المساعد الشخصي الرقمي

مشاهدة النسخة كاملة : إنشاء صفحة لقسم التورنت على الفيس بوك !!


Eng.MinaEdward
10-01-2011, 21:17
مساء الخير على كل الشباب

بعد النجاح الساحق الذى نالة الجروب السابق " فرسان قسم التورنت" :D

وللاسف لضعف الاشكال الجديدة للمجموعات على الفيس بوك وعدم تحقيقها كل ما نريدة

قمت بأنشاء صفحة" Page " للقسم

بحيث تحقق كل مأنشيء الجروب من اجلة وايضا تحافظ على ترابط الاعضاء الرائع الذى وجد فى الGroup


الافكار الحالية التى سيتضمنها الجروب

المواقع الفاتحة التسجيل

احبار التورنت ككل (كلينتات جديدة شروحات فيك اكثر ....الخ )

ترابط الاعضاء مع بعضهم بشكل رائع :) :D

اى اقتراحات مرحب بها جدا سؤاء هنا او على الصفحة :)

الصفحة (https://www.facebook.com/pages/Arabhardware-Torrent-Knights/182637085094292?v=photos#%21/pages/Arabhardware-Torrent-Knights/182637085094292)



شكر خاص للاخ العزيز D3VI0US (https://www.arabhardware.net/forum/member.php?u=11196624) على التصميم الرائع للصفحة

https://img222.imageshack.us/img222/6198/ahtk.jpg
david villa
10-01-2011, 21:31
اخي بدون زعل

الا ترى ان هذا الامر سيقلل النشاط في القسم ( من وجهة نظري )

خصوصا ان بعد موضوع الجروب قل التفاعل في القسم بشكل ملحوظ

ارجو ان تأخذ سؤالي بصدر رحب :)
Mezoxin
10-01-2011, 21:34
اعتقد لو حد بلغ عن الصفحه ممكن تتقفل عشان بتدعو للقرصنه
Eng.MinaEdward
10-01-2011, 21:40
قرصنة ؟؟؟!

اممممم

ممكن !!

بس الدنيا كلها يا ابنى بتقرصن :D

ماتبلغش انت بس !!:D:p

لحسن انا اصلا عامل Linking مع ArabHardware WebSite و ArabHardware F@H Team

فهنروح كلنا فى الرجلين :D:D
Eng.MinaEdward
10-01-2011, 21:44
اخي بدون زعل

الا ترى ان هذا الامر سيقلل النشاط في القسم ( من وجهة نظري )

خصوصا ان بعد موضوع الجروب قل التفاعل في القسم بشكل ملحوظ

ارجو ان تأخذ سؤالي بصدر رحب :)

(https://www.arabhardware.net/forum/newreply.php?do=newreply&p=1705269)

الموضوع اللى قل الضغط علية هو الملتقى العام فقط

ودا نظرا لان الشباب يسحيوا يتكلموا عن الافلام او المسلاسلات غير ان طريقة البوست هناك اريح

اما باقى القسم الصفحة ستنقل ما ينسر بة لهدف زيادة الاعضاء بالقسم

للاسف هناك الان عدد من المنتديات العربية المتخصصة بالتورنت وكلها متفوقة علينا !!

ونتيجة لانتشار الفيبسوك سنحاول جذب اكبر عدد بهذة الطريقة

ولان تكون هناك اخبار جديدة سيكون الكل من المنتدى

واهم شيء ان الدعوات ستظل فى المنتدى ;)
NEO701
11-01-2011, 07:35
الموضوع اللى قل الضغط علية هو الملتقى العام فقط

- و أنا اقول الموضوع مريح بقاله فتره ليه ؟!!


ودا نظرا لان الشباب يسحيوا يتكلموا عن الافلام او المسلاسلات

- طيب ممكن تخلي الدردشه العامه هناك منغير ما تموت الموضوع هنا (اقصد الملتقى العام).


للاسف هناك الان عدد من المنتديات العربية المتخصصة بالتورنت وكلها متفوقة علينا !!

- نعم قد يكون هناك عدد من المنتديات متفوقه علينا من ناحيه الأنتشار و عدد الاعضاء و حجم التبادلات و لكن لا اعتقد انه يوجد منتدى عربي آخر يوجد به اعضاء لديهم خبره مثل هنا أو مواضيع للشرح بهذه القوه باستثناء مكان واحد على الأكثر.

- ذلك بالاضافة إلى واحده من اكثر مميزات عرب هاردوير و هي رقي و جوده المكان هنا و اعضائه كذلك وليس "سوق" كالكثير من المنتديات العربيه الأخرى.

- أنا شخصيا لا احب الفيس بوك لا و استطيع التعامل معه من الأصل لذلك أرجو ألا يكون هناك تأثير لأفتتاح تلك الصفحه على نشاط القسم هنا و على الملتقى العام تحديدا.


