طلب تجميع كيسة فى حدود 3000 جنية

[MaMaDo9000]

السلام عليكم

اريد تجميعة لكيسة فقط تكون فى حدود 3000 الى 3400 جنية

و ايهرأيكم فى التجميعة دى

M.B: GIGABYTE P55-USB3L PRICE 760

Proccesor: Intel Core I3 540 3.06GHz/4M/DMI at 2.5 GT/s PRICE 720

Case: Cooler master GLADUTOR 460W PRICE 550

Fan: COOLER MASTER N520 PRICE 275

R.A.M: Kingston 2GB DDR3 bus 1333 MHz CL9 PRICE 130
Kingston 2GB DDR3 bus 1333 MHz CL9 PRICE 130

VGA: Sapphire HD5670 FLeX Edition 1GB GDDR5 PRICE 670


شكرا واسف على الاطالة.....

[EL KING OMAR]

خد التجميعة دى أحسن من تجميعتك

Phenom II X4 925 السعر 740 جنيه
Hyper 212 plus السعر 200 جنيه
ASUS M4A88T-M/USB3 السعر 520 جنيه
Cooler master GLADIATOR 460W السعر 550 جنيه
sapphire HD 5770 Vapor-X السعر 950 جنيه
Kingston 2GBx2 1333mhz CL9 السعر 260 جنيه
WD Blue 500GB السعر 230 جنيه
المجموع 3450 جنيه

-التجميعة دى أحسن فى كذا حاجة
-البروسيسور ده أربع أنوية بس الi3 نواتين بس فالبروسيسور ده أدائه أحسن بكتير جداًً من الI3
-المشتت ده من أفضل المشتتات الموجودة حالياًً و فى مراجعات كتيرة هنا فى المنتدى
-الماذربورد دى فيها USB 3.0 برضه و كويسة جداًً
-الكيسة هى هى و كويسة جداًً
-الرامات هى هى برضه
-كارت الشاشة ممتاز و يتفوق على اللى أنت مختاره بمراحل و الكارت ده بيشغل معظم الألعاب التقيلة على أعلى إعدادات
-أنت مش حاطط هارد فى تجميعتك بس أنا حطيطلك واحد معرفش هتجيبه أو عندك واحد

[MaMaDo9000]

شكرا على الرد :)
جزاك الله كل خير

[m.harridy]

اخى الفاضل طالب المشورة
ياريت تقول استخدامك للجهاز مخصص لاية

ثانيا تجميعة اخى فى الله الكينج عمر بها عيب بسيط لم ينتبه اليه
وهو
ان الباور صبلاى مش هيشغل كارت الشاشة اللى مرشحه
لان
اقل حاجة تشغله تكون 500 واط

[ey@d-i7]

خد التجميعة دى أحسن من تجميعتك

Phenom II X4 925 السعر 740 جنيه
Hyper 212 plus السعر 200 جنيه
ASUS M4A88T-M/USB3 السعر 520 جنيه
Cooler master GLADIATOR 460W السعر 550 جنيه
sapphire HD 5770 Vapor-X السعر 950 جنيه
Kingston 2GBx2 1333mhz CL9 السعر 260 جنيه
WD Blue 500GB السعر 230 جنيه
المجموع 3450 جنيه

-التجميعة دى أحسن فى كذا حاجة
-البروسيسور ده أربع أنوية بس الi3 نواتين بس فالبروسيسور ده أدائه أحسن بكتير جداًً من الI3
-المشتت ده من أفضل المشتتات الموجودة حالياًً و فى مراجعات كتيرة هنا فى المنتدى
-الماذربورد دى فيها USB 3.0 برضه و كويسة جداًً
-الكيسة هى هى و كويسة جداًً
-الرامات هى هى برضه
-كارت الشاشة ممتاز و يتفوق على اللى أنت مختاره بمراحل و الكارت ده بيشغل معظم الألعاب التقيلة على أعلى إعدادات
-أنت مش حاطط هارد فى تجميعتك بس أنا حطيطلك واحد معرفش هتجيبه أو عندك واحد

+1 فعلاً التجميعة هذه أفضل بكثير من تجميعة انتل ولكن حبذا لو البور تكون 500 Watt كما تفضل الأخ m.harridy

[MaMaDo9000]

بصراحة انا ناوى اتعلم علية جرافيك و كمان العاب
و على فكرة انا غيرت الكيسة بالباور و هجيب :
Cooler Master USP 100 case + 550w PSU

