد الUSB و الغريب انه غير مطلى بالذهب :confused:!! , حيث انى إعتقدت بعد كل هذه التغليفات أنه يكون مطلى بالماس :D

https://imgur.com/z6Dx6.jpg




10- و الأن نأتى للدراع نفسه من الأمام :

https://imgur.com/liwKC.jpg




11- الذراع من الخلف :


https://imgur.com/RCxPu.jpg




12- الذراع من أعلى :


https://imgur.com/TT2vE.jpg




13- الذراع من أسفل و سنجد به بعض المداخل حيث أنها تستخدم لتوصيل سماعات HEADPHONES ذات مدخل 2.5مم


https://imgur.com/XMYp9.jpg





14- نرى هنا جوده الANALOG حيث انها مصنوعه بطريقه جميله جداً بتجويف داخلى لعدم انزلاق الإصبع بعد التعرق

لما الصباع يكون عرقان بيتزحلق من على الANALOG



https://imgur.com/QIHyH.jpg




15- بعد توصيله بالحاسب سنجد أن العلامه التجاريه للXBOX بدأت الإناره حيث انها تدل على أن هناك متحكم واحد فقط تم توصيله بالحاسب و يوجد أربع إضاءات مختلفه تدل على ترتيب المتحكم فى يديك فى حاله تركيب أكثر من متحكم بالجهاز


https://imgur.com/rUksO.jpg








إلى هنا تنتهى الصور و سوف نبدا بالفيديوهات

---------------------------------------------------------------------------------------------------------------------

كل الفيديوهات لن تزيد عن 40 ثانيه



1- أكبر مفاجأه وجدتها أن الزرين الخلفين فى أسفل المتحكم يقع خلفهم سوسته و يوجد مراحل فى الضغط عليه و ليس ضغطه واحده


هنفهم مع بعض من هذا الفيديو :

من هنا (https://www.youtube.com/watch?v=pfiI0fl2A-U)



2- من هذا الفيديو أنا لعبت NFS: HOT- PURSUIT و طبعاً تم AUTOMATIC CONFIGURED الزر الخلفى فى الأسفل فى اليمين مخصص للACCELERATION و الزر الخلفى فى الأسفل فى الشمال مخصص للBRAKES

فهنا تستطيع أن تتحكم بكل سهوله فى مقدار السرعه و مقدار الفرامل فى العربيه , بمعنى أنه يمكنك أن تسير بسرعه 50 كيلو فى الساعه بدون مشاكل و تثبت على هذا لفتره طويله

و يمكنك أيضاً أنك فى السرعات العاليه أن تتحكم فى قوه الفرامل ان تضغط عليها بنسبه 20% أو 50% و هكذا

و سنرى هذا الكلام فى الفيديو القادم , علما بانكم تعرفون أن عندما تضغطوا على زر السرعه فى اللعبه فان العربه تنطلق بكامل قوتها و نفس الكلام مع الفرامل

فى هذا الفيديو أيضاً أن لم أضغط على الفرامل و العربه تسير انما الأضواء الخلفيه هى أضواء الإناره الليله
و أسف على الصوت العالى حيث انى لم أتمكن من خفضه فى الفيديو

تفضلوا اذا تكرمتم من هنا (https://www.youtube.com/watch?v=q6bOtfKQK70)


و هذا فيديو أخر (https://www.youtube.com/watch?v=O4Ml130-pCs)


بعض الملاحظات :

1- أنا سجلت المقطعين ببرنامج FRAPS و كل مقطع لا يتجاوز ال40ثانيه و كانت المساحه 1.5جيجا علماً بانى عامل الإعدادات منخفضه للغايه فى البرنامج و لكن لم أتمكن من خفض المساحه إطلاقاً

2- لماذا لا يوجد فى هذا المنتدى العريق شرح لكيفه تسجيل مقطع فيديو و إضافه شعار "عرب هاردوير" فى الفيديو حيث انى ضعيف للغايه فى هذه النقطه و مستعد للتعلم و لكنى لم أجد أى شيئ من هذا

3- لا يوجد أيضاً برنامج WINDOWS MOVIE MAKER مخصص لويندوز 7 , حيث هذا هو البرنامج الذى كنت هعتمد عليه فى تصغير المساحه و إضافه الشعار و لكنه غير موجود


لو يوجد أى شخص يقدر يساعدنى فى هذه النقطه أرجو ألا يبخل عليا بها حيث انى عانيت جداً حتى اصغر المساحه و أتمكن من رفعها لحضراتكم

