يا جدعان حد يرشحلنا واحد ينفع يكون ريس لمصر !!!!

[moriatte]

يا اخواننا ....
بقالى تلات أسابيع فى المنتدى سارح زى المسحراتى عامل زى اللى بيدور على عيل تايه....

ريس لمصر يا ولاد الحلال

يكون طيب و ابن حلال

مش طمعان فى جاه و لا كتر مال

حد عنده جواب السؤال؟


و أرجوكم


أبوس رجليكم


بلاش حد يقولى عمرو موسى ولا أحمد زويل


و أظن خلاص ......أنصار البرادعى و عمر سليمان أصبحوا فى خبر كان :D


آسف على اللهجة الكوميدية فى موقف لا يتحمل الا الحديث بجدية....لكن أنا أتكلم بهذا الأسلوب عندما أحس بالاحباط عشان ماانفجرش:o
زى شعب مصر اللى طول عمره مطحون و برضه بيضحك :D
على ايه...مش عارف :D

[wild cat]

طيب عمرو موسى مينفعش ليه

[S@M]

الايام القليلة القادمة سوف توضح من سوف يترشح للرئاسة ...

ولكن الاهم ....من فيهم يصلح ...وفق سمعتة ونزاهتة وحبة للبلااد ...وما سيتعهد بتقديمة للبلااد اثناء تولية فترة الرئاسة القادمة :)

.................................................. ........................................

[Mr.pOPo]

يا جماعة هو ده اللى احنا بنتكلم عليه ، مش مهم مين اللى هيترشح ، المهم ان يكون فى ان شاء الله انتخابات نزيهة و حرة فعلاً يشارك فيها كل الشعب المصرى.

و ساعتها الناس اللى مترشحة للرئاسة هتعرض برنامجها الرئاسى ، و احنا فى نفس الوقت ندور علي تاريخهم و نشوف سمعتهم شكلها ايه ، و كل واحد يختار اللى هو شايفه مناسب ، , صندوق الاقتراع هو اللى هيحدد مين اللى هيبقى رئيس جمهورية. لا انا اللى هحدد و لا انت.

تعديل:

حبيت اقول ان لسه بدرى الكلام على الانتخابات الرئاسية ، المهم دلوقت ان احنا نركز فى الحكومة الموجودة ، و نركز جهودنا كلها فى تكوين الحكومة الانتقالية اللى ستتولى تنظيم الانتخابات الرئاسية. لغاية الآن الحكومة بتاعت شفيق هى اللى لسه موجوده اللى لو فعلاً حصل وانه تم استدراجنا و خلوا حكومة شفيق دى هى اللى تعمل الانتخابات ، يبقى ولا أكننا عملنا أى حاجة.

لازم جمييييييع رموز النظام الفاسد و النظام الفاسد كله يتم استئصالهم.

[HD-LEGEND]

عمرو موسي اعتقد انة افضل الموجدين حاليا
دلوقتي عمر سليمان و ايمن نور و البرادعي و حمدين صباحي كلة دة مالهوش لأزمة
يمكن تتطلع شخصيات محترمة ترشح نفسها والوضع هنا سيختلف علي حسب سمعتهم و البرنامج الانتخابي كما اشرتم

[moriatte]

يا جماعة هو ده اللى احنا بنتكلم عليه ، مش مهم مين اللى هيترشح ، المهم ان يكون فى ان شاء الله انتخابات نزيهة و حرة فعلاً يشارك فيها كل الشعب المصرى.

و ساعتها الناس اللى مترشحة للرئاسة هتعرض برنامجها الرئاسى ، و احنا فى نفس الوقت ندور علي تاريخهم و نشوف سمعتهم شكلها ايه ، و كل واحد يختار اللى هو شايفه مناسب ، , صندوق الاقتراع هو اللى هيحدد مين اللى هيبقى رئيس جمهورية. لا انا اللى هحدد و لا انت.

