ماهي أماكن تواجد Galaxy S في القاهرة ؟

[Shirogamer]

أريد ان أعرف ماهي أماكن تواجده في القاهرة وكام سعره التقريبي

شكرا ;)

[hanybasha]

اشتريته - من أسبوع - من الوكيل يونيون جروب - له عدة أفرع في القاهرة (https://www.uniongroupegypt.com/gDefault.aspx?menuid=9) - السعر 4222ج للـ 16 جيجا - ولا يوجد الـ 8 جيجا.
والجهاز ممتاز وليس به مشكله الثلاثة أزرار - ومعه هدية usb modem موبينيل - مع ملحوظة أنهم (في فرع ش. فريد سميكه - م.الحجاز) رفضوا رفضًا قاطعا تجربة الموبايل قبل شراؤه برغم شرحي لأهمية التأكد من موضوع الثلاث أزرار (لم يسمعو عن هذه المشكله من قبل!) حيث لم يكن هناك جهاز ديمو للتجربة عليه - كما أن وجهة نظرهم أن لو فيه مشكلة يمكن إرجاعه - مهندس الصيانه فقط عندهم علمت أنه تعجب من معرفتي لهذه المعلومة السريّة الحساسة - بعد الشراء جربته عندهم والحمد لله ليس به أيه مشاكل.
الجهاز كان عليه النظام أندرويد إصدار 2.1 وليس عليه الماركت.
قمت بتحديثه إلى 2.2 أما الماركت فلم أهتم لأن جوجل صرحت أنه سيكون متاح لبعض البلدان العربيه قريبا جدا ومنها مصر - كما أن هناك Applanet ماركت يمكن تنزليه كبديل.

[moriatte]

مبروك عليك الجهاز يا باشا
بالمناسبة هما ما بيحطوش جهاز ديمو للتجربة....هما بيحطو جهاز كدا ماكيت شبهه بالضبط بيفضل يعمل عرض متتابع كأنه جهاز حقيقى
بالنسبة لمشكلة الثلاثة أزرار.....أنا اللى فهمته هنا من المنتدى ان المشكلة دى بتبقى مجرد حاجة مقفولة عن عمد علشان مش كل واحد يفضل يلعب فى الروت بتاع الجهاز.......و بتتفتح بسهولة بالسوفتوير....لكن مش عيب هاردوير
انت عندك معلومة بخلاف كدا ولا ايه

[hanybasha]

مبروك عليك الجهاز يا باشا
بالمناسبة هما ما بيحطوش جهاز ديمو للتجربة....هما بيحطو جهاز كدا ماكيت شبهه بالضبط بيفضل يعمل عرض متتابع كأنه جهاز حقيقى
بالنسبة لمشكلة الثلاثة أزرار.....أنا اللى فهمته هنا من المنتدى ان المشكلة دى بتبقى مجرد حاجة مقفولة عن عمد علشان مش كل واحد يفضل يلعب فى الروت بتاع الجهاز.......و بتتفتح بسهولة بالسوفتوير....لكن مش عيب هاردوير
انت عندك معلومة بخلاف كدا ولا ايه

مكنش فيه حتى جهاز ماكت ولا حاجه - كان مجرد فيه علبه مقفوله معروضه للجهاز.
بالنسبه لمشكله الثلاث أزرار هي فعلا مش مشكله هارد وير وكانت مقفوله عن عمد في الدفعات الأولى فقط وبالتالي أنا كنت عرف إن بنسبه 99% المشكله مش موجوده - لكن ال1% الباقي ده ومع المبلغ الضخم اللي حيتدفع خلاني مصر اتطمن قبل مشتريه.
حل المشكله كان فيه حلول كتير قريتها في المنتديات لدرجه اني بطلت أتابع ولكن اللي متذكره إن كان فيه حل انك تحطه قصاد هواء ساخن من سشوار!! وحل آخر إنك تدفنه في طبق رز !! وحل آخر انك تصنع قطعة هاردوير وتشبكه فيها مش فاكر التفاصيل ويمكن فيه حل تقرا عليه عدية ياسين هههه ;)
حلول السوفتوير اللي متذكره عمل flash للفيرموير - مهتمتش ده بيحصل ازاي - وربما فيه حل آخر لا أعرفه نتيجه اني بطلت أتابع.
طب وليه وجع القلب يعني مجيبه سليم من البدايه! ولا إيه؟!

[Sir-Mando]

علي العموم مبروك عليك !! بس نصيحتي ليك عاوز تشتريه زي ما الناس قالتلي هاته من السعودية او من الإمارات !!
اتذكر لما نزل الجهاز في الكويت في معرض إكيا !! مسكته وكان طبعاً محمي بسلك في خزانة او ما يقرب مش فاكر !! والشركة كانت عملاله ديزاين كبير حجم موديل كبير مش زي هنا ف مصر نادر لما تسمع سامسونج اصلاً الناس كلها حافظة نوكيا نوكيا نوكيا!!
ما علينا علي العموم مبرووك !! ;)

[moriatte]

يا عم مبقاش فى الكلام دا خلاص
ما هو الفرز اللى بينزل للدول العربية كلها نفس الفرز
أهو ع الأقل عشان الضمان

[Sir-Mando]

هممممممم خلاص انا معرفش والله مادام كده انت هتجيبه منين !! يونيون جروب ! ؟

[Shirogamer]

شكرا جزيلا :)