-------------------------------------------------------------------------------------------------------------------


المميزات و العيوب:


- المميزات :

1- عند توصيله بالحاسب يكون AUTOMATICALLY CONFIGURED على كل الألعاب و لا حاجه لديك لتظبط كل زر نفسك و هى عمليه متعبه للغايه

2- طول السلك 3متر , بدون الوصله 290سم و طول وصله الUSB 10سم

3- تحكم رائع فى الألعاب التى تعتمد على حساسيه الANALOG ك PES

4- ازرار تتحكم فيها بقوه و ضعف و زياده و تقليل للحركه كأمثال البنزين فى لعبه NFS يمكنك أن تسير على سرعه 100 بدون مشاكل

5- ال ANALOG مجوف للداخل حتى يستطيع إستيعاب الإصبع و يمنعه من الإنزلاق خصوصاً اذا كان به بعض العرق


- العيوب :

1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه

2- سعره مرتفع من وجهة نظرى و كان يمكننى شراء 8 متحكمات تجاريه بثمنه

3- لا يوجد معه ضمان



----------------------------------------------------------------------------------------------------------------------


الى هنا تنتهى النظره السريعه و أنا أدرك أنه موضوع لا يهم الكثير بل أغلب الأعضاء و لكنى كنت أتمنى أن أرى موضوع مثله قبل شرائى للمتحكم و لكنى لم أجده فوودت أن أفيد على الأقل المهتمين بشرائه ولكن مترددين


منتظر تعليقاتكم و إقتراحتكم و أرجو أن ينال رضاكم و أسف ان كنت أضعت وقتكم :o

[Eng.MinaEdward]

مبروك عليك يا عم شريف

ربنا يديك خيرة ويكفيك شرة :)



1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه

انت شايف ان دا عيب ؟؟! دا شيء عادى ومتبصلوش بينة وبين المتحكمات التجارية بصلة ان دا بين Xbox و PS3
فاللى بيتعود على دا بياخد علية و مبيحبيش التانى :)



2- سعره مرتفع من وجهة نظرى و كان يمكننى شراء 8 متحكمات تجاريه بثمنه
3- لا يوجد معه ضمان


فعلا سعرة غالى جدا وخصوصا انة وصلكم اغلى من تمنة لو انت فى امريكا حوالى 100 جنية و ان شاء الله الشركة بتاعت مايكرو لابس دى تجيبة بسعر محترم وهايكون معاة ضمان :)

[S@M]

الله ينور يا عزيزى ...على التقرير الروعة ...

للآسف السمعات خنقانى ..ومش عارف اديلك تقييم ..:)

بس ليك فى زمتى واحد :D


+

https://www.arabhardware.net/forum/images/rating/rating_5.gif...;)

[Cobra007]

الف مبروك الدراع و المراجعة ممتازة جدا بصراحة
الدراع ممتاز طبعا بس زي ما انت قولت سعره مرتفع

[CoreI7-Man]

- العيوب :

1- بعد إستخدامه كثيراً من الصعب جداً الإعتياد أو اللعب بالمتحكمات التجاريه العاديه

2- سعره مرتفع من وجهة نظرى و كان يمكننى شراء 8 متحكمات تجاريه بثمنه

3- لا يوجد معه ضمان





1- هذا ليس عيب اطلاقاً....... بالعكس انت هاتعرف اني انت قبل كده ماكنتش بتلعب...........:D كنت بتضيع وقت.
2- ان شايف اني السعر مش مرتفع..... حوالي 37 دولار من امريكا ........وهذا ليس بالسعر المرتفع اطلاقا ....بل مناسب جدا وفي المتناول.
3- موضوع الضمان بقي اختلف معاك فيه تمام الاختلاف (يعني قال في اللي فاتو كنت موافقك:D) لاني ده مش حاجة رسمية بل هو معتمد علي انك اشتريته من خارج مصر فيأتيك بدون ضمان ....انما هو في الاساس معاه ضمان عادي جدا زي اي منتج .
وشكرا لتعبك في الموضوع واتاحته ليفيد الكثير من الـ Gamers والاعضاء المهتمين في المنتدي.....
ملحوظة :
لازم تجرب ال Wireless رهييييييييييييييييييييييييييييييييييييييييييييييب فوق ما تتصور....تحس انك مستكنيص وانت بتلعب ...احساس جديد تماما عن اي دراع بسلك ....انا عندي 2 وايرليس واحد منهم دراع الاكس بوكس فور ويندوز اللي هو ببيعه في توقيعي والتاني Logitech Cordless Rumblepad 2 الاتنين اجمد من بعض....وانا كنت هاعمل تقارير مفصلة عن كل واحد فيهم .....بس الامتحانات دخلت من الشبابيك ما بقتش ع الابواب.....بس ان شاء الله انتظرو مني تقريرين مفصلين عن كل دراع فيهم في الاجازة ......

