ايفون ولا جالكسي اس ؟

[k h m]

سلام عليكم

محتار بين ايفون 4 ولا جالكسي اس ؟

الميزانية تغطي الاتنين الحمد لله لكن عاوز اعرف الاراء اشترى ايه لانى محتار

يا ريت تفيدوني من غير اى تعصب ضد موديل منهم

[IPHONE4EVER]

نقاط القوة في الأيفون ==>
1- برامج والعاب مالهاش حصر والستور بيكبر كل يوم ولحد دلوقتي اندرويد موصلتش لتلتين عدد البرامج عندنا
الألعاب عندنا افضل بكتير من العاب الأندرويد بتتنوع من الكبيرة بجرافيك عالي زي انفنتي بلاد او الصغيرة المسلية اللي تسليك في اي مكان زي CUT THE ROPE وغيرها
/ 2- تصميم شيك جدا وخامات محترمة علي الرغم ان معرض للكسر من الخلف بسبب استخدام الزجاج
(الأيفون 4 اخد افضل موبيل لعام 2010 والموضوع انا حطة هنا
الأيفون افضل هاتف للعام (https://www.arabhardware.net/forum/showthread.php?t=221589)

بسبب جودة البناء والخامات المستخدمة فية )

/3- دعم مستمر من ابل يعني مهما قدم جهازك ابل بتصدر فريمات وتحديثات دائمة ليك كل دا برا الدعم من الهاكرز والتعديلات اللي بعد الجيلبريك اللي لاغنا عنة لتحسين الأيفون والأستفادة الفعلية منه

/4- شروحات كتير جدا علي الأنترنت واليوتيوب للأيفون والIOS بصفة عامة /افضل تاتش في العالم حتي بعد نزول الجلاكسي اس 2 اللي يعتبر اقرب واحد
في المنافسة ليه من حيث دقة التاتش بغض النظر عن باقي المواصفت اللي ممكن يتفوق فيها الجلاكسي اس اتنين من حيث المواصفات الفنية بصفة عامة هو مش منافس الأيفون 4 هو حيكون منافس للأيفون الجديد النازل شهر يوليو


نقاط الضعف في الأيفون ===>مواصفات الهاردوير اقل من اللي في الساحة /بطارية مدمجة /مفيش امكانية تركيب ميموري خارجي

علي الرغم من نزول حلول للمشكلة دي بتركيب ادابتور لقراية اي ميموري كارد زي دول
https://venturebeat.com/wp-content/uploads/2010/02/zoomIt_PluggedIn.compressed.jpg

او دا

https://cdn1.techbargains.com/icache/2009/09/09/080310.jpeg




***وانا عن نفسي بحترم الأندرويد جدا عشان التقدم اللي وصلولة في وقت قليل
بس عايز اقولك ان صاحب الشعلة الأولي في المنافسة بين السمارت فون الأيفون وابل تقدر تنهيها لو قدمت بعض التنازلات


لو مصمم علي الأندرويد انصحك تستني الجلاكسي اس 2 حيبقي بجد موبيل محترم جدا جدا
او لو الميزانية مش سامحة توكل علي الله في الجلاكسي اس واحد موبيل ممتاز جدا وشاشة بوضوع خرافي سوبر اموليد

ويارت تسأل فادي حيفيدك اكتر مني في الأندرويد

[omaar97]

أخي هناك فرق كبير بالسعر بين الهاتفين لو الميزانية سامحة للآيفون 4 برأيي تنتظر GALAXY S II سيكون تقريباً بنفس السعر

هذه المراجعة قد تفيدك وتظهر تقريباً تساوي بين الإثنين ولكن يبقى الفرق بنظام التشغيل اختر ما يعجبك:

https://www.gsmarena.com/samsung_i9000_galaxy_s_vs_apple_iphone_4-review-500.php

[IPHONE4EVER]

أخي هناك فرق كبير بالسعر بين الهاتفين لو الميزانية سامحة للآيفون 4 برأيي تنتظر GALAXY S II سيكون تقريباً بنفس السعر


كلام سليم وكمان عشان تشوف الأيفون القادم اللي حيكون كالمعتاد نفس سعر الحالي مش حيزيد او يقل السعر :ah7:

[moriatte]

بالمناسبة ياجماعة حد عنده فكرة عن مواصفات ال iphone5؟
هو لحد دلوقتى مش موجود على Gsmarena

[omaar97]

كلام سليم وكمان عشان تشوف الأيفون القادم اللي حيكون كالمعتاد نفس سعر الحالي مش حيزيد او يقل السعر :ah7:


وجدت هذا بخصوص الآيفون 5
https://www.apple-wd.com/tag/iphone-5/#axzz1HnhE8oBX

بالفعل انتظره وقارن بينه وبين GALAXY S II واختار الي يعجبك
لكن إذا كان هناك بالفعل نسخة من الإس 2 بمعالج Tegra 2 سيكون خارق

[Mado_zr]

مميزات الجالكسى
السعر
الشاشة اكبر و افضل فى الوضوح و ان كانت اقل دقة من الايفون
النظام اندرويد بمعنى يوجد له برامج كثيرة جدا مجامية و ايضا المالتى تاسكنج multitaskingأفضل من الايفون و اسرع و هو نظام مفتوح المصدر و يمكن تغيير اى شئء فيه
مساحة تخزينية أكبر و به مكان للميمورى حتى 32جيجا خاصية الفيديو كول اعتقد انها غير موجودة فى الايفون الا باى فون مثله عير متأكد
لا يحتاج الى جيلبريك اشارته قوية عكس الايفون

[moriatte]

الأيفون من وجهة نظرى ميزته هو الشياكة و البرستيج
فئة محدودة هى اللى بتشيله
خصوصا ال 4G
لكنه لا يضاهى بقوة الأندرويد.....و لا يقارن بهاردوير الجالاكسى....و لكنه يتفوق عليه طبعا فى المظهر الخارجى
فى ناس بتقتنى الأيفون لمجرد انها يتقال معاها الأيفون....ولا فارقة معاهم الهاردوير و لا البرامج....وجاهة مش أكتر
اللى بيجيب موبايل أندرويد بيدور على امكانيات و برامج.....الخ
السوق و التفكير هنا فى مصر لسه ما اتغيرش
الناس حافظة مش فاهمة
الموبايل اللى يعمر و ليه سوق لازم يبقى نوكيا.....و لو معاك قرشين حلوين يبقى هات أيفون.....و هكذا

[IPHONE4EVER]

بالمناسبة ياجماعة حد عنده فكرة عن مواصفات ال iphone5؟
هو لحد دلوقتى مش موجود على Gsmarena



ايوة هو لسة مش موجود كلة اشاعات حتي الأن بس بص علي الموضوع دا انا عاملة من كتم يوم في صورة عن مواصفات وتقدير نسبة احتمال تواجدها في الأيفون الجاي
هنا توضع كل اخبار الأيفون 5 (اخبار-تصورات-اشاعات قوية ) (https://www.arabhardware.net/forum/showthread.php?t=223958)

[IPHONE4EVER]

الأيفون من وجهة نظرى ميزته هو الشياكة و البرستيج
فئة محدودة هى اللى بتشيله
خصوصا ال 4G
لكنه لا يضاهى بقوة الأندرويد.....و لا يقارن بهاردوير الجالاكسى....و لكنه يتفوق عليه طبعا فى المظهر الخارجى
فى ناس بتقتنى الأيفون لمجرد انها يتقال معاها الأيفون....ولا فارقة معاهم الهاردوير و لا البرامج....وجاهة مش أكتر
اللى بيجيب موبايل أندرويد بيدور على امكانيات و برامج.....الخ
السوق و التفكير هنا فى مصر لسه ما اتغيرش
الناس حافظة مش فاهمة
الموبايل اللى يعمر و ليه سوق لازم يبقى نوكيا.....و لو معاك قرشين حلوين يبقى هات أيفون.....و هكذا