تعديل:

حبيت اقول ان لسه بدرى الكلام على الانتخابات الرئاسية ، المهم دلوقت ان احنا نركز فى الحكومة الموجودة ، و نركز جهودنا كلها فى تكوين الحكومة الانتقالية اللى ستتولى تنظيم الانتخابات الرئاسية. لغاية الآن الحكومة بتاعت شفيق هى اللى لسه موجوده اللى لو فعلاً حصل وانه تم استدراجنا و خلوا حكومة شفيق دى هى اللى تعمل الانتخابات ، يبقى ولا أكننا عملنا أى حاجة.

لازم جمييييييع رموز النظام الفاسد و النظام الفاسد كله يتم استئصالهم.


ياسيدى اعتبر ان كل اللى انت بتقول عليه دا باذن الله خلاص حصل
كل اللى انت بتقول عليه دا فعلا بدأ يحصل دلوقتى
عاوزين نبص لقدام بقى....مش هنفضل نبص لورا ولا تحت رجلينا طول عمرنا
مين فى ذهنك ينفع يكون ريس لمصر؟؟؟؟؟
انت شخصيا عاوز مييييييييين؟
طب بلاش كدا طالما السؤال صعب
مين متوقعه حتى هيرشح نفسه :o

[crypt76]

السؤال اصلا ليس له معنى (واعذرني بشدة على هذا)
ثقافة اختيار الرئيس عندنا ما زالت حتى الآن قائمة على "تفتكر مين ينفع ومين مينفعش"
وهذا الكلام لم يعد له مكان الآن

عند فتح باب الترشح للانتخابات الرئاسية سيتقدم من يشاء ببرنامج محدد الأهداف والاتجاهات والأفكار والخطوات
وسيعرف كل مواطن كل ما ذكر أعلاه وفي هذه اللحظة يمكنه أن يختار من يشاء (بناءً على تلك المعطيات)
وليس لأن "الراجل ده نضيف طول عمره ومسمعناش عنه حاجة وحشة" أو "لما كان رئيس مش عارف ايه الناس كلها كانت بتشكر فيه"... لا أنكر أن السمعة الطيبة من ضمن أساسيات الاختيار ولكنها مجرد "جزء" منه.

وهكذا يختار العالم أجمع رئيسه.

ملحوظة خاصة لك أخي الفاضل
أشعر أنك جزع دائماً وهذا يفسد عليك فرحة النصر برحيل المخلوع وكل من تبعه ووالاه وناصره ووقف مع نظامه
لذا أرجوك اهدأ "وتفاءل بالخير تجده"
وضع ثقتك قليلاً في شعب بلدك الذي اختار مصيره بنفسه

[moriatte]

يا اخواننا عمرو موسى مينفعش يقود البلد اقتصاديا ولا عسكريا
وبعدين هو من الناس اللى وجعولنا دماغنا بالتفاوض والمعاهدات مع اسرائيل
عمرو موسى من الناس المؤمنة تماما بجدوى و ضرورة السلام والتفاوض و التطبيع مع اسرائيل !!!

أحمد زويل علشان نريح نفسنا خالص اللى شاف حلقاته اللى سجلها فى كل الفضائيات أقر فيها ضمنيا بنفسه انه لا يصلح لهذا المنصب
اللى زى أحمد زويل ممكن يعمل لك قاعدة علمية تنقلك من تحت لفوق.....
هيحقق لنا نهضة علمية شاملة بجد
دا هيكون أحسن لنا مليون مرة .......لكن ماتخنقوش بمناصب ادارية معندوش خبرة فيها

مش عارف ليه حاسس اننا برضه مش هنوصل لحاجة زى كل مرة
الناس كلها مهنجة
السؤال صعب.....صح :D

[GHOSTEID0]

فترة انتقالية لا تقل عن سنة يحكم فيها مجلش عسكرى مع الاستعانة ببعض المدنيين لادارة البلاد

و بعد كده انتخابات

[S@M]

عمرو موسى من الناس المؤمنة تماما بجدوى و ضرورة السلام والتفاوض

مبدئيا كلاامى هذا ليس انتقاد لاى شخص ممكن يمسك الرئاسة ...ولكن اتحدث عن الصالح العام .



افهم من كلاامك انك عاوز واحد يقود البلااد ويدخلنا فى حرب ؟؟؟ّّ!!!