[Mezoxin]

[COLOR=Blue]

5- هذه هى التحويله أو الوصله من مدخل الXBOX الى مدخل USB و تأتى متركبه فى السلك بكل سهوله و بالطبع يمكن فصلها

https://imgur.com/MtYy2.jpg




6- نظره أخرى للتحويله بعد فصلها من وصله الUSB


https://imgur.com/Mimg1.jpg


[/RIGHT]

[/RIGHT]
[/CENTER]

شكرا علي الموضوع :)

وصلة جهاز ال xbox 360 هي وصله usb عادية , لا يوجد مداخل بهذا الشكل اطلاقا في الجهاز :ah32:

ربما تكون وصله لل xbox السابق

[EL-MARIACHY]

مبروك عليك يا عم شريف

ربنا يديك خيرة ويكفيك شرة :)




انت شايف ان دا عيب ؟؟! دا شيء عادى ومتبصلوش بينة وبين المتحكمات التجارية بصلة ان دا بين Xbox و PS3
فاللى بيتعود على دا بياخد علية و مبيحبيش التانى :)




فعلا سعرة غالى جدا وخصوصا انة وصلكم اغلى من تمنة لو انت فى امريكا حوالى 100 جنية و انشاءلله الشركة بتاعت مايكرو لابس دى تجيبة بسعر محترم وهايكون معاة ضمان :)



نعم أراه عيب من وجهة نظرى لأن فى الرودشو كلها متحكمات رخيصه و عاديه و سيئه للغايه فساعتها مش هتقدر تلعب بيه


ثانياً : أنا أذهب لألعب مع صديقى كثيراً , فبضطر انى أروح ألعب بواحد تجارى علشان مش كل شويه افك الXBOX و أروح أعرفه عند صاحبى و خايف بصراحه انه يحصله حاجه علشان مافيش ضمان

ثالثاً فعلاً أنا جبته أغلى من بره ب100ج بالظبط بس الحمد لله متعه تانيه خالص لا أستطيع وصفها




الله ينور يا عزيزى ...على التقرير الروعة ...

للآسف السمعات خنقانى ..ومش عارف اديلك تقييم ..:)

بس ليك فى زمتى واحد :D


+

https://www.arabhardware.net/forum/images/rating/rating_5.gif...;)



يكفينى مرورك أخ صام و الحمد لله ان هذا الموضع عجب حضرتك معناه انه ليس بالتافه كما توقعت


https://www.arabhardware.net/forum/images/rating/rating_5.gif ده تقييم الموضوع صح !! :D



1- هذا ليس عيب اطلاقاً....... بالعكس انت هاتعرف اني انت قبل كده ماكنتش بتلعب...........:D كنت بتضيع وقت.
2- ان شايف اني السعر مش مرتفع..... حوالي 37 دولار من امريكا ........وهذا ليس بالسعر المرتفع اطلاقا ....بل مناسب جدا وفي المتناول.
3- موضوع الضمان بقي اختلف معاك فيه تمام الاختلاف (يعني قال في اللي فاتو كنت موافقك:D) لاني ده مش حاجة رسمية بل هو معتمد علي انك اشتريته من خارج مصر فيأتيك بدون ضمان ....انما هو في الاساس معاه ضمان عادي جدا زي اي منتج .
وشكرا لتعبك في الموضوع واتاحته ليفيد الكثير من الـ Gamers والاعضاء المهتمين في المنتدي.....
ملحوظة :
لازم تجرب ال Wireless رهييييييييييييييييييييييييييييييييييييييييييييييب فوق ما تتصور....تحس انك مستكنيص وانت بتلعب ...احساس جديد تماما عن اي دراع بسلك ....انا عندي 2 وايرليس واحد منهم دراع الاكس بوكس فور ويندوز اللي هو ببيعه في توقيعي والتاني Logitech Cordless Rumblepad 2 الاتنين اجمد من بعض....وانا كنت هاعمل تقارير مفصلة عن كل واحد فيهم .....بس الامتحانات دخلت من الشبابيك ما بقتش ع الابواب.....بس ان شاء الله انتظرو مني تقريرين مفصلين عن كل دراع فيهم في الاجازة ......




