استفتـاء شركه QDS Egypt علي منتج جديد

[ibrahimpop]

أخترت ممتـاز لكن صعب تسويقه في مصر
صعب الواحد يشتري ماوس ب 500 جنيه
طبعا هي منتجات ممتازة لكن سيكن تسويقها صعب جداااااااااااااااااااااااااااااا

[A-Bomb]

ممكن يصلح لأن في منتجات من نفس الفئة موجودة و وجود منافس هايحرك السوق خصوصا لو في نفس حدود السعر لكن كل الاحتمالات واردة زي ما ميزوزين قال في منتجات موجودة بقالها فترة و مش بتتباع.

[Eng.MinaEdward]

صدقني .. لو منتجات زي دي مدخلتش مصر عشان بس فكره ...
( هو ميييييين معه 500 جنيه لماوس !! )

عمرنا ما كنا هنشوف كسات احترافيه بسعر يتجاوز 1000 جنيه
و ايضا كروت فيجا بسعر يصـل لـ 4000 جنيه , زي المخضــرم Sapphire HD 5970

التاثير النفسى على البشر :)

يعنى اما اقول لما تحط مشتت احترافى هاترفع التردد من 3.2 ل4 دى حاجة ظاهرة للناس

اما قلهم كيسة فيها مراوح من هنا ومن هنا ومن هنا و الحرارة بتأثر على المكونات وممكن تبوظها دى حاجة ظاهرة للناس

اما اقول كارت الشاسة دا لبفرق واجيب اختبارات واعرف المستخدم معدل الاطارات وان الاعدادات فى منها Low و High

الناس بتشوف الكلام دا وبتلمسة وبتحسة وبتخس انها بتدفع فى حاجة تستاهل وحاجة شايفاها تستحق الدفع

زى مقال OverClocl Fantic مصر مش عرب هاردوير

واى حد من برة ومن جوة عرب هاردوير مش هايقدر الحاجة

انا عن نفسى كل حتة فى جهازى جايبها ب 500 + والقطع الرئيسية ب1000+

لكن مثلا لما حد يجيلى اقولة شايف الكيسة عاملة ازاى وفيها مراوح قد اية شايف الشاة حجمها قد اية البروسيسور ادائة ازاى

الكارت لوحدة شكلة جامد من غيرر ادائة :D

حاجة اما الواحد بيشوفها بتاثر فية

واسألك انا بقى سؤال لو انت شوفت اى ماوس اى ان كانت هل ممكن تتدى تأثير زى دا ؟؟؟!

[Goldsmith]

اسمحلي أستاذ شريف، لن أكتفي بالمشاركة في التصويت

صعب صعب صعب
الأشخاص المستعدين فعلا لشراء مثل هذه المنتجات عددهم لن يتعدى بأي حال نصف عدد من قاموا بالضغط على سأقوم بشراءه

للأسف هناك الكثير من الأشخاص الذين في اعتقادهم أن أي منتج جديد هو من مصلحة السوق وبالتالي لن يعترض هؤلاء على دخول أي منتج (زيادة الخير خيرين)
يعني تقدر تقول وطنية زيادة عن اللزوم، لكن أنا واحد من الناس لن أكون راضي أو سعيد حينما اشاهد أي توكيل لديه بضاعة لا يستطيع تصريفها

احنا تقريبا اتدلعنا شويتين

لو كل الكلام إللي فات ده مضايق حد ممكن أمسح المشاركة دي كلها وكفاية التصويت

حاجة كمان، مجرد استفسار صغير
الأول أنا عاوز أوضح إني فاهم كويس إن حكاية توكيل جديد دي مش حاجة سهلة

بس أنا شايف إنه الأفضل التصويت يكون لاختيار توكيل (براند) جديد من مجموعة براندات مرشحة حضرتك تحددها كبدائل متاحة بالنسبة لشركتكم
أو يكون لاختيار منتج معين من مجموعة منتجات تحت نفس البراند

مش عارف وجهة النظر وصلت وللا لسة، بس يعني عاوز أقول ما دام لسة مفيش عقود اتكتبت ولا أخدتم توكيلات من حد يبقى نختار توكيل من بابه:D
بالرغم من خبرتي القليلة جدا جدا في مجال الإكسسوارات والأنظمة الصوتية والحاجات دي بس أنا متهيقلي logetic عندها تشكيلة منتجات كبيرة وأسعارهم معقولة شوية عن الحاجات إللي حضرتك بتقول عليها
https://www.newegg.com/Store/Brand.aspx?Brand=1080&name=Logitech


أنا مش عاوز أحول مسار الموضوع ولا أتدخل فيما لا يعنيني وكنت هبعتلك الكلام ده على الخاص بس كدة كلنا نشارك ولو أي حاجة من الكلام ده هتسبب مشكلة أو جدل همسح المشاركة فورا