اعتقد مصر الان تمر بأعصار اقتصادى ضخم جدا ....ان لم ننتبة لة يمكن ان يفتك بالدولة ...خاصتا انة يتزامن مع ارتفاع اسعار الاغذية العالمية بنسبة 20 % !!!!

اتوقع خسائر مصر ...من يوم 25 يناير الى الان اقتصديا تتعدى ال 300 مليار ....وهذا رقم مخيف على الاقتصاد المصرى

+ .......اننا لسة لا نعلم معدل انخفاض البورصة عند فتحها غدا .....وربنا يستر ....:(


-------------------------------------------

البلد فى المرحلة القادمة تحتاج الى رجل سياسى حكيم ...واقتصادى بارع ...هذا ما تحتاج الية مصر فى الفترة الراهنة ..

حتى يتثنى لها الخروج من براثن الانهيار الاقتصادى ...والنهوض بمستوى المواطن المصرى ..ليعيش عيشة كريمة ...:)

[moriatte]

السؤال اصلا ليس له معنى (واعذرني بشدة على هذا)
ثقافة اختيار الرئيس عندنا ما زالت حتى الآن قائمة على "تفتكر مين ينفع ومين مينفعش"
وهذا الكلام لم يعد له مكان الآن

عند فتح باب الترشح للانتخابات الرئاسية سيتقدم من يشاء ببرنامج محدد الأهداف والاتجاهات والأفكار والخطوات
وسيعرف كل مواطن كل ما ذكر أعلاه وفي هذه اللحظة يمكنه أن يختار من يشاء (بناءً على تلك المعطيات)
وليس لأن "الراجل ده نضيف طول عمره ومسمعناش عنه حاجة وحشة" أو "لما كان رئيس مش عارف ايه الناس كلها كانت بتشكر فيه"... لا أنكر أن السمعة الطيبة من ضمن أساسيات الاختيار ولكنها مجرد "جزء" منه.

وهكذا يختار العالم أجمع رئيسه.

ملحوظة خاصة لك أخي الفاضل
أشعر أنك جزع دائماً وهذا يفسد عليك فرحة النصر برحيل المخلوع وكل من تبعه ووالاه وناصره ووقف مع نظامه
لذا أرجوك اهدأ "وتفاءل بالخير تجده"
وضع ثقتك قليلاً في شعب بلدك الذي اختار مصيره بنفسه

بالعكس رأيك كويس جدا
احنا فعلا معندناش ثقافة الاختيار لأننا عمرنا ما خضنا انتخابات شرعية قبل كدا
أنا شخصيا عمرى فى حياتى ما فكرت أطلع بطاقة انتخابية
يا راجل دا الواحد الوقت اللى كان يروح فيه يرشح حسنى مبارك ولا واحد فى مجلس الشعب.... لو راح فيه النادى ولا حتى قعد يتفرج على فيلم هايف كان يبقى عمل حاجة مفيدة :o
الناس اللى كانت بتروح تنتخب دى فاكرة ان الموضوع تهريج..... مش مدركة ان ربنا هيسألها يوم القيامة عن سبب اختيارها

أنا معاك طبعا ان البرنامج الانتخابى اللى هيقدمه كل مرشح هيفرق كتير
بس هما فين أصلا اللى ينفعوا يقدموا برنامج انتخابى عشان نقيمهم
ماهم قدامك من دلوقتى أهه
معزة قايمة و معزة نايمة...آسف على المثل العامى
يعنى هنخترع بنى آدم هيظهر فجأة من تحت الأرض مثلا !!!
ما هم قدامك يا عم الحاج :o
أنا بس بسأل الناس قبل ماحد يتقدم ببرنامج انتخابى ممكن يعجبنا و ممكن لأ
مين مبدئيا قبل البرنامج الانتخابى ممكن يحظى بقبول؟
شوفت السؤال سهل ازاى و برضه كلنا مش عارفين نجاوب :o
كل الموجودين حاليا ما شاء الله ياخدوا صفر مع مرتبة الشرف

بالنسبة للنصيحة الخاصة فجزاك الله خيرا ياأخى....بالعكس والله أنا سايبها على الله...أنا شغلى كله فى مجال المقاولات....أول لما الأحداث حصلت كل اللى أعرفهم بقوا يصرخوا وقالوا خلاص هنقعد فى البيت...بالعكس أنا كنت متفائل جدا.....اللى يبقى عنده ضرس مسوس و يخلعه و يستحمل وجع ساعة ....أحسن ما بفضل طول عمره يعانى
يا عم اللى بيرزق الكافر هيرزقنا.....رزقنا هناخده غصب عنا
لكن مستقبل البلد بحالها طبعا لازم أقلق و أقلق و أقلق....