فعلاً كما حضرتك تقول هوا إحساس تانى خالص لم أعهده من قبل , و لكن سعره عالى من وجهة نظرى يعنى بالنسبالى أخره 200ج فأكثر من هذا يعتبر غالى من وجهة نظرى و هوا ليس غلطه أخونا THE E-EVIL إطلاقاً و الا لم أكن سأشتريه و لكنه حتى يصل الى مصر يتكلف حوالى 220ج

ولكن نقطه الويرليس من وجهة نظرى انها سيئه علشان الشحن , حيث انى من الموع المحافظ للغايه و طوال الوقت اريده أن يكون مشحون و عندى فقدان ذاكره كبير و ممكن أنسى اشحنه و أجى ألعب معرفش فدى بالنسبالى شيئ سيئ انما الوايرليس ممتاز ولا غبار عليه

نورت الموضوع



الف مبروك الدراع و المراجعة ممتازة جدا بصراحة
الدراع ممتاز طبعا بس زي ما انت قولت سعره مرتفع


الله يبارك فى حضرتك , و لو انت ناوى عليه يوجد شركه قالت انها هتجيبه بسعر كويس انتظر قليلاً



شكرا علي الموضوع :)

وصلة جهاز ال xbox 360 هي وصله usb عادية , لا يوجد مداخل بهذا الشكل اطلاقا في الجهاز :ah32:

ربما تكون وصله لل xbox السابق


العفو أخى

أنا لم اعرف ان وصله ال XBOX هى USB عادى و لكنى افترضت أن الوصله مختلفه و إلا كانوا يعملوا السلك كله USB مش لازم كانوا يعملوا وصله معينه له , هذا هو ما إعتقدته

[mahmoudinho]

الف الف مبروك وربنا يباركلك فيه انا عندي واحد برده وشغال معايا تمام

[™Phantom]

موضوع ممتاز


بس دمي اتحرق جداُ

النهاردة واحد جارنا وصل من أمريكا من عند أخويا وكان أخويا سألني من فترة ان كنت عايز حاجة وكنت فاكر أخليه يشتريلي شوية حاجات من ضمنها الوايرلس كنتروللر , بس قلتله على علبتين دواء وبعدها اتشغلت جداً فنسيت أقوله على باقي الحاجات :mad:

[sikimiky]

الف مبروك علي XBox controller الجامد جدا :)
كدة انا مش هلعب معاك PES تاني خالص حفاظا علي كرامتي :D

ربنا يبارك لك فية ,
معلش عندي " السماعات " :(
ليك تقييم عندي.

[MOHAMED HIGHEND]

مبروك يا شريف وتتهنى بيه بجد من اكثر الاعضاء الى بحب اتفرج على مرجعاتهم مبروك عليك وتقرير ممتاز من مراجع ممتاز

[Am|r]

الف مبروك

و ميرسى على المراجعة الرائعة

بالنسبة للفيديوهات بكل تاكيد تستطيع تحميل و تسطيب Movie Maker و تشغلة على 7 عادى جدا

و كمان فى برنامج Snagit انا عندى البرنامج و جربت اسجل علية اكثر من 2 دقيقة كان حجم الفيديو لا يتعدى 30MB و ليس 1G :eek:

[ThE-EviL]

شكرا ليك يا شريف علي مراجعتك الاحنرافيه والمفيده لناس كتير علشان تقدر تحكم علي الدراع قبل الشراء.مبروك عليك الدراع وانا حقيقي سعيد اني اتعاملت معاك لأنك بجد شخصية محترمة جدا.
انا ليا تعليق بسيط بخصوص السعر طبعا زي ما الأخوة قالوا في فرق حوالي 100 جنية عن سعرة بره بس للأسف في ناس كتير ما تعرفش الفرق ده سببه ايه؟الفرق ده بيتمثل في الاتي(مصاريف نقل داخل امريكا+مصاريف شحن من امريكا لمصر+جمارك+عمولة الشخص المتمم للصفقة وتخليصها من الجمارك +ربح البائع(انا:)).


