مشكلة في درجة حرارة الجهاااز ...

[mirodes94]

ا جماعة ساعدوني بليز ده برنامج sensors view وجايب تلت درجات حرارة مرتفعه ؟؟؟ اعمل ايه وبردو عشان اتأكد شفت درجة حرارة البروسيسور من شاشة البايوس الزرقا دي لقيتها 85 مع العلم ان جهااازي امكانياته كالاتي البروسيسور intel pentium 4 cpu 3.00 ghz والرامات 2 giga kingstone والبوردة جيجا بايت g31m es2l



بليز حد يساعدني ولو هجيب مروحة تبرد البروسيسور ؟؟

اجيب نوع ايه ؟؟

وهل ينفع اغير البرسيسور اللي عندي ولا لا؟ انا سألت وعرفت اني ينفع اغيره بس لازم احط بروسيسور معين تاني ؟؟


ولا ليا حرية الاختيار؟؟؟

يعني انا مثلا كان نفسي احط بروسيسور intel core i5

أو

intel core i7

ينفع ولا لا؟؟؟

ولو ماينفعش ينفع احط intel core 2 duo???

ولا لا؟؟

https://i54.tinypic.com/2eaqz4i.jpg


دي صورة من البرنامج علي جهازي وياريت تردوا عليا ف اسرع وقت انا عارف اني تعبتكم معايا بس معلش سامحوني

ملجوظة :: جهازي شغال عادي بس بيهنج دايما ومش حاسس انه طبيعي ب سرعته كان من فترة جايب نفس المشكلة وكنت حاسس ان العيب من المروحة وديتها لواحد فكلي كل حاجة وركبها من الاول ونظف كل حاجة عشان كان الجهاز بيرستر لوحده وساعات مابيفتحش

قولتله المروحة فيها مشاكل ؟؟ قالي لا شغالة عادي بس ركبلي مروحة علي كارت الشاشة عشان يتبرد كويس وظبطلي بقية المراوح


سؤال دلوقتي انصحوني اعمل ايه؟؟؟ ف كل المشكلة دي


خصوصا اني بحتاج الجهاز يبقي شغال فترة طويلة وشغال ب ويندوز 7


شكرااا ... السلام ختاام

[zxzlsh]

السلام عليكم

هذه القائمة بالمعالجات التي تدعم المذربورد الخاصة بك ...

https://www.gigabyte.com/support-downloads/cpu-support-popup.aspx?pid=3485

و بخصوص البطىء في جاهزك سببه حرارة المعالج .. فكلما زادت حرارتة قل اداءه .. و استخدم ويتدوز xp افضل لك ..

و درجة حرارة المعالج غريبة جدا .. جرب برنامج اخر لقياس حرارة المعالج

بالمناسبة تستطيع عمل سندويش بالبيض على هذه الحرارة ..

[الحاتمي]

الأخ الفاضل mirodes94
قام الأخ zxzlsh مشكوراً بتوضيح أنواع البروسيسرات المدعومة
ولكن لنبحث عن أسباب المشكلة الفعلية

الأهم هو أن تكون على إلمام تام بطريقة التعامل مع أجزاء الكمبيوتر

1- تأكد من أن مسامات المشتت غير مغلقة.
الحل : تنظيف المشتت

2- تأكد من أن مروحة تبريد البروسيور تعمل بشكل جيد.
الحل : التأكد من توصيل مقبس المروحة وإستبدالها في حال عطلها

3- قم بإزالة البروسيسور بهدوء ومن ثم تأكد من أن الأسنان الموجودة في اللوحة الأم غير مكسورة وذلك بتسليط ضوء عليها
غالباً تنكسر الأسنان بسبب سوء وقلة الخبرة أثناء تركيب البروسيسور كما أنها تتسبب في حرارة مرتفعة.
الحل : إن كانت مكسورة هناك إمكانية بإستبدال القاعدة عند الوكيل لكنها ستكلفك كثيراً والأفضل إستبدال اللوحة

4- إذا كانت الأسنان سليمة تماماً ، قم بإستبدال المعالج بأي معالج آخر وأنظر للنتيجة.

جرب ما سبق لتكشف عن أسباب المشكلة ، ونحن بإنتظار النتيجة

[mirodes94]

بصراحة انا مش بعرف اتعامل مع البروسيسور بس ممكن اخلي حد يشوف الكلام اللي بتقولوا عليه ده

بس انا اكتشفت حاجة ممكن تفيدكوا في فهم جهازي اكتر

اكتشفت ان المروحة شغاله اه وبتلف بس الجهاز مش قاريها

يعني بالخطأ اكتشفت ان درجة حرارة البروسيسور بالسالب

-85

استغربت جدااا

شفت الموضوع ده في شاشة البايوس وقارنته ب جهاز والدي مع العلم انه نفس البروسيسور بس رامات اقل وكارت شاشة اقل

لقيت المروحة بتاعته قاريه وشغاله مية مية وجايبة عدد اللفات ولما المسها كده عدد اللفات يقل لحد ما يبقي صفر

(الكلام ده علي مروحة اابويا مش مروحت جهازي انا بس جهازي امبارح نضفته بالبلاور كده لقيته اشتغل كويس شوية)

بس مش السرعة الكافية

عشان البروسيسور اللي عندي كويس الي حد ماا ويستحمل شغل اكتر من كده ب كتير

السؤال دلوقتي ؟؟

هل المروحة مش قارية بسبب عيب من المروحة؟


ام ان العيب ف حاجة ف الجهاز

عشان بس لو جبت مروحة تانية ما ابقاش في نفس الحوار والموضوع وما عملتش حاجة جديده

عشان عايز اعمل مقارنه ... وياريت اسم مروحة كويسة اجيبها ب حيث انها تشغللي الجهاز اطول فترة ممكنة عشان انا مصمم

جرافيك وبحتاج الجهاز شغال فترة طويلة

وبجد شكرا لكل حد رد علي موضوعي وحتي لو ما استفدتش شكرا ليكوا بجد

السلام ختااام