[one-zero]

طالما سيحكم فترتين بحد اقصى فقط
فليكون من يكون
المهم تكونو مقتنعيين به

سؤالك مشكلته اخي الحبيب انه يوحي ان الشعب مش فاهم يعني ايه ديمقراطيه لسه

اللي يترشح يترشح المهم يكون في ظل دستور ينص على الترشيح لفترتين فقط بحد أقصى
وان تكون الانتخابات ديمقراطيه بمعنى الكلمه

بس خلاص

وبعدين ازاي نقول عمرو موس اه او لا

حد فيكم شاف البرنامج بتاعه

يا جدعان في حاجه اسمها برنامج انتخابي لازم يتنفذ لو تم انتخابه

تبص بعيد عن رجلك ماشي
انما تبص أميال عن رجلك فعفوا ليس من فينا بزرقاء اليمامه

[moriatte]

يا عم ياسر الله يباركلك فين الأميال دول بس
دا هما كلهم ست شهور لازم نختار فيهم ريس
ولا هننتظر فترة انتقالية للجيش يضطر مجبر فيها ينفذ فيها الاتفاقيات السابقة اياها مع اسرائيل زى ما صرحوا النهاردة ....والله أعلم الفترة دى هنخلص امتى
أيوه طبعا عمرو موسى لأ......و بكرة تشوف.....وهفكرك.....زى ما الناس هنا قبل كدا قالوا نعم للبرادعى وعمر سليمان...
بكرة هتشوف الناس هتقول ايه على عمرو موسى....
وبعدين ياأخى أيوه طبعا مفيش حد فينا يعرف يعنى ايه ديمقراطية.....هنعرفها منين؟
طب حسنى وكل زبانيته و خلاص اتشالوا......تقدر تقولى الناس قاعدين ليه فى التحرير؟
يااخواننا فى تعهدات الجيش تعهد بيها.....لو ما اتنفذتش ميدان التحرير موجود مش هيلغوه
أنا بس مش عاوز أفرع الموضوع وأضيع الموضوع الأساسى

[one-zero]

اولا في ما يخص عدم المعرفه بالديمقراطيه معاك حق
مش مشكله اللي بقولك عليه هو ما يحصل في دول العالم المتحضر الديمقراطي

بالنسبة لعمرو موسى انا اعطيته كمثال
بالنسبة لي لا افضله بس برضه لازم اشوف برنامجه الانتخابي

بالنسبة لخروج الثوار من ميدان التحرير
هم حيخرجو طبعا
بس لسه في حاجات لازم تتعمل من قبل الجيش
وهما مزعلينك في ايه
قاعدين بينظفو الميدان و شباب زي الفل
يا باشا لو مشو دلوقت يبقى هما عيال
كانو عايزين رئيس يمشي وخلاص
لا هما مش عيال
ومشكلتهم مش مع مبارك بس بل مع تنظيف المنظومه من الفاسدين
سيبوهم يشتغلو بقى

مبارك لسه ماشي امبارح
النهارده بتقول مين يكون الرئيس
مفيش مانع طبعا
بس خلي بالك
مصر فيها كثير ينفعو يبقو الريس و يحكمو بالعدل
فلا تقلق اخي الحبيب بالله عليك

[hack4love]

ياجماعه ايه الاسئله الغربيه دي

moriatte

انته اذكي من ذالك


سنكون مثل اي شخص من يضخ افضل برنامج انتخابي سنختاره وفي اخر المده سنحاسبه اذا نفذه ام لا

[Mr.pOPo]

فى خلال قرائتى لمشاركات الموضوع ، حقيقة ، فرحت و حمدت الله. لماذا؟

لم أكن اتخيل انه سيأتى اليوم الذى نختار فيه الرئيس الذى نريد ، و أن نرى هذه المجادلات حول هذا يصلح و هذا لا. حقاً انه لشعور جميل و رائع ، و انا أؤيد كلام الأخ crypt76 (https://www.arabhardware.net/forum/member.php?u=164547)

اللهم احفظ لنا مصر و شبابها و احميها من كل الشرور و اقدر لها الخير يارب العالمين.

