المساعد الشخصي الرقمي

مشاهدة النسخة كاملة : عندى interview ومحتاج بعض النصائح


مستر ادمين
08-01-2011, 17:08
الحمد لله انا حاصل على كورس MCITP
وهاعمل مقابلة قريب
فياريت اللى عنده خبره فى المقابلات يقوللى المفروض اعمل ايه .. يعنى شوية نصائح كده

وشكرا جزيلا
zekobird
09-01-2011, 16:07
السلام عليكم

لو انت فريش هيبقي الاسئله سهله هيشوفك فاهم الدنيا كويس ولا لأ وحسب التاسكس بتاعه العمل.

اما لو انت خبره فاكيد هيسالك في تفاصيل كثيره تخص التربيل شوت وكل ما يقابلك في الخبره ولازم تبقي مذاكر وفاهم.

واهم حاجه تكون فايئ وهادي وان شاء الله لو لك نصيب في حاجه اكيد هي بتاعتك ومذاكرتك وتعبك هي حصادك في الانترفيوا.

لا تنسي الزم الاستغفار في كثير من الوقت وتوكل علي الله.

وطمنا ان شاء الله بعد متخلص.

تحياتي لك بالتوفيق والنجاح.....
Brigadier
09-01-2011, 16:49
السلام عليكم و رحمة الله و بركاته

اهم نقطه ان تذهب للمقابلة وانت بوضع غير متوتر , اجب بثقة وبصراحه على الاسأله , كن مرن قدر الامكان و اصغ لحديثه واسألته بتمعن وانتباه لتعطيه فكرة انك شخص جاد و مستمع جيد , احذر ان تقاطعه او تتحدث بدلاً منه , جاوب بشكل مختصر و غير مخل بالاجابه الا ان طلب منك التفصيل بقدر ما , لاتسأل ابدا كم الراتب , الا ان هو سألك ويحبذ ان تعطي نطاق مبني على خبرتك وشهاداتك و كورساتك و لتكن على اطلاع كم مستوى الراتب الذي يحققه مستواك , ربما يسألك اسأله تخص العمل وقدراتك فان سألك عن شيء انت لا تستطيع فعله فلا تكذب , اخبره الحقيقه اني استطيع القراءه عنه وتعلمه و تطبيقه ولكن الان لم افعل مثلاً...الخ
ولا تنس الذهاب هناك قبل الموعد بربع ساعة تقريباً للاحتياط .

بالتوفيق اخي الفاضل.:)
مستر ادمين
10-01-2011, 07:36
شكرا جزيلا على الاهتمام والرد يا شباب
m3tasm_elzayat
12-01-2011, 05:44
والله ياباشا معنديش حاجه غير انى ادعليلك ربنا معاك
ومتنساش تقولنا عملت ايه
مستر ادمين
14-01-2011, 00:43
والله ياباشا معنديش حاجه غير انى ادعليلك ربنا معاك
ومتنساش تقولنا عملت ايه


للأسف يا اخى الراجل بص فى الـ CV بتاعى لقانى مبتدىء ومعنديش اى خبره ومن غير ما يسألنى اعتذرلى فى منتهى الادب وقالى احنا عايزين ناس خبرة فى المجال ده وقالى نصيحة جامدة ان انا ادور فى اهرام الجمعه :D
فطبعا شكرته على النصيحة الغالية دى ومشيت علطول وانا اجر اذيال الخيبة لكن وحط تحت الكلمة دى مليون خط مش هافقد الامل فى ربنا خالص طول مانا بذاكر وباعمل اللى عليا
zekobird
14-01-2011, 02:39
السلام عليكم

غريبه انه بيقولك هو عايز خبره اعتقد ان هو مش هيحددلك انترفيوا وموعد واكثر من واحد هيقابلك ويعمل معاك انتر فيوا كأتش ار واي تي مانجير،،، علشان يقولك الكلمتين دول اعتقد انه كان عايز حاجه فيه وملقهاش. ربما

ثانيا مش من اول انتر فيوا تضعف خذ خبره من الانترفيوهات وعلي فكره هتعمل كتير اوي هيبقي الموضوع بالنسبالك متعه عايز تتعلم جديد ايه إلي بيحصل في الانترفيوهات الشركات اخبارها ايه بتلف وتعرف وتتعرف وتستفاد اكيد كل مرحله هئ نفسك انك تستفاد منها مفيش حاجه اسمها اجر ذيل الخيبه او غيره من المصطلحات،، مهما رحت ومهما جيت ومهما كان اجتهادك وخبرتك فلن تأخذ غير نصيبك فالارزاق المسئول عنها هو الله عز وجل ولن تموت نفسا إلا ان تستكمل رزقها واجلها،، كل ما عليك هو السعي الفهم العميق والمذاكره والجديه في المراجعه واتعلم الجديد واقرأ جديد،، وحتما ربنا هيديك علي اد تعبك وجهدك.


ولا تنسي انها مراحل تسبق للوصول للهدف،، خليك متوقع كل حاجه علشان تقدر تكمل وتصل وربنا يعينك ان شاء الله ومن صار علي الدرب وصل.

تحياتي لك بالنجاح والتوفيق ان شاء الله.

اسالكم صالح الدعاء

والسلام عليكم
مستر ادمين
15-01-2011, 15:36
ثانيا مش من اول انتر فيوا تضعف خذ خبره من الانترفيوهات وعلي فكره هتعمل كتير اوي هيبقي الموضوع بالنسبالك متعه عايز تتعلم جديد ايه إلي بيحصل في الانترفيوهات الشركات اخبارها ايه بتلف وتعرف وتتعرف وتستفاد اكيد كل مرحله هئ نفسك انك تستفاد منها مفيش حاجه اسمها اجر ذيل الخيبه او غيره من المصطلحات،، مهما رحت ومهما جيت ومهما كان اجتهادك وخبرتك فلن تأخذ غير نصيبك فالارزاق المسئول عنها هو الله عز وجل ولن تموت نفسا إلا ان تستكمل رزقها واجلها،، كل ما عليك هو السعي الفهم العميق والمذاكره والجديه في المراجعه واتعلم الجديد واقرأ جديد،، وحتما ربنا هيديك علي اد تعبك وجهدك.





بالفعل اخى كلامك صح مفيش حاجة اسمها جر اذيال الخيبة لان انا اللى عرفته من واحد صاحبى شغال فى مجال الاى تى وعند خبرة ان الانترفيوهات دى تعتبر خبرة فى حد ذاتها