و ياريت تأكيدك على البوردة او لو في واحده احسن

و شكرا :)

[MaMaDo9000]

انا عندة سؤال كمان لو سمحتوا...انا اعرف ان معالجات AMD بتسخن كتير فارجو افادتى اذا كانت الكيسة و المروحه دول كفاية خصوصا ان الجو بيبقى حر جدا فى الصيف و انا معنديش نكييف :(

[m.harridy]

اولا معالجات AMD عشرة على عشرة
ممتازة ومش بتسخن زى ما انت معتقد
ولكن ممتازة
بل اكثر من ممتازة
والسبب انها تقدم حل لمعادلة السعر مقابل الاداء
هى المسيطرة سوق الفئات الوسطى والدنيا عن الانتل
وتعطيك اداء يقارب اداء الانتل ولكن بفارق زيادة طفيفة جدا جدا جدا للانتل لا تكاد تصل الى 2.5 %
يعنى الاشخاص العاديين زينا مش هيحسوا باى فارق اطلاقا غير الخبراء اللى ممكن يشعروا بذلك الفارق التافه اللى ممكن يصل بزيادة الميزانية الى 500 جنيه

ثانيا معالجات AMD تتميز بتتعدد الانوية ودى بتساعد فى الالعاب اللى بتعتمد على تعدد الانوية
وشغلها فى الفوتو شوب والجرافيكس بوجه عام ممتاز

لذلك
انت ميزانيتك حوالى 3000 جنيه
اذن اتجه بدون تفكير الى ال AMD
لان الاداء بتاعه ممتاز
والدليل على كلامى انى هرشحلك تجميعتين واحدة منه و واحدة من الانتل
فالامكانيات اللى توازيها فى الانتل تزيد حوالى 500 جنيه ( على الفاضى )
وهثبتلك الكلام دة بالاسعار

اولا تجميعة الانتل

1_ البروسيسور
INTEL CORE I3 540 3.06/4M/2.5GT/S - Soket1156
السعر 800 جنيه

2_ المازر بورد
GIGABYTE P55A-UD3
السعر 925 جنيه

3_ كارت الشاشة
Sapphire Vapor-x hd5770 (oc edition) 1GB GDDR5 (https://www.sapphiretech.com/presentation/product/?leg=&psn=0001&pid=305)
السعر 950 جنيه


4_الرامات
Kingston HYPERX 2GB DDR3 bus 1600MHz CL9
هات منها رامتين والسعر 325 جنيه

5_ الكيسة + الباور

NZXT BETA EVO
سعر الكيسة دى 320 جنيه

HEC 600 WATT
سعر الباور دة 420 جنيه

6_ الهارد
Western Digital Caviar BLUE WD5001AAKS SATA 3 Gb/s 500GB 16M Cache (https://www.wdc.com/en/products/products.asp?driveid=301)
السعر 225 جنيه

المجموع
3965 جنيه


ثانيا تجميعة ال AMD

1_ البروسيسور
Phenom II X4 955 3.2GHz, 8MB Cache
السعر 850 جنيه

2_ المازر بورد
MSI 870A- G54
السعر 615 جنيه

كارت الشاشة +الكيسة + الباور + الهارد انظر بعاليه لعدم الاختلاف

المجموع
3615 جنيه


لاحظ
التجميعتين نفس القوة والتكنولوجيا الحديثة
لكن معالج AMD اقوى بكتييييير عن معالج الانتل

وخد بالك
انا كاتبلك كارت الشاشة فى التجميعتين واحد
والسبب
ان المازربورد فى التجميعتين يدعمان فقط الكروس فاير ولا يدعمان السلى ابدا

وحاجة تانية الكارت اللى انا مرشحهولك اقوى بمرااااااااااااااااااااااااااااااااااااحل من اللى انت كاتبه
اولا هايعيش معاك على الاقل سنتين مرتاحين تماما وبعديها اكسر سرعته وبعديها اعمل كروس فاير
+انه مكسور السرعة مصنعيا + تبريد احترافى غير قياسى يعنى من الاخر
هاتعيش معاه فى الجيمز يا معلم

