أب فى الكنيسة يقول صوتو بلا حتى لا تقوم دولة اسلامية

[مكة روحى]

:mad:كلام غريب يدعو للفتنة
https://www.facebook.com/video/video.php?v=198323566856479&oid=103030616429514&comments

[one-zero]

مع الاسف هذا حدث فعلا و يثير علامات استفهام كثيره

ولكنه شبيه بالكلام في كواليس الطرف الاخر عن الماده الثانيه و خطر علمانه الدوله و اهمية التصويت بنعم كواجب شرعي

[Mubarak]

هذه وجهة نظره تخصه، وفي النهاية العبرة بالصناديق.

[moriatte]

لا تعليق :rolleyes:

[drciicii]

مع الاسف هذا حدث فعلا و يثير علامات استفهام كثيره

ولكنه شبيه بالكلام في كواليس الطرف الاخر عن الماده الثانيه و خطر علمانه الدوله و اهمية التصويت بنعم كواجب شرعي

والله يا استاذ ياسر ردودك في بعض المواضيع اراها غريبه جدا ولا ادري انت في صف من او حتى ما هي وجهة نظرك...بالاضافة الي اتهامك لبعض الشيوخ انهم كانو يقولون لا للمظاهرات بان هذا نفاق ولكل من ايدهم انهم منافقين..وردوا عليك الشباب جزاهم الله خيرا وقالو في فرق بينهم وبين من له مسالة شخصية واهم من كده درأ المفاسد والان تقول ان كلام البابا بتاع النصارى شبيه بكلام شيوخ المسلمين...

يا اخي في تصريح واضح منو ان لا تقوووووم دولة اسلاميه وحرصهم الشديد على ذلك مع ان جميع الائمه الذين استمعت لكلمتهم لما قالو نعم كانت الاسباب لان الحمد لله الماده الثانية موجوده بالاضافه إلغاء قانون الطوارئ وصلاحيات الرئيس لمدة ثمان سنوات فقط يعني ما قالوش عشان المسيحيين لا تقوم لهم قائمة..وراينا في خطب الجمعة الحث ع معاملة المسيحيين معاملة حسنه.. كل هذا وتاتي وتقول شبيه بكلام المشايخ !!!!!!

يا اخي مصر دولة اسلاميه ولما يطلع حد يقولك احنا مش عايزينها دولة اسلاميه وصوتو بلا يبقى دي وجهة نظر تخصه ؟!!! اراها حرب قادمة ع الاسلام والمسلمين وحقد دفين والله المستعان..

[one-zero]

وجهة نظري واضحه
لست مع تجيش الاصوات من قبل المسليمين او المسيحين
لست مع تبجيل الشيوخ و القساوسه بل مع احترامهم بدون معاملتهم معاملة الانبياء
لست مع اهانة الاشخاص و تمييزهم حسب الدين او المذهب او العرق

لست مع من يحاول تقسيم دولنا العربيه الي دول اكثر عددا حسب مذهب معين
لست مع من يحاول تحويل دولنا الاسلاميه الي دول علمانيه او دول ظلاميه تحكم زورا بأسم الدين

لست مع المتشددين من اي طرف

مع الطرق بيد من حديد على من يحاول فعل اي ما سبق

[Brigadier]

ارجع واقول لكم , فقط صوت بما تراه صحيحاً , هذه التصويتات سوف تعكس رأي الاغلبيه .:)

[مكة روحى]

القصة ليست انت هتصوت لمين
نعم او لا
المشكلة فى وجهة نظرك
انت بتصوت بنعم لية او لا لية
و المشكلة الاكبر من ذلك ان يخرج هذا الكلام من رجل دين مسيحى فى بلد اغلبيتة مسلمة
و بعدين نقول ان هناك فتن و ان المسيحيين مظطهدون و الكنائس تهدم و غيرة
يا جماعة الا تلاحظون بين الحين و الاخر يخرج علينا قس ليدلى بتصريح يثير الفتنة
من شوية بيشوى و الان هذا القس
اذكر فى مرة ان عمرو اديب يتكلم مع البابا شنودة عن ذكريا بطرس و سبة للاسلام فرد البابا شنودة رد عجيب
قال ردو علية !!!!!!!!!!!!!!!!!!!!!!!