فعلاً كما حضرتك تقول هوا إحساس تانى خالص لم أعهده من قبل , و لكن سعره عالى من وجهة نظرى يعنى بالنسبالى أخره 200ج فأكثر من هذا يعتبر غالى من وجهة نظرى و هوا ليس غلطه أخونا THE E-EVIL إطلاقاً و الا لم أكن سأشتريه و لكنه حتى يصل الى مصر يتكلف حوالى 220ج

هو فعلا سعره بره حوالي 190 جنية ولكن فارق السعر ان وضحت سببه ايه.وللعلم هو سعره حتي يصل الي مصر أكتر من 220 ج ;) ده طبعا بالنسبة لي.
أتمني ان شركة مايكرو لابس تدخل الدراع بسعر كويس علشان عايز اشتري واحد كمان :) لأنه فعلا من المتطلبات الأساسية لأي جيمر

[ehab7bob]

حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس

[EL-MARIACHY]

الف الف مبروك وربنا يباركلك فيه انا عندي واحد برده وشغال معايا تمام


الله يبارك فى حضرتك , و ربنا يعمرلك الدراع بتاعك :ah38:



موضوع ممتاز


بس دمي اتحرق جداُ

النهاردة واحد جارنا وصل من أمريكا من عند أخويا وكان أخويا سألني من فترة ان كنت عايز حاجة وكنت فاكر أخليه يشتريلي شوية حاجات من ضمنها الوايرلس كنتروللر , بس قلتله على علبتين دواء وبعدها اتشغلت جداً فنسيت أقوله على باقي الحاجات :mad:



يا أخ فانتوم ألف شكر على التقييم , ولا تزعل نفسك و لا تحرق فى دمك , روق أعصابك , دلوقتى ان شاء الله شركه ميكرولابس قالت انها هتجيبه بأسعار مماثله للخارج , تخيل حضرتك إشتريته دلوقتى و دفعت ثمنه و بعد حوالى شهر لقيته نزل هنا و بنفس السعر اللى حضرتك إشتريت به بس معاه ضمان , مش كان دمك هيتحرق أكثر !!!

و لا تقلق ان شاء الله هتلاقى حد مسافرلك قريب أو راجع قريب و هيجبهولك




مبروك يا شريف وتتهنى بيه بجد من اكثر الاعضاء الى بحب اتفرج على مرجعاتهم مبروك عليك وتقرير ممتاز من مراجع ممتاز



ألف شكر على الكلمات الرقيقه , و الحمد لله ان الموضوع حاز على إعجاب حضرتك :ah4:




الف مبروك

و ميرسى على المراجعة الرائعة

بالنسبة للفيديوهات بكل تاكيد تستطيع تحميل و تسطيب Movie Maker و تشغلة على 7 عادى جدا

و كمان فى برنامج Snagit انا عندى البرنامج و جربت اسجل علية اكثر من 2 دقيقة كان حجم الفيديو لا يتعدى 30MB و ليس 1G :eek:




الله يبارك فى حضرتك

أولاً ألف شكر ليك لأنك أول واحد يلاحظ اللى المشكله اللى أنا كاتبها و يحاول يحلها لى

ثانياً: أنا جبت ال WMM بتاع فيستا و هوه ده اللى انا نزلته و بيشتغل كويس أوى بس لا يريد أن يسجل الفيديو على الجهاز

ثالثاً: بالنسبه لل SNAGIT هل سهل التعامل معاه ؟ و هل هو جيد و يستحق انى اجيبه نسخه كامله ؟

شكراً لحضرتك مره أخرى



شكرا ليك يا شريف علي مراجعتك الاحترافيه والمفيده لناس كتير علشان تقدر تحكم علي الدراع قبل الشراء.مبروك عليك الدراع وانا حقيقي سعيد اني اتعاملت معاك لأنك بجد شخصية محترمة جدا.
انا ليا تعليق بسيط بخصوص السعر طبعا زي ما الأخوة قالوا في فرق حوالي 100 جنية عن سعرة بره بس للأسف في ناس كتير ما تعرفش الفرق ده سببه ايه؟الفرق ده بيتمثل في الاتي(مصاريف نقل داخل امريكا+مصاريف شحن من امريكا لمصر+جمارك+عمولة الشخص المتمم للصفقة وتخليصها من الجمارك +ربح البائع(انا:)).