اختلف معاك في تعميمك مش كل اللي ماسك الأيفون وجاهه او كدا علي الرغم ان كهاردوير موبيلات كتير تغلبة
مش معناة ان السوفتوير في الضياع زي محضرتك مبتوصل من بعد الجيلبريك ممكن تعمل تعديلات كتيير للجهاز كفاية كمية الأدوات اللي في السيديا
اما عن معلومات حضرتك بخصوص البرامج عايز اقولك ان برامج الستور اكتر من برامج الأندرويد بكتيير وممكن تستعين بأي موقع احصاء او حتي الويكيبيديا في برامج في الأندرويد مش موجودة عندنا بس احنا بنأديها بطريقة تانية
+انا متكلمتش عن ادوات السيديا خالص اللي بتخليني اعمل تعديل في السيستم برا بقي عن تحكم ابل

اي حاجة بتعملها في الأندرويد بتتعمل عندنا علي اختلاف الوسيلة بس ممكن اسهل عندكم بس بتتعمل عندنا وانا مستعد لنقاش بخصوص النقطة دي وحقول بحيادية تامة

[k h m]

الأيفون من وجهة نظرى ميزته هو الشياكة و البرستيج
فئة محدودة هى اللى بتشيله
خصوصا ال 4G
لكنه لا يضاهى بقوة الأندرويد.....و لا يقارن بهاردوير الجالاكسى....و لكنه يتفوق عليه طبعا فى المظهر الخارجى
فى ناس بتقتنى الأيفون لمجرد انها يتقال معاها الأيفون....ولا فارقة معاهم الهاردوير و لا البرامج....وجاهة مش أكتر
اللى بيجيب موبايل أندرويد بيدور على امكانيات و برامج.....الخ
السوق و التفكير هنا فى مصر لسه ما اتغيرش
الناس حافظة مش فاهمة
الموبايل اللى يعمر و ليه سوق لازم يبقى نوكيا.....و لو معاك قرشين حلوين يبقى هات أيفون.....و هكذا
بس القصة معايا مش موضوع حافظ مش فاهم ولا علشان قرشين حلوين عاوز اجيب ايفون اخى الكريم :)

[moriatte]

اختلف معاك في تعميمك مش كل اللي ماسك الأيفون وجاهه او كدا علي الرغم ان كهاردوير موبيلات كتير تغلبة
مش معناة ان السوفتوير في الضياع زي محضرتك مبتوصل من بعد الجيلبريك ممكن تعمل تعديلات كتيير للجهاز كفاية كمية الأدوات اللي في السيديا
اما عن معلومات حضرتك بخصوص البرامج عايز اقولك ان برامج الستور اكتر من برامج الأندرويد بكتيير وممكن تستعين بأي موقع احصاء او حتي الويكيبيديا في برامج في الأندرويد مش موجودة عندنا بس احنا بنأديها بطريقة تانية
+انا متكلمتش عن ادوات السيديا خالص اللي بتخليني اعمل تعديل في السيستم برا بقي عن تحكم ابل


اي حاجة بتعملها في الأندرويد بتتعمل عندنا علي اختلاف الوسيلة بس ممكن اسهل عندكم بس بتتعمل عندنا وانا مستعد لنقاش بخصوص النقطة دي وحقول بحيادية تامة


لا طبعا أنا عمرى ما قلت ان الأيفون السوفت وير بتاعه فى الضياع :D
مش أنا اللى هاتكلم عن الأيفون يعنى
كفاية انه لحد النهاردة التليفون رقم واحد فى أمريكا و بيثقوا فيه ثقة مطلقة
لكن أكيد انتو متفقين معايا ان المستقبل للأندرويد
لكن طبعا أبل منافس شرس جدا ومش هيسكت و كل يوم بيقدم جديد

KHM أنا كنت باتكلم بشكل عام عن التفكير فى مصر مكنتش أقصدك خالص انت والله :o
ربنا يكرمك و تجيب الموبايل اللى انت عاوزه....أنا عارف انه شىء محير و عموما صلى استخارة و توكل على الله

بالمناسبة.......أنا منتظر أشوف سعر الجالاكسى تو هيبقى كام
و الأيفون 5 لما هينول هتبقى مواصفاته ايه و سعره كام
لو لقيت الفرق مش كبير احتمال أجيب الأيفون 5 :D

صراحة أنا شخصيا مش مقتنع انى أجيب الأيفون 4G أو الجالاكسى 1 دلوقتى

[moriatte]