ونصيحت ليك انسى الكارت اللى انت كاتبه بكتيره سنة وهتحتاج تعمله كروس فاير

عرفت لية بقولك اتجه لل AMD
الفرق 350 جنيه (زيادة على الفاضى )
وتجميعة ال AMD اقوى وافضل بمراحل من تجميعة الانتل
وخد بالك انا عارف انى خرمتلك الميزانية ورفعتلك الباور والكيسة والكارت
بس بجد انت واخد تجميعة هاتقعد معالك على الاقل من سنتين الى 3 سنين عمال ماتفكر تحدثها
ومش هاتندم عليها ابدا
وطالما دماغك رايحة فى الالعاب يبقى متستخسرش المبلغ لكن عامة انت ممكن تنزل بالبروسيسور الى
Phenom II X2 555 3.2GHz, 7MB Cache Black
السعر 550 جنيه
بس الاداء هايختلف كثيرا جدا
والفرق 300 جنيه بس بتشترى دماغك

وممكن تنزل فى الكيسة والباور دة لو مش هاتعمل كروس فاير فى المستقبل

وممكن تنزل فى الكارت الى الكارت اللى انت كاتبه
بس هاتتعب من الجهاز قريب وهتزهق منه

لذلك اشترى دماغك وريح نفسك من كل دة
واستنى شوية لغاية ماتجمع المبلغ اللى موجود وهات اللى يعيش معاك
الغالى تمنه فيه
ومتجيبش اى حاجة والسلام لانك هاتندم بسرعة جدا وهاتدفع ساعتها اكتر
دى نصيحتى و باخلاص شديد لك
عشان حراااااااااام تدفع 3000 جنيه فى جهاز مش هيشغل الالعاب التقيلة اللى نفسك فيها

ودى وجهة نظر:D:D:D

[MaMaDo9000]

اولا شكرا على رد حضرتك الوافى :)
بس لو ممكن اجيب البوردة الاسوس اللى قال عليها الاخ EL KING OMAR (https://www.arabhardware.net/forum/member.php?u=11228660) او بوردة جيجابايت علشان انا مش من هواة MSI معلش انا عارف بتقل عليكم :o
و نسيت اقولكم الشاشة اللى عندى Samsung SyncMaster P2370MS 23
لسه جايبها الاسبوع اللى فات :)

[omaar97]

ثانيا تجميعة ال AMD

1_ البروسيسور
Phenom II X4 955 3.2GHz, 8MB Cache
السعر 850 جنيه

2_ المازر بورد
MSI 870A- G54
السعر 615 جنيه

كارت الشاشة +الكيسة + الباور + الهارد انظر بعاليه لعدم الاختلاف

المجموع
3615 جنيه

تجميعة ولا أروع وميزانيتك لن تستطيع بها شراء تجميع إنتل جيدة فمعالج i3-540 يوجد منه من AMD أفضل بكثير

وصدقني MSI شركة ممتازة ما تخاف اللوحة الأم ممتازة جداً وأفضل من لوحة ASUS المكتوبة بالمشاركة قبلها

[EL KING OMAR]

أنا رأيى خد البوردة بتاعتى عشان فيها USB 3.0 و دى هتبقى مهمة جداًًً خلال السنة الجاية.
و أنا حاططلك الكيسة اللى أنت اخترتها و كان ممكن تغير الباور بعدين.
و كمان أنا حاططلك مشتت فوق الممتاز يعنى متقلقش خالص أن البروسيسور يسخن.

[omaar97]

أنا رأيى خد البوردة بتاعتى عشان فيها USB 3.0 و دى هتبقى مهمة جداًًً خلال السنة الجاية.
و أنا حاططلك الكيسة اللى أنت اخترتها و كان ممكن تغير الباور بعدين.
و كمان أنا حاططلك مشتت فوق الممتاز يعنى متقلقش خالص أن البروسيسور يسخن.

أخي راجع البوردة MSI 870A-G54 فهي تحتوي أيضاً على USB 3 وتحتوي أيضاً على SATA III
وكيس NZXT Beta EVO أفضل من كيس Gladiotar
بالنسبة للمشتت يمكن تقليل بعض الأشياء لتصبح التجميعة بها مشتت ولعلمك المشتت الي إنت وضعته يوجد أفضل منه بكثير وهو CNPS10X Performa بس أغلى 70 جنيه وهو أكثر مشتت يحقق أداء مقابل سعر

[m.harridy]

اخى فى الله عمر
ان ردك هذا وسام على صدرى اعتز به ماحييت
واشكرك عاى دعمك المتواصل لى