[hack4love]

انا عن نفسي لن ادفع في ماوس و كيبورد اكثر من 100 جنيه والله لو شكلها ايه :D وبتعمل ايه فيالجيمز انا فيراي كل دي دعايه فيالاخر والنهايه

الهيدفونز عندهم جامده جداااا

المنتج ده محترم جداا Razer Megalodon 7.1 وممكن تسويقه

[ehab7bob]

ندخل بس بكمية قليلة نجحت تدخلو تاني
اصل واحد دافع 8 بواكي علي كومبيوتر وكل سنة بيغرة ان ان مش مشكلة عندة انه يجيب موس و كيبورد محترمين علي الاقل مش هيغيرهم كل شوية

[sazim99]

اخوانى الاعزاء


الاستفتاء وضع لا سمع وجهة نظركم فى المنتج


ودى خطوه من الشركه لاننا فى تواصل مع اخواتنا فى المنتدى


وجهة نظركم تهمنا سواء بى القبول او بى الرفض


موضوع لو جيتك نحن لن نقدم فيه جديد اخواتى الاعزاء لان بى الفعل يوجد


وكيل فى مصر ونحن لا نكرر انفسنا ولا تقدم اى شىء لا يعطى اضافه فى السوق


احب ان اشكركم جميعا كل من ابدى حرف او كلمة فى هذا الموضوع


فنجن عقولنا وقلوبنا وشركتى فى خدمتكم جميعا ارجوكم لا تنسوناا بى الدعاء


جميعا


اخوكم
شريف عبد العظيم

[Coolman4now]

:( :(

[SIGMA-ZERO]

اخوانى الاعزاء


الاستفتاء وضع لا سمع وجهة نظركم فى المنتج


ودى خطوه من الشركه لاننا فى تواصل مع اخواتنا فى المنتدى


وجهة نظركم تهمنا سواء بى القبول او بى الرفض


موضوع لو جيتك نحن لن نقدم فيه جديد اخواتى الاعزاء لان بى الفعل يوجد


وكيل فى مصر ونحن لا نكرر انفسنا ولا تقدم اى شىء لا يعطى اضافه فى السوق


احب ان اشكركم جميعا كل من ابدى حرف او كلمة فى هذا الموضوع


فنجن عقولنا وقلوبنا وشركتى فى خدمتكم جميعا ارجوكم لا تنسوناا بى الدعاء


جميعا


اخوكم
شريف عبد العظيم


عزيزي مع احترامي لك انا مش شايف اي مشكلة مادم توكيل معين مش هينزل منتج معين يبقي لية توكيل تاني مينزلوش؟:eek:

مهو انتو واخدين evga و cairo computer برضوا واخداة و بتنزلو نفس المنتجات بالنسبة لكروت الشاشة !!!!:confused:

نفس الكلام ل msi و gigabyte كذا توكيل واخدهم و بينزلو نفس المنتجات...عادي يعني!!:confused:

لاكن لو الموضوع مش اكتر انك مش عايز تاخد توكيل لوجيتك يبقي قول كدة من الاول و محدش هيزعل...!!
ولا انا بتكلم غلط؟!!!:(

بس علي العموم فكرة ممتازة منكم و خطوة رائعة انكم تاخدوا رأي المستهلك و تحطوة من ضمن الدراسات المعمولة لتدخيل منتج معين:D

[Fouadsoft]

عزيزى استاذ شريف,
شكرا لاهتمامك برأى العملاء ودا اول خطوة للنجاح لاى مؤسسة واستمرار للنجاح كشركتكم ان شاء الله.
اسمحلى ان اعرض رأيى ببساطة , لا يعنى ابدا ان تكون شركة موجودة لتوكيل لوجيتيك و نرفض نحن ان نكون توكيلا لها لان بالفعل يوجد توكيل لها, التميز مطلوب بشدة ودخول المنتجات الجديدة مطلوبة و مرحب بها كثيرا. لكن الموضوع به نقطة هامة جدا و هو العرض والطلب فارى كل الاعضاء تقريبا يطالبون بوجود لوجيتك بكثرة و فكرة التصويت هو معرفة اذا كان هناك طلب على المنتج للتوكيل الجديد ولا لا واذا كان هناك طلب فستقدم على ايجاد التوكيل.

لو هناك سياسات اخرى وما يحدث من مشاكل بين الشركات وتخشى التطرق اليها فاحترم ذلك لان هناك من هم فى السوق لا بنافسوا بشكل محترف وبعضهم يحاول ضرب الاخر من اجل مصلحتة فلا اعلم اذا كانت هذة هى المشكلة وتخشى الاعلان عنها ام لا.