بالمناسبة يا جماعة البطارية مع الأيفون بتقعد وقت قد ايه
صراحة البطارية مع الجالاكسى 1 شىء محبط جدا
البطارية لو ما استخدمتش الموبايل غير فى الكلام يادوب تقعد معاك يومين
لو استخدمت بقى الواى فاى و باقى امكانيات الموبايل ما بتقفلش معاك اليوم

حتى الجالاكسى 2 لحد النهاردة مش لاقى أى مراجعة فيديو بتتكلم فيه عن النقطة دى.....لأنه نازل ببطارية أقوى بشكل بسيط من الجالاكسى 1......لكن لسه مفيش أى كلام عنها لحد دلوقتى حتى على gsmarena

[IPHONE4EVER]

لا طبعا أنا عمرى ما قلت ان الأيفون السوفت وير بتاعه فى الضياع :D
مش أنا اللى هاتكلم عن الأيفون يعنى
كفاية انه لحد النهاردة التليفون رقم واحد فى أمريكا و بيثقوا فيه ثقة مطلقة
لكن أكيد انتو متفقين معايا ان المستقبل للأندرويد
لكن طبعا أبل منافس شرس جدا ومش هيسكت و كل يوم بيقدم جديد

KHM أنا كنت باتكلم بشكل عام عن التفكير فى مصر مكنتش أقصدك خالص انت والله :o
ربنا يكرمك و تجيب الموبايل اللى انت عاوزه....أنا عارف انه شىء محير و عموما صلى استخارة و توكل على الله

بالمناسبة.......أنا منتظر أشوف سعر الجالاكسى تو هيبقى كام
و الأيفون 5 لما هينول هتبقى مواصفاته ايه و سعره كام
لو لقيت الفرق مش كبير احتمال أجيب الأيفون 5 :D

صراحة أنا شخصيا مش مقتنع انى أجيب الأيفون 4G أو الجالاكسى 1 دلوقتى



انا متفق معاك ان المستقبل لأندرويد وتقدمها سريع جدا وانا متابع جدا
بس الأيفون لسة ممتش :D:D لسة لينا نقط قوة :ah7:
الأيفون 5 انا اعرف سعرة انا مواصفاتة محدش متاكد بس هو الخبر الأكيد المؤكد ان حيبقي في تغيير في الشاشة لأن دي نقطة القوة في اندرويد السعر زي كل مرة ولا حيزيد ولا حيقل ونفس ميعاد النزول المعتاد

الجلاكسي 2 بيقولم حينزل الشهر الجاي في السعودية ربنا يسهل

[IPHONE4EVER]

بالمناسبة يا جماعة البطارية مع الأيفون بتقعد وقت قد ايه
صراحة البطارية مع الجالاكسى 1 شىء محبط جدا
البطارية لو ما استخدمتش الموبايل غير فى الكلام يادوب تقعد معاك يومين
لو استخدمت بقى الواى فاى و باقى امكانيات الموبايل ما بتقفلش معاك اليوم

حتى الجالاكسى 2 لحد النهاردة مش لاقى أى مراجعة فيديو بتتكلم فيه عن النقطة دى.....لأنه نازل ببطارية أقوى بشكل بسيط من الجالاكسى 1......لكن لسه مفيش أى كلام عنها لحد دلوقتى حتى على gsmarena



نفس الكلام عندنا يومين او يوم ونص
بس انا استخدامي مش كلام بس ومشغل خدمة ال push مجربتش اقفلها واقيس المدة اللي بيقعد فيها ستاند باي ويضلم :D

[moriatte]

على كدا بقى سعر الأيفون 5 متوقع يكون كام؟
أصل الناس قاعدين فى الأوضة اللى جنبنا بيقولوا فى أسعار الجالاكسى 2 كلام مش حلو خالص :ah46::eek::D
أنا حاسس كدا ان أبل هتعمل أكبر مقلب فى سامسونج و تنزل الأيفون 5 بسعر مقارب جدا للجالاكس 2......ساعتها هيبقى قلم حكومة و ضربة معلم :D

[IPHONE4EVER]