فكره :

- ليه منخليش الصفحه ديه كنوع من الدعايه فقط للقسم هنا من غير ما تتنقل كل النقاشات و المشاركات هناك لأن كده ده هيأثر سلبا في المستقبل القريب على نشاط القسم و فعلا ده هو اللي بدأت احسه دلوقتي.

- وأنا شخصيا مش هقدر اتابع معاكم هناك :(.
Eng.MinaEdward
11-01-2011, 13:52
- ليه منخليش الصفحه ديه كنوع من الدعايه فقط للقسم هنا من غير ما تتنقل كل النقاشات و المشاركات هناك لأن كده ده هيأثر سلبا في المستقبل القريب على نشاط القسم و فعلا ده هو اللي بدأت احسه دلوقتي.

- وأنا شخصيا مش هقدر اتابع معاكم هناك :(.صدقنى يا مصطقى انا كنت عامل الجروب عشان نروج للقسم

فجأة قلبوا الجروب هلس على تهييس على صحك على قلش على كلام

دا هيما بقى قلاش :D:D

ودا سببة عدم وجود قوانين وحرية كاملة للاعضاء والمشرفين اللى عينتهم انا كانوا اس الفساد :D:D

دا غير الميزة المتنازعين عليها حتى الان وهى الاوتو ابديت بوست

يعنى انت تكتب المشاركة تظهر على طول

تقدر تفتح توبيكات كتيرة وتكون ظاهرة كلها مع بعض وكل ما يظهر رد فى توبيك يبان على طول

ودى ميزة لا موجودة فى شات رومز ولا منتديات ولا اى حاجة

ودا اللى هايخلينى ارجع الجروب تانى لان الرجالة مش مرتاحين خالص فى البيج

وللاسف دا بيقتل موضوع الملتقى قتل لان نظام الرد والقوانين بتحصر الجميع

تقدر تقول ان هناك دا زى القسم العام بتاعنا

وانا كنت عاوز اقدم طلب للادارة بتطوير شامل لقسم الترونت مش عارف مين اللى هبطنى

بأختصار شديد الملتقى موضوع مايقدرش يوفى قسم عام زى الفيس

لن يكون هناك اى تأثير على باقى مواضيع القسم بأى حال من الاحوال واذا حدث انا من سأغلق الصفحة بنفسى



ملحوظة
الملتقى العام تقريبا كنا بنتكتب فية بحدود 30 مشاركة يوميا بأفضل الحالات

الفيس بيكتبوا فية بال500 مشاركة يوميا :D:D بالميت :D

لا مجال للمقارنة ;)
NEO701
11-01-2011, 17:54
- الكلام ده كله جميل يا مينا بس الفكره ان الموضوع كده اتقلب من "قسم التورنت المتخصص بمنتديات عرب هاردوير" إلى جروب على الـ FB عليه شوية أصحاب عمالين يهيسوا مع بعض !

- حتى المشرفين بوظتهم يا راجل :).

- أنا عارف ان أغلب الناس مبسوطه كده و انهم خدوا حريه اكبر في الكلام بس أنا كل خوفي من عواقب قله نشاط القسم اللي هو الأصل بتاعنا يا عم مينا .
aztiti
11-01-2011, 20:43
فعلا انا مع راي الاخوه وهو ضعف النشاط عندنا في هذا القسم ولا اريد الانضمام الى الفيس بوك
Eng.MinaEdward
11-01-2011, 21:06
هاكرر كمان مرة

الموضوع الوحيد اللى حصل علية تأثير هو الملتقى العام

ودا نظرا لنظام المنتديات نفسة وعدم وجود قسم عام او استارحة كبيرة مخصصة لاعضاء القسم فقط

اما باقى اللمواضيع فنا بروج بيها للقسم على الفيس بوك

وان حصل وحسيت ان الجروب والبيج هيأثروا على القسم انا بنفسى اللى هاقفلهم :)



- حتى المشرفين بوظتهم يا راجل :).والله العظيم منا :D

واحد فيهم قلاش كبير جدا وعدى الباقى كلهم واولهم تيرا D:

جرب تخش يا مصطفى وتشوف

مش هاتخسر حاجة من التجربة :)
NEO701
12-01-2011, 01:08
جرب تخش يا مصطفى وتشوف

مش هاتخسر حاجة من التجربة :)

-الفكره ان الـ FB ده الموقع الوحيد على وجه الأرض اللي مش بعرف أتعامل معاه أصلا ولا فاهم نظامه لغاية دلوقتي هو و تويتر :o.

- كان عندي اكونت عليه عامله من زماااان و تقريبا مفتحتوش تاني !