عموما انا اؤيد بشدة تميز كل شركة بتوكيلات مختلفة لتؤدى لتنوع المنتجات فى السوق ولكن لا أؤيد الاحتكار لهذة المنتجات ولذلك اشجع تبنى فكرة دخول منتجات لوجيتك عن طريق توكيل جديد لتغطية السوق بشكل اكبر عن طريق شركتكم المحترمة وخلق تنافس وعرض اكبر و لان الطلب يبدوا انه جيد فيمكنم تقديم منتجات لوجيتك وانت على علم مسبقا انه سيلقى نجاح وبيع تلك المنتجات فلماذا لا تبدئوا بعمل نفس الفكرة وعمل التصويت على منتجات لوجيتك وترى اذا كان عليها اقبال ام لا ومن ثم تفكر جديا بهذة الخطوة وعلى الجانب الاخر تستمر بنفس المنهج باضافة توكيلات جديدة محترمة للسوق؟

اتمنى ان تسمع هذة الافكار و تحاول حسابها من جديد

شكرا لك كثيرا..
م / محمد

[ehab7bob]

عزيزى استاذ شريف,
شكرا لاهتمامك برأى العملاء ودا اول خطوة للنجاح لاى مؤسسة واستمرار للنجاح كشركتكم ان شاء الله.
اسمحلى ان اعرض رأيى ببساطة , لا يعنى ابدا ان تكون شركة موجودة لتوكيل لوجيتيك و نرفض نحن ان نكون توكيلا لها لان بالفعل يوجد توكيل لها, التميز مطلوب بشدة ودخول المنتجات الجديدة مطلوبة و مرحب بها كثيرا. لكن الموضوع به نقطة هامة جدا و هو العرض والطلب فارى كل الاعضاء تقريبا يطالبون بوجود لوجيتك بكثرة و فكرة التصويت هو معرفة اذا كان هناك طلب على المنتج للتوكيل الجديد ولا لا واذا كان هناك طلب فستقدم على ايجاد التوكيل.

لو هناك سياسات اخرى وما يحدث من مشاكل بين الشركات وتخشى التطرق اليها فاحترم ذلك لان هناك من هم فى السوق لا بنافسوا بشكل محترف وبعضهم يحاول ضرب الاخر من اجل مصلحتة فلا اعلم اذا كانت هذة هى المشكلة وتخشى الاعلان عنها ام لا.

عموما انا اؤيد بشدة تميز كل شركة بتوكيلات مختلفة لتؤدى لتنوع المنتجات فى السوق ولكن لا أؤيد الاحتكار لهذة المنتجات ولذلك اشجع تبنى فكرة دخول منتجات لوجيتك عن طريق توكيل جديد لتغطية السوق بشكل اكبر عن طريق شركتكم المحترمة وخلق تنافس وعرض اكبر و لان الطلب يبدوا انه جيد فيمكنم تقديم منتجات لوجيتك وانت على علم مسبقا انه سيلقى نجاح وبيع تلك المنتجات فلماذا لا تبدئوا بعمل نفس الفكرة وعمل التصويت على منتجات لوجيتك وترى اذا كان عليها اقبال ام لا ومن ثم تفكر جديا بهذة الخطوة وعلى الجانب الاخر تستمر بنفس المنهج باضافة توكيلات جديدة محترمة للسوق؟

اتمنى ان تسمع هذة الافكار و تحاول حسابها من جديد

شكرا لك كثيرا..
م / محمد


فعلا لوجتيك اسعرها فاضل و عندها منتجا رائعة و هيكون عليها اقبال كبير

[omda430]

اولا شكرا كثيرا على الموضوع و احترامكم لرأى المستهلكين.
ثانيا ارى النتيجه مشجعه جدا لكم
حتى الآن النتيجه 30% و عددهم 28 مستخدم يؤيدون المنتج

ارى نتيجة الإستفتاء حتى الآن على، و على خلاف رأى كثير من الأعضاء - و منهم انا - فيها تأييد كبير للمنتج
فبالنسبه لشريحته السعريه العاليه جدا تعتبر هذه النتيجه اكثر من ممتازه

لن أدفع فى ماوس اكثر من 100 جنيه و لكن بالتأكيد هناك فى السوق المصرى من هو مستعد ليدفع 500 و يبدو أن تلك الفئه و ان كانت قليله الا انها فى زياده.

[Coolman4now]

- فقط مجرد مشاركة بسيطة لأنى على الموبايل.