هو فعلا سعره بره حوالي 190 جنية ولكن فارق السعر ان وضحت سببه ايه.وللعلم هو سعره حتي يصل الي مصر أكتر من 220 ج ;) ده طبعا بالنسبة لي.
أتمني ان شركة مايكرو لابس تدخل الدراع بسعر كويس علشان عايز اشتري واحد كمان :) لأنه فعلا من المتطلبات الأساسية لأي جيمر


ألف شكر على الإطراء و لكن يا أخى يجب أن تعلم جيداً انى لم ألومك أو ألقى اللعبء عليك باى شكل كان إطلاقاً

انا أعلم سعره كام و أعلم أيضاً أن فرق ال100ج فى حاجات تانيه , و لم أسألك على أياً منها لأنى أثق فى حضرتك

انما ما قلته هو ان الدراع سعره غالى أساساً و ليس فى هذا أى غلطه منك

و انا لم أقل ان سعره حتى يصل 220 انما ما قصدته أنك لو واقف على باب المحل اللى هتشترى منه فهتدفع حوالى 220 فمابالك عقبال ما يسافر قارتين حتى يصل الى هذه البلد !!

ألف شكر لحضرتك مره أخرى لأنه بدونك ما كان بإمكانى أن العب به فى هذه الأوقات و ده طبعاً توفيق من عند الله أولاً و اخيراً




الف مبروك علي XBox controller الجامد جدا :)
كدة انا مش هلعب معاك PES تاني خالص حفاظا علي كرامتي :D

ربنا يبارك لك فية ,
معلش عندي " السماعات " :(
ليك تقييم عندي.



COME ON , ده أنا جايبه مخصوص علشان هذا السبب :ah51:



حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس


للاسف لا أعرف أخى و لكن هنا مواضيع مثبته عن الXBOX ممكن تسال هناك هيفيدوك ان شاء الله

[ThE-EviL]

ألف شكر على الإطراء و لكن يا أخى يجب أن تعلم جيداً انى لم ألومك أو ألقى اللعبء عليك باى شكل كان إطلاقاً

انا أعلم سعره كام و أعلم أيضاً أن فرق ال100ج فى حاجات تانيه , و لم أسألك على أياً منها لأنى أثق فى حضرتك

انما ما قلته هو ان الدراع سعره غالى أساساً و ليس فى هذا أى غلطه منك

و انا لم أقل ان سعره حتى يصل 220 انما ما قصدته أنك لو واقف على باب المحل اللى هتشترى منه فهتدفع حوالى 220 فمابالك عقبال ما يسافر قارتين حتى يصل الى هذه البلد !!

ألف شكر لحضرتك مره أخرى لأنه بدونك ما كان بإمكانى أن العب به فى هذه الأوقات و ده طبعاً توفيق من عند الله أولاً و اخيراً


يا اخ شريف انا عارف انك مش بتلومني انا حبيت أوضح بس فرق السعر سببه ايه مش اكتر .


COME ON , ده أنا جايبه مخصوص علشان هذا السبب

حاول تجرب فيفا 11 كمان هتحس فعلا بمتعه حقيقية علي الرغم من اني كنت Pes fan لمده تزيد عن 7 سنين انما بعد تجربة الفيفا السنة دي غيرت رأي تماما


حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس

حضرتك هتحتاج ريسيفر بيوصل يو اس بي بالكمبيوتر وده بيدعم لحد 4 دراعات وايرلس

https://ecx.images-amazon.com/images/I/31%2BfcDWCnuL.jpg

[CoreI7-Man]

حضرتم انا عندي دراع الاكسبوكس الويرلس العادي لو عايز اوصلة علي الكومبيوتر اوصلة ازاي ؟مع العلم انه ويرلس
حضرتك محتاج الريسيفر الخاص بالدراع ليعمل علي ال pc + التعريف للدراع علي الويندوز........ولو عايز الريسيفر (تشتريه) يمكنك مراجعة توقيعي...

