المساعد الشخصي الرقمي

مشاهدة النسخة كاملة : طلب من أهل الخبرة بخصوص لوحة و بروسيسور



محب أهل السنة
22-12-2010, 12:54
السلام عليكم و رحمة الله و بركاته
بداية ميزانية البوردة و البروسيسور 500 جنيه مصرى
مطلوب معرفة أي البورد أفضل
فى حدود ال 300-350 جنيه
GIGABYTE-ASUS-MSI
بالنسبة للجيجا بايت نصحونى ب G41 ولكن قرأت هنا أن كارت الشاشة بها غير جيد
و بالنسبة لل G47 الداعمة لل AMD قالوا أنها بتسخن بسرعه
و بالنسبة للأسوس قالو أنها تحت التجربة
أما ال MSI فصراحة لا أعلم عنها مدى كفائتها
أنا فى الأصل كان عندى بوردة جيجا بايت 945 ولكن قمت ببيعها لأنها مش بتستحمل الهاردات الساتا ذات الأحجام الكبيرة بداية من 500 جيجا
و فى شخص نصحنى بهذه البوردة GIGABYTE G41/PES66/800/DDR3.SUP.3.8
وقاللى دى بوردة سيرفرات و غير منتشرة و سعرها 480 جنيه
أما بالنسبة للبروسيسور
فال AMD قالوا بيسخن و هيعمل مشاكل
أما الأنتل فالشخص اللى نصحنى بالبوردة اللى ب 480 جنيه نصحنى بالبروسيسور الأنتل الآتى
DC 2.7
و أخبرنى أنه DUAL CORE / CORE2DUO
قلت له إزاى
قاللى هو يعتبر CORE i2 بيقرأ CORE2DUO 3.8
المهم ياريت تعرفونى أفضل بوردة و بروسيسور فى حدود ال 500 جنيه
و ياريت أهل الخبرة يكتبوا الأفضل مع السبب

masklove
22-12-2010, 15:37
في الحقيقة دعني انصحك وانت تعلم اني ليس لي غرض تجاري من هذه النصيحة
اللي قالك الكلام ده كله اما جاهل او بياع عايز يخلص من البضاعة اللي عنده
منذ فترة كنت مثلك اللي انت اصبحت اتعامل مع AMD اما مع تجميعات الناس او اقاربي او لاب توب ببروسيسور AMD
والحقيقة ممتاز في كل شيء الحرارة والاداء وكل شيء وضمان استبدال 3 سنوات عكس ال intel اللي ضمنها سنة واحدة

و بالنسبة لل G47 الداعمة لل AMD قالوا أنها بتسخن بسرعه
لا توجد بورده اسمها G47 ولكن توجد واحدة اسمها 74GM وهي بورده من جيجابايت وانت تعرف ان شركة جيجابايت ممتازة في كل البوردات التي تخرجها وخصوصا الحرارة فلا تأخذ بهذا الكلام الجاهل

و بالنسبة للأسوس قالو أنها تحت التجربة
ادفع نصف عمري واعرف معني هذه الجملة
اسوس تعتبر واحدة من اكبر الشركات المصنعة للوحة الام والبعض يراهن علي انها الاولي عالميا
وحاليا وكيلها هو الهندسية اللي هو وكيل kingstone وهو وكيل ممتاز
والــ MSI ممتازة ولها تاريخ كبير

فال AMD قالوا بيسخن و هيعمل مشاكل
لو دخلت في المنتدي هتلاقي تقريبا ان نصف اعضاء المنتدي عندهم AMD وان شاء الله انا في التحديث القادم AMD
وال AMD الجديد تكنولوجيا 45 نانو بجد استهلاك طاقة قليل وحرارة قليلة

قاللى هو يعتبر CORE i2 بيقرأ CORE2DUO 3.8
مفيش حاجة اسمها i2 الا بتاع التليفونات بس :D انتل منزلتش حاجة اسمها I2 !!!!!!!!!
انا هضرب لك مثال
لو عندنا سيارة تسير بسرعة 100 كيلو/ الساعة وبتشيل 100 طن
لو جبنا سيارة اخري بنفس المواصفات هل نقدر نقول ان عندنا سيارة واحدة تسير بسرعة 200 وبتشيل 200 ؟ !
لا طبعا ليه لأن كل سيارة منفصلة وليها سواق وطريق منفصل بتمشي فيه وهكذا
هو ده البرسيسور ثنائي النواه مثل Dual core او core 2 duo فيهم قلبان وكل قلب بيشغل برنامج
فبدل ما البرامج بتمشي في طريق واحد عندها طريقان وكل طريق بسرعة 2.7 ارجو ان تكون الفكرة وصلت
Intel Dual Core E5500 2.8 GHz/2MB السعر 360 جنيه مصري
GIGABYTE G41_COMBO DDR2+DDR3 السعر 310 جنيه مصري
الفكرة ان كارت الشاشة الداخلي من انتل G41 ضعيف في الالعاب حتي ولو وصل 1 جيجا
وعشان كده هكتب لك ال AMD
AthlonIIX2 240 2.8GHz, 2MB السعر 325 جنيه مصري
Gigabyte MA78LMT-S2 السعر 340 جنيه مصري
كارت الشاشة الداخلي HD 3000 افضل من كارت الانتل
الاسعار من عند التجار في مول سوق العصر
ادخل علي اي شركة في المنتدي في الرابط ده https://www.arabhardware.net/forum/forumdisplay.php?f=193

محب أهل السنة
23-12-2010, 11:08
جزاك الله خيرا
بس بالنسبة للبوردة دى حضرتك مقولتش رأيك فيها
GIGABYTE G41/PES66/800/DDR3.SUP.3.8
قيل إن دى بوردة سيرفرات و غير منتشرة و سعرها 480 جنيه
و عايز من حضرتك نصيحة أخيرة بالنسبة للبروسيسور لأنى هشتغل عليه مونتاج إن شاء الله
يعنى بالنسبة لسخونية ال amd لأن أكثر من مهندس صيانة قاللى إنه بيسخن
بارك الله فيك

محب أهل السنة
23-12-2010, 11:09
و ياريت أعرف مكان توكيل جيجا بايت لأنى عايز أشترى منه
بارك الله فيك

masklove
23-12-2010, 11:19
GIGABYTE G41/PES66/800/DDR3.SUP.3.8
للأسف لا اعرف معلومات كافية عن اللوحة لأن الموديل بالكامل غير مذكور

يعنى بالنسبة لسخونية ال amd لأن أكثر من مهندس صيانة قاللى إنه بيسخن
مهندس صيانة زي اللي قالك ان اسوس تحت التجربة :)
سيبك من الكلام الفارغ ده ال AMD حاليا ممتاز

و ياريت أعرف مكان توكيل جيجا بايت لأنى عايز أشترى من
توكيل جيجابايت لا يتعامل مع الافراد وهو يتعامل مع الشركات فقط
هل قمت بالدخول اللي الرابط بتاع اسعار الشركات ؟؟؟

محب أهل السنة
24-12-2010, 18:56
ليه حضرتك رشحت ال combo ‎و لم ترشح ال mt ‎مع إني علمت أنها أفضل منها
فياريت حضرتك تذكر لي الفرق بينهم و خاصة في كارت الشاشة و قوة تحمل الهاردات الكبيره
يعني مثلا كل بورده منهم تشيل مساحة لغاية كام
لأن أنا غيرت البورده أصلا علشان عدم كفائتها في تحمل الهاردات الكبيره
بارك الله فيك