- هل تتذكرون منذ خمس أعوام كيف كان الحال فى سوق الكمبيوتر فى مصر ؟؟

- كانت الباورات الـ HEC على الرغم من أنها ليست بأفضل شئ ، متواجدة بندرة مرعبة ، وسألت عنها كثيرا جدا ولم أجدها ، ثم أكتشفت أن أحدهم يبيعها وبسعر مبالغ فيه حوالى سبع أضعاف سعره الأصلى ؟؟!!!

- أنظروا لحال تلك الباورات اليوم ، ستجدها تقريبا فى كل زاوية وركن وفى كل صوب وبأسعار زهيدة حقا.

- اليوم نحن نسبح فى بحور الهاردوير حرفيا ، ومع ذبك بم تجد من يعترض على وجود كارت شاشة ب 4000 جنيها.

- فهل سيشتريه الكل ؟؟ بالطبع لا .

- هل تسويقة صعب ؟؟ بالطبع لا.

- لماذا ؟؟ لأ، لكل تفكيره وأسلوبه ، أذا كنت تعتقد ان الماوس سعره لايزيد بأى حال من الأحوال عن 50 جنيها مثلا ، فغيرك سيجد ان الماوس لا يزيد باى حال عن 100 جنيها ، وبالطبع هناك من يعتقد ان ماوس موديل ما يستحق دفع 500 جنيها.

- لماذا لانطرح كمية معقولة فى البداية لكشف نبض السوق ؟؟؟ لماذا دائما " صعب " و أيضا " مستحيل " هل جربت مثلا بتجربة شخصية ان تشترى بعض تلك المنتجات وبيعها ولم تجد من يشتريها ؟؟؟ أم انه مجرد حدس شخصى ؟؟

- أشجع شركتنا العريقة على توفير تلك المنتجات ودراسة السوق ، مهما طال وقت بيعها فى أشياء لاتتلف ولاتخرب ولاحتى تتقادم مثل معظم قطع الهاردوير ، بل قيمتها جيدة جدا وتحتفظ بقيمتها لفترة أطول بكثير من باقى قطع الهاردوير.

- وقت نزول الفئة الخامسة من كروت الشاشة لم نكن نحلم بتوفيرها بتلك السرعة أبدا لولا شركتكم المبجلة ونفس الكلام أنطبق بصورة أخرى على الفئة الرابعة وأنطبق حاليا على الفئة السادسة ، فلم لايكون لكم السبق فى أستيراد تلك الفئة من كماليات الكمبيوتر ؟؟

- فكروا فى الأمر ، الماوسات المرتفعة الثمن جدا مثل المامبا تكون بالطلب لحاجزيها ، ماوسات أخرى متوسطة الثمن يمكنكم شراء مثلا 250 قطعة منها ، وأخرى أعلى قليلا نفس العدد.

- كتجربة بسيطة ، ومهما حدث لن تٌترك على الأرفف لسبب بسيط : عدم وجود أى بديل محترم حاليا ، الأ منتجات لوجيتك التى تأتى من محلات مبالغ فى ثمنها جدا جدا وجودتها أقل من رازور.

- هذه هى رؤيتى للموضوع ، وهى أطول مشاركة كتبتها فى حياتى من الهاتف ، أرجو قراءتها بتروى وتمعن.

[QDS Egypt Support]

اولا نشكر الجميع علي الردود و المشاركه في هذا الاستفتـاء

الذي هو منكم و اليكم :)

------

أ/فـادي ...

نحن نعي كل كلمه قد قلتها حرفيـاً , و كل ما نرجوه هو تقدم و تطور تفكير عقل المستخدم المصري
للنظر الي المنتجات الاعلي رقيــاً عالميــــاً

للاسف كثيرا منا لا ينظر نظره تفائليه ,
كثير منا ينظر اسفل قدميه ,
كثير منا ينظر لحاله الان ,

و لا يعي ان لكل شي سبب , و ان كل هدف يتبعه عمـل و اجتهــاد دائوب

كما قلت انت ... من كان يتخيل شراء كارت بـ 4000 جنيه ؟!؟!
و عند اول نزول له ,, قابلنا اعتــراضــات هائـــــله

لكن كما تري الحال الان ,, :)

كل ما نرجوه من الاخوه المستخدمين , هو التفـــــــاءل و النظره المستقبليه الجيــده ,
و الاستعــداد التــام لتقبــل منتجات بهذه القــوه و الجــوده الخــــــــــارقه

علي الاقل كي يتم تشجيــع التوكيـلات و المثتثمريـــن :)

علي كل حال , جاري دراسه الامر و اخذ القرار فيه

الله الموفق لكل خير :)

منتظــرين مــزيد من الاراء ;)

[MF88]