[ZEX]

الف شكر على التقرير الجميل تسلم

اكتر حاجه اعجبتنى فى المميزات رقم 4

4- ازرار تتحكم فيها بقوه و ضعف و زياده و تقليل للحركه كأمثال البنزين فى لعبه NFS يمكنك أن تسير على سرعه 100 بدون مشاكل

متعرفش الدراع ده فى نفس الخاصيه و لا لأه

https://www.nefsak.com/Rumblepada-2-PC-Logitech.html

[EL-MARIACHY]

الف شكر على التقرير الجميل تسلم

اكتر حاجه اعجبتنى فى المميزات رقم 4

4- ازرار تتحكم فيها بقوه و ضعف و زياده و تقليل للحركه كأمثال البنزين فى لعبه NFS يمكنك أن تسير على سرعه 100 بدون مشاكل

متعرفش الدراع ده فى نفس الخاصيه و لا لأه

https://www.nefsak.com/Rumblepada-2-PC-Logitech.html


العفو اخى

ألف شكر لحضرتك على التقييم الغالى

انا شوفت صورته وواضح انه لا يوجد به , و حاول تشوف الفيديو فى أول الموضوع هتلاقى الزر بيدخل لجوه و يرتد كما تضغط على دواسه البنزين فى العربيه

و ممكن أكون غلط و لكنه مش كاتبين أى حاجه عليه

[محمد الجوهري]

شريف بيه :)

الله ينوّر عليك يا أخي ... هأدي لك تقييم و أنا سعيد :)

لو كنت شفت التقرير ده من زمان ما كنت إشتريت الدراع, كفاية عليا أشوف تقرير هايل زي ده :)



3- العلبه من الجانب علماً بان الجانبين لا يوجد أى إختلاف بينهم


غلــط .. فيه إختلاف

جنب مكتوب بالإنجليزي, و التاني بالفرنساوي :D:D:D



13- الذراع من أسفل و سنجد به بعض المداخل حيث أنها تستخدم لتوصيل سماعات HEADPHONES ذات مدخل 2.5مم


حد جرّب الموضوع ده يا شرف ؟ :)



1- أكبر مفاجأه وجدتها أن الزرين الخلفين فى أسفل المتحكم يقع خلفهم سوسته و يوجد مراحل فى الضغط عليه و ليس ضغطه واحده


أوّل مرّة أعرف المعلومات دي .. لو فيه حاجة كمان قول :)

خاصية رائعة جداً



الى هنا تنتهى النظره السريعه و أنا أدرك أنه موضوع لا يهم الكثير بل أغلب الأعضاء و لكنى كنت أتمنى أن أرى موضوع مثله قبل شرائى للمتحكم و لكنى لم أجده فوودت أن أفيد على الأقل المهتمين بشرائه ولكن مترددين


صدقني لم أستمتع بموضوعات كثيرة مثل موضوعك ...

شكراً لك :)

[ThE-EviL]

ممكن يا شريف اضيف موضوعك المميز ده للموضوع بتاعي المخصص للشراء.؟
استفسار هي علامة التقييم مش ظاهرة عندي ليه بقالي يومين بدور عليها ومش عارف أوصلها :)

[ehab7bob]

حد جرّب الموضوع ده يا شرف ؟ :)




شكراً لك :)

حضرتك اما بتلعب علي الاكسبوكس بيجي معاه سماعة بتوصلها في الدراع عشان تتكلم مع الي بيلعبو معاك زي chating room بس بالصوت و داخل اللعبة , بيكون مفيد جاد في العاب الجماعية زي بتل فيلد

[EL-MARIACHY]

شريف بيه :)

الله ينوّر عليك يا أخي ... هأدي لك تقييم و أنا سعيد :)

لو كنت شفت التقرير ده من زمان ما كنت إشتريت الدراع, كفاية عليا أشوف تقرير هايل زي ده :)


ألف شكر على الإطراء الجميل

و كان نفسى لو تقدر حضرتك تقولى اذاى أضع الشعار بتاع المنتدى فى الفيديو علشان حضرتك و الأخ فانتو فقط اللى عملوا الحكايه ديه

لو يه مشقه لا داعى لها خالص




غلــط .. فيه إختلاف

جنب مكتوب بالإنجليزي, و التاني بالفرنساوي :D:D:D


لم أكن أريد أن تطرق لهذه النقطه , كان قصدى ان الحانبين مثل بعض فى الشكل و المضمون ولم يكن فيه اختلاف يحتاج انى أصوره

و لومعلوماتك الجانب الأيمن بالفرنساوى كما حضرتك قلت

انما الجانب الأيسر بالأسبانى و ليس بالإنجليزى :eek:

المتطلبات بالإنجليزى هتجدها فى الخلف ;)





حد جرّب الموضوع ده يا شرف ؟

للأسف لأ , علشان معنديش سماعات 2.5مم لأن ببساطه ليس لها لازمه من وجهة نظرى , و يوجد توصيلات أخرى لا أعرفها , و لكن السماعات هى ما كان مكتوب فى الكتالوج



أوّل مرّة أعرف المعلومات دي .. لو فيه حاجة كمان قول :)

خاصية رائعة جداً


نعم هى خاصيه خرافه فعلاً و انا إندهشت ان يوجد إختراع مثل هذا , هتلاقيها فى الفيديوهين اللى انا مصورهم

ولو لقيت حاجه تانيه أقول لحضرتك عليها علطول





صدقني لم أستمتع بموضوعات كثيرة مثل موضوعك ...