كملوا كملوا يا جماعة ، أعتذر على المقاطعة :D

[spidermohmd1]

لم أكن اتخيل انه سيأتى اليوم الذى نختار فيه الرئيس الذى نريد ، و أن نرى هذه المجادلات حول هذا يصلح و هذا لا. حقاً انه لشعور جميل و رائع

+1

أكيد في شخصيات محترمة مكنتش باينه في ظل الفساد اللي كنا عايشين فيه .

و أنا مش مع حد من اللي علي الساحة الأن .

بس عندي سؤالين ....

مش المفروض دلوقتي الأنتخابات تتعمل بدري ؟

و أيه رأيكم في أحمد شفيق ؟

[one-zero]

و أيه رأيكم في أحمد شفيق ؟
في تقديري الشخصي هو ممتاز لادارة مصر للطيران و قدم فيها الكثير
ولكن ليس اكثر من ذلك

لازم تفكرو في الجوده
الجوده لازم تكون مرتفعه

يعني احمد شفيق لو بقى وزير ممكن

انما رئيس وزراء لا
محتاجين شخص بجوده عاليه اكثر في هذا المنصب

ولكن عموما الحكومه الحاليه ستظل موجوده فتره مع بعض التغيير لادارة شؤون البلاد لحين الانتخابات الرئاسيه

[Black-Edition]

اتمنى احمدزويل :)

[sherif-magdy]

^^^^
سيتم استضافته اليوم فى برنامج مصر النهارده مع محمود سعد

[HD-LEGEND]

في تقديري الشخصي هو ممتاز لادارة مصر للطيران و قدم فيها الكثير
ولكن ليس اكثر من ذلك

لازم تفكرو في الجوده
الجوده لازم تكون مرتفعه

يعني احمد شفيق لو بقى وزير ممكن

انما رئيس وزراء لا
محتاجين شخص بجوده عاليه اكثر في هذا المنصب

ولكن عموما الحكومه الحاليه ستظل موجوده فتره مع بعض التغيير لادارة شؤون البلاد لحين الانتخابات الرئاسيه

+1
عندك حق اخي
واضح انة شخصية محترمة ولكنة يفتقد الي كاريزما القائد لذلك لا يصلح لمنصب الرئيس

[MF88]

سنكون مثل اي شخص من يضخ افضل برنامج انتخابي سنختاره وفي اخر المده سنحاسبه اذا نفذه ام لا

انا كنت داخل اقول الكلمه دى بس

اللى عنده استعداد يخدم بلده حتى لو كناس فى الشارع و شويه ثقافه

فليتفضل بتقديم برنامجه

و إحنا زى الباشوات نقرر و نختار



انا كل ما اتمناه انى اروح فعلا ازور المجلس الأعلى للقوات المسلحه

عندى شويه قوانين هموت و اوصل صوتى ليهم بجد

[a.ewais]

يا عمرو موسى...ياعمر سليمان...

وعمر سليمان قال مش هترشح اصلا...يبقى هو عمرو موسى..
واصلا فى ناس بتقول ان المادة هيبقى من شروطها..عدم ترشح اى حد اكبر من 60 سنة...وانا مش مع الخطوة دى..:o..اانا شايف ان كل اما كبر يبقى عنده حكمة ورزانة ....انما الوزراء ماشى يبقو شباب..عشان يبقى عندهم افكار وطاقة لعمل وحماس وكده..انما الرئيس يبقى كبير وذو خبرة..عالعموم مش مشكلتناا دلوقت...