السلام عليكم ورحمه الله وبركاته

يمكن انا مش موجود منذ فتره لكن احب اشارك ايضاً

بس مش هبدى وجهه نظرى إللا بعد عرض وجهات نظر و أعين الآخرين


منتجات شركه RAZER

منتجات غايه فى الرقى و الجمال و القوه و الشراسه و الإعتماديه فى نفس الوقت

مقابل ذلك ان سعرها غالى يعنى 50 دولار كحد ادنى إلى 200 دولار ( فى الفأره و لوحات المفاتيح فقط )


لو انا واحد مستورد :

بصراحه لازم اقلق و اخاف لأن الناس فى مصر مش بتشترى الحاجات الغاليه عشان سببين

الأول : ان فعلا مش معاها ثمن السلعه

الثانى : ان المصريين بيشعرو بنوع من الصدمه لما يشوفو سعر خارج عن المألوف . حتى لو السلعه تستحق

لدرجه ان يصل الأمر بالناس انها تبتعد عن سلعه س بـ 500 جنيه و تشترى سلعتين ص بسعر 250 للقطعه بحجه ان الخير

خيرين و كده انا أمنت نفسى . بمعنى اشمل ( ليس هناك مرونه لتقبل الأسعار العاليه )


من وجهه نظرى كمشترى :


انا امتلك فأره بـ 10 جنيهات - و لوحه مفاتيح سعرها 20 جنيه منذ 4 سنوات

لكن مع الإستخدام - فعلااااااااااا بدأت اشعر بمدى الحاجه للوحه شكلها انيق - قويه الأداء و شامله الخصائص

1- اكره كتابه ردود خوفا من الإزعاج المتسبب من صوت المفاتيح عند الكتابه ( لذلك ارتدى الهيدفون حتى لو ليس لها داعى )

2- كم مره احتجت إضاءه خلفيه للمفاتيح عند لعب العاب فى ظلام الغرفه او مشاهده فيلم ( و اوقات إغلاق نور الغرفه يكون شىئ جبرى لظروف بالمنزل مثلا او وقت متأخر )

3- كم تعبت فى تنظيف لوحه المفاتيح التجاريه . فهى لا يمكن تنظيفها بسهوله كاللوحات الإحترافيه

4- فى العصر الحالى الفأره و لوحه المفاتيح التقليديه شىء ممل و مفاتيح و أزرار الميديا باللوحه و الأزرار القابله للبرمجه و الشاشه

الـ LCD الصغيره شىء قد اعتبره ضرورى على الأقل بالنسبه لى


مع انى امتلك فأره و لوحه من ادنى المستويات سعرا و أداءاً

إللا ان حاجتى قد تدفعنى لشراء الأفضل - حتى و إن اضررت للإدخار ( لأن الفأره و لوحه المفاتيح مش القطع اللى هغيرها كل سنه )



لذلك لو انا منتج - فأفضل و أسلم طريقه انى اعرف حجم الطلب فى السوق و إستعداد المستهلكين قد ايه

و ده 100 استفتاء ميقدرش يتنبأ بيه

لأن العوامل النفسيه هتتحكم كثيرا لحظه التصويت

كلناااااااااااااااااااا عايزين المنتج يدخل - و مش هنتعب لو اخترنا ايوه - بل بالعكس فيه نوع من الإجبار النفسى لإختيار نعم

على الأقل لإخماد رغبه تمنى المنتج فى الأسواق

و مفيش مستهلك بيحسبها فعلا انه هيشترى او لا ( لأنه بنسبه 80% مش حاسس بالعبء و المسؤليه اللى هتقع على المستورد

نتيجه تصويت الأول لإستيراد المنتجات بواسطه الطرف الثانى )



فالحل الأمثل هو الكميات الصغيره . و عن طريق نسبتها و شراءها و مده انتهاءها من السوق المستورد

يقدر يحدد الكميه المتوقعه القادمه - و هامش الربح المناسب - و المنتجات اللى ممكن انه يتوسع فيها فى نفس الفئه السعريه

او اعلى و اقل بحاجه بسيطه






بالنهايه : اكيد اتمنى تواجد مثل تلك المنتجات على ارض مصر - لكن ليس بوعد قاطع للشراء ( على الأقل فى الوقت الحالى )



و شكرا للأستاذ شريف على حرصه لتطوير السوق المصرى بكل جديد

[bika08]

شباب هو الموضوع يحتاج بعض التفكير و التوعية للمستخدم.... فا منتجات Razer من المنتجات الفخمة جدا و قد ينظر البعض على انها رفاهية و طرف ... و عند ابداء رائى بعدم قدوم المنتجات فى الوقت الحالى و ذلك لان المستخدم حاليا يحتاج الى توعية ليس للمنتجات Razer و لكن توعية عامة ... توجهة هذة التوعية الى الاجابة على هذا السؤال .. أشترى ماوس ب 500 جنية لية؟؟؟ او .. اشترى كيسة ب 600 جنية و كمان من غير باور؟؟؟

فأذا كان لدى المستخدم هذا القدر من الوعى بما يدور حولة سيفكر فى الشراء و حينها تكون المشكلة قد انتهت، و لكن بالوضع الحالى للمستخدم و يسمع عن سعر ماوس ب 500 جنية مثلا فالكل يعلم ردة فعلة ^$%^#^$@%$&

[S@M]

فى البداية احب طبعا اشارك معاكو بعضوية S@M التى لها واجهة المستخدم فى المقام الاول واللى بيهمة دايما وجود منتجات قوية ورائعة فى السوق المصر :)

بالنسبة للتصويت .

