المساعد الشخصي الرقمي

مشاهدة النسخة كاملة : ما هى افضل شركة انترنت فى مصر وشوفتو عرض فودافون؟


sarastar
14-02-2011, 14:58
ما هى افضل شركة انترنت فى مصر وشوفتو عرض فودافون؟
السلام عليكم ورحمة الله وبركاته
يا جماعه لو سمحتم عايزة اعرف ايه افضل شركة انترنت فى مصر
انا دخلت على موقع فودافون وعاملين عرض دلوقتى راوتر و usb مجانى على اى باقة
https://www.vodafone.com.eg/ar/Person...omo/index.htm# (https://www.vodafone.com.eg/ar/Personal/Promotions/ADSLOnlinePromo/index.htm#)
وهل لما اشترك فى فودافون نت هيتأثر شوية بالشبكة فى البيت يعنى مثلا ساعات شبكة فودافون بتكون حلوة فى البيت وساعات لا هل دا هيأثر على النت ولا ايه
ahmed.samy.90
14-02-2011, 17:18
بص يا باشا انضف شركة دلوقتى هى لينك من ناحية الخدمة فهى رائعة جداً و من ناحية الصيانة فهى مجانية و سواء كان في مشكلة فى الخط او فى الخدمة يتم حلها فى مدة لا تتعدى 48 ساعة و انا مشترك من 2008 و فى حالة حدوث اى مشاكل سواء من عندى او من عندهم بيتم حله بسرعه جداً ........ و القرار ليك فى الآخر.
redtiger5000
18-02-2011, 21:22
انا اعترف ان شركة لينك هى رائدة النت فى مصر
و لكن انا حاليا على شركة فودافون بقالى اكتر من سنة و الراوتر كان من عندهم و بيجى واحد يركبهولك و يظبط لك ال configuration بتاع الراوتر و كل حاجة و الدعم الفنى مفيش احسن من كده و 24 ساعه و النت زى الفل و مفيهوش اى مشاكل الحمد لله ده بالنسبة لشركة فوافون
اما بالنسبة لشركة لينك هى حلوة برضه و يمكن ارخص كمان بحوالى 2 او 3 جنيه عن شركة فودافون
من الاخر الشركتين دول تمام التمام بس انا حاليا على فودافون
waheed omar
19-02-2011, 04:17
أحترس من te data فهى أوسخ شركة نت فى مصر من حيث الخدمه والدعم الفنى
EMBassem
21-02-2011, 02:32
مفيش حاجة اسمها افضل شركة انترنت فى مصر
بتخلتلف من منطق للتانية و من سنترال للتانى و كمان لو تصق من بيت لل بيت اللى قدامك
فى منطقة حتلاقى الناس بتشكر فى شركة 1 و تلعن فى 2و3و4
و منطقة تانية يقلولك 2و3 حلوة و 4و1 متجيش جمبهم
انا مشترك مع لنك
و كسرعة داونلود هى فى الحد المقبول و الكويس
بس هم ميعرفوش حاجة تانية فى النت غير سرعة الداونلود
انا عندى البنج عالى و لو كلمتهم تسمع مهازل
""سيبنا بقى الواحد متشعلل لوحدة :mad:""
شوف انت تبع سنترال اية و فى منطقة اية "يفضل"
و شوف لو حد من المنتدى من نفس المنطقة و هو حيقولك كذا احسن و انا جربت كذا و كذا
و شوف اكيد حتلاقى حد من المنطقة اللى حوليك جيرانك صحابة فى المنطق و اسالهم
Ahmed.Saleh
10-03-2011, 15:31
تى اى داتا فى سنترال المريوطيه Sucks
وعن تجربه الداون لود كويس بس التصفح نيله
واحيانا Both
mohamed sobhey
12-03-2011, 16:18
فعلا حسب السنترال
وانا عندى تى ايديته فى مدينه السلام زباله زباله زباله بقالهم 5 شهور يقولوا فى اعطال فى السنترال السلام وجارى حلها وماشاء الله دوول لو بيعملوا سنترال جديد كان زمانه خلص
crypt76
12-03-2011, 16:28
تى اى داتا فى سنترال المريوطيه Sucks
وعن تجربه الداون لود كويس بس التصفح نيله
واحيانا Both


ابتعد تماماً عن TEdata في المريوطية لأنها سيئة إلى أقصى الحدود
بطيئة في التصفح والداونلود طول اليوم إلا من الساعة 5 الصبح لحد 12 بس
ŤǾЯŊΛĐф
12-03-2011, 17:10
Link FTW :)
Android Man
17-03-2011, 13:09
طب حد ركب نت في بورسعيد في منطقة الجوهرة علشان ان اهركب وعايز اعرف انهو شكرة اسرع
Ahmed.Saleh
17-03-2011, 14:32
انا نزلت جوجل كروم وحللى مشكله التصفح البطئ
بس قريب هغير لشركه لنك
memoreturn
18-03-2011, 17:28
فعلا ابعد عن تي اي داتا خاصة لو انت في سنترال المريوطية بجد فعلا الفترة الاخيرة ازبل من الزبااااااااااااااااااالة التصفح تدوس وتستني ساعاااااااااااااات عقبال ميفتحك اللينك او الصفحة والدنولود واقققققققققققققع

انا لي واحد صاحبي مشترك في فودافون المريوطية وانا مشترك ليا في الشغل في المهندسين بس مشكلة فودافون حاجة واحدة بس وهي انه كله محدود يعني لو انت علي 512 هيديك بس 25 جيجا ولو واحد ميجا هيديك 40 جيجا بس يعني منن الاخر لو انت حريقة دونلود او معاك ناس تانية علي الشبكة يبقي منصحكش بيها

بس اي حاجة تاني فهي افضل بكتيييييييييييير من حيث الدعم الفني ومن حييث الدونلود والتصفح فهي بجد طلقة

والرواتر بتاخده مجاني مش بتدفع ايجار بس لو فصلت الخدمة قبل سنة من بداية التعاقد بتدفع 200 جنيه ياريس وترجع الرواتر ليه سليم لو مش سليم هتدفع تمنه بس هما هيقيموا تمنه هههههه لو عديت السنة هترجع الرواتر بس ومش هتدفع ال 200 جنيه

انا في المهندسين اتصلت بيهم وجالي النت بعد يومين بالظبط جه مهندس ركب الرواتر وعمل كونفجيرشن ومشي من غير ماياخد مني مليم واحد وعملي التعاقد مش زي باقي الشركات التانية تروح ليهم وتتدفع والكلام ده وتستني علي الاقل اسبوعين والكلام ده

ده كله بالتليفون ويجيلك هو يعمل التعاقد وسيادتك تشحن بس بكارت بالمبلغ اللي انت مشترك بيه بس ودي ميزة برضه حلوة لانك مش متضضطر تروح لحد فرع الشركة تتدفع تجيب كروت وتشحن ويخصموا هما منكم

يمكن برضه في مشكلة لناس انه الرواتر من عندهم ومينفعش تجيب انت الرواتر بس بصراحة الرواتر بتاعهم حلو ومعمليش اي مشكلة والسوفت وير بتاعه سهل
هوباهوبا
18-03-2013, 20:46
افضل شركه انترنت في مصر حاليا هي شركه انترنت مصر IM عندهم عروض طول السنه ودعم فني ممتاز