[one-zero]

اخي مكه روحي
مظبوط هذا حدث فعلا
طب و بعدين
ما هو الحل في رائيك ؟كيف يمكن التعامل مع هذة المواقف؟

[drciicii]

وعلى فكره مش كمان بتصوت بنعم ليه ولا ليه الاهم انها اصبحت لا عند المسيحيين لسبب رئيسي الا وهو عدم قيام دولة اسلامية ...

انا عارف ان الدستور كده كده هيتغير بس يجماعة البلد بتمووت وبتنهار وكمان عايزين تستنو 6 شهور والجيش سايب الحدود ,,والبلطجية منتشرين,, والديون بالجملة ...

حاجة لاصحاب العقول بدون تعصب :

نحن المسلمون نكن كل احترام لشيوخنا الكرام الافاضل ونعلم ان ليس لهم مكاسب شخصية ونثق في كلامهم وخوفهم على البلد وحكمتهم وبصيرتهم التي وهبها الله لبعض منهم او جميعهم فعندما يجتمع أغلبية اهل العلم من المسلمين بقول نعم والعلمانيون والليبراليون و قادة المسيحييين بقول لا....فهل ترى ان نعم و لا في هذه الحالة لمجرد نعم ولا !!!!
ولا تنسى انك مسلم موحد....يعني الموضوع مبقاش مجرد راي شخصي ومع احترامي للجميع اغلبيتنا على قدهم في مسالة التعديلات الدستوره والمواد وغيرها من الامور التي تحتاج متخصصون للكلام فيها..فأحرى بنا ان نقتبس راي علمائنا الافاضل وننهج نهجهم ونعلم ان الله لن يضيعنــا...والله المستعان

[one-zero]

انا عارف ان الدستور كده كده هيتغير بس يجماعة البلد بتمووت وبتنهار وكمان عايزين تستنو 6 شهور والجيش سايب الحدود ,,والبلطجية منتشرين,, والديون بالجملة ...

نفس الكلام بيقوله رجال مبارك قبل التنحي
ننتظر 6 شهور علشان البلد و البلطجيه و الامن

نفس الكلام

وبالمناسبه الجيش سايب الحدود من ايام كامب ديفيد


حن المسلمون نكن كل احترام لشيوخنا الكرام الافاضل ونعلم ان ليس لهم مكاسب شخصية ونثق في كلامهم وخوفهم على البلد وحكمتهم وبصيرتهم التي وهبها الله لبعض منهم او جميعهم فعندما يجتمع أغلبية اهل العلم من المسلمين بقول نعم والعلمانيون والليبراليون و قادة المسيحييين بقول لا....فهل ترى ان نعم و لا في هذه الحالة لمجرد نعم ولا !!!!
ولا تنسى انك مسلم موحد....

هو ده الغلط اللي حصل اخي الحبيب
المتحدثين بأسم الاسلام قالو نعم و المتحدثين بأسم الكنيسه قالو لا

واصبحت نعم و لا هي مباره بين المسليمين و الاقباط
وده اكبر غلط بيحصل دلوقت

مفيش حد بيقول نعم او لا عن اقتناع و دراسة للمواد المعدله بالدستور

دي مصيبه يا جماعه

[moriatte]

مرة أخرى
لا تعليق :D

[MF88]

المؤامره الكبرى

نفسى اعرف هو الشعب المصرى مش ناوى يتعلم ؟؟؟؟؟

الإخوان و القساوسه ليـــــه دخلو نعم و لا كمرآه للواجهه الدينيه ؟؟؟؟؟؟ المفروض ان الواحد شايف التعديلات دى مش مناسبه