تم التصويت للاختيار الثانى.

اما بخصوص المنتج .

لا غبار على المنتج نهائيا :ah7:

غاية فى القوة

غاية فى الجمال

غاية فى قوة الاداء

لكن الشيء الوحيد المقلق هو ارتفاع سعرة بالنسبة لمتوسط دخل الفرد المصرى :ah38:

لكن يمكن تدارك ذلك عن طريق محاولة الوصول الى افضل سعر ممكن من المصدر فى الخارج

+ هامش الربح هنا يكون معقول وخاصتا فى البداية عشان المنتج يقف على ارض صلبة فى السوق

+ عدم دخول كميات كبيرة فى البداية تحسبا لقلة المبيعات

+ محاولة التركيز على الفئة السعرية القليلة فى المنتجات + بردو وجود منتج او اقنين بفئة سعرية متوسطة وعالية لآرضاء جميع الازواق .

انا شخصيا نفسى اشترى كى بورد كويسة ومش لاقى حاجة كويسة :mad:

لكن مع دخول هذا البراند ممكن الوضع يختلف عند الشراء

بالمناسبة ...هتجيبو دى :D

https://drh2.img.digitalriver.com/DRHM/Storefront/Company/razerusa/images/product/detail/razer-lycosa-main.jpg

بالتوفيق ان شاء الله .........:)

[EL-MARIACHY]

ا
من وجهه نظرى كمشترى :


انا امتلك فأره بـ 10 جنيهات - و لوحه مفاتيح سعرها 20 جنيه منذ 4 سنوات

لكن مع الإستخدام - فعلااااااااااا بدأت اشعر بمدى الحاجه للوحه شكلها انيق - قويه الأداء و شامله الخصائص





الحمد لله على سلامتك أخ محمود و ان شاء الله تكون بخير و ربنا يسهلك كل عسير

أنا مش هطول على حضرتك و لكن كنت اريد أن أقول لحضرتك انى كان معايا ماوس ب 30ج و جبت ماوس GAMING و طبعاً الفارق لا يوصف , فعلاً خرافه بمعنى الكلمه , كم ندمت انى لم اشتريه من قبل

فحاول انك تتدخر من دلوقتى علشان تجبلك ماوس GAMING محترم و هتشعر أن الحياه أصبح لها طعم

[Mezoxin]

رأيي نزول منتجات بسعر لا يزيد عن 300 جنيه مثلا للمنتج الواحد كنوع من تشجيع المشتري و تحقيق مكسب جيد
+
معظم محبي اكسسوارات ال gaming الغاليه بالخارج يقتنوها من اجل الللعب online , عشان كده ممكن يفرق معاه ال dpi مثلا و يشتري mouse ب اكثر من ثلاثة اضعاف سعر mouse جيد مثل موديلات A4tech المخصصه لل gaming عشان يشعر بتميز عن خصمه في ال online , لكن لو حتلعب campaign فقط عمرك ماحتحس بيفرق بينه وما بين أي ماوس محترم بسعر 150 -200 جنيه , فالشريحة دي من المستخدمين قليله جدا هنا , طبعا في ناس حتقتنيه لمجرد انهم enthusiasts لكن ايضا الشريحه دي صغيره جدا إن لم تكن تقتصر علي بعض من اعضاء المنتدي.

[MF88]

فحاول انك تتدخر من دلوقتى علشان تجبلك ماوس GAMING محترم و هتشعر أن الحياه أصبح لها طعم

النقود متوفره - لكن الآن ليس هناك نفس نهائياً لأى شىء :)

[Fouadsoft]

عزيزى ممثل شركة QDS - مصر

انا ارى ان هذا هو استفتاء اى اخذ لاراء الناس؟
لماذا تعارض الناس اللى قالت لا وانها معندهاش استعداد لشراء ماوس او كيبورد بالسعر دة؟ وانها بتبص تحت رجليها! هذة اتهامات لا يجب ابدا التعرض اليها يجب احترام من وافق ومن رفض خاصة من قبل ممثل الشركة نفسها.