لو عمرو موسى ما اترشحش...يبقى هنشوف البرنامج واختار على اساسه....فى الاول وفى الاخر...انا معيش بطاقةانتخابية..:D

[azaki]

أعتقد برأي

رئيس البلاد هو الذي يقود الإصلاحات المطلوبة على هيكل الدولة التشريعي والإداري و بما انه على رأس النظام فبالتالي من يقدم برنامجاُ رئاسيا واقعياً و حقيقياً وبجدول زمني واضح للتعامل مع الإصلاحات المطلوبة للبلد سيكون هو الرئيس القادم جمهورية مصر العربية.
و من رأيي
أن منصب الرئيس يجب أن يشغله شخص سياسي محنك ( يتولى السياسة الخارجية )
أما رئيس الوزراء هو الذي يجب ان يكون اقتصادي كبير ( يتولى تنفيذ برنامج الرئيس )

وبخصوص السياسة الخارجية لمصر

"السياسة الخارجية تستهدف العمل على إيجاد التوازن بين الالتزام الخارجي لدولة ما ، والقوة التي تحتاجها - تمتلكها- لتنفيذ هذه الالتزام "

محددات صنع السياسة الخارجية هي
محددات لثابتة: الجغرافيا و السكان و المواد الطبيعية
محددات متغيرة: التطور الاقتصادي و نظام الحكم و الروح المعنوية

لو نظرنا كل من المحددات السابقة و التعريف بأعلاه سنكتشف أن مصر بوضعها السابق و الحالي ليست من الدول التي تملي شروطها بكل قوة :o :o وبالتالي فتحسين هذه المحددات ( خاصة المتغيرة ) هو من يصنع لنا القوة التي نحتاجها لتنفيذ ما نريده

[hack4love]

يا عمرو موسى...ياعمر سليمان...

وعمر سليمان قال مش هترشح اصلا...يبقى هو عمرو موسى..
واصلا فى ناس بتقول ان المادة هيبقى من شروطها..عدم ترشح اى حد اكبر من 60 سنة...وانا مش مع الخطوة دى..:o..اانا شايف ان كل اما كبر يبقى عنده حكمة ورزانة ....انما الوزراء ماشى يبقو شباب..عشان يبقى عندهم افكار وطاقة لعمل وحماس وكده..انما الرئيس يبقى كبير وذو خبرة..عالعموم مش مشكلتناا دلوقت...

لو عمرو موسى ما اترشحش...يبقى هنشوف البرنامج واختار على اساسه....فى الاول وفى الاخر...انا معيش بطاقةانتخابية..:D





بعد ما قريت كلامك قولت حسبي الله ونعم الوكيل في النظام السابق برمته الي افضي الساحه من اي شخص متميز

وكان اي شخص يصعد نحمه يقتل فورا ويدفن في اي مكان


حتي اصبح تفكير الناس حاليا مثل شخص حضرتك الاسماء تنحصر في شخص او شخصين لانه يتذكر موقف له جيد منذ عدد من السنوات



ارجو ان يتغيرالتفكير ان هناك برنامج يجدب اختيار الرئيس عليه وسيحاسب اذا لم ينفذ


ويجب اضافه قانون محاسبه رائيس الجمهوريه والوزراء خلال حكمهم ايضا

[moriatte]

بعد ما قريت كلامك قولت حسبي الله ونعم الوكيل في النظام السابق برمته الي افضي الساحه من اي شخص متميز

وكان اي شخص يصعد نحمه يقتل فورا ويدفن في اي مكان


حتي اصبح تفكير الناس حاليا مثل شخص حضرتك الاسماء تنحصر في شخص او شخصين لانه يتذكر موقف له جيد منذ عدد من السنوات



ارجو ان يتغيرالتفكير ان هناك برنامج يجدب اختيار الرئيس عليه وسيحاسب اذا لم ينفذ


ويجب اضافه قانون محاسبه رائيس الجمهوريه والوزراء خلال حكمهم ايضا

:D
والدى بيحكيلى ان السادات برضه فى أواخر أيام حكمه فى فترة من فترات رئاسته حب يعمل فيلم أونطة قدام الشعب انه راجل ديمقراطى و كدا
قالك اللى عاوز يرشح نفسه للرياسة يتفضل مشكورا يتقدم
راح محامى دماغه لاسعة و رشح نفسه قدامه
هو حسب رواية والدى السادات طلع محترم ما قتلوش ولا وداه ورا الشمس
هو خلى مصيره أسوأ من كدا بكتير......
وداه مستشفى المجانين :D:ah50:
اوعى بقى ياعم هاك تطق فى دماغك وتعملها انت راخر :D
بالمناسبة أنا والدى محامى برضه على فكرة
بمناسبة كلامك اننا حنستنى أما كل واحد يقدم برنامجه الانتخابى وبعدين نقرر
طب هو فين بس دا اللى هيقدم برنامجه الانتخابى
أشووووووووووووفه :D