و بتدى حريه محدوده فبيقول لا

وواحد شايف ان كده ممتاز فبيقول نعم


عارفين لو ( لا ) للتعديلات الدستوريه خدت الأغلبيه ؟؟؟؟؟؟؟؟؟؟

هتلاقى ناس ( بنت ستين .... ) متنكره فى لبس قساوسه و بابا و مسيحيون بريئون أصلاً من المسيحيه و بيقولو

نطاااااااااااااالب بإلغاء الماده الثانيه من الدستور

و البلد تولع


لما نعم تفوز ( هتلاقى هم هم نفس الناس ولاد ستين الـ .... ) بس لابسين شيوخ و بيقولو ( عايزينها دوله إسلاميه و نطبق الشريعه )

و البلد تولع


ياريت يا جماعه نشغل دماغنا بقى و حرام كفايه تخلف أكتر من كده - ربنا ساترها معانا والله طول الفتره اللى فاتت بس الستر

ده مش هيستمر لو محافظناش عليه بتشغيل الحكمه لـ 5 دقائق

انا صوت من نصف ساعه وقولت لا عشان حاجات كتير مش هذكرها - و أنا حر فى صوتى - و لن أسمح لإنسان مهما كان أن يقوللى

صوت بكذا . لأنى بصراحه هبقى إنسان ناقص الأهليه فى عرف القانون و صوتى يعتبر باطل أمام نفسى .

الشباب اللى طلع عينها فى التحرير فاهمين الناس الحقيره دى

ودول مش أمن دوله ولا حزب وطنى ولا مسيحين ولا حتى مسلمين

دى ناس كده معندهاش لا دين ولا مله - مدفوعلهم مبالغ محترمه - عشان البلد تولع فعلا و تنتهى أسطوره مصر اللى مخوفه العالم

و اللى مش مصدق يتفرج على الفيديوهين بتوع إغتيال السادات - ستصابون بصدمه نفسيه من التنظيم الغريب و الكلاب اللى كانت حواليه

راجل عاش و مات أسد

[مكة روحى]

اخي مكه روحي
مظبوط هذا حدث فعلا
طب و بعدين
ما هو الحل في رائيك ؟كيف يمكن التعامل مع هذة المواقف؟
الحل هو العقاب لمن يحاول ان يثير فتنة او يتطاول على اى اعتقاد
هناك جمعية لحماية الحيوان
فما بالك بالاعتقاد
الكلمة اخطر من السلاح حتى لا نستهين بها
فهناك حروب و فتن قامت بسبب كلمة
الفتنة ان قامت فى مصر فلن يطفئها لا جيش و شرطة لن تنطفى الا بكلمة

[drciicii]

طيب مهوا ده اللي اقصده..يا اخي في ناس كتيير جدا لا تعرف اشياء كثيرة عن الدستور والمواد فاحرى بهم وبنا ان نستشهد بأهل العلم والخبرة (( زي مثلا مابتاخد راي والدك او اي حد ثقة في موضوع معين لخبرته ووعيــه)) وبعدين يا اخي الشيوخ من واجبهم وعي الامة وترشيدهم الى الصواب على قدر علمهم وقدرتهم واجتهادهم...ولم يصدر من شيخ قرار صريح بانك تقول نعم عشان خاطر المسيحيين لا تقوم لهم دولة كما قال بابا المسيحيين اذن فهي اصبحت ليست اراء فقط وانما اراء للوصول الى اهداف معينه لفئة معينة...

بالنسبة للجيش اولا المعاهدة دي انتهت من فترة ثانيا ولنفرض ان كلامك صحيح هل وضع الجيش داخل المدن بالوضع الصحيح..!!
احنا عايزين الوضع الطبيعي يرجع عشان كل واحد ليه مهامه ينجزها عشان نعدي الفترة الصعبة دي....