اعتقد ان الاستفتاء لا يوجد فيه اعتراض انما دا اخذ لاراء الناس وأشعر انه فى قرار مسبق باستيراد المنتج وهذا الاستفتاء فهو شكلى ولكن هذا لن يضرنا بالعكس نحن نسعد بوجود كل الاختيارات فى السوق و من مصلحة المستخدم لكن من عارضوا دخول المنتج ابدوا اسبابهم بالفعل وكله خوفا على الشركة وعدم اعطاء وعد بشراء شئ لن يشتروة و قالوا رأيكم بشكل واضح مع نفسة قبل ان يكون مع الاستفتاء.

يمكنم ببساطة استيراد عدد محدود من المنتج ورؤية النتيجة فعليا فى السوق واتمنى تفهم رأيى وتقبله بصدر رحب لانى ارى ان ممثل اى شركة يجب ان يكون محايدا فى الاستفتاءات ولا يجب ابدا توجية تهم تقلل من قدر المستهلك و التشكيك فى ارائة لانه له مطلق الحرية فى ابداء رأية واتمنى الا تنفر فئة المعارضين لانهم فى وقت لاحق يمكن ان يكونوا من المؤيدين لدخول منتج ما و يمكن ان يعكفوا عن التصويت بسبب عدم احترام ارائهم وسيؤثر بشكل كبير على رؤيتكم وتقييمكم لاراء السوق.

شكرا جزيلا

[Mezoxin]

كما قلت انت ... من كان يتخيل شراء كارت بـ 4000 جنيه ؟!؟!
و عند اول نزول له ,, قابلنا اعتــراضــات هائـــــله






في كام واحد في مصر اشتري كارت ب 4000 جنيه :)

[-Hero-]

طبعا اللى هيدخل على موضوع اسعار واخبار الهاردوير هيعرف الفرق مابين اسعار زمان والوقتى وده سبب يرجع لوجود شركات محترمة زى شركة QDS
انا شايف ان المنتجات ممكن تتباع بس مش انا اللى هشتريها اكيد :D
بس فى هنا اعضاء كتير بيدورو على كل ماهوه راقى وكل ماهوه حديث ومستعدين يدفعو مقابل انهم يحصلو على افضل اداء
طبعا انا مع ان الشركة تدخل المنتج الجديد السوق ولكن للحفاظ على QDS اظن المفيد انكو تتدخلو بعض القطع بعيد عن التوكيل بأسعار قريبة من الاسعار اللى هتطرحوها وتعملو استفاتاء عليها وتشفو كمية المبيعات طبعا ده رأى المتواضع بالنسبة لعملى فى مجال المستحضرات والادوية فا ده شئ بنعمله كتجربة للمنتج قبل طرحه

[QDS Egypt Support]

أ/ محمـود

احترم جدا كل كلمه قد قلتها , فانك قد اوضحت الكثير مما في ذهني :)

شاكر جدا لمشاركتك الطيبه :)

-----

م/ فـؤاد

اولا اخي الكريم , انا لم اقصد اي اي اي اسـاءه الي اي احد , و لم اوجه كلامي لشخص بعينه ,
انما كنت اتحدث بصفه الجمـع ,, و قـلت ...



كل ما نرجوه هو تقدم و تطور تفكير عقل المستخدم المصري
للنظر الي المنتجات الاعلي رقيــاً عالميــــاً

للاسف كثيرا منا لا ينظر نظره تفائليه ,
كثير منا ينظر اسفل قدميه ,
كثير منا ينظر لحاله الان ,

و لا يعي ان لكل شي سبب , و ان كل هدف يتبعه عمـل و اجتهــاد دائوب



اي اني كنت اتحدث عن نفسي ايضـا , لاني من الشعب المصري بكل تاكيد ,

و لم اقصـد اي اي اساءه الي احد بالمره و لم اعارض اي راي بالمــره , علي العكــس ...
انا اكن كل احترام لكل من ابدء رايه في الاستفتاء و احترم كـل وجهــات النظــر بكل تاكيـد ,

انما كنت اتناااقش لا اكثر اخي الكريم :)




وأشعر انه فى قرار مسبق باستيراد المنتج وهذا الاستفتاء فهو شكلى


لن ارد علي هذه الجمله :)
و سافرض حُسن النيه و لن اخذها باي محمل خاطي

الا انها غيـر صحيــحه بالمـــــــــــره

فنحن لا نستخف بعقول الاعضاء هنا اخي الكريم ,
بالعكـس ... نحن نحترم هذه العقول جداا و نعي تمـامــا ان لها دور فعــال جداا في تطوير السوق المصري

و الا ما كنت تري اكبر الشركات و التوكيلات في مصر متواجده هنا معكم :)