على كدا بقى سعر الأيفون 5 متوقع يكون كام؟
أصل الناس قاعدين فى الأوضة اللى جنبنا بيقولوا فى أسعار الجالاكسى 2 كلام مش حلو خالص :ah46::eek::D
أنا حاسس كدا ان أبل هتعمل أكبر مقلب فى سامسونج و تنزل الأيفون 5 بسعر مقارب جدا للجالاكس 2......ساعتها هيبقى قلم حكومة و ضربة معلم :D



الأيفون من ايام ال3 جي بينزل بسعر واحد ولا قل ولا زاد حقولك اسعار السعودية من موبيلي مفتوح رسمي علي عكس شركاتنا الحبيبة في مصر :D:D
بيكون عامل بالمصري 3950 جنية مصري اللي هو ال16 جيجا (2700 ريال) دا طبعا بيتخطف مبيبقاش موجود /السوق السودا في السعودية بيكون عامل 4500 جنية مصري ل4700 جنية

يعني في جميع الأحوال ارخص بكتير من مصر ومفتوح رسمي دا كان سعر الأيفون ال3جي ال8 جيجا ومن بعدة ال3جي اس ال16 ومن بعدة الأيفون 4 ال16

سبب غلو سعر الجلاكسيII الشاشة السوبر اموليد + الكبيرة وكمان بدأوا يستخدموا خامات نضيفة مع اني لسة ممسكتهوش بس اتمني ميكونش الضهر بلاستيك ويبقي جودة البناء بتاعتة اعلي شوية

[moriatte]

طيب و الأيفون 5 متوقع يكون سعره كام؟
عندك فكرة؟

[IPHONE4EVER]

طيب و الأيفون 5 متوقع يكون سعره كام؟
عندك فكرة؟



اعتقد حينزل بنفس السعر المعتاد مش حيزيد عن كدا عشان هو بيجي بيحل محل التليفون الحالي والحالي بيقل سعرة شوية

[moriatte]

اعتقد حينزل بنفس السعر المعتاد مش حيزيد عن كدا عشان هو بيجي بيحل محل التليفون الحالي والحالي بيقل سعرة شوية



الكلام دا لو حصل يبقى الجالاكسى تو هيتضرب فى مقتل :D

[IPHONE4EVER]

الكلام دا لو حصل يبقى الجالاكسى تو هيتضرب فى مقتل :D


بس حوار ال6000 او 5500 للجلاكسي اتنين لسة مش مؤكد انما لو كدا يبقي سامسونج بتستهبل وبتتبغدد قوي علي محبيها :ah42:

بعدين انا بقي قريت خبر في الكفي من مصدر اجنبي ان الهوني كومب اللي هو 3.0 شكلة كدا الأصدار مفتوح المصدر حيتأخر بمعني ان السورس كود جوجل مش جاهزة او مش مستعدة تصدرة الأن

https://www.androidcentral.com/google-not-open-sourcing-honeycomb-says-bloomberg (https://www.androidcentral.com/google-not-open-sourcing-honeycomb-says-bloomberg)

طبعا الخبر لسة متاكدش بس هو من مصدر قوي بس لو اتأكد كدا جوجل حبة حبة بتتحول بتبقي شبة ابل بتقفلها بحجة انها عايزة تتحكم بالتجربة اللوحية بشكل أفضل من الهواتف الذكية التي تعاني من مشكلة التقسيم الشديد وإختلاف التجربة من هاتف إلى أخر دا زي مبيقول المصدر :rolleyes::ah46::eek:
دا بيفكرني بحوار لستيف جوبس
قال (مشكلة الاندرويد الوحيدة هي التشتت) لكن الكل ضحك عليه
بس شكل جوجل لقت انها لازم تعمل شوية تحكم مش حلو انك سايب كلة عايم كلة يعدل زي ماهو عايز ودا يفتح الباب لل SPAM PROGRAMوالتجسس طبعا
وكمان عدم المعيارية في الأجهزة ودا بيضر المطوريين بيعمل اللعبة ومش عارف حتشتغل علي كل المنصات ولا لأ عشان الأندرويد علي تليفونات كتير واداءة من تليفون لأخر بيختلف مش واحد

[moriatte]

خليهم يخبطوا فى بعض
و أهو كله فى مصلحة المستهلك :D