[moriatte]

بالمناسبة ياجماعة
اسمعوا آخر حديث للشيخ محمد حسان عن الاستفتاء
الراجل طلب التصويت بنعم من أجل الاستقرار و تخفيف العبء عن كاهل الجيش
و مع ذلك قال....كل الاحترام لكل من قال لا فهذا حقهم :rolleyes:
و كل اناء ينضح بما فيه
جميل جدا ان كل واحد يكون ليه موقف
و لكن المهم انه ما يلبسش أقنعة و يبطل تمثيليات

[drciicii]

المؤامره الكبرى


عارفين لو ( لا ) للتعديلات الدستوريه خدت الأغلبيه ؟؟؟؟؟؟؟؟؟؟

هتلاقى ناس ( بنت ستين .... ) متنكره فى لبس قساوسه و بابا و مسيحيون بريئون أصلاً من المسيحيه و بيقولو

نطاااااااااااااالب بإلغاء الماده الثانيه من الدستور

و البلد تولع


لما نعم تفوز ( هتلاقى هم هم نفس الناس ولاد ستين الـ .... ) بس لابسين شيوخ و بيقولو ( عايزينها دوله إسلاميه و نطبق الشريعه )

و البلد تولع




حضرتك نسيت ان مصر دولة اسلامية والاغلبية مسلمين والمفروض ان الحكم يبقى بالشريعة الاسلامية يعني ولاد الستين اللي انت بتتكلم عليهم ده حقهم وحقنا كمسلمين...انما لو عايز حكم امريكا فيبقى في امريكا مش في مصر...

وبتقول ان المصريين مبيتعلموش..مع احترامي ليك شكلك بردو لسه متعلمتش او ........ :confused::confused::confused:

[skyboyextreme]

حدث مثل هذا تماما من قبل الشيوخ و هو ما يرفض بشدة لا يجب انت تكون اراء الناس مملاه عليهم سواء من الجانب المسلم او المسيحى !

[مكة روحى]

^^
ممكن مادة مرئية لما قالة علماء المسلمين
لانى حتى الان لم ارى بعينى

[hack4love]

حتي لو شفت الفديو قبل التصويت كنت هقول لا برده


لاني رائيت ان مصلحه مصر في الرفض وعدم تسليم البلاد للاخوان بالطريقه دي اخوان تعني ايام لجميع المصريين اسوء من ايام الحزب الوطني



بس اي محاوله للمساس بالماده الثانيه لن انتظر التصويت عليها ساخرج للدفاع عنها مصر اسلاميه اسلاميه ولن تكون علمانيه


اي شخص مسلم مسيحي نزل وادلي بصوته من اجل مصلحه شخصيه ولم يضع في الاعتبار مصلحه مصر اولا فهو خائن للامانه

[مكة روحى]

^^ تمام كدة و هذا رأيك من وجهة نظر سليمة
انا رأيى عكسك
الخلاف لا يفسد للود قضية :)

[drciicii]

حتي لو شفت الفديو قبل التصويت كنت هقول لا برده


لاني رائيت ان مصلحه مصر في الرفض وعدم تسليم البلاد للاخوان بالطريقه دي اخوان تعني ايام لجميع المصريين اسوء من ايام الحزب الوطني



بس اي محاوله للمساس بالماده الثانيه لن انتظر التصويت عليها ساخرج للدفاع عنها مصر اسلاميه اسلاميه ولن تكون علمانيه


اي شخص مسلم مسيحي نزل وادلي بصوته من اجل مصلحه شخصيه ولم يضع في الاعتبار مصلحه مصر اولا فهو خائن للامانه

يا اخي انت اتهمت الاخوان اتهام لم يحصل ولا تعلم سياستهم ولا منهجهم الى عن طريق التلفزيون بتاع الحزب الوطني اللي سوء سمعة الاخوان والسلف وعلى فكرة والله والله والله انا مش من الاخوان خالص بس حضرتك خلتهم اسوء من الحزب الوطني على اي اساس ..!!!