شكرا جزيلا لمشاركتك العزيزه اخي الفاضل , و اتمني لك التوفيق دائما :)



في كام واحد في مصر اشتري كارت ب 4000 جنيه :)


اكثر ممــا تتخيـل اخي الفاضل , و لا استطيع الحصـر , لان الكارت Sapphire HD 5970
اتي الي مصر اكثر من مره و لله الحمد و الفضل :)

ناهيك عن باقي الماركات :rolleyes:

[Eng.MinaEdward]

وأشعر انه فى قرار مسبق باستيراد المنتج وهذا الاستفتاء فهو شكلى

على فكرة انا اشعر بالعكس تماما :D:D

هناك قرار مسبق بأن هذا المنتج لن يتم استيرادة وهذا الاستفتاء لايجاد نبض السوق فى حال ان التوكيل كأن رأية خاطىء والاستفتاء سيقلب القرار 180 درجة :D:D

واكيد رد مصظفى بك هايكون نفس الكلام :D:D

[Fouadsoft]

شكرا للتوضيح عزيزى ممثل شركة QDS - مصر
انا شخصيا تعودت عند عمل استفتاء فى مثل امور مشابهه استثنى نفسى من التصويت لارى كل الاراء واقيمها دون التأثير على القرار لاى عضو من الاعضاء وأتمنى منكم مثل ذلك مستقبلا و دائما ان شاء الله.

شكرا لك مرة اخرى واتمنى لكم وللكل التوفيق

[MF88]

ياريت كل واحد عنده مشاعر يحتفظ بيها لنفسه و نركز فى موضوعيه الإستفتاء أفضل :)

[alayoubi]

شكرا للطرح المميز ,
لكن هل يوجد اصدارات خاصة للشرق الأوسط من لوحات المفاتيح من حيث الأحرف العربية ؟ حسب علمي لا خاصة المضيئة منها .

فمش معقول أكون دافع مبلغ محترم وبالنهاية احط استيكر يبوظ شكل الكيبورد !!

[followlight]

موديلات في غايه الروعه بس الاسعار عاليه شويه مش كل الفئات حتشتري منها
حتبقي لفئه معينه بس
بس منتجات في غايه الروعه
وان شاء الله لو بقت متواجده في مصر اشتري منها

[Maged-Z]

السلام عليكم

أود أن أشكر شركة QDS على أهتمامها بأراء الأعضاء وأشراكهم الفعال فى السوق المصرى.

قد تكون وجهة نظرى مختلفه بسبب أقامتى بأوروبا ..أو بسبب رؤيتى من زاويه اخرى للمستهلك المصرى.
قد نتناسى احيانا ماهى العلاقه التى تربطنا بجهازنا المفضل ...الكمبيوتر !
يمتلك بعضنا ...والكثير من خارج المنتدى أجهزه غاليه بالفعل ..وقطع هاردوير تعد فى قائمة أفضل و أغلى قطع الهاردوير المتاحه .
وبفتخر الكثيرين بالقطع التى يختويها جهازهم المفضل !
ولكن هل فكر احدا منا ..ماهى علاقتك بهذه القطع المنتقاه بدقه والتى تفخر بأقتنائها ؟
انها الفأره ولوحة المفاتيح ...نعم ...هذا صحيح
جهازك المدلل الذى تتباهى به ...تتواصل معه فقط بلمس الفأره ولوحة المفاتيح .
مافائدة أقتناء جهاز ثمنه مكون من عدة أصفار ..بينما تتعامل معه بفأره رديئه أو لوحة مفاتيح قبيحه وسيئة الملمس ؟
مافائدة كروت الشاشه التى تتكلف عدة ألاف والتى أشتريتها لتمارس هوايتك فى الألعاب ..بينما الفأره بطيئه أو غير جيده ؟
مافائدة الشاشة قياس 24 بوصه ..والEyefinity بدون فأره سريعه وعالية الجوده.

قد يبدو للوهله الاولى أن الأسعار مبالغ فيها ( ليس من الوكيل ) ولكن لطبيعة المنتج نفسه وجودته العاليه..ولكن يجب أن نعرف أن ماندفع ثمنه ...سنحصل مقابله على أداء لم نعرفه من قبل ...وكذلك جوده لم نجربها من قبل.
اسعار منتجات Razer لا تفرق كثيرا عن أسعار منتجات Logitech..هناك مستويات للموديلات والاسعار المتوافره من Razer..تماثل وتقل أحيانا وتزيد فى موديلات أخرى ..ولكن فى النهايه ستحصل على مادفعت ثمنه .
وبرأيى الشخصى ..ان الكثيرين سيسعدون بتواجد منتج فائق الجوده والأداء مثل هذا.