شكراً لك :)


ألف شكر لحضرتك لأن من ساعت ما حضرتك عملت الموضوع بتاع المشتت كله بالفيديو و أنا مبهور جداً و أعطانى أفكار كثيره , و أكثر حاجه تعجبنى فى حضرتك هى إستمرارك فى الإبتكار و توليد الأفكار

الحمد لله ان الموضوع عجب حضرتك (كفرد فى طاقم الإداره ) و عجب أعضاء كثيرين أيضاً و هذا لم اكن اتوقعه إطلاقاً

[CoreI7-Man]

الف شكر على التقرير الجميل تسلم

اكتر حاجه اعجبتنى فى المميزات رقم 4

4- ازرار تتحكم فيها بقوه و ضعف و زياده و تقليل للحركه كأمثال البنزين فى لعبه NFS يمكنك أن تسير على سرعه 100 بدون مشاكل

متعرفش الدراع ده فى نفس الخاصيه و لا لأه

https://www.nefsak.com/Rumblepada-2-PC-Logitech.html
اخي انا عندي الدراع ده بس النسخة الوايرليس اللي هي دي:
https://img193.imageshack.us/img193/2088/af2cd6e3750122904039046.jpg


.........ومافيهاش هذه الخاصية. بل هي Trigger عادية جدا زي بتاعة دراع البلايستيشن .....

[ThE-EviL]

بل هي Trigger عادية جدا زي بتاعة دراع البلايستيشن .....

لفظ Trigger هو اللي بيطلق علي الزر الخلفي في ذراع الأكس بوكس لذلك يسمي Lt اختصارا Left Trigger وسمي بالأسم ده لأنه يشبه الي حد كبير في تصميمه زناد المسدس أيضا ذراع البلاي ستيشن 3 مصمم بنفس الشكل لذلك يمكن تسميته Trigger.اما باقي الذراعات يسمي فيها Button عادي وليس Trigger.

[mi99doo]

مشكور والف مبروك وتتهنى بيه يارب
وفعلا مراجعه مهمه وليست تافهه وبارك الله فيك
والدراع جميل وانيق وواضح انه تجربه مختلفه خالص

[EL-MARIACHY]

مشكور والف مبروك وتتهنى بيه يارب
وفعلا مراجعه مهمه وليست تافهه وبارك الله فيك
والدراع جميل وانيق وواضح انه تجربه مختلفه خالص


الله يبارك فى حضرتك و فعلاً الدراع خرافه بجد

و ألف شكر على الكلمات الجميله;)

[$The-King$]

الذراع logitech f710 برضوه جميل جدا جدا جدا وفيه trigger برضوه
https://www.logitech.com/assets/32785/4/wireless-gamepad-f710feature-image.png

[ziadalshrbini]

انا وصلي الدراع من الاخ ThE-EviL و بصراحه الدراع جبااااااااااااااااااار و بالذات في العربيات و مش محتاج تعريفات على الالعاب اشتغل على طول و انا اساسا كنت جايب الدراع علشان الانالووج اللي فيه مش زي الانالوجات التانيه روحت شويه او كتير تلاقي العربيه لبست في السور و حاجات مالهاش لازمه و كمان اللي شغال بالدراعات التعبانه اللي ب 20 جنيه و كدا لو مسك الدراع و لعب بيه بس حيعرف ان هو ما كانش بيلعب قبل كدا و احلى متعه في الدراع دا و ربنا يخلي ThE-EviL لانه كان معايا و بشكره جدا على زوقه و احترامه و الحاجه جت باحسن شكل و بانصح اي واحد يشتري الدراع دا
ThE-EviL شوف بعملك دعايه اهو :p

[Mostafa Gomaa]

ألف مبروك يا شريف باشا موضوع رائع وخاصيه جميله جدااااااااااااااا اللى شبه دواسة البنزين :D