ثانيا اخى فى الله الكينج عمر
المازر اللى انا مرشحها لاخونا طالب المشورة تتميز عن المازر اللى انت مرشحها بانها بها sata 6
ودى خاصية قد يستفيد بها الان او فى المستقبل
انا شايف انه مفيش داعى لاى مشتت الان
لان الكيسة بتجميعتها اللى انا مرشحهاله قوية جدا جدا وهتعيش معاه فترة كبيرة جدا وممكن بعدين خلال سنة من تمكنه من فهم كيفية كسر سرعة معالجات ال AMD يجيب المشتت بس مش دلوقتى
لان التجميعة قوية
فما هو الداعى انه يجيب مشتت (هى بعزقة فلوس وخلاص )
هو هيجيب التجميعة ويحكم بنفسه هل هى تحتاج الى كسر سرعة من عدمه الان؟؟؟؟
انا لو بصيت على امكانيات جهازى هتجد انها عالية جدا جدا وكان ممكن اجيب المشتت واغلى مشتت فى مصر وكانت الميزانية بتاعتى تسمح بذلك
لكن انا مرضيتش لانها مش فلوس بتتصرف وخلاص مع العلم انى كاسر سرعة البروسيسور بتاعى من 3.2 الى 3.7 من غير مشتت ولا يحزنون وكذلك كارت الشاشة مع انه مش محتاج كسر سرعة اطلاقا

لذلك اقول لاخى طالب المشورة لا داعى الان للمشتت واذا كانت معاك فلوس ازيد من الميزانية المطروحة بالعنوان هات كارت شاشة اعلى
وانا ارشحلك الكارت دة
MSI HD 6850 1GB GDDR5 (https://www.sapphiretech.com/presentation/product/?leg=&psn=0001&pid=310)
السعر 1225 جنيه
وهناك فرق شاسع بينه وبين اللى انا رشحتهولك بعاليه جدا جدا جدا

وفر فلوسك وهات اللى يفيدك مش اللى مش هيفيدك غير فى المستقبل البعيد واللى ممكن تشتريه فى وقتها بسعر ارخص بكتير

[MaMaDo9000]

أخى العزيز M.Harridy شكرا لك على معاونتك و وقتك...بارك الله فيك و فى اعضاء هذا المنتدى العظيم :)

انا هجيب التجميعة دى و الكارت MSI R6850 1GB GDDR5

بس هغير البوردة و هجيب GIGABYTE GA-870A-UD3

ايه رايك فى البوردة... كويسة؟ بس انا هستنى لأول الشهر لزيادة الميزانية علشان اقدر اجيب التجميعة كلها

شكرا لك و لكل من ساهم برأيه فى هذه المشورة

[said_sat]

^^^^^^
^^^^
^^
^ توكل على الله وربنا يبارك لك فيهم وتتهنى بيهم بما يرضى الله

[yassermsire]

السلام عليكم
اختار6850 gigabyte 6850 ddr5 ب 1130 جنية فقط وممتازة جدا فى الحرارة تبريد احترافى
على فكرة انا عندى زيها وبتشتغل ب 400 وات فقط
يعنى ممكن توفر وتشترى كولر ماستر 400 وات ب310 فقط يعنى حتوفر ثمن الباور سبلاى
طبعا
Phenom II X4 955 3.2GHz, 8MB Cache
السعر 850 جني


Western Digital Caviar BLUE WD5001AAKS SATA 3 Gb/s 500GB 16M Cache
السعر 225 جني

Kingston HYPERX 2GB DDR3 bus 1600MHz CL9
هات منها رامتين والسعر 325 جنيه

GIGABYTE GA-870A-UD3

[m.harridy]

معلش اخى مامادو
بس المازر بورد دى لا تدعم الكروس فاير
يعنى لو حاولت انك تعمل كروس فاير فى المستقبل مش هاتعرف
ودى ممكن تحملك مبلغ كبير فى المستقبل لانك ساعتها هاتضطر لشراء كارت حديث وغالى
لكن الكروس فاير بيوفرلك مبلغ محترمجدا وهاتاخد اداء منه احسن من اى كارت حديث


ثانيا انا قبل كدة قولتلك انك حراااااااااااااام تدفع 3000 جنيه فى حاجة مش هاتساعدكفى المستقبل
مفيش داعى من المازر بورد بتاعت جيجابايت لانها لو كانت احسن واوفر من ال msi كنت رشحتهالك من الاول

ومتخفش من المازر اللى انا كاتبهالك دى ممتازة بل اكثر من ممتازة ولما تسال عليها كويس وتشوفها بنفسك هتعرف ساعتها انها الارخص والافضل

ولك فى النهاية حرية الاختيار
اللهم انى قد بلغت
اللهم فاشهد