- هشوف حد يديني كورس FB و ابقى احصلكوا :).
Eng.MinaEdward
12-01-2011, 01:25
^^^

لا كورس ولا حاجة

انت سجل وخش

افتح الصفحة ودوس Like

وافتح الجروب ودوس ASKTo Join

وبعدها هاتخش وهاتكتب وكلو عادى وزى الفل :)
OMDA
12-01-2011, 07:53
للاسف قل النشاط فى القسم كثيرا بسبب الفيس بوك ده ،مع احترامى
Eng.MinaEdward
12-01-2011, 18:32
على فكرة الفيس بوك دا نايم بقالة يومين ومحدش بيكتب فية حاجة بردو

بسبب الامتحنات :D

ودا سارى على القسم كلو وعلى عرب هاردوبر باشملة D:D:

واكرر لمرة الخمناشر

الفيس يوك بيؤثر على موضوع الملتقى فقط زى الايرك اول ما اكن نازل

والباقى انا بنقل المواضيع او الاخبار بس وبحطها هناك

يعنىمبياشركوش عليها هناك :)
OMDA
12-01-2011, 20:08
واكرر لمرة الخمناشر
يعنى كام ؟ :D:D
Eng.MinaEdward
12-01-2011, 23:01
زى ما انت عاوز :p

عاوزة خمستاشر قشطة :D

عاوزة تمنتاشر يبقى قشطتين :p:D
deplome
13-01-2011, 00:01
العشرتاشر حلوه برضوا
والخماشر
والتناشر
:p:p:p:p

يا جماعه مافيش حاجه حصلت
الموضوع ومافيه
ان مينا عاوز يعمل دعايه لقسم التورنت
وافضل مكان للدعايه دي هو الفيس بوك

النظام اللي احنا عاوزين نمشيه واللي مينا عاوز يوصلهولكم
هو ان القسم هيمشي عادي جدا
مثلا
عمدتنا عمل حيف
عمله في موضوع هنا طبعا
الراجل مشكورا هو او اي حد منا هيدخل علي الفيس
يحط لينك الموضوع اللي في المنتدي ويكتب كلمتين وبس

ومصطفي لما ييجي يقول تراكر مش عارف مين فاتح
هيروح برضوا ع الفيس ويحط لينك المشاركه
ولو التراكر ليه ريفيو عندنا يبقي تمام قوي لو حط لينك الريفيو كمان

دلوقتي الراجل اللي هيدخل علي البيدج ويشوف حاجه من دول
ولا يشوف لينك لشرح برنامج او حاجه
واللينك يجيبه المنتدي
بس خلاص كده هيعرف الطريق بقي :p

اللي حصل لما الجروب اتعمل
ولقينا سهوله كبيره جداااااااا في الحوار بينا وبين بعض
بقي كلامنا كله هناك
وزي ما مينا بيقول
عدم وجود القوانين كان مدينا حريه في الكلام
مع كامل احترامي لقوانين المنتدي طبعا
احنا ماكناش بنقول حاجه عيب مثلا لا سمح الله
بس حريه في الكلام وبنقول الفاظ هي في المصريه عاديه واحنا بنفهمها
بس لو حد من الاخوه العرب شافها هيفهما غلط

وسكربت الاوتو ابديت اللي عمله الفيس بوك في الجروبات الجديد ده جاااااااااااااااااااامد
ومسهل الامور علي الاخر
اكننا في روم ع الميل كلنا مع بعض

وده مريحنا كتير
في موضوع الملتقي ماكناش بنكمل ال 30 مشاركه في اليوم يا مينا
في الجروب بنعمل 30 مشاركه دول في دقيقتين اوقات والله :)


بالنسبه للناس اللي مالهاش في الفيس
عادي احنا هنتكفل بنقل الاخبار والريفيوهات ولينكات الجيفات علي الفيس - صح ولا ايه يا مينا ؟ -
وكنت عاوز اكلم الرجاله علي حاجه تانيه
عاوزين ناخد موضوع الريفيوهات كله يتراجع ويتجدد
الصور اللي لينكاتها باظت
والتراكرات اللي غيرت شكلها
والريفيوهات الضعيفه نسبيا
كل الكلام ده عاوزين نظبطه
ونظبط ووننظم المواضيع المثبته

بالعربي نعمل شكل للقسم احسن من كده
علشان اللي يدخل يعجبه المكان

ده لو كنا عاوزين ننافس المنتديات اللي هي فعلا سبقتنا كتير في موضوع التورنت
وسبقونا بالتخصص بس مش اكتر
Eng.MinaEdward
13-01-2011, 01:15
عادي احنا هنتكفل بنقل الاخبار والريفيوهات ولينكات الجيفات علي الفيس - صح ولا ايه يا مينا ؟ -

صح ونص وثلاثة ارباع كمان :D

انا عندى افكار كتير للقسم

بس مش عارف هاتنفع تتطبق هنا والادارة هاتوافق ولا لأ
deplome
13-01-2011, 01:19
قول اللي في دماغك يا مينا
ونشوف
Eng.MinaEdward
13-01-2011, 01:25
^^

فى حاجات كتير

بس لسة هاكلم فيها تيرا الاول وبعد كدة نشوف

وان كدة هاعرضها على رئيس القسم و فى الجروب والملتقى ونشوف الامر هاترسى لاية !