وحاجة تانية مين اللي قال ان الاخوان هما الوحيدين اللي هينزلو وهيحكمو...تعرف هوا ده بالظبط اللي الحكومة حفظتو للشعب في عهد حسني مبارك ((الاخوان والاخوان واياكم من الاخوان))

مصر اتغيرت بفضل الله..عايزين نغير افكارنا احنا كمان بمعنى نشوف بعنينا ونقرر..انما نقرر عميانا على اسس مضت ملفقة فمفيش حاجه هتتغير هيفضل الوحش وحش والحلو مش بعيد يبقى وحش..

[hack4love]

يا اخي انت اتهمت الاخوان اتهام لم يحصل ولا تعلم سياستهم ولا منهجهم الى عن طريق التلفزيون بتاع الحزب الوطني اللي سوء سمعة الاخوان والسلف وعلى فكرة والله والله والله انا مش من الاخوان خالص وبنتقد تصرفات كتيرة ليهم بس حضرتك خلتهم اسوء من الحزب الوطني على اي اساس ..!!!

.



انا مخلتهمش بس لا قدر الله الزمن حكم بيني وبينك



ساعطيك مثال بسيط

شوف الكلام قبل الثوره



قال رشاد بيومي أحد قادة الاخوان المسلمين في مصر ان الاخوان سوف يطالبون بالغاء معاهدة السلام مع اسرائيل بمجرد اسقاط نظام الرئيس المصري حسني مبارك .
وقال بيومي , في حوار لمحطة تلفزيون كي اتش ايه اليابانية , ان الاخوان يرون أن هذه المعاهدة هي مهانة للمسلمين ولا تحقق اي مصالح لمصر .
واضاف بيومي ان هذا الطلب سيكون له الأولوية عندما يتم تشكيل حكومة انقاذ وطني موسعة يتم تشكيلها بمجرد اسقاط النظام المصري .



شوف الكلام بعد الثوره


قال د. سعد الكتاتني، المتحدث الإعلامي باسم «الإخوان المسلمين»: إن الجماعة تحترم جميع المعاهدات الموقّعة بين مصر وإسرائيل، موضحاً أن إعادة النظر فيها يرجع للشعب والأطراف التي وقعتها، إذا ما رأت أنها تحقق الهدف من إبرامها.
وقال الكتاتني في تصريحات لشبكة «سي.إن.إن»: إن «الجماعة عارضت اتفاقية كامب ديفيد بين مصر وإسرائيل، حينما كانت تناقَش، لكن عندما تم توقيعها وأُقرت، أصبحت واقعاً ومعاهدة يجب احترامها»، مشدداً على أن «الجماعة تحترم جميع المعاهدات الدولية التي وقعتها مصر».




هذا التناقض وجدته في البرادعي ووجدته في عمروموسي في اكثر من مناسبه

صدقني سارفض اي شخص يفضل مصلحته الشخصيه ويتلاعب بالعقول من اجله مصلحته الشخصيه

ساختار من يخرج واحس انه صادق و بالفعل هو قادم من اجل مصلحه الشعب المصري ورفع كرامته


حكم مصر لمن يخاف عليها ويسعي لمصلحتها ولمصلحه شعبها لا من اجل مصلحه شخصيه

[skyboyextreme]

^^
ممكن مادة مرئية لما قالة علماء المسلمين
لانى حتى الان لم ارى بعينى

https://www.youtube.com/watch?v=_Nwq_4lHiYQ

هذا فيديو للشيخ الزغبى يقول للناس قولو نعم بسبب المادة الثانية فقط.....

من الممكن انت تكون هذه المادة موجودة فى الدستور الجديد فما المشكلة!!