[The Mysterious]

أخي moriatte، يبدو أنّك لا زلت مصدوم بأنّ عملية استئصال حسني مبارك عن الكرسي قد نجحت أخيراً، وحدة وحدة يا راجل ماتسخنش كده أوي، لسّه الطريق بأوّلو.

[Mubarak]

لو كان بيدي...
من يترشح لمنصب رئيس الدولة، يتم سحب كافة أموالة إذا كانت تتجاوز مليون جنيه ويتم الاحتفاظ بها.
يتم تجميد كافة أمواله الأخرى وأموال أسرته.
يتم صرف مبلغ له يتسحقه في منصب رئيس الدولة، عوضا عن المخاطر التي يتعرض لها، والسهر، وبدل لأسرته لانشغاله عنهم، وتذاكر سفر مرة واحدة في السنة، (ويا ليتها للعمرة) :D ... ولا يسمح له بتداول اي تجارة، وفي نهاية كل عام يتم عمل حساب مالي لرئيس الجمهورية للبحث في المال الذي لديه من أين اكتسبه وفيم أنفقه، وكم نهاية الحساب في آخر العام، وبعد مرور المدة الرئاسية كاملة، إذا استمر في رئاسته بقي الأمر على نفس المنوال، حتى إذا تؤكد من نهاية خدمته يتم إحالته للتقاعد من أي وظيفة مدنية، ويتحول إلى مستشار تلقائيا في مجلس الشورى إلى نهاية عمرة، وتعاد إليه أمواله التي تم تجميدها.

يخرب بيت الحاكم ... من يريد الحكم بعد ذلك؟

[moriatte]

لو كان بيدي...
من يترشح لمنصب رئيس الدولة، يتم سحب كافة أموالة إذا كانت تتجاوز مليون جنيه ويتم الاحتفاظ بها.
يتم تجميد كافة أمواله الأخرى وأموال أسرته.
يتم صرف مبلغ له يتسحقه في منصب رئيس الدولة، عوضا عن المخاطر التي يتعرض لها، والسهر، وبدل لأسرته لانشغاله عنهم، وتذاكر سفر مرة واحدة في السنة، (ويا ليتها للعمرة) :D ... ولا يسمح له بتداول اي تجارة، وفي نهاية كل عام يتم عمل حساب مالي لرئيس الجمهورية للبحث في المال الذي لديه من أين اكتسبه وفيم أنفقه، وكم نهاية الحساب في آخر العام، وبعد مرور المدة الرئاسية كاملة، إذا استمر في رئاسته بقي الأمر على نفس المنوال، حتى إذا تؤكد من نهاية خدمته يتم إحالته للتقاعد من أي وظيفة مدنية، ويتحول إلى مستشار تلقائيا في مجلس الشورى إلى نهاية عمرة، وتعاد إليه أمواله التي تم تجميدها.

يخرب بيت الحاكم ... من يريد الحكم بعد ذلك؟

والله حسب الشروط دى و بعد اللى حصل لحسونة....اللى هيفكر يرشح نفسه يبقى أكيد هيكون ناوى ينتحر
باقول لحضرتك ايه يا شيخ مبارك
انت ما شاء الله راجل محترم و صاحب رؤية
ماتيجى تاخد الجنسية المصرية و نرشحك ريس :D :D

[Coolman4now]

- يا جماعة الأجابة واضحة جدا وسهلة ومش عارف ليه مش شايفنها!

- الأجابة هى : أنا برشح نفسى لرئاسة الجمهورية!!!!!!! :eek:

:D :D :D :D :D