[skyboyextreme]

حضرتك نسيت ان مصر دولة اسلامية والاغلبية مسلمين والمفروض ان الحكم يبقى بالشريعة الاسلامية يعني ولاد الستين اللي انت بتتكلم عليهم ده حقهم وحقنا كمسلمين...انما لو عايز حكم امريكا فيبقى في امريكا مش في مصر...

وبتقول ان المصريين مبيتعلموش..مع احترامي ليك شكلك بردو لسه متعلمتش او ........ :confused::confused::confused:

الدولة الاسلامية التى سيطالب بها هؤلاء هى دولة شبيهه بأفغانستان تعود بنا الى الخلف و لا تساعد على التقدم ابدا و انت تعرف ما اعنيه فهم كل ما يبغوه هو استخدام الدين للسيطرة على الدولة و النظام الايرانى شديد الدكتاتورية اكبر مثال على ذلك !

فاعلم يا اخى بأن اى شخص يبتغى ان يحكم و هو يعتبر نفسه ممثل الله على الارض لن يسمح لك بأن تعارضة ابدا مطلقا حتى و لو كان مخطأ و من ثم يتحول الى دكتاتور اخر اسوء حتى من مبارك نفسه !

[مكة روحى]

عندك الشيخ حسان قال للناس نعم بغض النظر عن السبب حضرتك دائما تعارض و تكذب و تفترض "الكمال" فى احد الجوانب و هو شىء غير واقعى مع الاسف....
لا تعليق
شكرا على ادبك فى الحوار

[ŤǾЯŊΛĐф]

مينفعش يبقى الموضوع هنقول نعم عشان المسيحيين قالوا لأ أو العكس ! ، يعنى لو الإنتخابات فيها عمرو موسى ومرتضى منصور ، والمسحيين اختاروا عمرو موسى ، نختار احنا مرتضى منصور :D


..............

[skyboyextreme]

لا تعليق
شكرا على ادبك فى الحوار

لم اقصد اى تجريح نهائى و مع ذلك اخى اعتذر منك لو احسست بأى اسائة من جانبى....:)

[drciicii]

الدولة الاسلامية التى سيطالب بها هؤلاء هى دولة شبيهه بأفغانستان تعود بنا الى الخلف و لا تساعد على التقدم ابدا و انت تعرف ما اعنيه فهم كل ما يبغوه هو استخدام الدين للسيطرة على الدولة و النظام الايرانى شديد الدكتاتورية اكبر مثال على ذلك !

فاعلم يا اخى بأن اى شخص يبتغى ان يحكم و هو يعتبر نفسه ممثل الله على الارض لن يسمح لك بأن تعارضة ابدا مطلقا حتى و لو كان مخطأ و من ثم يتحول الى دكتاتور اخر اسوء حتى من مبارك نفسه !

الصراحة كلامك صعب قوي ومتعب جدا.. يعني بالله عليك الدولة الاسلامية هيا دولة تخلف ورجعية وافغنستان وكده.. يا اخي زمن المجد والقوة وعزة النفس والكرامة وزمن الخير والبركات كان في عهد الدولة الاسلاميه اللي مش عاجبه حضرتــك...التاريخ يشهد بذلك حتى عند الغرب انفسهم يعلمون ذلك..

صدقني ده اللي بابا حسني واعوانه زرعوه فينا طبعا بجانب الغرب وحكامهم....:mad:

[مكة روحى]

لم اقصد اى تجريح نهائى و مع ذلك اخى اعتذر منك لو احسست بأى اسائة من جانبى....:)
عزيزى انت وصفتنى بالكذب لا ادرى لماذا

كل ما فعلتة انى سألتك عن عالم من المسلمين قال ذلك لانى لم اقف على شئ مثل ذلك
كل ما عليك ان تاتنى بالدليل ثم لننظر فى الدليل هل هو صحيح ام لا
اما انك تقذفنى الكذب هكذا


و على العموم يا عزيزى اعتذارك مقبول :)